ຊາວໜຸ່ມ-ເຍົາວະຊົນ ແຂວງບໍລິຄຳໄຊ ເຂົ້າຊົມຫໍມູນ ເຊື້ອທະຫານແຂວງ

00:54 2019/05/13

ເພື່ອ​ເປັນ​ການ​ສ້າງ​ຂະ​ບວນການ​ຕ້ອນຮັບ ​ວັນ​ສ້າງ​ຕັ້ງ​ກອງທັບ​ປະຊາຊົນ​ລາວ​ຄົບຮອບ 70 ປີ ​ໃຫ້​ເປັນ​ຂະ​ບວນຟົ​ດຟື້ນ ​ແລະ ມີ​ຄວາມໝາຍຄາວ​ມສຳຄັນ ໃນ​ຕອນ​ເຊົ້າ​ຂອງ​ວັນ​ທີ່ 4 ມັງກອນ 2019 ທີ່​ຜ່ານ​ມາ.

ຊາວໜຸ່ມ-ເຍົາວະຊົນ ແຂວງບໍລິຄຳໄຊ ເຂົ້າຊົມຫໍມູນ ເຊື້ອທະຫານແຂວງ
ທ່ານ ທອງ​ມະນີ ​ໂຄດ​ປັນຍາ  ກຳມະການ​ສູນ​ກາງ​ຊາວໜຸ່ມ ປະຊາຊົນ ປະຕິວັດ​ລາວ,  ​ເລຂາ​ຄະນະ​ບໍລິຫານ​ງານ​ຊາວໜຸ່ມ​ແຂວງ​  ຖ່າຍຮູບຮ່ວມກັບນ້ອງນ້ອຍຊາວໜຸ່ມ ແລະ ເຍົາວະຊົນ.

ຄະນະ​ບໍລິຫານ​ງານ​ຊາວໜຸ່ມ​ແຂວງບໍລິຄຳໄຊ  ​ເຊິ່ງນຳ​ໂດຍ ທ່ານ ທອງ​ມະນີ ​ໂຄດ​ປັນຍາ  ກຳມະການ​ສູນ​ກາງ​ຊາວໜຸ່ມ ປະຊາຊົນ ປະຕິວັດ​ລາວ,  ​ເລຂາ​ຄະນະ​ບໍລິຫານ​ງານ​ຊາວໜຸ່ມ​ແຂວງ​  ພ້ອມ​ດ້ວຍ​ຂະ​ແໜງ​ເຍົາວະ​ຊົນ ​ແລະ ​ຂະ​ແໜງອົບຮົມ,  ນ້ອງ​ນ້ອຍ​ເຍົາຊົນ​ຈາກ​ໂຮງຮຽນ ມໍ​ຕົ້ນ  ​ໂພ​ສີ ຈຳ​ນວນ 100 ນ້ອງ​ ເຂົ້າ​ຊົມ​ຫໍ​ມູນ​ເຊື້ອ​ ຂອງ​ກອງ​ບັນຊາ​ການ​ທະຫານ​ແຂວງ​ບໍລິ​ຄຳ​ໄຊ.

​ໃນໂອກາດດຽວກັນ,  ນ້ອງນ້ອຍເຍົາວະຊົນ ຍັງໄດ້ຮັບຟັງການ​ເລົ່າ​ມູນ​ເຊື້ອ  ວັນ​ສ້າງ​ຕັ້ງ​ກອງທັບ ປະຊາຊົນ​ລາວ ຄົບຮອບ 70 ປີ  ຈາກທ່ານ ພົນ​ຈັດຕະວາ ຈວງ​ຈັນ ລາດ​ຊະ​ວົງ  ຫົວໜ້າກອງ​ບັນຊາ​ການ​ທະຫານ​ແຂວງ​ບໍລິ​ຄຳ​ໄຊ  ເພື່ອ​ເປັນ​ການສ້າງຄວາມຮັບຮູ້ໃຫ້ຄົນລຸ້ນໃໝ່,  ທັງເປັນການ​ປູກ​ຈິດ​ສຳນຶກ ​ໃຫ້​ແກ່​ເຂົາ​ເຈົ້າຮູ້​ໄດ້​​ເຖິງ​ຄວາມ​ມານະ​ອົດທົນ,  ຄວາມ​ສາມັກຄີ​ຂອງ​ບັນພະ​ບູລຸດ​ ໂດຍ​ສະ​ເພາະ​ ແມ່ນ​ກຳລັງ​ປ້ອງ​ກັນຊາ​ດ-ປ້ອງ​ກັນ​ຄວາມ​ສະຫງົບ. ຈາກ​ນັ້ນ ​ທ່ານ ທອງ​ມະນີ ​​ໂຄດ​ປັນຍາ ​  ກໍ​ໄດ້ມອບກະຕ່າ​ຂອງ​ຂັວນ​​ເພື່ອອວຍ​ພອນ ກອງ​ບັນຊາ​ການ​ທະຫານ​ແຂວງ​ບໍລິ​ຄຳ​ໄຊ​  ເນື່ອ​ງ​ໃນ​ວັນ​ສ້າງ​ຕັ້ງກອງທັບ ປະຊາຊົນ​ລາວ ຄົບຮອບ 70 ປີ,  ໃນຂະນະດຽວກັນ ​ຍັງ​ໄດ້​ມີ​ການ​ຕອບ​ຄຳ​ຖາມ​ວິທະຍາ  ສາດ​ເພື່ອ​ຮັບ​ເອົາ​ຂອງ​ຂັວນລາງວັນ ​ເຊິ່ງພາຍ​ໃນ​ການ​ຖາມ​-ຕອບ ​ຄຳ​ຖາມ​ວິທະຍາສາດ ​ ເຊິ່ງ​ເຕັມ​ໄປ​ດ້ວຍ​ບັນຍາກາດ​ອັນຟົດ​ຟື້ນ.​

(ແຫຼ່ງ​ຂໍ້​ມູນ​: ຈັນທະ​ວົງ/ຂ​ປ​ລ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll