ເດັກ-ໄວໜຸ່ມ ສະເໜີການແກ້ໄຂບັນຫາ ໃນການປະຕິບັດສິດທິຂອງເດັກ

09:22 2019/05/30

ຜູ້ຕາງໜ້າເດັກ ແລະ ຊາວໜຸ່ມບັນດາແຂວງພາກກາງ ແລະ ພາກເໜືອ ໄດ້ມາຮ່ວມກັນຢູ່ນະ-ຄອນຫຼວງວຽງຈັນ (ນວ) ເພື່ອສະເໜີການແກ້ໄຂບັນຫາຕ່າງໆ ໃນການປະຕິບັດສິດທິຂອງເດັກ.

 

ເປັນ​ກິດ­ຈະ­ກຳ​ໃນ​ການ​ສະ­ເຫຼີມ­ສະ­ຫຼອງ​ວັນ​ຄົບ­ຮອບ 30 ປີ​ຂອງ​ສົນ­ທິ­ສັນ­ຍາ​ວ່າ​ດ້ວຍ​ສິດ­ທິ​ຂອງ​ເດັກ (CRC) ທິດ​ທາງ​ແກ້​ໄຂ​ສິ່ງ​ທ້າ​ທາຍ​ທີ່​ເກີດ​ຂຶ້ນ​ກັບ​ເດັກ ໂດຍ​ເດັກ​ເອງ​ຈະ​ຖືກ​ສັງ​ລວມ​ໄວ້​ໃນ​ບົດ​ລາຍ​ງານ “ແນວ​ຄວາມ​ຄິດ​ຂອງ​ເດັກ ແລະ ໄວ​ໜຸ່ມ ແລະ ມາດ​ຕະ​ການ­ຈັດ­ຕັ້ງ​ປະ­ຕິ­ບັດ ເພື່ອ​ອະ­ນາ­ຄົດ​ທີ່​ດີ​ຂຶ້ນ” ເຊິ່ງ​ຈະ​ໄດ້​ນຳ​ສະ­ເໜີ​ໃນ​ວັນ​ທີ 11 ເດືອນ​ພະ­ຈິກ 2019 ໃນ​ກອງ​ປະ­ຊຸມ​ຄົນ​ລາວ​ໃນ​ຮຸ່ນ​ປີ 2030 ຢູ່ ສປປ ລາວ.

ຄະ­ນະ​ກຳ­ມາ​ທິ​ການ​ແຫ່ງ​ຊາດ ເພື່ອ​ຄວາມ​ກ້າວ­ໜ້າ​ຂອງ​ແມ່­ຍິງ ແລະ ແມ່-ເດັກ (ຄຊກມດ) ໂດຍ​ການ​ສະ­ໜັບ­ສະ­ໜູນ​ຈາກ​ອົງ­ການ​ອຸຍ​ນີ​ເຊບ (UNICEF) ໄດ້​ຈັດ​ກອງ​ປະ­ຊຸມ​ເກັບ​ກຳ​ຄຳ​ເຫັນ​ຂອງ​ເດັກ ແລະ ໄວ​ໜຸ່ມ ຄັ້ງ​ທີ 3 ຂຶ້ນ​ວັນ​ທີ 28 ພຶດ­ສະ­ພາ 2019 ຢູ່​ຫ້ອງ​ວ່າ­ການ​ປົກ­ຄອງ ນວ ໂດຍ​ມີ​ທ່ານ​ນາງ ຄຳ​ໄພ ລັດ­ສະ­ໝີ ປະ­ທານ​ສະ­ຫະ­ພັນ​ແມ່­ຍິງ ນວ ຮອງ​ປະ­ທານ ຄຊກມດ ນວ ທ່ານ​ນາງ ຈົງ​ຈິດ ຈັນ­ທະ​ລາ​ນົນ ຮອງ​ຫົວ­ໜ້າ​ຫ້ອງ­ການ​ກອງ​ເລ­ຂາ ຄຊກມດ ທ່ານ​ນາງ ມາ​ເລຍ ເຟີ​ນານ​ເດ​ສ ຫົວ­ໜ້າ​ພະ​ແນກ​ໂຄ­ສະ­ນາ ແລະ ການ​ສື່­ສານ UNICEF ປະ­ຈຳ​ລາວ ພ້ອມ​ດ້ວຍ​ຄູ-ອາ­ຈານ ແລະ ນັກ­ຮຽນ​ຈາກ 7 ແຂວງ​ພາກ​ກາງ ພາກ​ເໜືອ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

 

ຜູ້ຕາງໜ້າເດັກ ແລະ ຊາວໜຸ່ມບັນດາແຂວງ ແລະ ອົງການ ຄຊກມດ - UNICEF ໃນພິທີ​ສະ­ເຫຼີມ­ສະ­ຫຼອງ

ຈຸດ­ປະ­ສົງ​ເພື່ອ​ຮັບ​ຟັງ ແລະ ເກັບ​ກຳ​ຄຳ​ເຫັນ​ຂອງ​ເດັກ ແລະ ໄວ​ໜຸ່ມ ທັງ​ເປັນ​ການ​ເປີດ​ໂອ­ກາດ​ໃຫ້​ພວກ​ເຂົາ​ສະ­ເໜີ​ປະ­ສົບ​ການ ສິ່ງ​ທ້າ​ທາຍ ແລະ ວິ­ທີ​ແກ້​ໄຂ ໃນ​ການ­ຈັດ­ຕັ້ງ​ປະ­ຕິ­ບັດ​ເນື້ອ​ໃນ​ສົນ­ທິ­ສັນ­ຍາ​ວ່າ​ດ້ວຍ​ສິດ­ທິ​ເດັກ ແລະ ເປົ້າ​ໝາຍ​ການ​ພັດ­ທະ­ນາ​ແບບ​ຍືນ​ຍົງ (SDGs) ເຊິ່ງ​ຕົວ​ແທນ​ເດັກ 50 ຄົນ ອາ­ຍຸ​ແຕ່ 13-18 ປີ ຈາກ​ແຂວງ​ຫົວ­ພັນ ຫຼວງ​ພະ​ບາງ ນວ ແຂວງ​ວຽງ​ຈັນ ໄຊ​ຍະ​ບູ​ລີ ໄຊ​ສົມ­ບູນ ແລະ ຊຽງ​ຂວາງ ເຂົ້າ​ຮ່ວມ​ແລກ­ປ່ຽນ​ຄຳ​ຄິດ​ເຫັນ​ກັບ​ທ່ານ ສອນ​ໄຊ ສີ​ພັນ​ດອນ ຮອງ​ນາ­ຍົກ­ລັດ­ຖະ­ມົນ­ຕີ ຕົວ​ແທນ​ເດັກ ຈະ​ໄດ້​ນຳ​ສະ­ເໜີ​ກ່ຽວ​ກັບ​ຄວາມ​ຄືບ​ໜ້າ ຂອງ​ສະ­ພາບ​ການ​ຄວາມ​ເປັນ​ຢູ່​ທີ່​ດີ​ຂອງ​ເດັກ​ໃນ​ຊຸມ​ປີ­ຜ່ານ­ມາ ສິ່ງ​ທ້າ​ທາຍ​ທີ່​ກຳ­ລັງ​ປະ​ເຊີນ​ຢູ່ ແລະ ຂໍ້​ສະ­ເໜີ​ການ​ແກ້​ໄຂ ເພື່ອ​ປັບ­ປຸງ​ຊີ­ວິດ​ຂອງ​ເຂົາ­ເຈົ້າ​ໃຫ້​ດີ​ຂຶ້ນ.

(ແຫຼ່ງ​ຂໍ້​ມູນ​: vientianemai.net)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll