ສວນພຶກສາສະຫລອງບຸນກິນຈຽງ ປະຈຳປີ 2019

00:54 2019/05/13

ສວນພຶກສາຈັດກິດຈະກໍາ ສະເຫລີມສະຫລອງງານປະເພນີ ບຸນກິນຈຽງເຜົ່າມົ້ງ ປະ ຈຳປີ 2019 ໃນລະຫວ່າງວັນທີ 9-13 ມັງກອນ 2019 ຢູ່ສວນພຶກສາ ບ້ານດ່ານຊີ ເມືອງນາຊາຍທອງ ນະຄອນຫລວງວຽງຈັນ, ເຊິ່ງໄດ້ຈັດໃຫ້ມີຫລາຍກິດຈະກໍາ ສອດຄ່ອງກັບຮິດຄອງປະເພນີອັນດີ ງາມຂອງຊົນເຜົ່າມົ້ງ.

ສວນພຶກສາສະຫລອງບຸນກິນຈຽງ ປະຈຳປີ 2019
ການຫຼິ້ນພື້ນເມືອງໃນງານບຸນກິນຈຽງ ຂອງຊົນເຜົ່າມົ້ງ.

ໂອກາດດັ່ງກ່າວ, ທ່ານ ພູວົງ ພະມີສິດ ເຈົ້າຂອງສະຖານທີທ່ອງທ່ຽວສວນພຶກສາ ກ່າວວ່າ: ການຈັດງານປະເພນີບຸນກິນຈຽງເຜົ່າມົ້ງ ຢູ່ສວນພຶກສາໃນຄັ້ງນີ້, ແມ່ນເປັນປີທີ 2 ເພື່ອຮັກສາວັດທະ ນະທຳອັນດີງາມ, ສ້າງຄວາມສາມັກຄີໃຫ້ປວງຊົນບັນດາເຜົ່າ ໃຫ້ມີກິດຈະກຳຮ່ວມກັນ ທັງເປັນການສົ່ງເສີມປີທ່ອງທ່ຽວລາວ ຕຶ່ມອີກ, ເຊິ່ງການຈັດງານໃນຄັ້ງນີ້ ໄດ້ມີຫລາກຫລາຍກິດຈະກຳ ເປັນຕົ້ນ ໂຍນໝາກຄອນ, ແຂ່ງຂັນກິລາເຕະບານ, ຕີໝາກຂ່າງ, ຕີໝາກບຸນ, ຍິງໜ້າເກັກ, ງານວາງສະແດງສິນຄ້າໂອດັອບ, ສິນຄ້າເຜົ່າມົ້ງ ແລະ ສິນຄ້າອື່ນໆ. ນອກນັ້ນ, ຍັງມີການສະແດງສິລະປະຂອງເຜົ່າມົ້ງ ແລະ ງານປະກວດນາງສາວເຜົ່າມົ້ງ ນະຄອນຫລວງ ປະຈຳ ປີ 2019 ໃນລະຫວ່າງວັນທີ 12-13 ມັງກອນ 2019.
ການຫຼິ້ນພື້ນເມືອງໃນງານບຸນກິນຈຽງ ຂອງຊົນເຜົ່າມົ້ງ.

ງານບຸນກິນຈຽງຂອງຊົນເຜົ່າມົ້ງ ເປັນງານສະເຫລີມສະຫລອງສົ່ງທ້າຍປີເກົ່າ ຕ້ອນຮັບປີໃໝ່ ທັງເປັນການສະຫລອງຜົນງານ ການຜະລິດໃນຮອບປີ ແນ່ໃສ່ຟື້ນຟູເຜີຍແຜ່ຮີດຄອງປະເພນີ ແລະ ວັດທະນະທຳອັນດີງາມຂອງຕົນ ເປັນການສົມມາຄາລະວະ ຕໍ່ຜູ້ອາວຸໂສ, ຜູ້ເປັນພໍ່ເປັນແມ່ ແລະ ຜູ້ນຳພາໃນຕະກຸນ ເປັນໂອກາດເຕົ້າໂຮມ ພໍ່ແມ່ຍາດຕິພີ່ນ້ອງທັງໃກ້ ແລະ ໄກ ເພື່ອໄປມາຢ້ຽມຢາມພົບປະສ້າງສັນຄວາມສາມັກຄີ ແລະ ຮູ້ບຸນຄຸນເຊິ່ງກັນ ແລະ ກັນ ອີກຢ່າງໜຶ່ງ ເພື່ອເປັນການສ້າງໂອກາດໃຫ້ພໍ່ແມ່ໄດ້ເລືອກລູກໄພ້, ເລືອກລູກເຂີຍ ຫລື ຊາຍໜຸ່ມ-ຍິງສາວໄດ້ເລືອກຄູ່ຊີວິດຂອງຕົນ ແລະ ສະແດງສິລະປະວັນນະຄະດີ ຂອງຕົນໃຫ້ຊົນເຜົ່າອື່ນໄດ້ຮັບຮູ້ ແລະ ອື່ນໆ.
(ແຫຼ່ງ​ຂໍ້​ມູນ​: ຂ​ປ​ລ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll