ຫລາຍພາກສ່ວນ ຮ່ວມພິທີແຫ່ຜາສາດເຜີ້ງ ບຸນນະມັດສະການພະທາດຫລວງ

11:53 2018/11/21

ໃນຕອນບ່າຍວັນທີ 21 ພະຈິກ 2018 ໄດ້ຈັດມີຂະບວນແຫ່ຜາສາດເຜີ້ງ ໃນບຸນນະມັດ ສະການພະທາດຫ​ລວງປະຈຳ ປີ ພສ 2561 ຂຶ້ນທີ່ພະທາດຫລວງ, ໂດຍມີພະສົງສາມະເນນ, ການນໍາພັກ-ລັດ ແລະ ມວນຊົນຊາວນະຄອນຫລວງ ເຂົ້າຮ່ວມຢ່າງເປັນຂະບວນ ຄືກຄື້ນມ່ວນຊື່ນ.

ຫລາຍພາກສ່ວນ ຮ່ວມພິທີແຫ່ຜາສາດເຜີ້ງ ບຸນນະມັດສະການພະທາດຫລວງ
ຂະບວນແຮ່ ຂອງ ພະສົງ ແລະ ພຸດທະສາສະນິກະຊົນ ອ້ອມພະທາດຫຼວງວຽງຈັນ.

ການແຫ່ຜາສາດເຜີ້ງໃນປີນີ້, ​ໄດ້​ເຄື່ອນ​ຍ້າຍ​ຂະບວນ​ແຫ່​​ ຢູ່​ວັດໜອງບອນ ແລ້ວ​ເຂົ້າ​ສູ່​ກົມ​ມະລຽນ​ພະ​ທາດຫລວງເບື້ອງທິດຕາເວັນອອກ, ໃນ​ນັ້ນນຳໜ້າ​ດ້ວຍ​ຂະ​ບວນ​ແຫ່ຂອງ​ພະສົງ-ສຳມະເນນ, ການ​ນຳ​ພັກ-ລັດ, ເຊິ່ງນຳ​ໂດຍ ທ່ານ ສິນລະວົງ ຄຸດໄພທູນ ເຈົ້າຄອງນະຄອນຫລວງວຽງຈັນ, ພ້ອມດ້ວຍການນຳນະຄອນຫລວງ ອົງ​ການຈັດຕັ້ງມະຫາຊົນ, ເຖົ້າ​ແກ່ແນວ​ໂຮມ, ຕາມ​ດ້ວຍ​ຂະ​ບວນດົນຕີ​ພື້ນເມືອງ, ຂະ​ບວນ​ຂອງບັນດາ​ເມືອງ​ຕ່າງໆ ສຳນັກງານ-ອົງການ ແລະ ປະຊາຊົນ​ລາວບັນດາເຜົ່າ. ຂະບວນການແຫ່ຜາສາດເຜີ້ງ ໄດ້ເຄື່ອນຜ່ານປະຕູໂຂງດ້ານສະໜາມຫລວງ ແລ້ວແຫ່ອ້ອມພະ ທາດ 3 ຮອບ, ​ຈາກ​ນັ້ນກໍ່​ໄດ້​ຖວາຍ​ຜາສາດ​ເຜິ້ງ ຟັງ​ທຳ​ມະ​ເທດສະໜາ 1 ກັນ ແລ້ວກາບໄຫວ້ຊັກກະລະບູຊາພະທາດຫລວງ ຖືວ່າເປັນການສິ້ນສຸດພິທີ.

ຂະບວນແຮ່ ປະເພນີແຫ່ຜາສາດເຜີ້ງ ໃນງານບຸນປະເພນີ ຄັ້ງນີ້.

ສຳລັບ​ວັນ​ທີ 22 ພະຈິກ 2018 ເວລາ 7:00 ໂມງ​ເຊົ້າ ທີ່​ເດີ່ນ​ພະທາດຫລວງ ​ໄດ້ມີ​ພິທີໃສ່​ບາດ  ຕອນ​ບ່າຍ​ເວລາ 13:30 ໂມງ ມີ​ພິທີ​ແຫ່​ລູກ​ຄີ ແລະ ກີລາ​ຕີຄີຢູ່​ເດີ່ນ​ສະໜາມ​ຫລວງ, ສ່ວນ​ຕອນຄ່ຳ​ມີ​ວຽນທຽນ, ຈູດ​ບັ້ງໄຟດອກ ແລະ ຄົບງັນ​ມ່ວນຊື່ນ​ຕາມ​ປະເພນີ​.

ປະເພນີແຫ່ຜາສາດເຜີ້ງ ເປັນພິທີກຳທາງສາສະໜາ, ແມ່ນວັດທະນະທໍາອັນດີງາມ ທີ່ສະແດງເຖິງຄວາມພາກພຽນ ການປະດິດຄິດສ້າງ ແລະ ການເຕົ້າໂຮມຄວາມສາມັກຄີ ຂອງປະຊາຊົນລາວ ບັນດາ ເຜົ່າ,ໂດຍສະເພາະ ແມ່ນປະຊາຊົນຊາວ ນະຄອນຫລວງວຽງຈັນ ທີ່ສືບທອດກັນມາແຕ່ບູຮານນະການ, ໂດຍແຕ່ລະປີໄດ້ມີການຈັດຂຶ້ນໃນວັນຂຶ້ນ 14 ຄໍ່າ ເດືອນ 12 ຂອງງານສະເຫລີມສະຫ​ລອງບຸນນະມັດສະການພະ ທາດຫລວງ ເພື່ອເປັນການສືບສານ ວັດທະນະທຳອັນດີງາມ ໃຫ້ຄົງຢູ່ກັບປະຊາຊົນລາວຕະຫລອດໄປ.

(ແຫຼ່ງ​ຂໍ້​ມູນ​: ຂ​ປ​ລ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll