ເມືອງແກ່ນທ້າວ ກຽມເປີດປີທ່ອງທ່ຽວ ຕິດພັນກັບບຸນ ພະເຫວດ

15:57 2018/05/14

ປະເພນີບຸນເດືອນ 7 ຫລື ບຸນພະເຫວດ ເລີ່ມແຕ່ ວັນທີ 23 ພຶດສະພາ 2018​ , ເມືອງແກ່ນທ້າວ - ແຂວງ ໄຊຍະບູລີ ມີຫລາຍ​ກິດຈະກຳ​ສຳຄັນ ​ເພື່ອ​ໃຫ້​ມວນ​ຊົນ​​, ນັກ​ທ່ອງ​ທ່ຽວ ທັງພາຍ​​ໃນ​ເມືອງ, ​ແຂວງ ​ແລະ ຕ່າງ​ແຂວງ ​ເຂົ້າ​ມາ​ຮ່ວມ​ງານ​ຢ່າງ​ເບີກບານ​ມ່ວນ​ຊື່ນ.

ເມືອງແກ່ນທ້າວ ກຽມເປີດປີທ່ອງທ່ຽວ ຕິດພັນກັບບຸນ ພະເຫວດ
ບຸນນະມັດສະການ ພຣະທາດທ້າວແກ່ນ-ພະທາດນາງແພງສີ.

ເມືອງແກ່ນທ້າວ ແຂວງໄຊຍະບູລີ ຈະເປີດປີທ່ອງທ່ຽວລາວ 2018  ຕິດພັນກັບບຸນນະມັດສະການ ພຣະທາດທ້າວແກ່ນ-ພະທາດນາງແພງສີ  ປະເພນີບຸນເດືອນ 7 ຫລື ບຸນພະເຫວດ ເລີ່ມແຕ່ ວັນທີ 23 ພຶດສະພາ 2018 ​ໂດຍ​ຈະ​ມີ​ ຫລາຍ​ກິດຈະກຳ​ສຳຄັນ ​ເພື່ອ​ໃຫ້​ມວນ​ຊົນ​ທັງ ​ພາຍ​​ໃນ​ເມືອງ, ​ແຂວງ ​ແລະ ຕ່າງ​ແຂວງ ​ເຂົ້າ​ມາ​ຮ່ວມ​ງານ​ຢ່າງ​ເບີກບານ​ມ່ວນ​ຊື່ນ.

ສຳລັບ​ ກິດຈະກຳ​ພາຍ​ໃນ​ງານ​ ຈະມີການປະກວດນັກຮ້ອງສຽງດີ  ແລະ ການສະ ແດງສິລະປະ-ວັນນະຄະດີ,  ໃນຕອນຄໍ່າວັນທີ 24 ພຶດສະພາ  ປະກວດນາງສາວງາມບຸນເດືອນ 7  ແລະ ການສະແດງສິລະປະ-ວັນນະຄະດີ,  ວັນທີ 26 ພຶດສະພາ 2018 ພິທີເປີດປີທ່ອງທ່ຽວຂອງເມືອງ ຢ່າງເປັນທາງການ, ວັນທີ 27 ພຶດສະພາ 2018  ກົງກັບມື້ຂຶ້ນ 13 ຄໍ່າ ເດືອນ 7 ເປັນມື້ຫ້າງຫາກະກຽມ,  ຕົບແຕ່ງເຄື່ອງສັກກາລະບູຊາ, ຕົບແຕ່ງ ປະດັບປະດາວັດວາອາຮາມ ໃຫ້ມີຄວາມຈົບງາມ ແລະ ເປັນລະຮຽບຮ້ອຍ, ວັນທີ 28 ພຶດສະພາ 2018 ກົງກັບມື້ຂຶ້ນ 14 ຄໍ່າ ເດືອນ 7 ເຕົ້າໂຮມບຸນ, ຕ້ອນຮັບພະສົງສາມະເນນ,  ເຖົ້າແກ່ທີ່ມາຈາກບ້ານຕ່າງໆ,  ຮັບກັນສົມໂພດຈາກສັດທາຍາດໂຍມ ຈາກບ້ານຕ່າງໆ ແລະ ຕອນຄໍ່າຊົມການສະແດງຄອນເສີດ,  ໝໍລໍາເລື່ອງ, ວັນທີ 29 ພຶດສະພາ 2018 ກົງກັບມື້ຂຶ້ນ 15 ຄໍ່າ ເດືອນ 7 ພິທີຖວາຍສັງຄະທານ ແດ່ພະສົງສາມະເນນ, ບາສີສູ່ຂວັນນາກຜູ້ຈະບວດ,  ແຫ່ນາກຈາກວັດຈອມແຈ້ງ ໄປບວດຢູ່ວັດສີພູມ, ເຕົ້າໂຮມຊັ້ນຄົນຕ່າງໆ  ເພື່ອໄປເຊີນພະເຫວດສັນດອນ,  ຊົມການຈູດບັ້ງໄຟຫາງ, ເລີ່ມພິທີອັນ ເຊີນພະເຫວດຢ່າງເປັນທາງການ  ຈາກນັ້ນເລີ່ມ ເຄື່ອນຍ້າຍ ຂະບວນພະເວດເຂົ້າເມືອງ  ແລະ ຕອນຄໍ່າຊົມການສະແດງຄອນເສີດ,  ໝໍລໍາເລື່ອງ ແລະ ການຈູດບັ້ງໄຟດອກ,

ພ້ອມນີ້ ຕະຫລອດງານບຸນຍັງມີ  ຕະຫລາດນັດວາງສະແດງ ແລະ ຂາຍສິນຄ້າ ຈາກບ້ານ-ກຸ່ມບ້ານ ບໍລິເວນໃນທົ່ວເມືອງ ຕື່ມອີກ.

(ແຫຼ່ງ​ຂໍ້​ມູນ​: ຂ​ປ​ລ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll