ວັດທະນະທຳ-ປະຫວັດສາດ-ທ່ອງທ່ຽວ

ປະເທດລາວ

ທິມຊາດລາວ ຊະນະ ບຣູໄນ 3-0 ເຕະບານຊາຍ ຊີເກມ 2019

13:39 - 2019/12/02

ຈົບເກມ ທິມຊາດລາວ ຊະນະ ບຣູໄນ 3-0 ຄວ້ານັດທຳອິດໃນຊີເກມຄັ້ງນີ້.

ວິນະດາ ພິສາລາດ ຄວ້າຕຳແໜ່ງນາງສາວລາວ ປີ 2019

16:37 - 2019/12/11

ການຄັດເລືອກນາງສາວລາວ ປີ 2019 ຮອບຕັດສິນ ຈັດຂຶ້ນວັນທີ 7 ຕຸລາ 2019 ຢູ່ສູນການຄ້າ ລາວ-ໄອເຕັກ ໂດຍມີທ່ານ ອາລຸນໄຊ ສູນນະລາດ ເລຂາຄະນະບໍລິຫານງານສູນກາງຊາວໜຸ່ມປະຊາຊົນ ປະຕິວັດລາວ ທ່ານນາງ ບັນດິດ ປະທຸມວັນ ຮອງປະທານຄະນະບໍລິຫານງານສູນກາງສະຫະພັນແມ່ຍິງລາວ ທ່ານ ຄົມປັນຍາ ເພັງວິໄນຍາ ປະທານໂຄງການຄັດເລືອກນາງສາວລາວ ປີ 2019 ພ້ອມດ້ວຍຜູ້ສະໜັບສະໜູນ ແລະ ພາກສ່ວນກ່ຽວຂ້ອງ ເຂົ້າຮ່ວມ.

UNESCO ມອບໃບຢັ້ງຢືນຮັບຮອງແຫລ່ງໄຫຫີນຊຽງຂວາງ ເປັນມໍລະດົກໂລກ ແຫ່ງທີ 3 ຂອງ ສປປ ລາວ

08:57 - 2019/11/21

ການມອບ-ຮັບດັ່ງກ່າວໄດ້ຈັດຂື້ນໃນວັນທີ 18 ພະຈິກ ຜ່ານມານີ້ ເນື່ອງໃນໂອກາດທີ່ຄະນະຜູ້ແທນ ກະຊວງຖະແຫຼ່ງຂ່າວ, ວັດທະນະທໍາ ແລະ ທ່ອງທ່ຽວ ໄດ້ເຂົ້າຮ່ວມກອງປະຊຸມໃຫ່ຍ ລັດຖະມົນຕີກະຊວງວັດທະນະທໍາ ຄັ້ງທີ 43 ຂອງອົງການອຸຍເນັດໂກ UNESCO ເຊິ່ງໄດ້ຈັດຂື້ນທີ່ ນະຄອນຫຼວງປາຣີ, ປະເທດຝຣັ່ງ ເຊິ່ງຄະນະຜູ້ແທນດັ່ງກ່າວ ນໍາໂດຍ ທ່ານ ສຈ ດຣ ບໍ່ແສງຄໍາ ວົງດາລາ ຜູ້ຕາງໜ້າພິເສດຂອງລັດຖະບານລາວ.

ຊາວນະຄອນຫຼວງ ຮ່ວມສືບສານປະເພນີວຽນທຽນ ໂອກາດບຸນພະທາດຫຼວງ ຢ່າງຄຶກຄື້ນ

16:41 - 2019/11/13

ພິທີວຽນທຽນ ໂອກາດບຸນທາດຫຼວງປີນີ້ ຈັດຂຶ້ນຕອນຄ່ຳວັນທີ 11 ພະຈິກ 2019 ກົງກັບມື້ຂຶ້ນ 15 ຄ່ຳ ເດືອນ 12 ປີກຸນ ພສ 2562 ຢູ່ກົມມະລຽນດ້ານໃນພະທາດຫຼວງວຽງຈັນ ໂດຍມີທ່ານ ສີຫຸນ ສິດທິລືໄຊ ຮອງເຈົ້າຄອງນະຄອນຫຼວງວຽງຈັນ ພ້ອມດ້ວຍການນຳນະຄອນຫຼວງ ແລະ ຊາວນະຄອນຫຼວງວຽງຈັນເຂົ້າຮ່ວມຢ່າງ ໜາແໜ້ນ.

U-19 ລາວ ຜ່ານສູ່ຮອບສຸດທ້າຍ ບານເຕະຊີງແຊັມອາຊີ 2020

15:27 - 2019/11/13

ນັກກີລາບານເຕະຊາຍທີມຊາດລາວ ຮຸ່ນອາຍຸບໍ່ເກີນ 19 ປີ (U-19) ສ້າງຄວາມພູມໃຈໃຫ້ປະຊາຊົນລາວທົ່ວປະເທດ ໂດຍສາມາດຜ່ານການຄັດເລືອກຊີງແຊັມອາຊີ 2020 ພາຍຫຼັງຈາກວັນທີ 10 ພະຈິກ 2019 ລົງແຂ່ງຂັນນັດສຸດທ້າຍຂອງກຸ່ມ H ເອົາຊະນະ ມາເກົ້າ 6-0 ປະຕູ ມີ 7 ຄະແນນ ຈາກ 3 ນັດ ປະຕູໄດ້ເສຍ +7 ເຊິ່ງດີກວ່າຜົນເສຍ-ຊະນະຂອງອີກຄູ່ໜຶ່ງໃນກຸ່ມດຽວກັນ ຄື: ອົດສະຕຣາລີ ພົບ ໄຕ້ ຫວັນ (ເຈົ້າພາບ).

40 ນາງສາວ ທີ່ໄດ້ເຂົ້າປະກວດນາງສາວລາວ 2019

15:10 - 2019/11/04

ໃນວັນທີ 30 ຕຸລາ 2019 ທີ່ ສູນການຄ້າວຽງຈັນເຊັນເຕີ, ນະຄອນຫລວງວຽງຈັນ ບໍລິສັດ ຄົມປັນຍາ ເອັນເຕີເທນເມັ້ນ ຜູ້ຮັບຜິດຊອບໂຄງການປະກວດນາງສາວ 2019 (miss laos 2019) ໄດ້ຈັດງານນຳສະເໜີ 40 ນາງສາວ ທີ່ຜ່ານການຄັດເລືອກ ເຂົ້າປະກວດນາງສາວລາວ 2019.

ນະຄອນຫຼວງວຽງຈັນ ຈັດງານບຸນຊ່ວງເຮືອປະເພນີ ປະຈໍາປີ 2019

10:18 - 2019/10/15

ໃນຕອນເຊົ້າມື້ນີ້ ວັນທີ 14 ຕຸລາ 2019, ທີ່ທ່າວັດຈັນ ເມືອງຈັນທະບູລີ, ນະຄອນຫຼວງວຽງຈັນ, ໄດ້ຈັດງານບຸນຊ່ວງເຮືອປະເພນີບຸນອອກພັນສາ ຂອງນະຄອນຫຼວງວຽງຈັນ ຂຶ້ນ ໂດຍການເປັນປະທານຂອງ ທ່ານ ນາງ ບົວລອນ ວົງດາລາແສນ, ເຈົ້າເມືອງຈັນທະບູລີ ,ພ້ອມດ້ວຍການນໍາພັກ-ລັດ ນະຄອນຫລວງວຽງຈັນ ,ຄະນະນຳສີພາຍເຮືອຊ່ວງທີ່ມາຈາກກຸ່ມບ້ານ, ພະແນກການ ແລະ ກົມກອງຕ່າງໆເຂົ້າຮ່ວມ.

ຄາດວ່າທ້າຍປີນີ້ ຈະເປີດທົດລອງການ ທ່ອງທ່ຽວທຳມະຊາດ ແບບອະນຸລັກ ໃນເຂດໂອງ-ມັ່ງ ທີ່ເມືອງຊົນນະບູລີ

17:00 - 2019/10/10

ຫຼາຍພາກສ່ວນທັງພາກລັດ ແລະເອກະຊົນ ໄດ້ເຂົ້າຮ່ວມໃນ ກອງປະຊຸມຜ່ານແຜນການ ຈັດສັນ, ຄຸ້ມຄອງການທ່ອງ ທ່ຽວ ແລະວາງແຜນກິດຈະກຳ ການທ່ອງທ່ຽວທຳມະຊາດ ແບບອະນຸລັກໂອງ-ມ່ັງ ແລະ ເຂດສູນອະນຸລັກລະບົບນິເວດ ປ່າໂຄກ ທີ່ເມືອງຊົນນະບູລີ, ແນໃສ່ເພື່ອເປັນການຊຸກຍູ້ສົ່ງເສີມການທ່ອງທ່ຽວໃນເຂດດັ່ງກ່າວ ໃຫ້ເປັນຮູບປະທຳຫຼາຍຂຶ້ນ ໂດຍຄາດວ່າຈະເປີດທົດລອງການທ່ອງທ່ຽວໃນທ້າຍປີ 2019ນີ້ ແລະຈະເປັນເປັນທາງການໃນຕົ້ນປີ 2020.

ບົດຖະແຫລງຂ່າວ ທ່ານ ບໍ່ວຽງຄໍາ ວົງດາລາ, ກໍາມະການສູນກາງພັກ, ລັດຖະມົນຕີ ກະຊວງ ວິທະຍາສາດ ແລະ ເຕັກໂນໂລຊີ, ປະທານ ສະພາວິທະຍາສາດ ແຫ່ງຊາດ ເນື່ອງໃນວັນວິທະຍາສາດແຫ່ງຊາດ 12 ຕຸລາ 2019

11:19 - 2019/10/10

ກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດ ຊຸດທີ VII ໃນປີ 2013 ໄດ້ຮັບຮອງເອົາກົດໝາຍ ວ່າດ້ວຍ ວິທະຍາສາດ ແລະ ເຕັກໂນໂລຊີ ເຊິ່ງໄດ້ກໍານົດເອົາວັນທີ 12 ຕຸລາ ເປັນວັນວິທະຍາສາດແຫ່ງຊາດ, ເນື່ອງຈາກວ່າວັນທີ 12 ຕຸລາ ປີ1987 ປະທານປະເທດ ແຫ່ງ ສປປ ລາວ ໄດ້ເຊັນຂໍ້ຕົກລົງສ້າງຕັ້ງ ສະພາວິທະຍາສາດ-ເຕັກນິກແຫ່ງລັດ ຄັ້ງທຳອິດ ຂອງ ສປປ ລາວ. ສະນັ້ນ ວັນທີ 12 ຕຸລາ ຈຶ່ງເປັນວັນປະກາດເອກະລາດ ຂອງປະເທດລາວ ແລະ ທັງເປັນ ວັນວິທະຍາສາດແຫ່ງຊາດອີກດ້ວຍ. ເນື່ອງໃນໂອກາດວັນສະຫງ່າລາສີນີ້, ຂ້າພະເຈົ້າ ຂໍສະແດງຄວາມຮູ້ບຸນຄຸນເປັນຢ່າງສູງ ແລະ ຂໍອວຍພອນໄຊອັນປະເສີດ ມາຍັງບັນດາທ່ານຜູ້ນໍາ ພັກ-ລັດ, ບັນດານັກປະຕິບັດອາວຸໂສ, ນັກວິທະຍາສາດ, ນັກຄົ້ນຄວ້າ, ນັກສຶກສາ, ນັກຮຽນຮູ້-ປັນຍາຊົນ ແລະ ຊາວຜູ້ອອກແຮງງານ ປະຊາຊົນລາວບັນດາເຜົ່າທຸກທົ່ວໜ້າ ຢ່າງສຸດອົກສຸດໃຈ ! !

ເຢຍລະມັນ ແລະ ສປປ ລາວ ປະສານສົມທົບ ພັດທະນາພື້ນຖານໂຄງລ່າງຊົນນະບົດ

17:27 - 2019/09/30

ໃນວັນທີ 28 ກັນຍາ 2019 ທີ່ກະຊວງການເງິນ ໄດ້ຈັດຕັ້ງພິທີເຊັນສັນຍາໃຫ້ການຊ່ວຍເຫຼືອລ້າ ຈາກລັດຖະບານເຢຍລະມັນ ແກ່ ສປປ ລາວ ໄດ້ຈັດຂຶ້ນ ໂດຍຮ່ວມລົງນາມລະຫວ່າງ ທ່ານນາງ ທິບພະກອນ ຈັນທະວົງສາ ຮອງລັດຖະມົນຕີກະຊວງການເງິນ ແລະ ທ່ານ ວຽງສະຫວັດ ສີພັນດອນ ຮອງລັດຖະມົນຕີກະຊວງໂຍທາທິການ ແລະ ຂົນສົ່ງ ແລະ ທ່ານ ຢັນ ວີເກວມັນ ຜູ້ອຳນວຍການທະນາຄານພັດທະນາເຢຍລະມັນປະຈຳລາວ ມີທ່ານ ເຢັນ ລຸກເກີແຮມ ເອກອັກຄະລັດຖະທູດເຢຍລະມັນປະຈຳລາວ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ລັດຖະບານ ສົ່ງເສີມການຮຽນຮູ້ພາສາຍີ່ປຸ່ນຂອງນັກຮຽນໃຫ້ຫຼາຍຂຶ້ນ

11:44 - 2019/09/30

ວັນທີ 27 ກັນຍາ 2019 ສະຖານທູດຍີ່ປຸ່ນປະຈຳລາວ ຈັດພິທີມອບ-ຮັບສູນພາສາຍີ່ປຸ່ນທີ່ຕັ້ງຢູ່ໂຮງຮຽນມັດທະຍົມສົມບູນໜອງບອນ ເມືອງໄຊເສດຖາ ນະຄອນຫຼວງວຽງຈັນ (ນວ) ກ່າວມອບໂດຍທ່ານ ເຄໂຊ ທາເກວະກະ ເອກອັກຄະລາຊະທູດຍີ່ປຸ່ນປະຈຳລາວ ແລະ ກ່າວຮັບໂດຍທ່ານ ນາງ ແສງພະຈັນ ພິມມະຈັກ ຜູ້ອຳນວຍການໂຮງຮຽນ ມສ ໜອງບອນ ມີທ່ານ ບົວລານ ສິລິປັນຍາ ຮອງລັດຖະມົນຕີກະຊວງສຶກສາທິການ ແລະ ກີລາ ທ່ານຮອງຫົວໜ້າພະແນກສຶກສາທິການ ແລະ ກີລາ ນວ ທ່ານຮອງເຈົ້າເມືອງໄຊເສດຖາ ອຳນາດການປົກຄອງບ້ານ ຄູ-ອາຈານ ຂະແໜງການກ່ຽວຂ້ອງ ແລະ ນັກຮຽນເຂົ້າຮ່ວມ.

ນາຍົກເອົາໃຈໃສ່ຕໍ່ຜູ້ທີ່ໄດ້ຮັບເຄາະຮ້າຍຈາກນໍ້າຖ້ວມ

16:16 - 2019/09/11

ພາຍຫຼັງທີ່ທ່ານນາຍົກລັດຖະມົນຕີ ທອງລຸນ ສີສຸລິດ ສຳເລັດພາລະກິດ ຕ້ອນຮັບແຂກ ຂັ້ນສູງຈາກຕ່າງປະເທດ (ປະທານາທິບໍດີ ສ. ເກົາຫລີ) ທີ່ມາຢ້ຽມຢາມລັດຖະກິດ ສສປ ລາວ ຢ່າງເປັນທາງການ, ຈາກນັ້ນ ໃນລະຫວ່າງວັນທີ 7-8 ກັນຍາ 2019, ຊຶ່ງເປັນວັນພັກລັດຖະການ, ທ່ານໄດ້ຮີບຮ້ອນເດີນທາງລົງໄປຢ້ຽມຢາມ, ພົບປະໂອ້ລົມ, ມອບເຄື່ອງຊ່ວຍເຫຼືອ ແລະ ໃຫ້ກຳລັງໃຈແກ່ພໍ່ແມ່ປະຊາຊົນ ທີ່ປະສົບໄພ ນໍ້າຖ້ວມ ຢູ່ສະຖານທີ່ຕ່າງໆ ເປັນຕົ້ນ ທີ່ເມືອງ ຈຳພອນ, ແຂວງສະຫວັນນະເຂດ; ເມືອງຄົງ ເຊໂດນ, ແຂວງສາລະວັນ; ເມືອງຊະນະສົມບູນ, ແຂວງຈຳສັກ.

ສປປ ລາວ ມີແຫລ່ງມໍລະດົກໂລກ ທັງໝົດ 3 ແຫ່ງ 1 ລາຍການ

15:15 - 2019/09/11

ປັດຈຸບັນ, ສປປ ລາວ ມີແຫລ່ງມໍລະດົກໂລກ ທີ່ຖືກຮັບຮອງຢ່າງເປັນທາງການ ຈາກອົງ ການອຸຍແນດສະໂກ ຫລື (ອົງການສະຫະປະຊາຊາດເພື່ອການສຶກສາ, ວິທະຍາດສາດ ແລະ ວັດທະນະ ທຳ - UNESCO) ທັງໝົດ 3 ແຫ່ງ ແລະ 1 ລາຍການ ທີ່ເປັນມໍລະດົກໂລກ ວັດທະນະທຳນາມມະທຳ ທີ່ບໍ່ເປັນວັດຖຸ.