ສຳເລັດກອງປະຊຸມຄົບຄະນະຂອງຄະນະບໍລິຫານງານສູນກາງພັກ ຄັ້ງທີ 6 ສະໄໝທີ X

15:24 2018/05/09

ແຕ່ວັນທີ 2 ເຖິງວັນທີ 8 ພຶດສະພາ 2018 ຜ່ານ​ມາ, ທີ່ສຳນັກ ງານສູນກາງພັກ ນະຄອນຫຼວງ ວຽງຈັນ, ຄະນະບໍລິຫານງານ ສູນກາງພັກ ໄດ້ດຳເນີນກອງ ປະຊຸມຄົບຄະນະ ຄັ້ງທີ 6 ສະ ໄໝທີ X ຢ່າງເປັນທາງການ ພາຍໃຕ້ການເປັນປະທານຂອງ ສະຫາຍ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິ ຫານງານສູນກາງພັກປະຊາ ຊົນ ປະຕິວັດລາວ.

ສຳເລັດກອງປະຊຸມຄົບຄະນະຂອງຄະນະບໍລິຫານງານສູນກາງພັກ ຄັ້ງທີ 6 ສະໄໝທີ X

ກອງປະຊຸມຄົບຄະນະຂອງຄະນະບໍລິຫານງານສູນກາງພັກ ຄັ້ງທີ 6 ສະໄໝທີ X

ແຕ່ວັນທີ 2 ເຖິງວັນທີ 8 ພຶດສະພາ 2018 ທີ່ສຳນັກ ງານສູນກາງພັກ ນະຄອນຫຼວງ ວຽງຈັນ, ຄະນະບໍລິຫານງານ ສູນກາງພັກ ໄດ້ດຳເນີນກອງ ປະຊຸມຄົບຄະນະ ຄັ້ງທີ 6 ສະ ໄໝທີ X ຢ່າງເປັນທາງການ ພາຍໃຕ້ການເປັນປະທານຂອງ ສະຫາຍ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິ ຫານງານສູນກາງພັກປະຊາ ຊົນ ປະຕິວັດລາວ. ກອງປະຊຸມ ໄດ້ຄົ້ນຄວ້າ ປຶກສາຫາລື ແລະ ໃຫ້ທິດຊີ້ນຳ ກ່ຽວກັບການຕີລາຄາການຈັດ ຕັ້ງປະຕິບັດມະຕິກອງປະຊຸມ ສູນກາງ ຄັ້ງທີ 5 ສະໄໝທີ X ແລະ ມະຕິກອງປະຊຸມໃຫຍ່ ຄັ້ງທີ X ຂອງພັກ ໃນສອງປີ ກວ່າຜ່ານມາ ແລະ ວາງໜ້າທີ່ ຈຸດສຸມໃນຕໍ່ໜ້າ, ພ້ອມນັ້ນ ກອງປະຊຸມຍັງໄດ້ປຶກສາຫາລື ແລະ ຮັບຮອງເອົາມະຕິຂອງ ຄະນະບໍລິຫານງານສູນກາງ ພັກ ວ່າດ້ວຍການຍົກສູງປະສິດ ທິພາບການຄຸ້ມຄອງລັດ, ຄຸ້ມ ຄອງສັງຄົມດ້ວຍກົດໝາຍ ຊຶ່ງ ມີລາຍລະອຽດດັ່ງນີ້:

I. ກອງປະຊຸມ ໄດ້ຕີລາຄາ ວ່າ ການຈັດຕັ້ງປະຕິບັດມະຕິ ກອງປະຊຸມສູນກາງ ຄັ້ງທີ 5 ສະໄໝທີ X ແລະ ມະຕິກອງ ປະຊຸມໃຫຍ່ ຄັ້ງທີ X ຂອງພັກ ໃນສອງປີກວ່າຜ່ານມາ ໄດ້ດຳ ເນີນພາຍໃຕ້ເງື່ອນໄຂສະພາບ ການຂອງພາກພື້ນ ແລະ ສາກົນ ມີການຜັນແປໄປຢ່າງສະຫຼັບ ສັບຊ້ອນ ຊຶ່ງມີທັງສິ່ງທ້າທາຍ ທົດສອບຫຼາຍປະການ, ທັງມີ ກາລະໂອກາດທີ່ເອື້ອອຳນວຍ ໃຫ້ແກ່ການປົກປັກຮັກສາ ແລະ ພັດທະນາສ້າງສາປະເທດ ຊາດ, ຢູ່ພາຍໃນປະເທດ ເຖິງ ວ່າປະສົບກັບຄວາມຫຍຸ້ງຍາກ ກໍຕາມ ແຕ່ດ້ວຍຄວາມບຸກບືນ ສູ້ຊົນ ແລະ ຍົກສູງຄວາມຮັບ ຜິດຊອບການເມືອງຂອງສູນ ກາງພັກ, ລັດຖະບານ ກໍຄືຄະ ນະພັກ, ອົງການປົກຄອງແຕ່ ລະຂັ້ນ ແລະ ຄວາມເປັນເຈົ້າ ຂອງປະເທດຊາດ, ຄວາມດຸ ໝັ່ນຂະຫຍັນພຽນ, ຄວາມສາ ມັກຄີປອງດອງເປັນປຶກແຜ່ນ ຂອງທົ່ວປວງຊົນລາວທັງຊາດ ໄດ້ເຮັດໃຫ້ປະເທດຊາດ ສືບຕໍ່ ມີສະຖຽນລະພາບດ້ານການ ເມືອງຢ່າງໜັກແໜ້ນ, ສັງຄົມມີ ຄວາມສະຫງົບ ແລະ ເປັນລະ ບຽບຮຽບຮ້ອຍໂດຍພື້ນຖານ, ເສດຖະກິດ-ສັງຄົມ ສືບຕໍ່ຂະ ຫຍາຍຕົວດ້ວຍຈັງຫວະຕໍ່ເນື່ອງ ໃນອັດຕາສ່ວນສະເລ່ຍ 6,9% ຕໍ່ປີ, ລວມຍອດຜະລິດຕະພັນ ພາຍໃນ (GDP) ສະເລ່ຍຕໍ່ຫົວ ຄົນ ມາຮອດຕົ້ນປີ 2018 ບັນລຸ ໄດ້ 2.472 ໂດລາ, ການຜະ ລິດ, ການປຸງແຕ່ງເປັນສິນຄ້າ ຂອງປະຊາຊົນ ໂດຍສະເພາະ ແມ່ນທຸລະກິດຂະໜາດນ້ອຍ ແລະ ຂະໜາດກາງ ໄດ້ມີປັດ ໄຈໃໝ່ ແລະ ບາດກ້າວເຕີບ ໃຫຍ່ຂະຫຍາຍຕົວ, ຊີວິດການ ເປັນຢູ່ຂອງປະຊາຊົນ ສືບຕໍ່ໄດ້ ຮັບການເອົາໃຈໃສ່ປັບປຸງໃຫ້ ດີຂຶ້ນ. 

ລະບົບການເມືອງ ນັບ ທັງກົງຈັກການຈັດຕັ້ງຂອງພັກ- ລັດ ແລະ ຂອງບັນດາອົງການ ຈັດຕັ້ງມະຫາຊົນຂັ້ນຕ່າງໆ ໄດ້ ຮັບການປັບປຸງໃຫ້ມີຄວາມ ໜັກແໜ້ນ, ເຂັ້ມແຂງ ດ້ວຍການ ເພີ່ມທະວີນຳພາຊີ້ນຳການບໍລິ ການຄຸ້ມຄອງລັດ, ຄຸ້ມຄອງ ເສດຖະກິດ-ສັງຄົມ ແລະ ແກ້ ໄຂບັນຫາຕ່າງໆ ບົນພື້ນຖານ ກົດໝາຍ ແລະ ລະບຽບການທີ່ ກ່ຽວຂ້ອງ ໄດ້ເຮັດໃຫ້ການຄຸ້ມ ຄອງບໍລິຫານລັດ ຫັນເຂົ້າສູ່ ກົດໝາຍຢ່າງໜັກແໜ້ນ ແລະ ມີປະສິດທິພາບສູງຂຶ້ນ ຕິດພັນ ກັບການດຳເນີນຊີວິດການ ເມືອງປັບປຸງປົວແປງໃນທົ່ວພັກ ຢ່າງເລິກເຊິ່ງ, ເຖິງຖອງ ເພື່ອ ແກ້ໄຂ ແລະ ກຳຈັດປັດເປົ່າ ປະກົດການຫຍໍ້ທໍ້ໃນກົງຈັກ ແລະ ຖັນແຖວພະນັກງານແຕ່ ລະຂັ້ນ ໂດຍສະເພາະແມ່ນ ພະ ຍາດອາດຍາສິດ, ສໍ້ລາດບັງ ຫຼວງ, ແນໃສ່ສ້າງພັກ ແລະ ລັດ ໃຫ້ມີຄວາມປອດໃສ, ເຂັ້ມແຂງ ແລະ ໜັກແໜ້ນ, ພ້ອມກັນນັ້ນ ການພົວພັນຮ່ວມມືກັບບັນດາ ປະເທດເພື່ອນມິດສາກົນ ກໍຄື ການເຄື່ອນໄຫວວຽກງານຕ່າງ ປະເທດ ໃນຂອບການຮ່ວມມື ສອງຝ່າຍ ແລະ ຫຼາຍຝ່າຍ ສືບ ຕໍ່ໄດ້ຮັບການເສີມຂະຫຍາຍ ເຂົ້າສູລວງເລິກ ແລະ ໄດ້ຮັບ ການສະໜັບສະໜູນຊ່ວຍເຫຼືອ ຊຶ່ງກັນ ແລະ ກັນ ຢ່າງຕໍ່ເນື່ອງ, ອິດທິພົນບົດບາດຂອງພັກ ແລະ ລັດເຮົາ ໄດ້ຮັບການເຊີດ ຊູສູງເດັ່ນຂຶ້ນ ໃນເວທີພາກພື້ນ ແລະ ສາກົນ.

ທັງໝົດນັ້ນ ໄດ້ ສ້າງພື້ນຖານ ແລະ ທ່ວງທ່າອັນ ໜັກແໜ້ນໃຫ້ແກ່ການຈັດຕັ້ງ ປະຕິບັດຄາດໝາຍສູ້ຊົນທີ່ ກອງປະຊຸມໃຫຍ່ຄັ້ງທີ X ຂອງ ພັກວາງອອກໃຫ້ມີຜົນສຳເລັດ ໂດຍສະເພາະແມ່ນການແກ້ ໄຂຄວາມທຸກຍາກຂອງປະຊາ ຊົນ ແລະ ນຳພາປະເທດຊາດ ຫຼຸຸດພົ້ນອອກຈາກສະຖານະ ພາບດ້ອຍພັດທະນາໃນຊຸມ ປີຕໍ່ໜ້າ. ກອງປະຊຸມໄດ້ປຶກສາຫາລື ແລະ ກຳນົດໜ້າທີ່ຈຸດສຸມສຳ ລັບການນຳພາ-ຊີ້ນຳ ຈັດຕັ້ງ ປະຕິບັດມະຕິກອງປະຊຸມໃຫຍ່ ຄັ້ງທີ X ຂອງພັກ ໄລຍະແຕ່ນີ້ ຮອດໝົດສະໄໝທີ X ແລະ ແຕ່ນີ້ຮອດໝົດປີ 2018 ໂດຍ ເລັ່ງໃສ່ບັນຫາສຳຄັນຈຳນວນ ໜຶ່ງດັ່ງນີ້:

1. ສືບຕໍ່ຮັບປະກັນສະຖຽນ ລະພາບທາງດ້ານການເມືອງ ແລະ ຄວາມໝັ້ນຄົງຢ່າງໜັກ ແໜ້ນ, ສັງຄົມສືບຕໍ່ເສີມຂະ ຫຍາຍຄວາມສາມັກຄີປອງ ດອງ, ມີຄວາມສະຫງົບ ແລະ ເປັນລະບຽບຮຽບຮ້ອຍ.

2. ສ້າງການຫັນປ່ຽນຢ່າງຕໍ່ ເນື່ອງ, ເລິກເຊິ່ງ, ຮອບດ້ານ, ເນື້ອໃນ ແລະ ແບບແຜນນຳພາ ຂອງສູນກາງ ກໍຄືຂອງຄະນະ ພັກທຸກຂັ້ນ ຕິດພັນກັບການ ສືບຕໍ່ເສີມຂະຫຍາຍຜົນສຳ ເລັດຂອງການດຳເນີນຊີວິດ ການເມືອງປັບປຸງປົວແປງພັກ, ສ້າງພັກປອດໃສ, ເຂັ້ມແຂງ ແລະ ໜັກແໜ້ນໃຫ້ເປັນຮູບປະ ທຳ, ຕໍ່ເນື່ອງ ແລະ ເປັນລະບົບ ແຕ່ສູນກາງຮອດຮາກຖານ.

3. ສູ້ຊົນບຸກບືນແກ້ໄຂ ຄວາມຫຍຸ້ງຍາກດ້ານການ ເງິນ-ງົບປະມານ ດ້ວຍບັນດາ ມາດຕະການໄລຍະສັ້ນ ແລະ ໄລຍະຍາວ, ສ້າງບັນດາປັດໄຈ ຕົວຈິງ ເພື່ອຄ້ຳປະກັນການປັບ ປຸງເສດຖະກິດມະຫາພາກໃຫ້ ເຂັ້ມແຂງຂຶ້ນ, ສ້າງຄວາມສາ ມາດໃໝ່ຂອງພື້ນຖານການຜະ ລິດ ແລະ ການບໍລິການ, ຮັບ ປະກັນຄວາມໝັ້ນຄົງ ແລະ ຍືນ ຍົງໃນການພັດທະນາເສດຖະ ກິດ – ສັງຄົມ, ນຳພາປະເທດ ຊາດພົ້ນຈາກສະຖານະພາບ ດ້ອຍພັດທະນາ ຕາມຄາດໝາຍ ທີ່ວາງອອກ.

4. ຍົກສູງປະສິດທິພາບ ຂອງການຄຸ້ມຄອງລັດ, ຄຸ້ມ ຄອງສັງຄົມດ້ວຍກົດໝາຍ ດ້ວຍການເພີ່ມທະວີສະຕິເຄົາ ລົບ ແລະ ປະຕິບັດຕາມກົດ ໝາຍ ຂອງທົ່ວສັງຄົມ ຕິດພັນ ກັບການເຮັດໃຫ້ກົງຈັກລັດແຕ່ ລະຂັ້ນ ກະທັດລັດ, ເຂັ້ມແຂງ, ຫຼຸຸດຜ່ອນຂັ້ນ-ຂອດບໍລິຫານ, ເຄື່ອນໄຫວເປັນລະບົບຮັດກຸມ, ໂປ່ງໃສ, ວ່ອງໄວ ແລະ ມີມາດ ຕະການຕົວຈິງ ແກ້ໄຂການລະ ເມີດກົດໝາຍ, ການສວຍໃຊ້ ສິດອຳນາດບໍ່ຖືກຕ້ອງຂອງເຈົ້າ ໜ້າທີ່ ຢ່າງເດັດຂາດ.

5. ສືບຕໍ່ບຸກທະລຸຢ່າງແຂງ ແຮງ, ຕໍ່ເນື່ອງການທູດປ້ອງກັນ ເຫດກັບການສະແຫວງຫາໂອ ກາດໃໝ່ໆ ເພື່ອຍາດແຍ່ງການ ສະໜັບສະໜູນດ້ານການ ເມືອງ, ດຶງດູດການລົງທຶນ ແລະ ເປີດກວ້າງການຮ່ວມມືຊ່ວຍ ເຫຼືອຈາກສາກົນ.

II. ກອງປະຊຸມໄດ້ຄົ້ນຄວ້າ, ປຶກສາຫາລື ຢ່າງກວ້າງຂວາງ, ເລິກເຊິ່ງ ແລະ ຮັບຮອງເອົາມະ ຕິຂອງຄະນະບໍລິຫານງານສູນ ກາງພັກ ວ່າດ້ວຍການຍົກສູງ ປະສິດທິພາບການຄຸ້ມຄອງ ລັດ, ຄຸ້ມຄອງສັງຄົມດ້ວຍກົດ ໝາຍ ໂດຍໄດ້ໃຫ້ທິດຊີ້ນຳວ່າ ການຄຸ້ມຄອງລັດ, ຄຸ້ມຄອງສັງ ຄົມດ້ວຍກົດໝາຍ ເປັນບັນຫາ ພື້ນຖານສຳຄັນຂອງການສ້າງ ລັດປະຊາທິປະໄຕ ປະຊາຊົນ ທີ່ປົກຄອງດ້ວຍກົດໝາຍພາຍ ໃຕ້ການນຳພາຂອງພັກ, ທັງ ແມ່ນຄວາມຈຳເປັນພາວະວິ ໄສແຫ່ງການສ້າງປະຖົມປັດ ໄຈ ໃຫ້ແກ່ການສືບຕໍ່ສ້າງ ແລະ ເສີມຂະຫຍາຍລະບອບປະຊາ ທິປະໄຕປະຊາຊົນ ສູ່ຈຸດໝາຍ ສັງຄົມນິຍົມ, ຍົກສູງປະສິດທິ ພາບການຄຸ້ມຄອງລັດ, ຄຸ້ມ ຄອງສັງຄົມດ້ວຍກົດໝາຍ ແມ່ນແນໃສ່ເພີ່ມນິຕິທຳໃນ ການປົກຄອງ ແລະ ເພີ່ມປະ ສິດທິພາບຂອງການບໍລິຫານ ຄຸ້ມຄອງລັດ ຢູ່ປະເທດເຮົາ ໃຫ້ ສູງຂຶ້ນກວ່າເກົ່າ.

ກອງປະຊຸມໄດ້ຊີ້ແຈ້ງວ່າ ນັບແຕ່ເລີ່ມການປ່ຽນແປງໃໝ່ ເປັນຕົ້ນມາ ພັກໄດ້ນຳພາຫັນ ການຄຸ້ມຄອງຕາມກົນໄກຄຸ້ມ ຄອງລວມສູນອາດຍາສິດ, ບໍລິ ຫານເກື້ອກູນ ໄປສູ່ການຄຸ້ມ ຄອງລັດ, ຄຸ້ມຄອງເສດຖະກິດ -ສັງຄົມດ້ວຍກົດໝາຍ ຊຶ່ງໄດ້ ເຮັດໃຫ້ການບໍລິຫານ-ຄຸ້ມ ຄອງຂອງລັດເຮົາມີປະສິດທິ ພາບສູງຂຶ້ນ, ຫັນການເຄື່ອນ ໄຫວຊີວິດສັງຄົມ ເຂົ້າສູ່ລະບອບ ລະບຽບການຂອງກົດໝາຍ ເປັນກ້າວໆ.

ຄຽງຄູ່ກັນນັ້ນ ກໍ ເຫັນວ່າການຄຸ້ມຄອງລັດ, ຄຸ້ມ ຄອງສັງຄົມດ້ວຍກົດໝາຍ ຍັງ ບໍ່ທັນເຂັ້ມງວດ, ສັກສິດ, ເກີດ ມີການສ່ວຍໃຊ້ຊ່ອງວ່າງກົດ ໝາຍ ຢູ່ໃນຫຼາຍຂົງເຂດຂະ ແໜງການ ແລະ ທ້ອງຖິ່ນ ກໍຄື ໃນສັງຄົມ.

ຍ້ອນແນວນັ້ນ ກອງ ປະຊຸມຈຶ່ງເປັນເອກະພາບຊີ້ນຳ ໃຫ້ສືບຕໍ່ບຸກທະລຸຢ່າງແຂງ ແຮງ ເພື່ອຜ່າມ້າງສິ່ງກີດຂວາງ ອັດຕັນ ທີ່ກົດໜ່ວງຖ່ວງດຶງ ແລະ ເປັນອຸປະສັກໃນການບໍລິ ຫານ-ຄຸ້ມຄອງລັດ ກໍຄືການ ຄຸ້ມຄອງສັງຄົມດ້ວຍກົດໝາຍ ເພື່ອແກ້ໄຂປະກົດການຫຍໍ້ທໍ້, ການລ່ວງລະເມີດກົດໝາຍ ຢູ່ ໃນກົງຈັກການຈັດຕັ້ງຂອງພັກ -ລັດ ແລະ ໃນສັງຄົມ, ເພີ່ມທະ ວີຄວາມສັກສິດຂອງກົດໝາຍ, ເພີ່ມທະວີນິຕິທຳໃນການປົກ ຄອງ ແລະ ປະສິດທິພາບການ ບໍລິຫານລັດ ແນໃສ່ເພີ່ມຄວາມ ເຊື່ອໝັ້ນສັດທາຂອງປະຊາຊົນ ຕໍ່ການນຳພາຂອງພັກ ແລະ ການຄຸ້ມຄອງຂອງລັດ ກໍຄືເພີ່ມ ຄວາມເຊື່ອໝັ້ນໃຫ້ແກ່ການລົງ ທຶນຂອງຕ່າງເທດ.

III. ກອງປະຊຸມຄົບຄະນະ ບໍລິຫານງານສູນກາງພັກ ຄັ້ງທີ 6 ສະໄໝທີ X ຕີລາຄາສູງ ແລະ ສະແດງຄວາມຍ້ອງຍໍຊົມເຊີຍ ສະມາຊິກພັກ, ພະນັກງານ, ທະຫານ, ຕຳຫຼວດ ແລະ ປະ ຊາຊົນບັນດາເຜົ່າໃນທົ່ວປະ ເທດ ກໍຄືຄົນລາວທີ່ອາໄສຢູ່ ຕ່າງປະເທດ ທີ່ໄດ້ຕັ້ງໜ້າປະ ກອບສ່ວນທາງດ້ານສະຕິປັນ ຍາ, ເຫື່ອແຮງ ແລະ ກຳລັງວັດ ຖຸເຂົ້າໃນການຜັນຂະຫຍາຍ ແລະ ຈັດຕັ້ງປະຕິບັດມະຕິກອງ ປະຊຸມໃຫຍ່ ຄັ້ງທີ X ຂອງພັກ ກໍຄືການປົກປັກຮັກສາ ແລະ ພັດທະນາປະເທດຊາດ ໃນໄລ ຍະຜ່ານມາ.

ກອງປະຊຸມເຫັນວ່າຢືນຢູ່ຕໍ່ ໜ້າຄວາມເລັ່ງທວງຂອງສະ ພາບການ ກໍຄືຄວາມຮຽກຮ້ອງ ຕ້ອງການແຫ່ງການພັດທະນາ ປະເທດຊາດ ໃນຊຸມປີຕໍ່ໜ້າ ແລະ ຍາວນານ ຊຶ່ງເຕັມໄປ ດ້ວຍກາລະໂອກາດ ແລະ ສິ່ງ ທ້າທາຍທົດສອບຕ່າງໆນາໆ ນັ້ນ, ຄະນະບໍລິຫານງານສູນ ກາງພັກ ຮຽກຮ້ອງມາຍັງຄະ ນະພັກທຸກຂັ້ນ, ສະມາຊິກພັກ, ພະນັກງານ, ທະຫານ, ຕຳຫຼວດ ທຸກຄົນ ຈົ່ງໄດ້ເສີມຂະຫຍາຍ ມູນເຊື້ອອັນດີງາມຂອງພັກ ເພີ່ມທະວີຄວາມສາມັກຄີພາຍ ໃນ, ຍົກສູງຄວາມຮັບຜິດຊອບ ການເມືອງຂອງຕົນ ເພື່ອນຳ ເອົາເນື້ອໃນຈິດໃຈມະຕິກອງ ປະຊຸມຄົບຄະນະບໍລິຫານງານ ສູນກາງພັກ ຄັ້ງທີ 6 ສະໄໝທີ X ໄປຜັນຂະຫຍາຍ ແລະ ຈັດ ຕັ້ງປະຕິບັດ ໃຫ້ເກີດໝາກເກີດ ຜົນຕົວຈິງ, ສ້າງການຫັນປ່ຽນ ທີ່ເປັນບາດລ້ຽວສຳຄັນ ໃນ ການ ຈັດຕັ້ງປະຕິບັດມະຕິກອງ ປະຊຸມໃຫຍ່ຄັ້ງທີ X ຂອງພັກ ໃຫ້ມີຜົນສຳເລັດ ພ້ອມກັນນັ້ນ ກໍຮຽກຮ້ອງມາຍັງປະຊາຊົນ ລາວບັນດາເຜົ່າ ໃຫ້ສືບຕໍ່ເສີມ ຂະຫຍາຍມູນເຊື້ອຄວາມສາ ມັກຄີເປັນປຶກແຜ່ນ, ເຊີດຊູຈິດ ໃຈຮັກຊາດ, ເອກະລາດ, ເປັນ ເຈົ້າຕົນເອງ, ຕັ້ງໜ້າເຄື່ອນໄຫວ ທຳມາຫາກິນ, ປະກອບກິດຈະ ການຕ່າງໆ ແລະ ປະຕິບັດພັນ ທະ, ໜ້າທີ່ຂອງພົນລະເມືອງ ຢ່າງຖືກຕ້ອງ ແລະ ຄົບຖ້ວນ ຕາມແນວທາງຂອງພັກ ແລະ ກົດໝາຍຂອງລັດ ປະກອບ ສ່ວນ ສຳຄັນເຂົ້າໃນຂະບວນ ການປົກປັກຮັກສາ ແລະ ພັດ ທະນາສ້າງສາປະເທດຊາດ ໃຫ້ກ້າວຂຶ້ນຢ່າງບໍ່ຢຸດຢັ້ງ. 

(ແຫຼ່ງ​ຂໍ້​ມູນ​: ເລົ່າ​ສູ່​ກັນ​ຟັງ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll