ເວທີປຶກສາຫາລື ແລກປ່ຽນຄຳຄິດເຫັນ ໃນການພັດທະນາ ການທ່ອງທ່ຽວ

15:40 2018/07/03

ເປີດເວທີປຶກສາຫາລື ແລກປ່ຽນຄຳຄິດເຫັນ ແລະ ຂໍ້ສະເໜີຕ່າງໆ ພາຍໃຕ້ຫົວຂໍ້: "ຍົກລະດັບການຊົມໃຊ້ ແລະ ການພັດທະນາການທ່ອງທ່ຽວ" ແລະ "ຄຸນຄ່າຫລັກ ແລະ ການຫັນປ່ຽນຂອງສື່" ພາຍໃຕ້ ກອງປະຊຸມສຸດຍອດສື່ມວນຊົນ ຂອບການຮ່ວມມືແມ່ນ້ຳຂອງ-ແມ່ນ້ຳລ້ານຊ້າງ.

ເວທີປຶກສາຫາລື ແລກປ່ຽນຄຳຄິດເຫັນ ໃນການພັດທະນາ ການທ່ອງທ່ຽວ
ເປີດເວທີປຶກສາຫາລື ແລກປ່ຽນຄຳຄິດເຫັນ  ແລະ ຂໍ້ສະເໜີຕ່າງໆ ພາຍໃຕ້ຫົວຂໍ້:  "ຍົກລະດັບການຊົມໃຊ້ ແລະ ການພັດທະນາການທ່ອງທ່ຽວ"   ແລະ "ຄຸນຄ່າຫລັກ ແລະ ການຫັນປ່ຽນຂອງສື່".

ໃນວັນທີ 3 ກໍລະກົດ 2018 ທີ່ນະຄອນຫລວງວຽງຈັນ,  ໄດ້ເປີດເວທີປຶກສາຫາລື ແລກປ່ຽນຄຳຄິດເຫັນ  ແລະ ຂໍ້ສະເໜີຕ່າງໆ ພາຍໃຕ້ຫົວຂໍ້:  "ຍົກລະດັບການຊົມໃຊ້ ແລະ ການພັດທະນາການທ່ອງທ່ຽວ"   ແລະ "ຄຸນຄ່າຫລັກ ແລະ ການຫັນປ່ຽນຂອງສື່"  ພາຍໃຕ້ ກອງປະຊຸມສຸດຍອດສື່ມວນຊົນ ຂອບການຮ່ວມມືແມ່ນ້ຳຂອງ-ແມ່ນ້ຳລ້ານຊ້າງ,  ໂດຍການເຂົ້າຮ່ວມຂອງທ່ານ ສະຫວັນຄອນ  ລາຊະມຸນຕີ ຮອງລັດຖະມົນຕີ  ກະຊວງ ຖະແຫລງຂ່າວ, ວັດທະນະທຳ ແລະ ທ່ອງທ່ຽວ  ມີຜູ້ຕາງໜ້າສື່ມວນຊົນ  ຈາກອົງການສື່ມວນຊົນ 6 ປະເທດລຸ່ມແມ່ນໍ້າຂອງ -ແມ່ນໍ້າລ້ານຊ້າງ.

ການທ່ອງທ່ຽວສາມາດສ້າງລາຍຮັບ  ໃຫ້ປະເທດເປັນອັນດັບຕົ້ນໆ  ຂອງແຕ່ລະປະເທດ   ທັງສາມາດສ້າງວຽກເຮັດງານທຳ,  ຊ່ວຍຍົກລະດັບຊີວິດການເປັນຢູ່ຂອງປະຊາຊົນໃຫ້ດີຂຶ້ນ,  ແຕ່ຖ້າຂາດການ ໂຄສະນາເຜີຍ ແຜ່ຂໍ້ ມູນ  ຢ່າງກວ້າງຂວາງ ຜູ້ອື່ນກໍບໍ່ສາມາດຮູ້ນຳ  ແລະ ບໍ່ສົນໃຈຢາກມາທ່ອງທ່ຽວ  ຫລື  ມາສຳພັດສະຖານທີ່ທ່ອງ ທ່ຽວນັ້ນໄດ້.

ບັນດາຜູ້ຕາງໜ້າອົງການສື່ມວນຊົນຈາກ  6 ປະເທດລຸ່ມແມ່ນໍ້າຂອງ-ແມ່ນໍ້າລ້ານຊ້າງ   ໄດ້ມີຄຳຄິດເຫັນ ແລະ ຂໍ້ສະເໜີຕ່າງໆ  ເປັນຕົ້ນ ແມ່ນການປັບປຸງໂຄງລ່າງພື້ນຖານເພື່ອອຳນວຍຄວາມສະດວກ  ໃນການເດີນ ທາງເຂົ້າ-ອອກ  ປະເທດຂອງນັກທ່ອງທ່ຽວ ແລະ ຄົມມະນາຄົມຂົນສົ່ງ-ໄປມາສະດວກປອດໄພ;  ປັບປຸງມາດຕະ ຖານໃນການບໍລິການຕ່າງໆ;  ເພີ່ມຜະລິດຕະພັນທ່ອງທ່ຽວ ໃຫ້ຫລາກຫລາຍຮູບແບບສີ ສັນ, ຂະໜາດ  ແລະ ຫລາຍລາຄາ;   ສ້າງກົນໄກ, ສ້າງຈຸດປະສານງານ ເພື່ອສະ  ໜອງຂໍ້ມູນຂ່າວສານ  ດ້ານການທ່ອງທ່ຽວ ໃຫ້ທົ່ວເຖິງ  ພ້ອມທັງເອົາໃຈໃສ່ແກ້ໄຂບັນຫາຕ່າງໆ  ທີ່ເປັນອຸປະສັກຂັດຂວາງ ການເຊື່ອມໂຍງການທ່ອງທ່ຽວ ໃນທຸກລະດັບ ເພື່ອແກ້ໄຂບັນຫາຕ່າງໆ  ທີ່ນັກທ່ອງທ່ຽວປະສົບບັນຫາຕ່າງໆ  ໃຫ້ໄດ້ຢ່າງວ່ອງໄວ, ທັນກັບເຫດການ ແລະ ສະພາບການ.

ນອກຈາກນີ້, ການສົ່ງເສີມການທ່ອງທ່ຽວ  ຈາກສື່ເປັນສິ່ງສຳຄັນທີ່ສຸດ ໃນການໂຄສະນາເຜີຍແຜ່ຂໍ້ມູນຕ່າງໆ  ແລະ ສື່ກໍຕ້ອງມີເຄືອຂ່າຍຮ່ວມກັນ ແລະ ຊ່ວຍເຫລືອເຊິ່ງກັນ ແລະ ກັນ  ໂດຍຕິດພັນກັບເທັກໂນໂລຊີ   ແລະ ນະວັດຕະກໍາໃໝ່  ໃນການພັດທະນາການທ່ອງທ່ຽວ  ເພື່ອໃຫ້ນັກທ່ອງທ່ຽວ ໃນບັນດາພາກພື້ນ  ແລະ ສາ ກົນ ມາທ່ຽວປະເທດຂອງຕົນເພີ່ມຂຶ້ນ.  ໃນປີ 2017  ຈໍານວນນັກທ່ອງທ່ຽວເຂົ້າມາ ລາວ 3.868.431 ເທື່ອຄົນ,  ໃນນີ້ ມີນັກທ່ອງທ່ຽວມາຈາກໄທຫລາຍກວ່າໝູ່,  ຮອງລົງມາແມ່ນຫວຽດນາມ,  ຈີນ, ອາເມລິກາ, ຍີ່ປູ່ນ, ອັງກິດ, ເກົາຫລີໃຕ້,  ອົດສະຕຣາລີ, ເຢຍລະມັນ ແລະ ມາເລເຊຍ ຕາມລໍາດັບ.

ສະເພາະປີທ່ອງທ່ຽວລາວ 2018  ຕາມແຜນການແມ່ນຈະພະຍາຍາມ ດຶງດູດນັກທ່ອງທ່ຽວເຂົ້າມາ  ບໍ່ໃຫ້ຫລຸດ 5 ລ້ານຄົນ  ແລະ ສ້າງລາຍຮັບເຂົ້າມາໃຫ້ໄດ້ປະມານ  900 ລ້ານໂດລາສະຫະລັດ, ໃນປີ 2020  ຄາດຄະເນ ຈະມີນັກທ່ອງທ່ຽວເຖິງ 6,2 ລ້ານຄົນ  ແລະ ຈະມີລາຍຮັບເຖິງ 993 ລ້ານ ກວ່າໂດລາສະຫະລັດ.

(ແຫຼ່ງ​ຂໍ້​ມູນ​: ຂ​ປ​ລ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll