ເປີດສູນການຮຽນຮູ້ ວິທະຍາສາດ-ເຕັກໂນໂລຊີ ແຫ່ງທຳອິດ ໃນລາວ

16:41 2018/10/20

​ໃນ​ວັນ​ທີ 19 ຕຸລາ 2018 ທີ່​ໂຮງ​ແຮມ​ລາວ​ພລາຊາ ນະຄອນຫລວງ​ວຽງ​ຈັນ, ​ໄດ້​ມີ​ພິທີເປີດສູນການຮຽນຮູ້ ວີ​ເອັຟ (VF) ຈໍາກັດຜູ້ດຽວ ບ້ານ​ໜອງດ້ວງທົ່ງ ​ເມືອງ​ສີ​ໂຄດ​ຕະບອງ ນະຄອນ ຫລວງ​ວຽງຈັນ ​​ເຊິ່ງເປັນສູນທໍາອິດໃນ ສປປ ລາວ ເພື່ອພັດທະນາ ທັກສະ ແລະ ຮຽນຮູ້ວິຊາວິທະຍາສາດ, ເຕັກໂນໂລຊີ, ວິສະວະກຳສາດ ແລະ ຄະນິດສາດ(STEM) ດ້ວຍວິທີການສອນທີ່ທັນສະໄໝ ແລະ ກຽມຄວາມພ້ອມໃຫ້ເດັກ​ນ້ອຍ​ລາວ ​ໄດ້ຄົ້ນພົບວິຊາຊີບ ທີ່ຕົນເອງ ມັກໃນອານາຄົດ.

ເປີດສູນການຮຽນຮູ້ ວິທະຍາສາດ-ເຕັກໂນໂລຊີ ແຫ່ງທຳອິດ ໃນລາວ
ບັນຍາກກາດທີ່ກອງປະຊຸມກ (ພາບ: ອ່າຍຄຳ)

ທ່ານນາງ ສຸກຖະວອນ ວົງສະຫວັນ  ຜູ້ອໍານວຍການ ສູນການຮຽນຮູ້ VF  ຈໍາກັດຜູ້ດຽວ​ໄດ້​ກ່າວ​ວ່າ: ສູນການຮຽນຮູ້ ວີເອຟ  ໄດ້ນຳເອົາຫລັກກສູດກ່ຽວກັບເຕັກໂນໂລຊີ  ຫຸ່ນຍົນ (Robotic) ເຂົ້າມາສິດສອນ  ແລະ ຝຶກອົບຮົມການ ປະຕິບັດຕົວຈິງຢູ່  ສປປ ລາວ ເພື່ອສ້າງການຮຽນຮູ້ທາງດ້ານເຕັກໂນໂລຊີຫຸ່ນຍົນ,  ປູກຈິດສຳນຶກໃຫ້ກັບນັກຮຽນ,  ນັກສຶກສາໄວໜຸ່ມ ໃນການພັດທະນາລະບົບເຕັກໂນໂລຊີ ຫຸ່ນຍົນ,  ເຮັດໃຫ້ນັກຮຽນຮູ້ຈັກກັບກົນໄກ,  ການແກ້ ໄຂບັນຫາຕ່າງໆ ກ່ຽວກັບລະບົບຫຸ່ນຍົນ  ແລະ ສ້າງຈິນຕະນະການໃຫ້ກັບນັກຮຽນ ໃນການສ້າງຫົນຍຸ່ນ ເຊິ່ງເຕັກໂນໂລຊີຫຸ່ນຍົນ  ກໍເປັນໜຶ່ງໃນເຕັກໂນໂລຊີທີ່ຢູ່ໃນ  ຍຸກອຸດສາຫະກໍາ 4.0, ສູນດັ່ງກ່າວຍັງ​ໄດ້ມອບທຶນຝຶກອົບຮົມ  ກ່ຽວກັບ ຫລັກສູດ STEM ຈໍານວນ 20 ທຶນແກ່ນັກຮຽນ  ທີ່​ເຂົ້າ​ຮ່ວມ​ງານ​ເປີດ​ສູນ​ຄັ້ງ​ນີ້.

ສູນການຮຽນຮູູ້ VF ຈໍາກັດຜູ້ດຽວ  ແມ່ນສູນການຮຽນຮູ້ແບບໃໝ່ໃຫ້ແກ່ເດັກນ້ອຍ  ໂດຍນໍາເອົາແນວທາງການຮຽນຮູ້ທີ່ສາມາດ ເຊື່ອມໂຍງຄວາມຮູ້ທາງດ້ານ STEM ລວມເຂົ້າເປັນອັນໜຶ່ງອັນດຽວກັນ ເພື່ອໃຫ້ເດັກນ້ອຍໄດ້ຮຽນຮູ້ວິ ຊາເຫລົ່ານີ້  ໂດຍຜ່ານການສ້າງຫຸ່ນຍົນ ​ເຊິ່ງເປັນສູນທໍາອິດໃນ ສປປ ລາວ. STEM  ມີຫລັກສູດການຝຶກອົບຮົມໃນ 4 ລະດັບຄື  ລະດັບຊັ້ນອະນຸບານ, ປະຖົມ,  ມັດທະຍົມ ແລະ ມະຫາວິທະຍາໄລ. ທັງ 4 ຫລັກສູດນີ້  ສາມາດເຊື່ອມສານເຂົ້າ ໃນຫລັກສູນການຮຽນ-ການສອນ ໃນໂຮງຮຽນຕາມຄວາມເໝາະສົມ.

ໃນໂອກາດດຽວກັນ, ໄດ້ມີພິທີເຊັນສັນຍາຮ່ວມ​ມື​ກັນ ລະຫວ່າງ  ທ່ານ ນາງ ສຸກຖະວອນ ວົງສະຫວັນ ຜູ້ອໍານວຍການ ສູນການຮຽນຮູ້ VF ຈໍາກັດຜູ້ດຽວ,  ທ່ານ ​ແຮຣີ ​ໂຣ ຜູ້ກໍ່ຕັ້ງ ແລະ ປະທານກຸ່ມບໍລິສັດ My Robot Time,  ທ່ານ ຟິວລິບ ຕັນ ຜູ້​ບໍລິຫານ​ຂອງກຸ່ມບໍລິສັດ My Robot Time.

(ແຫຼ່ງ​ຂໍ້​ມູນ​: ມະນີ​ທອນ/ຂ​ປ​ລ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll