ທົ່ງ​ໄຫ​ຫີນຖືກ​ຮັບຮອງ​ເປັນ​ມໍລະດົກ​ໂລກ​

18:33 2019/05/15

ຍສໝ - ທົ່ງ​ໄຫ​ຫີນ​ຊຽງ​ຂວາງຖືກ​ຮັບຮອງ​ເປັນ​ມໍລະດົກ​ໂລກ​ຈາກ​ອົງການ​ຢູ​ເນ​​ສ​ໂກແລ້ວ​ເປັນ​ແຫ່ງ​ທີ 3 ຂອງ​ລາວ ຖັດ​ຈາກ​ຫຼວງ​ພະ​ບາງ ແລະ ຜາສາດ​ຫີນ​ວັດ​ພູ​ຈຳປາ​ສັກ.

ທົ່ງ​ໄຫ​ຫີນຖືກ​ຮັບຮອງ​ເປັນ​ມໍລະດົກ​ໂລກ​
ທົ່ງ​ໄຫ​ຫີນ.

​ທົ່ງ​ໄຫ​ຫີນ​ແຂວງ​ຊຽງ​ຂວາງ ກໍ​ໄດ້​ຖືກ​ຮັບຮອງ​ເຂົ້າ​ເປັນ​ມໍລະດົກ​ໂລກ​ແຫ່ງ​ທີ 3 ຂອງ ​ສປປ ລາວ ເຊິ່ງ​ຄາດ​ວ່າ​ຈະ​ໄດ້​ຖືກ​ປະກາດ​ຮັບຮອງ​ຢ່າງ​ເປັນ​ທາງ​ການ ໃນ​ກອງ​ປະຊຸມ​ຄະນະ​ກຳມະການ​ມໍລະດົກ​ໂລກ ຄັ້ງ​ທີ 43 ເຊິ່ງ​ຈະ​ຈັດ​ຂຶ້ນ​ໃນ​ລະຫວ່າງ​ວັນ​ທີ 30 ມິຖຸນາ ຫາ ວັນ​ທີ 7  ກໍລະກົດ 2019 ທີ່​ຈະ​ເຖິງ​ນີ້ ຢູ່​ທີ່​ປະເທດ​ອາ​ແຊັກ​ບາຍ​ຊານ. 

ທົ່ງ​ໄຫ​ຫີນ​ແຂວງ​ຊຽງ​ຂວາງປະກອບ​ດ້ວຍ​ພື້ນ​ທີ່​ຍ່ອຍ 11 ແຫ່ງ​ຢັ່ງຢາຍ​ກວມ​ເອົາ​ພື້ນ​ທີ່​ປະມານ 200 ເຮັກຕາ ໃນ​ເມືອງ​ຄຳ ຜາ​ໄຊ ແປກ ແລະ ພູ​ກູດ ພື້ນ​ທີ່​ດັ່ງກ່າວ​ນີ້​ມີ​ວັດຖຸ​ທີ່​ເອີ້ນ​ວ່າ ໄຫ​ຫີນ​ຫຼາຍ​ກວ່າ 1.000 ໜ່ວຍ. 

ທົ່ງ​ໄຫ​ຫີນ​ແຂວງ​ຊຽງ​ຂວາງປະກອບ​ດ້ວຍ​ພື້ນ​ທີ່​ຍ່ອຍ 11 ແຫ່ງ​ຢັ່ງຢາຍ​ກວມ​ເອົາ​ພື້ນ​ທີ່​ປະມານ 200 ເຮັກຕາ
ລັດຖະບານ​ລາວໄດ້​ສົ່ງເອກະສານ​ຕ່າງໆ​ຫາ​ອົງການ​ຢູ​ເນ​​ສ​ໂກເພື່ອ​ໃຫ້​ຮັບຮອງ​ເອົາ​ທົ່ງ​ໄຫ​ຫີນ​ຊຽງ​ຂວາງ​ເຂົ້າ​ເປັນ​ມໍລະດົກ​ໂລກ ຫຼັງ​ຈາກ​ທີ່​ລັດຖະບານ​ໄດ້​ຮັບຮອງ​ເອົາ​ເອກະສານ​ທີ່​ຈຳເປັນ​ຕ່າງໆ​ເມື່ອ​ປີ 2017 ການ​ກວດ​ສອບ​ຂອງ​ອົງການ​ຢູ​ເນ​​ສ​ໂກ ໂດຍ​ທົ່ວ​ໄປ​ແລ້ວ​ໃຊ້​ເວລາ​ປະມານ 18 ເດືອນ.
(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll