ຕົວແທນບໍລິສັດທ່ອງທ່ຽວ-ສື່ ຈາກ 3 ປະເທດ ເຂົ້າຮ່ວມໂຄງການ FAM TRIP 2019

16:37 2019/04/24

ບັນ­ດາ​ບໍ­ລິ­ສັດ​ທ່ອງ​ທ່ຽວ ແລະ ສື່​ມວນ​ຊົນ​ຈາກ ສປປ ລາວ ກຳ­ປູ­ເຈຍ ມຽນ​ມາ ຈຳ­ນວນ 30 ຄົນ ເຂົ້າ​ຮ່ວມ​ໂຄງ­ການ Familiarization Trip Indonesia Market 2019 ທີ່ ປະ­ເທດ​ອິນ​ໂດ​ເນ​ເຊຍ ເຊິ່ງ​ປີ​ນີ້​ໄດ້​ເລືອກ​ເອົາ​ເຂດ​ປົກ­ຄອງ​ພິເສດ​ຢອກ​ຢາ​ກາ​ຕາ (Yogyakarta) ເປັນ​ເຂດ​ຈັດ​ກິດ­ຈະ­ກຳ​ຕ່າງໆ​ໃນ​ໄລຍະໂຄງ­ການ ແນ­ໃສ່​ເພື່ອ​ເປັນ​ການ​ສົ່ງ­ເສີມ​ການ­ທ່ອງ­ທ່ຽວ​ເຂດ​ດັ່ງ­ກ່າວ.

ຕົວແທນບໍລິສັດທ່ອງທ່ຽວ-ສື່ ຈາກ 3 ປະເທດ ເຂົ້າຮ່ວມໂຄງການ FAM TRIP 2019
ຕົວແທນບໍລິສັດທ່ອງທ່ຽວ-ສື່ ຈາກ 3 ປະເທດ ເຂົ້າຮ່ວມໂຄງການ FAM TRIP 2019

ກິດ­ຈະ­ກຳ​ນີ້​ແມ່ນ​ຈັດ​ຂຶ້ນ​ໂດຍ​ການ​ຮ່ວມ​ມື​ຂອງ​ກະ­ຊວງ​ທ່ອງ​ທ່ຽວ​ຂອງ​ອິນ​ໂດ​ເນ​ເຊຍ ຮ່ວມ​ກັບ​ເຂດ​ປົກ­ຄອງ​ພິ­ເສດ ຢອກ​ຢາ​ກາ​ຕາ ຈັດ​ຂຶ້ນ​ລະ­ຫວ່າງ​ວັນ​ທີ 22-26 ເມ­ສາ 2019 ເຊິ່ງ​ໂຄງ­ການ​ດັ່ງ­ກ່າວ​ນີ້ ຜູ້​ເຂົ້າ​ຮ່ວມ​ຈະ​ໄດ້​ທ່ຽວ​ຊົມ​ສະ­ຖານ­ທີ່​ທ່ອງ​ທ່ຽວ​ສຳ­ຄັນ​ຕ່າງໆ ເຊັ່ນ: ໃນ​ວັນ​ທີ 23 ເມ­ສາ ແມ່ນ​ໄດ້​ເຂົ້າ​ທ່ຽວ​ຊົມ​ພະ­ລາດ​ຊະ​ວັງ Keraton Tama Sari ວັດ Prambanan ວັດ Ratu Boko ວັນ​ທີ 24 ເມ­ສາ ຄະ­ນະ​ຈະ​ໄດ້​ໄປ​ສຳ­ຜັດ​ກັບ​ບັນ­ຍາ­ກາດ​ຕາ­ເວັນ​ຂຶ້ນ​ທີ່ Borobudur ຫຼັງ​ຈາກ​ນັ້ນ  ກໍ​ຈະ​ໄດ້​ຂີ່​ລົດ­ຖີບ-ລົດ​ມ້າ ທ່ຽວ​ຊົມ​ບັນ­ຍາ­ກາດ​ທີ່​ບ້ານ Candirejo ຈາກ​ນັ້ນ ຈະ​ໄດ້​ໄປ​ທ່ຽວ​ຊົມ​ພິ​ພິ​ທະ​ພັນ Ullen Sentalu ນອກ­ຈາກ​ນັ້ນ ຈະ​ໄດ້​ຂີ່​ລົດ​ຊົມ​ທຳ​ມະ​ຊາດ​ສາຍ­ພູ Merapi ແລະ ຊົມ​ການ­ສະ­ແດງ​ສິ­ລະ​ປະ​ອັນ​ເປັນ​ເອ­ກະ­ລັກ​ຂອງ Yogyakarta ວັນ​ທີ 25 ເມ­ສາ ຈະ​ໄດ້​ທ່ຽວ​ຊົມ​ສະ­ຖານ­ທີ່​ທ່ອງ​ທ່ຽວ Batik Apip, Malioboro ທ່ຽວ​ຊົມ​ສະຖານ­ທີ່​ທ່ອງ Kota Gede.

ທ່ານ ປະ­ຕິ​ໂຕ ຊູ​ເຮີ​ໂຢ (Patito Soeheryo) ເອກ​ອັກ​ຄະ​ລັດ​ຖະ​ທູດ​ອິນ​ໂດ​ເນ​ເຊຍ ປະ­ຈຳ ສປປ ລາວ ໄດ້​ກ່າວ​ໃນ​ວັນ​ທີ 19 ເມ­ສາ ຜ່ານ​ມາ​ວ່າ: ໂຄງ­ການ​ດັ່ງ­ກ່າວ​ແມ່ນ​ມີ​ຄວາມ​ສຳ­ຄັນ ໃນ​ການ​ແລກ­ປ່ຽນ​ດ້ານ​ການ­ທ່ອງ­ທ່ຽວ​ລະຫວ່າງ​ອິນ​ໂດ​ເນ​ເຊຍ ແລະ ປະ­ເທດ​ຜູ້​ເຂົ້າ​ຮ່ວມ ໂດຍ​ສະ­ເພາະ​ແມ່ນ ສປປ ລາວ ເພື່ອ​ນຳ​ເອົາ​ຂໍ້​ມູນ​ຂ່າວ­ສານ​ດ້ານ​ພັດ­ທະ­ນາ​ການ­ທ່ອງ­ທ່ຽວ​ທັງ​ສອງ​ປະ­ເທດ ໃຫ້​ສັງ­ຄົມ​ໄດ້​ຮັບ​ຮູ້ ແລະ ເຂົ້າ­ໃຈ ທັງ​ນີ້​ກໍ​ເພື່ອ​ເປັນ​ການ​ດຶງ​ດູດ​ນັກ​ທ່ອງ​ທ່ຽວ​ຈາກ​ອິນ​ໂດ​ເນ​ເຊຍ​ເຂົ້າ​ມາ​ລາວ ກໍ​ຄື ດຶງ​ດູດ​ນັກ​ທ່ອງ​ທ່ຽວ​ລາວ​ໄປ​ທ່ຽວ​ປະ­ເທດ​ອິນ​ໂດ​ເນ​ເຊຍ ຕື່ມ​ອີກ.

(ແຫຼ່ງ​ຂໍ້​ມູນ​: vientianemai.net)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll