ນາງ ວານິພອນ ພູມີໄຊ (ໂຢໂຢ້) ກຽມເດີນທາງໄປເຜີຍແຜ່ວັດທະນະທໍາໃນເວທີສາກົນ

11:27 2018/12/08

ນາງ ວານິພອນ ພູມີໄຊ (ໂຢໂຢ້) ອາຍຸ 23 ປີ ຈາກນະຄອນ ຫລວງວຽງຈັນ ໄດ້ຮັບມົງກຸດເພັດ ໄປຄອງ ແລະ ເປັນຕົວແທນແມ່ຍິງ ລາວໄປເຜີຍແຜ່ວັດທະນະທໍາ ແລະ ທ່ອງທ່ຽວລາວ ໃນເວທີການປະ ກວດນາງສາວ ທ່ອງທ່ຽວ ສາກົນ (Miss Tourism Queen Internationnal 2019) ທີ່ປະເທດ ໄທໃນຕົ້ນປີໜ້າ ພາຍຫລັງສໍາເລັດ ການປະກາດຜົນເປັນທີ່ຮຽບຮ້ອຍ ແລ້ວ ສໍາລັບເວທີປະກວດທູດວັດ ທະນະທໍາລາວແດນຈໍາປາMiss Tourism Queen Laos 2018.

ນາງ ວານິພອນ ພູມີໄຊ (ໂຢໂຢ້) ກຽມເດີນທາງໄປເຜີຍແຜ່ວັດທະນະທໍາໃນເວທີສາກົນ
ນາງ ວານິພອນ ພູມີໄຊ (ໂຢໂຢ້)  ສວມມົງກຸດ ຊະນະເລີດ.

ວານິພອນ ພູມີໄຊ (ໂຢໂຢ້) ໄດ້ ເລົ່າປະສົບການສູ່ຟັງວ່າ:  ຕອນປະ ກາດຜົນພຽງແຕ່ໄດ້ຍິນຄໍາວ່າ ຕົວແທນຈາກນະຄອນຫລວງວຽງຈັນ ໄດ້ຮັບຕໍາແໜງ  ແລະ ເປັນວິນາທີທີ່ ບໍ່ຫນ້າເຊື່ອເລີຍ ໃນເບື້ອງຕົ້ນໄດ້ ບອກຕົນເອງວ່າ ມາຮອດຈຸດນີ້, ບໍ່ມີຫຍັງໃຫ້ເສຍດາຍເລີຍ ເຖິງຈະໄດ້ຮັບ ມົງກຸດໃດກໍຕາມ, ໂດຍສະເພາະມົງກຸດກັນລະຍາລ້ານຊ້າງ ຫລື ມົງກຸດມະນີຈຳປາ ກໍຖືວ່າໄດ້ ເປັນຕົວແທນປະເທດແລ້ວໃນການ ເຮັດຫນ້າທີ່ອັນສຳຄັນດ້ວຍກັນທັງນັ້ນ ແຕ່ແນວໃດກໍດີ ເມື່ອຜົນອອກມາຢ່າງເປັນເອກະພາບພົບວ່າຕົນເອງ ໄດ້ຮັບຕໍາແໜ່ງອັນຊົງກຽດນີ້  ໂຢໂຢ້ ສັນຍາວ່າ ຈະເຮັດໜ້າທີ່ຂອງໂຕເອງ ໃນການເປັນນາງງາມທູດ ວັດທະນະທຳແດນຈຳປາ ໃຫ້ດີທີ່ສຸດ ແລະ ເພື່ອເປັນຕົວແທນປະເທດ ລາວໄປປະກວດໃນເວທີສາກົນ ກໍຄື Miss Tourism Queen International 2019 ທີ່ປະເທດໄທ ໃນ ເດືອນພຶດສະພາທີ່ຈະເຖິງນີ້. ໂຢໂຢ້ ຈະບໍ່ຢຸດພັດທະນາຕົນເອງ ແລະ ຈະນຳເອົາວັດທະນະທຳ ປະເພນີອັນດີ ງາມຂອງລາວເຮົາໄປເຜີຍແຜ່ໃຫ້ ຊາວລາວໄດ້ຮັບຮູ້ເຂົ້າໃຈ ແລະ ພູມໃຈ .

ນາງ ວານິພອນ ພູມີໄຊ (ໂຢໂຢ້) ໃນຊຸດປະຈຳຊາດລາວ.

ປັດຈຸບັນນີ້ ກຳລັງຝຶກຝົນທັກສະດ້ານຕ່າງໆ ຢ່າງຮອບດ້ານບໍ່ວ່າຈະເປັນທາງດ້ານພາສາ ແລະ ຄວາມສາມາດພິເສດຕ່າງໆ ເພື່ອກຽມພ້ອມໃນການເກັບໂຕ ແລະ ເຮັດກິດຈະກຳຫລາຍໆຢ່າງຮ່ວມກັບຕົວແທນຈາກ ທຸກໆປະເທດເຂົ້າຮ່ວມ  ແຕ່ທີ່ສໍາຄັນ ທີ່ຂາດບໍ່ໄດ້ຕອນນີ້ກໍຄືການສຶກສາ ແລະ ຊອກຮູ້ຂໍ້ມູນເພີ່ມເຕີມດ້ານວັດ ທະນະທຳ ແລະ ປະເພນີອັນດີງາມຂອງ ລາວເຮົາ ເພື່ອເຮັດໃຫ້ໝູ່ນາງງາມ ຈາກທົ່ວໂລກໄດ້ຊື່ນຊົມ ແລະ ຍົກຍ້ອງ ວັດທະນະທຳຂອງປະເທດລາວ.

ນາງ ວານິພອນ ພູມີໄຊ (ໂຢໂຢ້) ໃນຊຸດລາວປະຍຸກ.

ວານິພອນ ຍັງໃຫ້ຮູ້ຕື່ມວ່າ:  ໃນ ນາມຕົວແທນຄົນລາວໄປເຜີຍແຜ່ ວັດທະນະທໍາລາວໃນເວທີ່ສາກົນ ຄິດວ່າທຸກໆສະຖານທີ່ທ່ອງທ່ຽວ ໃນລາວ ແມ່ນມີເລື່ອງລາວ ແລະ ຄວາມເປັນມາທີ່ໜ້າສົນໃຈ, ແຕ່ທີ່ ຂາດບໍ່ໄດ້ຖ້າທ່ານໃດໄດ້ມາເຖິງ ເມືອງລາວແລ້ວ ກໍຕ້ອງເຊີນຊວນ ໄປກາບໄຫວ້ພະທາດຫລວງວຽງ ຈັນ, ຢ້ຽມຊົມສະຖານທີ່ທ່ອງທ່ຽວ ທຳມະຊາດ ແລະ ເມືອງມໍລະດົກ ໂລກ ທີ່ນະຄອນຫລວງພະບາງ, ໄປຢາມວັດພູຈຳປາສັກ ໜຶ່ງໃນມໍ ລະດົກໂລກອັນລ້ຳຄ່າ ແລະ ອື່ນໆ ອີກຫລາກຫລາຍ ດັ່ງຄຳວ່າ ປະ ເທດລາວ ສວຍງາມຮັ່ງມີ “Lao Simply beautiful”. 

(ແຫຼ່ງ​ຂໍ້​ມູນ​: ມາລີດາ/ຂ​ປ​ລ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll