ຊຽງຂວາງ ຈັດເທສະການບຸນເຂົ້າໄກ່ນ້ອຍ ປະຈຳປີ 2018

14:54 2018/12/05

ແຂວງຊຽງຂວາງ ຈັດເທສະການບຸນເຂົ້າໄກ່ນ້ອຍປະຈຳປີ 2018 ຄັ້ງທີ 5 ວັນທີ 5ທັນວາ ໂດຍຕິດພັນກັບການຈັດຕັ້ງປະຕິບັດກິດຈະກຳປີທ່ອງທ່ຽວລາວ ໂດຍໄດ້ມີກ້ອນກຳລັງຈາກບັນດາເມືອງຂອງແຂວງ ເຊິ່ງແຕກຕ່າງຈາກທຸກປີ ເຊິ່ງແຕ່ລະກ້ອນກຳລັງໄດ້ສະແດງໃຫ້ເຫັນ ການຜະລິດເຂົ້າໄກ່ນ້ອຍ, ການຊົມໃຊ້, ຫັດຖະກຳ, ແຫລ່ງທ່ອງທ່ຽວ ແລະ ວັດທະນະທຳແຕ່ລະທ້ອງຖິ່ນ, ນອກນີ້ ຍັງມີກ້ອນກຳລັງຊາວໜຸ່ມ ນັກສຶກສາ ຜູ້ມີເຫື່ອແຮງໃນການອອກແຮງງານຜະລິດເຂົ້າໄກ່ນ້ອຍ.

ຊຽງຂວາງ ຈັດເທສະການບຸນເຂົ້າໄກ່ນ້ອຍ ປະຈຳປີ 2018
ພິທີເປີດງານເທສະການບຸນເຂົ້າໄກ່ນ້ອຍ ປະຈຳປີ 2018 ຢູ່ແຂວງ ຊຽງຂວາງ.

ທ່ານ ບຸນຕົ້ນ ຈັນທະພອນ ເຈົ້າແຂວງໆຊຽງຂວາງໄດ້ກ່າວວ່າ: ເທສະການບຸນເຂົ້າໄກ່ນ້ອຍປີນີ້ ຈັດຂຶ້ນໂດຍຕິດພັນກັບການຈັດຕັ້ງປະຕິບັດກິດຈະກຳປີທ່ອງກ່ຽວລາວ, ຕັ້ງໜ້າປະຕິບັດມະຕິກອງປະຊຸມໃຫຍ່ຄັ້ງທີ X ຂອງພັກເຂົ້າສູ້ຊີວິດຕົວຈິງ, ມະຕິກອງປະຊຸມໃຫຍ່ຄັ້ງທີ VII ຂອງອົງຄະນະພັກແຂວງ, ກະກຽມເປັນເຈົ້າພາບຈັດງານມະຫາກຳກິລາແຫ່ງຊາດຄັ້ງທີ 11, ກຽມຄວາມພ້ອມເອົາທົ່ງໄຫຫີນ 11 ແຫ່ງເຂົ້າເປັນມໍລະດົກໂລກແຫ່ງທີ 3 ຂອງ ສປປ ລາວ ແລະ ການສະເຫລີມສະຫລອງວັນຊາດທີ 2 ທັນວາ ຄົບຮອບ 43 ປີ, ການສະເຫລີມສະຫລອງສ້າງຕັ້ງເມືອງວຽງໄຊ ຄົບຮອບ 50 ປີ, ສ້າງຜົນງານຮັບຕ້ອນວັນສ້າງຕັ້ງກອງທັບປະຊາຊົນລາວຄົບຮອບ 70 ປີ ແລະ ວັນສຳຄັນອື່ນໆຂອງຊາດ. ໃນຄັ້ງນີ້ຄະນະຜູ້ແທນ ແລະ ພໍ່ແມ່ປະຊາຊົນ ກໍໄດ້ພ້ອມກັນສູ່ຂວັນເຂົ້າ, ໄດ້ຊີມອາຫານພື້ນເມືອງ ທີ່ເປັນເອກະລັກສະເພາະແຂວງຊຽງຂວາງ ຕື່ມອີກ.
ທ່ານ ບໍ່ວຽງຄຳ ວົງດາລາ ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ກໍໄດ້ມອບໃບຢັ້ງຢືນຈົດທະບຽນແຂວງຊຽງຂວາງ.

ໂອກາດດັ່ງກ່າວ, ທ່ານ ບໍ່ວຽງຄຳ ວົງດາລາ ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ກໍໄດ້ມອບໃບຢັ້ງຢືນຈົດທະບຽນແຂວງຊຽງຂວາງ ຖິ່ນກຳເນີດເຂົ້າໄກ່ນ້ອຍ ເຊິ່ງຮັບໂດຍທ່ານ ບຸນຕົ້ນ ຈັນທະພອນ.

ເທສະການບຸນເຂົ້າໄກ່ນ້ອຍ ປະຈຳປີ 2018 ຊຽງຂວາງ.
(ແຫຼ່ງ​ຂໍ້​ມູນ​: ຂ​ປ​ລ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll