ປະເທດລາວ

ນາຍົກເອົາໃຈໃສ່ຕໍ່ຜູ້ທີ່ໄດ້ຮັບເຄາະຮ້າຍຈາກນໍ້າຖ້ວມ

16:16 - 2019/09/11

ພາຍຫຼັງທີ່ທ່ານນາຍົກລັດຖະມົນຕີ ທອງລຸນ ສີສຸລິດ ສຳເລັດພາລະກິດ ຕ້ອນຮັບແຂກ ຂັ້ນສູງຈາກຕ່າງປະເທດ (ປະທານາທິບໍດີ ສ. ເກົາຫລີ) ທີ່ມາຢ້ຽມຢາມລັດຖະກິດ ສສປ ລາວ ຢ່າງເປັນທາງການ, ຈາກນັ້ນ ໃນລະຫວ່າງວັນທີ 7-8 ກັນຍາ 2019, ຊຶ່ງເປັນວັນພັກລັດຖະການ, ທ່ານໄດ້ຮີບຮ້ອນເດີນທາງລົງໄປຢ້ຽມຢາມ, ພົບປະໂອ້ລົມ, ມອບເຄື່ອງຊ່ວຍເຫຼືອ ແລະ ໃຫ້ກຳລັງໃຈແກ່ພໍ່ແມ່ປະຊາຊົນ ທີ່ປະສົບໄພ ນໍ້າຖ້ວມ ຢູ່ສະຖານທີ່ຕ່າງໆ ເປັນຕົ້ນ ທີ່ເມືອງ ຈຳພອນ, ແຂວງສະຫວັນນະເຂດ; ເມືອງຄົງ ເຊໂດນ, ແຂວງສາລະວັນ; ເມືອງຊະນະສົມບູນ, ແຂວງຈຳສັກ.

ສປປ ລາວ ມີແຫລ່ງມໍລະດົກໂລກ ທັງໝົດ 3 ແຫ່ງ 1 ລາຍການ

15:15 - 2019/09/11

ປັດຈຸບັນ, ສປປ ລາວ ມີແຫລ່ງມໍລະດົກໂລກ ທີ່ຖືກຮັບຮອງຢ່າງເປັນທາງການ ຈາກອົງ ການອຸຍແນດສະໂກ ຫລື (ອົງການສະຫະປະຊາຊາດເພື່ອການສຶກສາ, ວິທະຍາດສາດ ແລະ ວັດທະນະ ທຳ - UNESCO) ທັງໝົດ 3 ແຫ່ງ ແລະ 1 ລາຍການ ທີ່ເປັນມໍລະດົກໂລກ ວັດທະນະທຳນາມມະທຳ ທີ່ບໍ່ເປັນວັດຖຸ.

ສະພາບພາຍຸ ແລະ ນ້ຳຖ້ວມຢູ່ບັນດາແຂວງພາກໃຕ້ ແລະ ພາກກາງຂອງລາວ

14:41 - 2019/09/11

ຍສໝ - ສະພາບນໍ້າຖ້ວມ ຢູ່ ບັນດາແຂວງພາກໃຕ້ ແລະ ພາກກາງຂອງລາວ ມາຮອດ ຕອນເຊົ້າວັນທີ 9 ກັນ 2019 ນໍ້າ ຍັງສືບຕໍ່ຍຶ່ງຂຶ້ນ, ປະຊາຊົນສືບຕໍ່ ຍົກຍ້າຍອອກຈາກເຮືອນ ຂອງ ເຂົາເຈົ້າທີ່ຖືກນໍ້າຖ້ວມຂຶ້ນໄປຢູ່ ບ່ອນສູງ, ທັງບ່ອນທີ່ທາງອໍານາດ ການປົກຄອງຈັດໃຫ້ ແລະ ໄປອາ ໄສນໍາເຮືອນພີ່ນ້ອງຢູ່ເຂດໃກ້ ຄຽງທີ່ປອດໄພ.

ທ່ານ ປອ ໂພໄຊ ໄຊຍະສອນ ລົງເຄື່ອນໄຫວ ເກັບກຳສະພາບການນ້ຳຖ້ວມຢູ່ 3 ເມືອງ

13:52 - 2019/09/11

ວັນທີ 4 ກັນຍານີ້, ທ່ານ ປອ ໂພໄຊ ໄຊຍະສອນ ຮອງເຈົ້າແຂວງສະຫວັນນະເຂດ ພ້ອມຄະນະ ໄດ້ລົງຕິດຕາມເບິ່ງສະພາບການນ້ຳຖ້ວມ ພ້ອມທັງວາງແຜນການຮັບມື ຮັບມືນ້ຳຖ້ວມ ແລະ ຕິດຕາມສະພາບການນ້ຳຖ້ວມພ້ອມທັງມອບນ້ຳດື່ມ ໃຫ້ເມືອງໄຊບູລີ ໂດຍການຕ້ອນຮັບຂອງທ່ານ ອ່ອນລຳພັນ ບົວສີແກ້ວ ເຈົ້່າເມືອງໄຊບູລີ ພ້ອມດ້ວຍໍຄະນະ.

ກຽມພົບງານວາງສະແດງລົດ ນານາຊາດວຽງຈັນ ມໍເຕີເອັກໂປຣ 2019 ໃນທ້າຍເດືອນນີ້

10:47 - 2019/09/11

ໃນວັນທີ 9 ກັນຍາ 2019 ທີ່ນະຄອນຫລວງວຽງຈັນ ໄດ້ມີພິທີຖະແຫລງຂ່າວ ເປີດງານວາງສະແດງລົດ ນານາຊາດວຽງຈັນ ມໍເຕີເອັກໂປຣ 2019 ຄັ້ງທີ 4 (Vientiane International Motor Expo 2019) ໃນລະຫວ່າງວັນທີ 28 ກັນຍາ ຫາ 6 ຕຸລາ 2019 ທີ່ສູນການຄ້າລາວ-ໄອເຕັກ(ຕຶກເກົ່າ); ງານດັ່ງກ່າວ ພາຍໃຕ້ຫົວຂໍ້ “ຖືກ, ປະຢັດ ແລະ ທັນສະໄໝ” ໂດຍການຮ່ວມຖະແຫລງຂອງທ່ານ ໄຊສົມເພັດ ນໍລະສິງ ຕາງໜ້າກົມສົ່ງເສີມການຄ້າ ກະຊວງອຸດສາຫະກຳ ແລະ ການຄ້າ, ທ່ານ ພອນຈັນ ເພັງສຸວັນ ຜູ້ອຳນວຍການ ບໍລິສັດ ພີໄຊໂຍ ເອັນເຕີເທັນເມັນ ແອນອໍກາຍເຊີ ຈຳກັດ ຜູ້ດຽວ, ມີຜູ້ຕາງໜ້າຈາກທະນາຄານ ມາຣູຮານເຈແປນລາວ, ບໍລິສັດລາວເວີນມະຫານຊົນ ແລະ ບໍລິສັດທິບພະຍະປະກັນໄພຈຳກັດ ພ້ອມດ້ວຍບັນດາສື່ມວນຊົນເຂົ້າຮ່ວມ.

ລັດຖະມົນຕີ ຮສສ ຮຽກຮ້ອງໃຫ້ທົ່ວສັງຄົມພ້ອມໃຈ ປະກອບສ່ວນຊ່ວຍເຫລືອ ຜູ້ປະສົບໄພນ້ຳຖ້ວມ

09:45 - 2019/09/11

ໃນວັນທີ 10 ສິງຫາ 2019, ທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ (ຮສສ) ປະທານຄະນະກຳມະການປ້ອງກັນ ແລະ ຄວບຄຸມໄພພິບັດແຫ່ງຊາດ ໄດ້ຮຽກຮ້ອງມາຍັງທຸກພາກສ່ວນ ທົ່ວສັງຄົມ ທັງນິຕິບຸກຄົນ, ພາກລັດ ແລະ ເອກະຊົນ ຈົ່ງພ້ອມໃຈກັນປະກອບສ່ວນຊ່ວຍເຫລືອ ຜູ້ປະສົບໄພພິບັດນ້ຳຖ້ວມ ຢູ່ບັນດາແຂວງພາກກາງ ແລະ ພາກໃຕ້ ໂດຍສະເພາະແມ່ນ ເຕັ້ນພັກຊົ່ວຄາວ, ເຄື່ອງອຸປະໂພກ-ບໍລິໂພກ, ເຂົ້າສານ, ອາຫານ, ນໍ້າດື່ມ, ເຄື່ອງໃຊ້ຄົວເຮືອນ, ເຄື່ອງນອນ, ຢາປົວພະຍາດ, ເຮືອພ້ອມຄົນຂັບ, ງົບປະມານຮັບໃຊ້ ແລະ ອື່ນໆ ເພາະປະຊາຊົນຜູ້ຖືກຜົນກະທົບ ຍັງມີຄວາມຕ້ອງການຢ່າງຫລວງຫລາຍ.

ອີຢູ ສະໜັບສະໜູນ ສປປ ລາວ ເຊື່ອມໂຍງດ້ານການຄ້າກັບອາຊຽນ

09:20 - 2019/09/11

ສະຫະພາບ ເອຣົບ (ອີຢູ) ໄດ້ເພີ່ມທຶນ 5 ລ້ານເອີໂຣ ຫລື 48 ຕື້ກວ່າກີບ ໃນການສະໜັບສະໜູນ ໂຄງການ ເຊື່ອມໂຍງ ພາກພື້ນອາຊຽນ ແລະ ການຊ່ວຍເຫລືອ ດ້ານການຄ້າ ທີ່ກ່ຽວຂ້ອງກັບ ສປປ ລາວ (ARISE Plus-ສປປ ລາວ) ໂດຍສຸມໃສ່ ຜູ້ປະກອບການ ຂະໜາດນ້ອຍ ແລະ ຂະໜາດກາງ ເພື່ອແນໃສ່ ສົ່ງເສີມການກະຕຸ້ນ ທາງດ້ານ ເສດຖະກິດລວມ, ສ້າງຄວາມສາມາດ ໃນການສົ່ງອອກ ແລະ ການສ້າງວຽກເຮັດງານທຳ ທັງເປັນການ ສ້າງຄວາມຕ້ານທານ ກັບການປ່ຽນແປງ ຂອງດິນຟ້າອາກາດ ໃນ ສປ ປ ລາວ. ໂຄງການດັ່ງກ່າວ ຈະຈັດຕັ້ງປະຕິບັດ ເປັນໄລຍະ 4 ປີຂ້າງໜ້າ ໂດຍກະຊວງ ອຸດສາຫະກຳ ແລະ ການຄ້າ, ກະຊວງກະສິກຳ ແລະ ປ່າໄມ້ ແລະ ສູນການຄ້າສາກົນ.

ຫາລືເລັ່ງແກ້ໄຂບັນຫາໄພພິບັດນ້ຳຖ້ວມຮີບດ່ວນ ຢູ່ແຂວງພາກກາງ ແລະ ພາກໃຕ້

15:50 - 2019/09/10

ກະຊວງແຮງງານ ແລະ ສະຫວັດດີການສັງຄົມ (ຮສສ) ໄດ້ຈັດກອງປະຊຸມສຸກເສີນຄະນະກຳມະການປ້ອງກັນ ແລະ ຄວບຄຸມໄພພິບັດແຫ່ງຊາດ ເພື່ອປືກສາຫາລືການແກ້ໄຂບັນຫາໄພນ້ຳຖ້ວມຢູ່ 6 ແຂວງ ຂຶ້ນວັນທີ 9 ກັນຍາ 2019 ທີ່ກະຊວງ ຮສສ ເປັນປະທານຂອງທ່ານ ຄຳແພງ ໄຊສົມແພງ ລັດຖະມົນຕີກະຊວງ ຮສສ ປະທານຄະນະກຳມະການປ້ອງກັນ ແລະ ຄວບຄຸມໄພພິບັດແຫ່ງຊາດ ມີທ່ານຮອງລັດຖະມົນຕີ ຄະນະກຳມະການປ້ອງກັນ ແລະ ຄວບຄຸມໄພພິບັດແຫ່ງຊາດ ແລະ ພາກສ່ວນກ່ຽວຂ້ອງເຂົ້າຮ່ວມ.

ຄະນະການນຳຫວຽດນາມສົ່ງຖາມຂ່າວຄາວກ່ຽວກັບສະພາບນໍ້າຖ້ວມຢູ່ລາວ

11:15 - 2019/09/10

ຍສໝ - ໃນການຖາມຂ່າວຄາວ, ຄະນະການນຳຫວຽດນາມໄດ້ສະແດງຄວາມເປັນຫ່ວງເປັນໄຍ່ກ່ຽວກັບສະພາບນ້ຳຖ້ວມປັດຈຸບັນຢູ່ລາວ ແລະ ໄດ້ສົ່ງຄຳຖາມຂ່າວຄາວທີ່ສຸດອົກສຸດໃຈແລະເລິກເຊິ່ງເຖິງບັນດາຜູ້ນຳແລະປະຊາຊົນລາວ.

ຄົນລາວບໍ່ຖິ້ມກັນ ຮ່ວມໃຈຊ່ວຍເຫລືອຜູ້ປະສົບໄພນ້ຳຖ້ວມ

20:44 - 2019/09/09

ທຸກຄັ້ງຍາມທີ່ເກີດໄພພິບັດທາງທຳມະຊາດ ເປັນຕົ້ນແມ່ນໄພນ້ຳຖ້ວມ ອັນເປັນເຫດທີ່ສົ່ງຜົນກະທົບຢ່າງຮ້າຍແຮງຕໍ່ຊີວິດ, ຊັບສິນ, ພື້ນຖານໂຄງລ່າງເສດຖະກິດ-ສັງຄົມ, ເນື້ອທີ່ທຳການຜະລິດ ແລະ ອື່ນໆ ໃນປະເທດລາວ. ສະນັ້ນ, ພີ່ນ້ອງຊາວລາວທຸກຖ້ວນໜ້າ ແມ່ນບໍ່ເຄີຍຖິ້ມກັນ, ບໍ່ເຄີຍປະໃຫ້ຜູ້ປະສົບໄພ ຕ້ອງຜະເຊີນໜ້າຕາມລຳພັງ, ບໍ່ຖິ້ມໃຫ້ເຂົາເຈົ້າຕ້ອງດຽວດາຍ ແລະ ອຶດຫິວ; ທຸກໆຄົນ ຈະຫາທາງ ໃຫ້ຄວາມຊ່ວຍເຫລືອ ຕາມຄວາມສາມາດ ຂອງຕົນ ມີທັງເງິນສົດ, ເຄື່ອງອຸປະໂພກ-ບໍລິໂພກທີ່ຈຳ ເປັນ, ຢາປົວຍາດ ລວມທັງກຳລັງໃຈ.

ທ່ານນາຍົກ ຢ້ຽມຢາມ ແລະ ຊຸກຍູ້ການແກ້ໄຂໄພນໍ້າຖ້ວມຢູ່ 3 ແຂວງພາກໃຕ້

06:27 - 2019/09/09

ໃນວັນທີ 7 ກັນຍາ 2019 ທ່ານ ທອງລຸນ ສີສຸລິດ,ນາຍົກລັດຖະມົນຕີ ພ້ອມດ້ວຍຄະນະໄດ້ລົງເຄື່ອນໄຫວຢ້ຽມຢາມ ເພື່ອພົບປະໂອ້ລົມ, ໃຫ້ກຳລັງໃຈພໍ່ແມ່ປະຊາຊົນ ແລະ ຊຸກຍູ້ການແກ້ໄຂ ໄພນ້ຳຖ້ວມ ຢູ່ແຂວງ ສະຫວັນນະເຂດ, ສາລະວັນ ແລະ ຈຳປາສັກ.

ກອງທັບນຳໃຊ້ທຸກທ່າແຮງເຂົ້າໃນການກອບກູ້ໄພພິບັດຢູ່ 6 ແຂວງພາກກາງ ແລະ ພາກໃຕ້

08:58 - 2019/09/08

ເນື່ອງຈາກອິດທິພົນຂອງລົມພາຍຸໜູນເຂດຮ້ອນໂພດູ ແລະ ລົມພາຍຸ ກາຈິກີ, ຫົວທີ 4 ມີຈຸດສູນກາງ 15.9 ອົງສາເໜືອ, ເສັ້ນ ແວງ 107.1 ອົງສາ ຕາເວັນ ອອກສືບຕໍ່ຜັດຜ່ານບັນດາແຂວງ ພາກກາງ ແລະ ພາກໃຕ້ ເຮັດໃຫ້ ມີຝົນຕົກໜັກ ແລະ ເກີດນໍ້າຖ້ວມຢູ່ 6 ແຂວງພາກກາງ ແລະ ພາກໃຕ້ເຊັ່ນ: ແຂວງຄຳມ່ວນ, ສະຫວັນນະເຂດ, ຈຳປາສັກ, ສາລະວັນ, ອັດຕະປື ແລະ ແຂວງເຊກອງ, ເຊິ່ງສົ່ງຜົນກະທົບໂດຍກົງຕໍ່ປະ ຊາຊົນໃນ 37 ເມືອງ, 788 ບ້ານ.

ລາວ ແລະ ສ. ເກົາຫຼີ ໄດ້ເຊັນບົດບັນທຶກຊ່ວຍຮ່ວມມື 4 ສະບັບການເມືອງທີ່ ສຳຄັນ

08:54 - 2019/09/08

ໃນລະຫວ່າງວັນທີ 05-06 ກັນຍາ 2019, ພະນະທ່ານ Moon Jae-in ປະທານາທິບໍດີ ແຫ່ງ ສາທາລະນະລັດ ເກົາຫຼີ ພ້ອມພັນ ລະຍາ ແລະ ຄະນະ ໄດ້ເດີນທາງ ມາຢ້ຽມຢາມທາງລັດຖະກິດຢ່າງ ເປັນທາງການ ທີ່ ສປປ ລາວ ເພື່ອເສີມຂະຫຍາຍ ຮັດແໜ້ນສາຍພົວພັນມິດຕະພາບ ແລະ ການຮ່ວມມືອັນດີງາມ ລະ ຫວ່າງ ສປປ ລາວ ແລະ ສ ເກົາ ຫຼີ ໃຫ້ນັບມື້ແຕກດອກອອກຜົນ ຍິ່ງຂຶ້ນ ເພື່ອຜົນປະໂຫຍດ ແລະ ຄວາມສົມບູນພູນສຸກຂອງປະຊາຊົນສອງຊາດ ລາວ-ສ ເກົາຫຼີ

ລາວ: ປະຊາຊົນ 6 ແຂວງທີ່ຖືກນໍ້າຖ້ວມ ຕ້ອງການຄວາມຊ່ວຍເຫລືອຮີບດ່ວນ

13:55 - 2019/09/06

ປັດຈຸບັນ ປະຊາຊົນ 6 ແຂວງ ເຊິ່ງປະກອບມີ: ແຂວງຄຳມ່ວນ, ສະຫວັນນະເຂດ, ອັດຕະປື, ສາລະວັນ, ສາລະວັນ ແລະ ຈຳປາສັກ ທີ່ຖືກຜົນກະທົບຈາກນ້ຳຖ້ວມ 37 ເມືອງ, 788 ບ້ານ, 54.207 ຄອບຄົວ ກຳລັງຕ້ອງການ ຄວາມຊ່ວຍເຫລືອຢ່າງຮີບດ່ວນ ໂດຍສະເພາະແມ່ນ ເຄື່ອງອຸປະໂພກ-ບໍລິໂພກ ເປັນຕົ້ນ ແມ່ນອາຫານ, ນ້ຳດື່ມ, ເຄື່ອງໃຊ້ຄົວເຮືອນ, ເຄື່ອງນອນ, ເຮືອພ້ອມຄົນຂັບ, ງົບປະມາຮັບໃຊ້ ແລະ ອື່ນໆ.