ຢູ-15 ຍິງທີມຊາດລາວ ໄດ້ຮອງແຊັມບານເຕະອາຊຽນ 2019

14:41 2019/05/23

ການ​ແຂ່ງ­ຂັນ​ບານ­ເຕະ​ຍິງຮຸ່ນ​ອາ­ຍຸ​ບໍ່​ເກີນ 15 ປີ ຊີງ​ແຊັມ​ອາ​ຊຽນ 2019 ທີ່​ແຂວງ​ຊົນ​ບູ​ຣີ ປະ­ເທດ​ໄທ ໃນ​ວັນ​ທີ 9-21 ພຶດ­ສະ­ພາ 2019.

ຢູ-15 ຍິງທີມຊາດລາວ ໄດ້ຮອງແຊັມບານເຕະອາຊຽນ 2019
ຢູ-15 ຍິງທີມຊາດລາວ.(ພາບ:vientianemai.net)

ຮອບ​ຊີງ​ຊະ­ນະ​ເລີດ ຢູ -15 ສາວ​ລາວ ພົບ ຢູ -15 ສາວ​ໄທ ຕະ­ຫຼອດ​ເວ­ລາ 80 ນາ­ທີ ສາວ​ລາວ​ເຮັດ​ໄດ້​ດີ​ກວ່າມີ​ໂອ­ກາດ​ຍິງ 8 ຄັ້ງ ຊື່​ປະ­ຕູ 4 ຄັ້ງ ຂະ­ນະ​ທີ່ໄທມີ​ໂອ­ກາດ​ຍິງ 3 ຄັ້ງ ຊື່​ປະ­ຕູ 1 ຄັ້ງ. ຈົບ 80 ນາ­ທີ ສະ­ເໝີ​ກັນ 0-0 ຕ້ອງ​ມາ​ດວນ​ຈຸດ​ໂທດ ແລະ ເປັນ​ທາງ ໄທ ແຊັມ​ເກົ່າທີ່​ຍິງ​ຄົມ​ກວ່າ​ເອົາ​ຊະ­ນະ 5-3 ສາວ​ລາວເຂົ້າ​ຊີງ​ເປັນ​ຄັ້ງ​ປະ­ຫວັດ­ສາດໄດ້​ຮອງ​ແຊັມ​ບານ­ເຕະ​ຍິງຮຸ່ນ​ອາ­ຍຸ​ບໍ່​ເກີນ 15 ປີ ຊີງ​ແຊັມ​ອາ​ຊຽນ 2019 ເຊິ່ງ​ການ​ແຂ່ງ­ຂັນ​ຄັ້ງ​ຜ່ານ​ມາ ໃນ​ປີ 2018 ສາວ​ລາວ ໄດ້​ອັນ​ດັບ 4 ເສຍ​ໃຫ້ສາວ​ຫວຽດ­ນາມໃນ​ການ​ຍິງ​ຈຸດ​ໂທດ 0-3 ໃນ​ເວ­ລາ 80 ນາ­ທີ ສະ­ເໝີ​ກັນ 0-0.

ສຳ­ລັບ 11 ນັກ​ເຕະ​ຕົວ​ຈິງ​ມີ: ຜູ້​ຮັກ­ສາ​ປະ­ຕູ: ວິ­ລະ​ດາ ອິນ​ທິ​ສານ. ກອງ​ຫຼັງ: ລັດ​ຕິ​ກອນ ປະ­ທຸມ​ຊາດ ວິ­ໄລ​ພອນ ແພງ​ສະ​ນະ ຫົວ­ໜ້າ​ທີມ ທິບ​ປະ­ກອນ ສີ​ວົງ​ລາດ ຫຼິງ ມະ­ນີ​ວັນ. ກອງ​ກາງ: ເປ້ ພົມ​ພັກ­ດີ ໃຈ​ຄຳ ພອນ​ສະ­ຫວັນ ພົນ​ເສ­ນາ ສຸ­ພາ​ພອນ ໄຊ​ສຸ­ລະ ແລະ ກອງ​ໜ້າ: ແສງ​ເດືອນ ພົງ​ໄພ­ລັດ ຈິນ­ດາ ສີ​ຫາ​ລາດ.

ສ່ວນ​ຜົນ­ງານ​ຂອງ ຢູ -15 ປີ ສາວ​ລາວແຂ່ງ 6 ນັດ, ຊະ­ນະ 5 ນັດ, ຮອບ​ແບ່ງ​ກຸ່ມຊະ­ນະ ມາ​ເລ​ເຊຍ 4-0, ຊະ­ນະ ສິງ­ກະ­ໂປ 7-0, ຊະ­ນະ ກຳປູ­ເຈຍ 2-0, ຊະ­ນະ ໄທ  5-2 ແລະ ຮອບ​ຮອງ​ຊະ­ນະ​ເລີດ ຊະ­ນະ ຟີ​ລິບ​ປິນ 3-1, ນັດ​ຊີງ​ຊະ­ນະ​ເລີດ​ເສຍ​ໃຫ້ ໄທ ຈາກ​ການ​ຍິງ​ຈຸດ​ໂທດ 3-5, ໃນ​ເວ­ລາ​ສະ­ເໝີ​ກັນ 0-0, ສາວ​ລາວ ຍິງ​ໄດ້ 22 ປະ­ຕູ, ເສຍ 3 ປະ­ຕູ, ເປ້ ພົມ​ພັກ­ດີ ຍິງ 12 ປະ­ຕູ ເປັນ​ດາວ​ຍິງ​ສູງ​ສຸດ​ລາຍ­ການ​ນີ້.

 

(ແຫຼ່ງ​ຂໍ້​ມູນ​: vientianemai.net)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll