ເປີດສັບດາການສະແດງອາພອນ ລະດັບສາກົນ ລາວແຟ ຊັນວີກ 2018

10:09 2018/09/14

ຍສໝ - ໃນ​ວັນ​ທີ 10-14 ກັນຍາ 2018 ທີ່​ໂຮ​ງ​ແຮມ​ຄຣາວພາ​ຊາ ນະຄອນຫລວງ​ວຽງ​ຈັນ, ລາວ​ແຟ ຊັນ​ວີກ ​ໄດ້​​ເປີດງານສັບ​ດາ​ແຫ່ງ​ ການສະ​ແດງ​ອາພອນ​ລະດັບ​ສາກົນ 2018 ​ເພື່ອ​ສະ​ເຫລີ​ມສະ​ຫລອງ ຄົບ ຮອບ 5 ປີ ​ແຫ່ງ​ການ​ກໍ່​ຕັ້ງ ລາວ​ແຟຊັນ​ວີກ ​ເຊິ່ງໃນ​ປີ​ນີ້ ​ໄດ້​ມີ​ນັກ​ອອກ​ແບບ​ຊັ້ນ​ນຳ ​ແລະ ມີຊື່​ສຽງ​ເຂົ້າ​ຮ່ວມ​ສະ​ແດງ​ຜົນງານ​ຫລາຍ​ກວ່າ 50 ທ່ານ.

ເປີດສັບດາການສະແດງອາພອນ ລະດັບສາກົນ ລາວແຟ ຊັນວີກ 2018
ທ່ານ ນາງ ປານີ ໄຊຍະວົງ ຜູ້ກໍ່ຕັ້ງ ລາວແຟຊັນວີກ ກ່າວຄຳເຫັນໃນງານ.

ໃນ​ນັ້ນ, ​ມາ​ຈາກລະດັບ​ເວທີ​ສາກົນ 30 ກວ່າ​ທ່ານ.  ໂດຍ​ການ​ເປັນ​ປະທານ​ຂອງ​ທ່ານ ນາງ ປານີ ໄຊຍະວົງ  ຜູ້ກໍ່ຕັ້ງ ລາວແຟຊັນວີກ  ທັງເປັນຜູ້ອຳນວຍການໂຄງການພັດທະນາ  ນັກອອກແບບໜຸ່ມນ້ອຍຂອງລາວ,  ທ່ານ ສົມສະໜຸກ ມີໄຊ ຮອງປະທານສະມາຄົມນັກຂ່າວແຫ່ງ ສປປ ລາວ  ມີບັນດານັກອອກແບບ ແລະ ສື່ມວນຊົນ​ເຂົ້າ​ຮ່ວມ.

ທ່ານ ນາງ ປານີ ໄຊຍະວົງ ​​ກ່າວ​ວ່າ:  ຄວາມ​ມຸ່ງ​ໝັ້ນ ​ໃນ​ການ​ພັດທະນາ​ແຜ່ນ​ແພ  ​ແລະ ​ແຟຊັນ​ໃນ​ລາວ ​ໃຫ້​ໂດ່​ງດັງ​ໄປ​ທົ່ວ​ໂລກ  ​ແມ່ນ​ຍ້ອນ​ມີ​ການສ້າງສາ​ຍສຳພັນ  ​ແລະ ການ​ຮ່ວມ​ມື​ກັບ​ບັນດາ​ສະ​ຖາ​ບັນ  ​ແຟຊັນ ​ທີ່​ມີ​ຊື່​ສຽງ​ຂອງ​ໂລກ ​ເປັນ​ຕົ້ນ  ສະ​ຖາ​ບັນ​ເອັດ​ສ​ໂມ​ດ ປະ​ເທດ​ຝຣັ່ງ,  ສະ​ຖາ​ບັນ​ນານ​ຢາງ ປະ​ເທດ​ສິງກະ​ໂປ,  ສະ​ຖາ​ບັນ​ລອນ​ດອນ ​ຄອນ​ເລດ​ອອຟດີ​ຊາຍ  ​ແອນ​ແຟຊັນ ປະ​ເທດ​ຫວຽດນາມ,  ສະ​ຖາ​ບັນ​ແຟຊັນ​ຟີ​ລິບ​ປິນ, ກົວ​ລາ​ລຳ​ເປີ​ ແຟຊັນ​ວີກ, ມາ​ນີລາ​ແຟຊັນ​ເຟສຕີ​ວານ ​ແລະ ບັນດາ​ຫ້ອງ​ເສື້ອ​ຊື່​ດັງ​ຂອງ​ໄທ.  ນອກຈາກ​ນີ້, ວຽກ​ງານ​ໃນ​ການ​ພັດທະນາແຟຊັນ​ໃນ​ລາວ ກໍ​ຄືໂຄງການສົ່ງເສີມນັກອອກແບບໜຸ່ມນ້ອຍຂອງລາວ  ທີ່​ເປັນ​ໂຄງການ​ພັດ​ທະ​ນາ​ຊັບພະຍາກອນ​​ຂອງ​ລາວ​ແຟຊັນ​ວີກ  ຍັງ​ໄດ້​ສົ່ງ​ບັນດາ​ໄວ​ໜຸ່ມ​ລາວ ​ທີ່​ມີ​ພອນ​ສະຫວັນ​ໃນ​ການ​ອອກ​ແບບ ​ໄປ​ຮ່ຳຮຽນ  ​ແລະ ຝຶກ​ຝົນ ​ໃນ​ບັນດາ​ສະ​ຖາ​ບັນທີ່​ມີ​ຊື່​ສຽງ ​ຂອງ​ໂລກ​ໃນ​ໃນ​ແຕ່ລະ​ປີ. ​ເສີມ​ສ້າງ​ໃຫ້​ເຂົາ​ເຈົ້າ​ໄດ້​ມີ​ປະສົບ​ການ ເພື່ອພັດທະນາຄວາມຮູ້, ທັກສະ  ແລະ ມຸມມອງ ຂອງເຂົາ ເຈົ້າ ໃຫ້ມີ​ຄວາມພ້ອມໃນການສ້າງ  ສານຄວາມໄຝ່ຝັນຂອງຕົນໃຫ້ເປັນຈິງ  ໃນການ​ເປັນມື ອາຊີບໃນວົງການແຟຊັນ ​ ແລະ ​​ກາຍ​ເປັນ​ນັກ​ອອກ​ແບບ​ໜຸ່ມ​ນ້ອຍ​  ທີ່​ມີ​ບົດບາດ​ໃນ​ວົງ​ການ​ແຟຊັນ​​ລາວ.

ທ່ານ ນາງ ປານີ ​ໄຊ​ຍະ​ວົງ ​ກ່າວ​ຕື່ມ​ວ່າ: 5 ປີ  ຂອງ​ການ​ກໍ່​ຕັ້ງ​ລາວ​ແຟຊັນ​ວີກ  ​ໄດ້​ສ້າງ​ປະຫວັດສາດ​ໜ້າ​ໃໝ່  ​ໃຫ້​ແກ່​ວົງ​ການ​ແຟຊັນ​ຂອງ​ລາວ  ​ແລະ ມີ​ຄວາມ​ພາກພູມ​ໃຈ​ຫລາຍ​ທີ່​ໄດ້​ນຳ​ເອົາ  ​ຊື່​ສຽງ​ຂອງ​ປະ​ເທດ​ລາວ  ​ໄປ​ຢູ່​ໃນ​ແຜນ​ທີ່​ແຟຊັນ​ຂອງ​ໂລກ​ຢ່າງ​ເຕັມຕົວ  ​ແລະ ກາຍ​ເປັນ​ສ່ວນ​ໜຶ່ງ​ຂອງ​ຄອບຄົວ​ແຟຊັນ​ຂອງ​ໂລກ.  ພວກ​ເຮົາ​ມຸ່ງ​ໝັ້ນທີ່​ຈະ​ສືບ​ຕໍ່​ເສີ​ມຂະຫຍາຍ  ສາຍ​ພົວພັນ​ຮ່ວມ​ມື​ກັບ​ບັນດາ​ຄູ່​ຮ່ວມ​ພັດທະນາ  ​ທັງ​ພາຍ​ໃນ ​ແລະ ຕ່າງປະ​ເທດ  ​ເພື່ອ​ພັດທະນາ​ທີ່​ຍືນ​ຍົງ​ຄົງ​ຕົວ​ໃຫ້​ແກ່​ວົງ​ການ​ແຜ່ນ​ແພ ​ແລະ ​ແຟຊັນ​ໃນ​ລາວ.

ພາບບັນຍາກາດບາງສ່ວນຂອງງານ:





ລາຍການແຟຊັ້ນວິກ 2018.
(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll