ຜ້າ​ຍ້ອມ​ສີ​ທຳ​ມະ​ຊາດ​ເຜົ່າ​ແງະຍັງ​ຄົງ​ໄດ້​ຮັບ​ຄວາມ​ນິ­ຍົມ

00:54 2019/05/15

ການ​ຕໍ່າ​ຫູກ​ແມ່ນ​ອາ­ຊີບ​ທີ່ສືບ​ທອດ​ມາ​ແຕ່​ດົນ​ນານ​ເພາະ­ວ່າເອື້ອຍ​ນ້ອງ​ແມ່­ຍິງໃນ​ສະ­ໄໝ​ກ່ອນຕ້ອງ​ຕໍ່າ​ຫູກ​ເປັນ​ເພື່ອ​ຜະ­ລິດ​ຮັບ​ໃຊ້ ໃນ​ຄອບ­ຄົວ ແລະ ຂາຍ​ເປັນ​ສິນ­ຄ້າ ເພື່ອ​ສ້າງ​ລາຍ​ຮັບ​ເຂົ້າ​ຄອບ­ຄົວ.

ຜ້າ​ຍ້ອມ​ສີ​ທຳ​ມະ​ຊາດ​ເຜົ່າ​ແງະຍັງ​ຄົງ​ໄດ້​ຮັບ​ຄວາມ​ນິ­ຍົມ
ການ​ຕໍ່າ​ຫູກທໍ​ໄໝແມ່ນ​ສິ­ລະ​ປະ­ວັດ​ທະ​ນະ​ທໍາລໍ້າ​ຄ່າ​ທີ່​ຄຽງ​ຄູ່ເອື້ອຍ​ນ້ອງ​ແມ່­ຍິງ​ລາວ​ມາ​ແຕ່​ດຶກດຳ​ບັນ ແລະ ມາ​ຮອດ​ປັດ­ຈຸ­ບັນ​ໄດ້ ກາຍ­ເປັນ​ອາ­ຊີບ​ທີ່​ສ້າງ​ລາຍ​ຮັບ​ເຂົ້າ​ຄອບ­ຄົວ​ໄດ້​ຢ່າງ​ໝັ້ນ­ຄົງ​ເໝືອນ​ດັ່ງ ນາງ ເພັດ ນອງ​ລາວ ປະ­ຊາ­ຊົນ​ບ້ານ​ໃໝ່​ຫົວ​ເມືອງ ເມືອງ ລະ​ມາມ ແຂວງ​ເຊ​ກອງ ທີ່​ມີ​ອາ­ຊີບ​ຫັດ​ຖະກໍາຕໍ່າ​ຫູກ​ຂາຍ​ສ້າງ​ລາຍ​ຮັບ​ໄດ້​ເປັນ​ກອບ​ເປັນ​ກໍາ ແລະ ທີ່​ສຳ­ຄັນ​ຜະ­ລິດ​ຕະ​ພັນ​ຂອງ​ນາງ​ໄດ້​ຮັບ​ເຄື່ອງ­ໝາຍ​ສິນ­ຄ້າ​ໜຶ່ງ​ເມືອງ​ໜຶ່ງ​ຜະ­ລິດ​ຕະ​ພັນ​ແຫ່ງ​ຊາດ.  

ທ່ານ​ນາງ ເພັດ ນອງ​ລາວ ເວົ້າ ສູ່​ຟັງ​ວ່າ: ການ​ຕໍ່າ​ຫູກ​ແມ່ນ​ອາ­ຊີບ​ທີ່ ສືບ​ທອດ​ມາ​ແຕ່​ດົນ​ນານ​ເພາະ­ວ່າ ເອື້ອຍ​ນ້ອງ​ແມ່­ຍິງ ໃນ​ສະ­ໄໝ​ກ່ອນ ຕ້ອງ​ຕໍ່າ​ຫູກ​ເປັນ​ເພື່ອ​ຜະ­ລິດ​ຮັບ​ໃຊ້ ໃນ​ຄອບ­ຄົວ ແລະ ຂາຍ​ເປັນ​ສິນ­ຄ້າ ເພື່ອ​ສ້າງ​ລາຍ​ຮັບ​ເຂົ້າ​ຄອບ­ຄົວ​ມື້ ລະ​ເລັກ​ມື້​ລະ​ໜ້ອຍ​ຕາມ​ປະ​ສາ​ຊາວ ບ້ານ​ເທົ່າ​ນັ້ນ, ແຕ່​ມາໄລ​ຍະ​ໜຶ່ງ​ອົງການ​ໄຈ​ກາໄດ້​ເຂົ້າ​ມາ​ຊ່ວຍ­ເຫລືອ ແລະ ສະ­ໜັບ­ສະ­ໜູນ​ວິ­ຊາ​ການ​ໂດຍ ການ​ສົ່ງ​ໄປ​ຝຶກ​ອົບ­ຮົມ​ຢູ່​ແຂວງ​ສະ­ຫວັນ​ນະ​ເຂດ ແລະ ​ຈໍາ​ປາ​ສັກ ກ່ຽວ​ກັບ​ການ​ຍ້ອມ​ສີ​ທໍາ​ມະ​ຊາດ, ການ​ອອກ​ແບບ​ລວດ­ລາຍ​ທີ່​ສັງ­ຄົມ ຕ້ອງ­ການ​ລວມ​ເຖິງ​ຕະ​ຫລາດ​ຈໍາ​ໜ່າຍ ແລະ ພາຍ­ຫລັງ​ໄດ້​ໄປ​ຖອດ​ບົດ­ຮຽນ​ແລ້ວ ຈຶ່ງ​ມາ​ນໍາ​ໃຊ້​ໂຕ​ຈິງ​ໂດຍ​ການ​ຄິດ​ຄົ້ນ​ລາຍ​ໃໝ່ໆ ແຕ່​ບໍ່​ປະ​ຖິ້ມ​ເອ­ກະ ລັກ​ແບບ​ເກົ່າ​ຄື​ເອ­ກະ­ລັກ​ຊົນ­ເຜົ່າ​ກິນ ເຫລົ້າ​ໄຫ​ທີ່​ຫລາຍ​ຄົນ­ຮູ້​ຈັກ​ຈົນ ມີ​ຊື່​ສຽງ​ຫລາຍ​ຂຶ້ນ ແຕ່​ກໍາ​ລັງ​ຜະ­ລິດ ບໍ່​ພຽງ­ພໍ​ຈຶ່ງ​ຊອກ​ສະ­ມາ­ຊິກ​ພາຍ​ໃນ ບ້ານ​ໂດຍ​ຕົນ​ເປັນ​ຄົນ​ອອກ​ແບບ ແລ້ວ​ໃຫ້​ເຂົາ​ເຈົ້າ​ຕໍ່່າ ປະ­ເພດ​ສິ້ນ​ຜືນ​ໜຶ່ງ 50.000 ກີບ.ນອກ­ຈາກ​ສິ້ນແລ້ວ​ກໍ​ໄດ້​ຜະ­ລິດ​ຜ້າ​ປູ​ໂຕະ, ຊົບ​ໝອນ, ແພ​ພັນ​ຄໍ, ແພ​ຕັດ​ເສື້ອ ແລະ ອື່ນໆ​ອີກ. ສ່ວນ​ຕະ​ຫລາດ​ຈໍາ​ໜ່າຍ​ຫລັກ​ແລ້ວແມ່ນ​ຢູ່​ນະຄອນ­ຫລວງ ວຽງ​ຈັນ, ຫລວງ​ພະ​ບາງ ໂດຍ​ໃນ​ໄລ­ຍະ​ລະ­ດູ­ແລ້ງ 2 ເດືອນ ສົ່ງ​ເທື່ອ​ໜຶ່ງ, ລະ­ດູ­ຝົນ 4-5 ເດືອນ​ເທື່ອ​ໜຶ່ງ ຖ້ຽວ​ໜຶ່ງ​ສາ­ມາດ​ສ້າງ​ລາຍ​ຮັບ​ໄດ້ 5-6 ລ້ານ​ກີບ ແລະ ປີ​ໜຶ່ງ​ໄດ້ 10 ລ້ານ​ກວ່າ​ກີບ.

ທ່ານ​ນາງ ເພັດ ຍັງ​ເວົ້າ​ສູ່​ຟັງ​ອີກ​ວ່າ:ພາຍ­ຫລັງ​ໄດ້​ເຮັດ​ອາ­ຊີບ​ນີ້​ເພື່ອ​ສ້າງ​ລາຍ​ຮັບ​ແລ້ວ​ໄດ້​ເຮັດ​ໃຫ້​ຊີ­ວິດ​ການ​ເປັນ​ຢູ່​ພາຍ​ໃນ​ຄອບ ຄົວ ແລະ ສະ­ມາ­ຊິກ​ພາຍ​ໃນ​ກຸ່ມ​ຢູ່​ດີ​ມີ​ສຸກ ມີ ຮອຍ​ຍິ້ມ​ທີ່​ສົດ­ໃສ ມີ​ເງິນ​ຄໍາ​ໃຊ້​ຈ່າຍຄ່າ​ຮໍ່າ​ຮຽນ​ຂອງ​ລູກຈາກ​ການ​ເຮັດສິ່ງ​ທີ່​ຮັກ ແລະ ເປັນ​ການ​ສືບ​ທອດ​ມາ​ແຕ່​ດົນ​ນານດັ່ງ­ນັ້ນ​ຈຶ່ງ​ໃຫ້​ລູກ​ຫລານ ຜູ້​ໜຸ່ມ​ນ້ອຍ​ຈົ່ງ​ອະ­ນຸ­ລັກ​ຮັກ­ສາ​ມູນ ເຊື້ອ​ອັນ​ດີ­ງາມ​ແບບ​ນີ້​ຕະ­ຫລອດ ໄປ​ເພື່ອ​ເປັນ​ອີກ​ໜຶ່ງ​ເອ­ກະ­ລັກ​ຄຽງ​ຄູ່​ກັບ​ແມ່­ຍິງ​ລາວ.

(ແຫຼ່ງ​ຂໍ້​ມູນ​: ຂປລ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll