ລອຍນ້ຳລາວ ສົ່ງ 5 ດາວຮຸ່ງ ຮ່ວມກີລານັກຮຽນອາຊຽນ

13:24 2019/06/18

ທ່ານ​ນາງ ສຸ​ລຳ​ພອນ ເກີດ​ຫຼ້າ ຫົວ­ໜ້າ​ຄູ​ເຝິກ​ທັບ​ນັກ­ກີ­ລາ​ລອຍ­ນ້ຳ​ນັກ­ຮຽນ​ລາວ ໃຫ້​ສຳ­ພາດ​ວັນ​ທີ 13 ມິ­ຖຸ­ນາ 2019 ວ່າ: ພາຍ­ຫຼັງ​ໄດ້​ຮັບ​ແຈ້ງ​ການ​ຈາກ​ລັດ­ຖະ­ບານ ກໍ​ຄື ກົມ​ກະ​ລະ ແລະ ສິ­ລະ​ປະ​ສຶກ​ສາ ກະຊວງສຶກສາທິການ ແລະ ກີ­ລາ ໃຫ້​ກຽມ­ພ້ອມ​ສົ່ງ​ລາຍ​ຊື່​ນັກ­ກີ­ລາ​ທີ່​ຈະ​ເຂົ້າ​ຮ່ວມ​ແຂ່ງ­ຂັນ​ໃນ​ມະ​ຫະ​ກຳ​ກີ­ລາ​ນັກ­ຮຽນ​ອາ​ຊຽນ ຄັ້ງ​ທີ Xl ຢູ່​ປະ­ເທດ​ອິນ​ໂດ​ເນ​ເຊຍ ວັນ​ທີ 19-23 ກໍ­ລະ­ກົດ 2019.

ລອຍນ້ຳລາວ ສົ່ງ 5 ດາວຮຸ່ງ ຮ່ວມກີລານັກຮຽນອາຊຽນ
ລອຍນ້ຳລາວ ສົ່ງ 5 ດາວຮຸ່ງ ຮ່ວມກີລານັກຮຽນອາຊຽນ

 

ສະຫະ​ພັນ​ລອຍ­ນ້ຳ​ແຫ່ງ​ຊາດ ສປປ ລາວ  ກໍ​ໄດ້​ເຝິກ­ຊ້ອມ​ນັກ­ກີ­ລາ​ເຍົາ­ວະ​ຊົນ​ລາວ​ມາ​ຢ່າງ​ຕໍ່​ເນື່ອງ ທຸກ​ຄົນ​ມີ​ການ​ພັດທະ​ນາ ຍົກ​ລະ­ດັບ​ສະຖິ­ຕິ​ຂອງ​ຕົນ​ເອງ​ດີ​ຂຶ້ນ​ກວ່າ​ເກົ່າປີ​ນີ້​ພິ­ເສດ​ມີ​ນັກ­ກີ­ລາ 2 ສາວ ລາວ-ອີ​ຕາ​ລີ 2 ນ້ອງ​ເອື້ອຍ ຄອບ­ຄົວ ສິງ​ສົມ­ບັດ ໄດ້​ເກັບ​ຕົວ​ເຝິກ­ຊ້ອມ​ຢ່າງ​ດີ ແລະ ໄດ້​ເຝິກ­ຊ້ອມ​ຜ່ານ​ຄູ​ເຝິກ​ລະ­ດັບ​ມາດ­ຕະ­ຖານ​ສາ­ກົນ ຢູ່​ ປະເທດໄທ. ປີ​ນີ້​ ສປປ ລາວ ​ໄດ້​ສົ່ງ​ນັກ­ກີ­ລາ 5 ຄົນ ຍິງ 3 ຄົນ ເຂົ້າ​ຮ່ວມ 21 ລາຍ­ການ ເພື່ອ​ຊີງ​ຫຼຽນ​ປະຫວັດ​ສາດ​ຫຼຽນ​ໃດ​ໜຶ່ງໃນ​ການ​ເຂົ້າ​ຮ່ວມ​ງານ​ດັ່ງ­ກ່າວ ເພາະ​ໄລ­ຍະ​ທີ່​ຜ່ານ​ມາ​ການ​ເຂົ້າ​ຮ່ວມ​ງານ​ກີ­ລາ​ນັກ­ຮຽນ​ອາ​ຊຽນຍັງ​ບໍ່​ເຄີຍ​ມີ​ນັກ­ກີ­ລາ​ລອຍ­ນ້ຳ​ນັກ­ຮຽນ​ລາວສາ­ມາດ​ຄວ້າ​ຫຼຽນ​ມາ​ຄອງ​ຄໍ.

ເພື່ອ​ຮັບ­ປະ­ກັນ​ໃຫ້​ນັກ­ກີ­ລາ​ລອຍ­ນ້ຳ​ລາວ ປະ­ສົບ​ຜົນ­ສຳ­ເລັດ​ໃນ​ການ​ແຂ່ງ­ຂັນ​ຄັ້ງ​ນີ້ ຕົນ​ໄດ້​ວາງ​ແຜນ​ເຝິກ­ຊ້ອມ​ໃຫ້​ນັກ­ກີ­ລາ​ຢ່າງ​ເປັນ​ລະ­ບົບ ມື້­ໜຶ່ງ​ຊ້ອມ​ຜູ້​ລະ 2 ຊົ່ວ­ໂມງ ເນັ້ນ​ໃຫ້​ນັກ­ກີ­ລາ​ເຂົ້າ​ຫຼິ້ນ​ເວດ​ເພື່ອ​ເອົາ​ກຳ­ລັງ​ກ້າມ­ຊີ້ນ ລະບົບໜ້າທ້ອງ ກ້າມ​ຫຼັງ ກ້າມ​ປີກ ແຮງ​ແຂນ ແລະ ແຮງ​ຂາ ພ້ອມ​ທັງ​ໃຫ້​ນັກ­ກີ­ລາ​ລົງ​ສະ​ເຝິກ­ຊ້ອມ​ລອຍ­ນ້ຳ​ແບບ​ແຂ່ງຂັນ​ຕົວ​ຈິງ ເຊັ່ນ​ເຝິກ​ຄວາມ​ໄວ​ໄລ­ຍະ​ສັ້ນ ການ​ອອກ​ຕົວ ການ​ກັບ​ຕົວ ແລະ ການ​ເຂົ້າ​ເສັ້ນ​ໄຊ ນອກ​ນີ້​ຍັງ​ໄດ້​ນໍາພານັກ­ກີ­ລາ​ໄປ​ແລ່ນ​ຢູ່​ຫາດ​ຊາຍ ປັດ­ຈຸ­ບັນ​ການ​ເຝິກ­ຊ້ອມ​ມີ​ຄວາມ​ພ້ອມ​ເກືອບ​ເຕັມ​ຮ້ອຍ​ແລ້ວ ເນື່ອງ​ຈາກ​ນັກກິລາ​ຊຸດ​ນີ້​ມີ​ຄວາມ​ມຸ່ງ​ໝັ້ນ ແລະ ເອົາ­ໃຈ ຕໍ່​ການ​ເຝິກ­ຊ້ອມ ຕົນ​ເຊື່ອ​ວ່າ​ເຂົາ­ເຈົ້າ​ຈະ​ສາ­ມາດ​ແຈ້ງ​ເກີດ​ໃນ​ງານ​ກີ­ລາ​ນັກຮຽນອາ​ຊຽນ​ຢ່າງ​ແນ່­ນອນ.

(ແຫຼ່ງ​ຂໍ້​ມູນ​: vientianemai.net)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll