ທ່ຽວຊົມ ຄົ້ນຫາຄວາມລຶກລັບ ຂອງທົ່ງໄຫຫີນ ຂອງແຂວງຊຽງຂວາງ

09:55 2018/10/01

ຍສໝ - ທົ່ງໄຫຫີນ ຖືວ່າແມ່ນສັນຍາລັກ ຂອງແຂວງຊຽງຂວາງ ແລະ ເປັນສະຖານທີ່ ທ່ອງທ່ຽວທີ່ມີຊື່ ສຽງໂດງດັງ, ຖ້າຫາກໃຜໄປ ແຂວງຊຽງຂວາງ ແລ້ວບໍ່ໄດ້ໄປ ຫລິ້ນບໍ່ເຫັນ ທົ່ງໄຫຫີນ ແມ່ນຖືວ່າ ຍັງບໍ່ຮອດ ຊຽງ ຂວາງ.

ທ່ຽວຊົມ ຄົ້ນຫາຄວາມລຶກລັບ ຂອງທົ່ງໄຫຫີນ ຂອງແຂວງຊຽງຂວາງ


ທົ່ງໄຫຫີນ ແຫຼ່ງທ່ອງທ່ຽວ ທີ່ດຶງດູດຂອງແຂວງ ຊຽງຂວາງ.

ແຂວງຊຽງຂວາງ ເປັນແຂວງດຽວ ໃນປະເທດລາວ ທີ່ມີການຄົ້ນ ພົບໄຫຫີນ ແລະ ໃນປັດຈຸບັນ ທາງອົງ ການອຸຍແນສໂກ (UNESCO) ພວມພິຈາລະນາ ຮັບຮອງເອົາ ທົ່ງໄຫຫີນ ເປັນສະຖານທີ່ ທ່ອງທ່ຽວ ມໍລະດົກໂລກ ແຫ່ງທີ 3 ຂອງປະເທດລາວ. ຢູ່ແຂວງຊຽງຂວາງ ມີທົ່ງໄຫຫີນເຖິງ 3 ແຫ່ງຄື: 


ທົ່ງໄຫຫີນ ແຫຼ່ງທ່ອງທ່ຽວ ທີ່ດຶງດູດຂອງແຂວງ ຊຽງຂວາງ.

ໄຫຫີນ 1 ແມ່ນ ຕັ້ງຢູ່ທາງ ທິດຕາເວັນຕົກ ສ່ຽງເໜືອ ຂອງຕົວເມືອງ ໂພນສະຫວັນ ປະມານ 8 ກິໂລແມັດ, ຢູ່ທີ່ນີ້ ປະກອບ ດ້ວຍໄຫຫີນ ທັງໝົດ 334 ໜ່ວຍ, ຈາກການປະເມີນ ທາງດ້ານນ້ຳໜັກ ແລະ ລວງຮອບຕົວຈິງ ເຫັນວ່າໄຫຫີນ ໜ່ວຍທີ່ໃຫຍ່ກວ່າໝູ່ ມີນ້ຳໜັກ ຫລາຍກ່ວາ 10.000 ກິໂລກລາມ ແລະ ລວງຮອບ 8,14 ແມັດ,  ສິ່ງດັ່ງ ກ່າວຈຶ່ງເປັນ ທີ່ໜ້າສົນໃຈວ່າ: ຄົນສະ​ໄໝກ່ອນ ຂົນຍ້າຍໄຫຫີນ ດ້ວຍວິທີໃດ ຈາກບ່ອນຜະລິດ ໄຫຫີນຢູ່ພູເກັງ ມາຫາສະຖານທີ່ ນີ້ທີ່ມີໄລຍະ ທາງເກືອບ 10 ກິໂລແມັດ. ພາຍໃນທົ່ງໄຫຫີນ ຍັງມີຖ້ຳທີ່ມີ ຄວາມລຶກລັບ ທາງດ້ານປະຫວັດສາດ ອີກຫລາຍຢ່າງ ທີ່ໜ້າສຶກສາ ຄົ້ນຄວ້າ. 


ນັກທ່ອງທ່ຽວເຂົ້າຢ້ຽມຊົມ ທົ່ງໄຫຫີນ ແຫຼ່ງທ່ອງທ່ຽວ ທີ່ດຶງດູດຂອງແຂວງ ຊຽງຂວາງ.

ສ່ວນໄຫຫີນ 2 ແມ່ນຕັ້ງຢູ່ລະຫວ່າງ ທາງຕົວເມືອງ ໂພນສະຫວັນ ຫາ ເມືອງຜາໄຊ ປະມານ 20 ກິໂລແມັດ, ເປັນແຫລ່ງທ່ອງທ່ຽວ ທີ່ມີໄຫຫີນ ແລະ ຕົ້ນໄມ້ທີ່ສວຍງາມ, ໃນນີ້ມີໄຫຫີນ ທັງໝົດ 92 ໜ່ວຍ, ມີທາດ 1 ທາດ ເຊິ່ງຕາມ​ການ ໃຫ້ຂໍ້ມູນ ຂອງປະຊາຊົນ ວ່າທາດດັ່ງກ່າວ ສ້າງຂຶ້ນ ໂດຍຝຣັ່ງ ແຕ່ບໍ່ມີຂໍ້ມູນຢັ້ງຢືນ. ໃນໄລຍະຜ່ານ ມານັກທ່ອງທ່ຽວ ທີ່ເຂົ້າມາທ່ຽວຊົມແຫລ່ງ ທ່ອງທ່ຽວແຫ່ງນີ້ ແມ່ນມີຈຳນວນ ເພີ່ມຂຶ້ນທຸກວັນ, ຖືວ່າເປັນແຫລ່ງ ທ່ອງທ່ຽວ ທີ່ນັກທ່ອງທ່ຽວ ສົນໃຈເປັນອັນດັບສອງ… ແລະ ຫ່າງຈາກຕົວເມືອງ ໂພນສະຫວັນ ປະມານ 32 ກິໂລແມັດ ແມ່ນແຫລ່ງທ່ອງ ທ່ຽວທາງດ້ານວັດທະນະທຳ ທີ່ໄດ້ຮັບຄວາມນິຍົມເປັນອັນດັບ 3 ຂອງແຂວງຊຽງຂວາງ.


ນັກທ່ອງທ່ຽວເຂົ້າຢ້ຽມຊົມ ທົ່ງໄຫຫີນ ແຫຼ່ງທ່ອງທ່ຽວ ທີ່ດຶງດູດຂອງແຂວງ ຊຽງຂວາງ.

ນັ້ນກໍແມ່ນໄຫຫີນ 3 ເຊິ່ງໃນນີ້ ມີໄຫຫີນ ທັງໝົດ 150 ໜ່ວຍ, ມີຕົ້ນໄມ້ ທີ່ສວຍງາມ. ໃນລະດູແລ້ງ ສາມາດເດີນ ທາງໄປເຖິງ ແຫລ່ງທ່ອງທ່ຽວ ໄດ້ຢ່າງສະດວກ ສະບາຍ, ສ່ວນລະດູຝົນ ນັກທ່ອງທ່ຽວ ບາງຄົນບໍ່ສາມາດ ໄປໄດ້ຍ້ອນ ທາງຍ່າງຈາກ ບ້ານຂ້າມທົ່ງນາ ໄປຫາທົ່ງໄຫຫີນ ມີຄວາມຫຍຸ້ງ ຍາກຫລາຍ.


ນັກທ່ອງທ່ຽວເຂົ້າຢ້ຽມຊົມ ທົ່ງໄຫຫີນ ແຫຼ່ງທ່ອງທ່ຽວ ທີ່ດຶງດູດຂອງແຂວງ ຊຽງຂວາງ.

ໄຫຫີນ ທັງສາມແຫ່ງນີ້ ຖືວ່າ ເປັນສະຖານທີ່ ທ່ອງທ່ຽວທີ່ມີຊື່ສຽງ ແລະ ໄດ້ຮັບຄວາມ ນິຍົມຈາກ ນັກທ່ອງທ່ຽວ ພາຍໃນ ແລະ ຕ່າງປະເທດ ເປັນຈຳນວນ ຫລວງຫລາຍ ເຮັດໃຫ້ ທົ່ງໄຫຫີນ ມີຊື່ສຽງໂດງດັງ ແລະ ທ່ານໃດທີ່ໄດ້ ໄປແຂວງຊຽງຂວາງ ກໍຢ່າລືມໄປ ສຳພັດກັບຄວາມຍິ່ງໃຫຍ່ ຂອງໄຫຫີນເຊື່ອ ວ່າທ່ານຈະປະທັບໃຈ ກັບບັນຍາກາດ ອັນສົດຊື່ນ ຈົນອົດບໍ່ໄດ້ ທີ່ຈະຖ່າຍຮູບງາມໆ ເພື່ອເກັບໄວ້ ເປັນທີ່ລະນຶກ…ຢູ່ແຂວງຊຽງ ຂວາງ ຍັງມີສະຖານທີ່ ທ່ອງທ່ຽວ ອີກຫລາຍແຫ່ງ ທີ່ສວຍງາມ ແລະ ໜ້າປະທັບໃຈ ເຊິ່ງຈະມີແຫ່ງໃດແດ່ ນັ້ນໃນຄັ້ງຕໍ່ໄປ ຫລານເມືອງພວນ ຈະນຳສະເໜີ ໃຫ້ທ່ານຮູ້ ຈັກຕື່ມອີກ.

ຫັດ​ທະ​ບູນ
;

同类别新闻