ຫົວພັນ ໄດ້ຮັບໃບຢັ້ງຢືນຖິ່ນກໍາເນີດ ເຂົ້າໄກ່ນ້ອຍ

08:32 2018/11/14

ວັນທີ 13 ພະຈິກ ຜ່ານມາ, ກະຊວງວິທະຍາສາດ ແລະ ເຕັກໂນໂລຊີ ຮ່ວມກັບ ແຂວງຫົວພັນ ຈັດພີທີມອບໃບຢັ້ງຢືນຖິ່ນກໍາເນີດເຂົ້າໄກ່ນ້ອຍຫົວພັນ ໃຫ້ແກ່ສະມາຄົມສົ່ງເສີມ ເຂົ້າໄກ່ນ້ອຍຫົວພັນທີ່ຖໍາຊ້າງລອດເມືອງວຽງໄຊ, ເຊິ່ງມອບໂດຍ ທ່ານ ບໍ່ວຽງຄໍາ ວົງດາລາ ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ເຊິ່ງຕາງໜ້າກ່າວຮັບ ແລະ ມອບຕໍ່ໂດຍ ທ່ານ ວັນໄຊ ແພງຊຸມມາ ເຈົ້າແຂວງຫົວພັນ, ເຊິ່ງການຈົດທະບຽນຖິ່ນກໍາເນີດເຂົ້າໄກ່ນ້ອຍຫົວພັນ ແມ່ນໄດ້ເລີ່ມຂຶ້ນໃນຕົ້ນປີ 2016 ແລະ ໄດ້ມີການເຕົ້າໂຮມຜູ້ຜະລິດ ແລະ ຜູ້ປະກອບການ ທີ່ຜະລິດ ແລະ ຄ້າຂາຍເຂົ້າໄກ່ນ້ອຍ ເຂົ້າຮ່ວມສ້າງຕັ້ງເປັນສະມາຄົມ ສົ່ງເສີມເຂົ້າໄກ່ນ້ອຍ ແຂວງຫົວພັນ ໂດຍມີ 242 ຄອບຄົວ ແລະ 3 ຫົວໜ່ວຍທຸລະກິດເຂົ້າຮ່ວມ.

ຫົວພັນ ໄດ້ຮັບໃບຢັ້ງຢືນຖິ່ນກໍາເນີດ ເຂົ້າໄກ່ນ້ອຍ
ທ່ານ ບໍ່ວຽງຄໍາ ວົງດາລາ ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ເຊິ່ງຕາງໜ້າກ່າວຮັບ ແລະ ມອບຕໍ່ໂດຍ ທ່ານ ວັນໄຊ ແພງຊຸມມາ ເຈົ້າແຂວງຫົວພັນ.

ຈຸດປະສົງຂອງ ການຈົດທະບຽນປົກປ້ອງຖິ່ນກໍາເນີດເຂົ້າໄກ່ນ້ອຍຈາກແຂວງຫົວພັນ ແມ່ນເພື່ອປົກປ້ອງຊື່ສຽງຂອງເຂົ້າໄກ່ນ້ອຍແຂວງຫົວພັນ ອັນເປັນທີ່ຮູ້ຈັກຢ່າງກວ້າງຂວາງ, ປົກປ້ອງພູມປັນຍາທ້ອງຖິ່ນທີ່ຕິດພັນກັບການຜະລິດເຂົ້າໄກ່ນ້ອຍ ທີ່ສືບທອດມາຈາກບັນພະບູລຸດຫລາຍເຊັ່ນຄົນ ສາມາດເວົ້າໄດ້ວ່າ ແມ່ນຊັບສິນທາງປັນຍາຂອງຊຸມຊົນທ້ອງຖິ່ນ, ທັງເປັນເປັນການຊ່ວຍໃຫ້ມີການຮັກສາຄຸນນະພາບທີ່ເປັນເອກະລັກຂອງເຂົ້າໄກ່ນ້ອຍໄວ້ ເນື່ອງຈາກວ່າ ຫລັງຈາກການຈົດທະບຽນ ຈະມີການກວດກາທຸກຂັ້ນຕອນການຜະລິດ ແລະ ມີການຢັ້ງຢືນຄວາມຖືກຕ້ອງຕາມມາດຕະຖານການຜະລິດເຂົ້າໄກ່ນ້ອຍ ຈາກໜ່ວຍງານຢັ້ງຢືນຈາກພາຍໃນ ຫລື ສາກົນ ຈິ່ງຈະເຮັດໃຫ້ສິນຄ້າເຂົ້າໄກ່ນ້ອຍທີ່ວາງຂາຍໃນທ້ອງຕະຫລາດ ຕິດກາໝາຍຖິ່ນກໍາເນີດແຫ່ງຊາດ ທີ່ຄຸ້ມຄອງໂດຍ ກົມຊັບສິນທາງປັນຍາ ກະຊວງວິທະຍາສາດ ແລະ ເຕັກໂນໂລຊີ ໃສ່ສະຫລາກສິນຄ້າໄດ້. 
ທ່ານ ວັນໄຊ ແພງຊຸມມາ ເຈົ້າແຂວງຫົວພັນ ມອບໃບຢັ້ງຢືນ ແຫຼ່ງກຳເນີດສິນຄ້າ ເຂົ້າໄກ່ນ້ອຍ ໃຫ້ຕ່າງໜ້າສະມາຄົມ ຜູ້ຜລິດເຂົ້າໄກ່ນ້ອຍ.

ພ້ອມນັ້ນ ການຈົດທະບຽນປົກປ້ອງຖິ່ນກໍາເນີດ ຍັງຈະເຮັດໃຫ້ສິນຄ້າເຂົ້າໄກ່ນ້ອຍມີມູນຄ່າເພີ່ມສູງຂຶ້ນ ເນື່ອງຈາກ ສິນຄ້າໄດ້ຜ່ານກວດກາ ແລະ ຢັ້ງຢືນມາດຕະຖານການຜະລິດ, ພ້ອມທັງມີການຢັ້ງຢືນຖິ່ນທີ່ມາຂອງສິນຄ້າທີ່ແທ້ຈິງ ດ້ວຍການນໍາໃຊ້ກາໝາຍຖິ່ນກໍາເນີດແຫ່ງຊາດ ເຊິ່ງເປັນການຮັບປະກັນຕໍ່ຜູ້ບໍລິໂພກ ທາງດ້ານຄຸນນະພາບທີ່ເປັນເອກະລັກ ແລະ ທີ່ມາຂອງສິນຄ້າ. ເມື່ອສິນຄ້າຖິ່ນກໍາເນີດເຂົ້າໄກ່ນ້ອຍ ມີມູນຄ່າສູງຂຶ້ນ ມັນຈະເປັນສິ່ງດຶງດູດການລົງທຶນເຂົ້າໃນການຜະລິດ, ແປຮູບ, ຫຸ້ມຫໍ່, ການຕະຫລາດ ແລະ ກິດຈະກໍາການທ່ອງທ່ຽວ ທີ່ສາມາດສົ່ງອອກສິນຄ້າໄດ້ກັບທີ່ ແລະ ກ້າວໄປເຖິງການກາຍເປັນສິນຄ້າເອກະລັກພິເສດຂອງແຂວງ ທີ່ສາມາດສົ່ງອອກໄດ້ໃນອານາຄົດ.
(ແຫຼ່ງ​ຂໍ້​ມູນ​: ຂ​ປ​ລ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll