ສປປ ລາວ ສະເຫຼີມສະຫຼອງ 52 ປີແຫ່ງວັນສ້າງຕັ້ງ ອາຊຽນ

09:13 2019/08/07

ຍສໝ - ໃນວັນທີ 6 ສິງຫາຢູ່ນະຄອນຫຼວງ ວຽງຈັນ, ກະຊວງການຕ່າງປະເທດລາວໄດ້ຈັດຕັ້ງພິທີຊັກທູງເນື່ອງໃນໂອກາດສະເຫຼີມສະຫຼອງ 52 ປີແຫ່ງວັນສ້າງຕັ້ງ ອາຊຽນ (ວັນທີ 8 ສິງຫາ 1967 – 8 ສິງຫາ 2019).

ກ່າວຄຳປາໄສທີ່ພິທີ, ທ່ານ ສະເຫລີມໄຊ ກົມມະສິດ ລັດຖະມົນຕີການຕ່າງປະເທດລາວ ໄດ້ເນັ້ນໜັກເຖິງບັນດາຜົນງານຂອງອາຊຽນໃນຕະຫຼອດໄລຍະ 52 ປີທີ່ຜ່ານມາ.

ທ່ານ ສະເຫລີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ກ່າວຄຳເຫັນທີ່ພິທີ

ພິເສດແມ່ນປີ 2015, ປະຊາຄົມອາຊຽນໄດ້ສ້າງຕັ້ງຢ່າງເປັນທາງການ, ດ້ວຍ 3 ເສົາຄ້ຳຕົ້ນຕໍແມ່ນ ຄວາມໝັ້ນຄົງ - ການເມືອງ, ເສດຖະກິດ ແລະ ວັດທະນະທຳ - ສັງຄົມ, ປະກອບສ່ວນເຂົ້າໃນການສ້າງສັນຕິພາບ, ສະຖຽນລະພາບ ແລະ ວັດທະນາຖາວອນຂອງພາກພື້ນ ແລະ ໂລກ. ຜົນສຳເລັດທຳອິດ ຂອງອາຊຽນແມ່ນສືບຕໍ່ຮັດແໜ້ນບັນດາການພົວພັນຮ່ວມມືລະຫວ່າງບັນດາປະເທດສະມາຊິກນຳກັນ ແລະ ລະຫວ່າງ ອາຊຽນກັບພາຍນອກ, ອີງຕາມຫຼັກການທີ່ໄດ້ກຳນົດໃນ ອາຊຽນ ກໍ່ຄືບັນດາກົນໄກໂດຍ ອາຊຽນສ້າງຂຶ້ນ, ຄືຫຼັກການດຳລົງຊີວິດໃນສັນຕິພາບ, ເຄົາລົບເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນ, ບໍ່ແຊກແຊງເຂົ້າວຽກງານພາຍໃນຂອງກັນ, ແກ້ໄຂຄວາມຂັດແຍ້ງໂດຍສັນຕິວິທີ, ບົນຫຼັກການເຫັນດີເຫັນພ້ອມ ແລະ ຕ່າງຝ່າຍຕ່າງມີຜົນປະໂຫຍດ, ແລະ ຕາມຄວາມຫຼາຍຮູບຫຼາຍແບບຂອງແຕ່ລະປະເທດສະມາຊິກ, ຫຼືຍັງໄດ້ເອີ້ນວ່າ ວິທີການຂອງ ອາຊຽນ (ASEAN Way).

(ຄຳຮຸ່ງ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll