ສາລະວັນ ສະຫລອງປີທ່ອງທ່ຽວ ຕິດພັນກັບການ ບຸນຊ່ວງເຮືອປະເພນີ

09:28 2018/09/26

ວັນທີ 25 ກັນຍາ 2018 ນີ້, ເມືອງສາລະວັນ ​​ແຂວງ​ສະລະ​ວັນ ໄດ້​ຈັດງານສະເຫລີມສະ ຫລອງປີທ່ອງທ່ຽວລາວ 2018 ຕິດພັນກັບການບຸນຊ່ວງເຮືອປະເພນີ ຢ່າງຄຶກຄື່ນ, ມ່ວນຊື່ນ.

ສາລະວັນ ສະຫລອງປີທ່ອງທ່ຽວ ຕິດພັນກັບການ ບຸນຊ່ວງເຮືອປະເພນີ
ບຸນຊ່ວງເຮືອ ແຂວງ ສາລະວັນ ປີ 2018.

ໃຫ້ກຽດເຂົ້າຮ່ວມມີ  ທ່ານ ສີສຸວັນ ວົງຈອມສີ ເຈົ້າແຂວງໆສາລະວັນ,   ທ່ານ ທຶງ ຈອມມະນີ ເຈົ້າເມືອງສາລະວັນ, ມີບັນດາການນຳຂັ້ນແຂວງ,  ເມືອງ, ຕ່າງເມືອງ, ແຂກຖືກເຊີນຈາກ  ສສ ຫວຽດນາມ ແລະ ມວນຊົນ ເຂົ້າຮ່ວມ.  ​ໂດຍ​ມີເຮືອເຂົ້າແຂ່ງຂັນທັງໝົດ 57 ຄະນະ,  ໃນນັ້ນເມືອງສາລະວັນ 39 ຄະນະ,  ຕ່າງເມືອງພາຍໃນແຂວງ 8 ຄະນະ,  ພະແນກການຂອງແຂວງ 7 ຄະນະ  ແລະ ຕ່າງແຂວງ ມີ 3 ຄະນະ, ລວມມີ 4 ລຸ້ນຄື:  ມີ 35 ສີພາຍ, 29 ສີພາຍ, 12 ສີພາຍ  ແລະ ສີພາຍຍິງອີກ.

ພິທີສະ​ເຫລີ​ມສະຫລອງ ດັ່ງກ່າວ,  ​ໄດ້ເລີ່ມແຕ່ວັນທີ 21-25 ກັນຍາ  2018 ຜ່ານ​ມາ ໄດ້ມີຂະບວນແຫ່ກ້ອນກຳລັງຕ່າງໆ ​ ເປັນ​ຕົ້ນ ກ້ອນກຳລັງຊາວໜຸ່ມ,  ເຍົາວະຊົນ, ກ້ອນກຳລັງຟ້ອນລຳສາລະວັນ,  ກ້ອນກຳລັງມວນຊົນ 14 ບ້ານ  ແລະ ກ້ອນກຳລັງສີພາຍເຮືອຊ່ວງ  ນອກ​ນັ້ນ, ຍັງມີການວາງສະແດງ ຜະລິດຕະພັນສິນຄ້າໂອດັອບ,  ຜະລິດຕະພັນກະສິກຳ-ຫັດຖະກຳ,  ຈຳໜ່າຍແລກປ່ຽນຊື້-ຂາຍສິນຄ້າ  ຂອງຜູ້ປະກອບການທັງພາຍໃນ  ແລະ ຕ່າງປະເທດ, ມີຮ້ານທັງ​ໝົດ 200  ກວ່າ ຮ້ານ. ນອກ​ນັ້ນ, ຍັງມີກິດຈະກຳປະກວດ ໝໍລຳສາລະວັນ, ສະແດງສິນລະປະວັນນະຄະດີ  ​ແລະ ອື່ນ​ໆ.

ບັນດາ ເຮືອທີ່ເຂົ້າຮ່ວມການແຂ່ງຂັນ ໃນງານແຂ່ງເຮືອປະເພນີ ແຂວງ ສາລະວັນ 2018.

ສຳລັບ ວຽກງານການທ່ອງທ່ຽວເມືອງສາລະວັນ  ​ໃນໄລຍະຜ່ານມາ ມີການເຕີຍໃຫຍ່ຂະຫຍາບຕົວຢ່າງຕໍ່ເນື່ອງ  ແລະ ໄດ້ຖືເອົາການທ່ອງທ່ຽວ  ເປັນວຽກງານບຸລິມະສິດໜຶ່ງ  ທີ່ສ້າງເງື່ອນໄຂສ້າງວຽກເຮັດງານທຳ ໃຫ້ກັບປະຊາຊົນ ໃນຂົງເຂດ ບໍລິການ,  ການຜະລິດ ໂດຍຖືເອົາການສົ່ງອອກກັບທີ່  ແລະ ກະຈາຍລາຍໄດ້ໄປສູ່ທ້ອງຖິ່ນ,  ສູ່ບ້ານ ແລະ ຄອບຄົວ.  ນອກນັ້ນ, ເມືອງສາລະວັນ  ມີທ່າແຮງດ້ານການທ່ອງທ່ຽວທີ່ໂດດເດັ່ນຫລາຍແຫ່ງ  ເປັນຕົ້ນ ຕາດເລາະ-ຕາດຮັງ,  ອຸທະຍານພູ ຜາສຸດ,  ຫໍໄຕປີດົກ ແລະ ແຫລ່ງທ່ອງທ່ຽວອື່ນໆ  ອີກຫລາຍແຫ່ງ ທີ່ສ້າງລາຍຮັບ ໄດ້ຢ່າງຄົງທີ່ ແລະ ຕໍ່ເນື່ອງ.

(ແຫຼ່ງ​ຂໍ້​ມູນ​: ຂ​ປ​ລ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll