ຊົມເຊີຍວັນສ້າງຕັ້ງກອງທັບປະຊາຊົນລາວຄົບຮອບ 70 ປີ ຢ່າງສຸດໃຈ

00:54 2019/05/13

ການສະເຫຼີມສະຫຼອງໃຫຍ່ວັນສ້າງຕັ້ງກອງທັບຄົບຮອບ 70 ປີ (20 ມັງກອນ 1949-2019) ໄດ້ຈັດຂຶ້ນມື້ນີ້ທີ່ວິທະຍາຄານກົມມະດຳ ກະຊວງປ້ອງກັນປະເທດ (ນ້ຳຊວງ), ເມືອງໂພນໂຮງ, ແຂວງວຽງຈັນ ໂດຍມີການເຂົ້າຮ່ວມຂອງທ່ານ ບຸນຍັງ ວໍລະຈິດ ເລຂາທິການໃຫຍ່ ແລະ ປະທານປະເທດແຫ່ງສປປ.ລາວ, ທ່ານ ທອງລຸນ ສີສຸລິດ ນາຍົກລັດຖະມົນຕີ, ທ່ານພົນເອກ ຈັນສະໝອນ ຈັນຍາລາດ ລັດຖະມົນຕີກະຊວງປ້ອງກັນປະເທດ, ການນຳພັກ-ລັດ, ນາຍ ແລະ ພົນທະຫານ, ອະດີດການນຳພັກ-ລັດ, ເຈົ້າໜ້າທີ່ທະຫານຂັ້ນສູງຈາກປະເທດເພື່ອນມິດ ພ້ອມດ້ວຍອົງການຈັດຕັ້ງມະຫາຊົນ ແລະ ມວນຊົນເປັນຈຳນວນຫຼວງຫຼາຍ.

ຊົມເຊີຍວັນສ້າງຕັ້ງກອງທັບປະຊາຊົນລາວຄົບຮອບ 70 ປີ ຢ່າງສຸດໃຈ
ສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ວັນທີ 20 ມັງກອນຄົບຮອບ 70.

ໃນຕອນເຊົ້າຂອງມື້ນີ້ ວັນທີ 20 ມັງກອນ 2019, ຢູ່ວິທະຍາຄານກົມມະດຳ, ເມືອງໂພນໂຮງ, ແຂວງວຽງຈັນ, ພິທີ ສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ວັນທີ 20 ມັງກອນຄົບຮອບ 70 ຖືກຈັດຂື້ນຢ່າງເປັນທາງການໂດຍການໃຫ້ກຽດເຂົ້າຮ່ວມ ຂອງທ່ານ ບຸນຍັງ ວໍລະຈິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ, ທ່ານ ທອງລຸນ ສີສຸລິດ, ກໍາມະການກົມການເມືອງສູນກາງພັກ, ນາຍົກລັດຖະມົນຕີ, ທ່ານພົນເອກ ຈັນສະຫມອນ ຈັນຍາລາດ, ກໍາມະການກົມການເມືອງສູນກາງພັກ, ລັດຖະມົນຕີກະຊວງປ້ອງກັນປະເທດ, ບັນດາທ່ານການນໍາຂັ້ນສູງພັກ-ລັດ, ພ້ອມທັງ ບັນດານາຍທະຫານຂັ້ນສູງຈາກປະເທດເພື່ອນມິດຕ່າງໆ, ເປັນຕົ້ນ: ຫວຽດນາມ, ຈີນ, ຣັດເຊຍ, ບັນດາທຸຕານຸທູດ ຕ່າງປະເທດປະຈຳລາວ ແລະ ບັນດານາຍ ແລະ ພົນທະຫານຈາກກົມກອງຕ່າງໆອ້ອມຂ້າງກະຊວງປ້ອງກັນປະເທດ ພ້ອມດ້ວຍມວນຊົນຊາວລາວບັນດາເຜົ່າປະມານ 7 ພັນຄົນ. ໃນພິທີ, ທ່ານບຸນຍັງ ວໍລະຈິດ , ເລຂາທິການໃຫຍ່ຄະນະບໍລິຫານງານສູນກາງພັກ ປະຊາຊົນປະຕິວັດລາວ ໄດ້ກ່າວສູນທອນພົດ ໂດຍຍົກໃຫ້ເຫັນຄວາມໝາຍຄວາມສຳຄັນ, ຜົນງານ ແລະ ມູນເຊື້ອຂອງກອງທັບປະຊາຊົນລາວ ໃນໄລຍະຜ່ານມາ, ພາຍໃຕ້ການຊີ້ນຳ ນຳພາອັນປີຊາສາມາດ ແລະສະຫຼາດສ່ອງໃສ ຂອງພັກປະຊາຊົນປະຕິວັດລາວ, ເຊິ່ງໄດ້ເຮັດໃຫ້ກອງທັບ ໄດ້ເຕີບໃຫຍ່ຂະຫຍາຍຕົວ ແລະ ເຂັ້ມແຂງຢ່າງຕໍ່ເນື່ອງ ທັງດ້ານປະລິ ມານ ແລະ ຄຸນນະພາບ, ໂດຍຜ່ານການເຝິກຝົນຫລໍ່ຫຼອມແລະ ທົດສອບ ໃນແປວໄຟຂອງສົງຄາມຕໍ່ສູ້ເພື່ອຍາດເອົາເອກະລາດແຫ່ງຊາດ; ກອງທັບປະຊາຊົນລາວໄດ້ສ້າງວິລະກຳອັນລ້ຳເລີດ ສ້າງປະຫວັດສາດ ໃນຍຸກໃໝ່ ແລະ ມູນເຊື້ອວິລະຊົນ ຂອງຊາດລາວ ວິລະຊົນຢ່າງສະຫງ່າງາມ.

ທ່ານ ບຸນຍັງ ວໍລະຈິດ ເລຂາທິການໃຫຍ່ ແລະ ປະທານປະເທດແຫ່ງສປປ.ລາວ.

ໃນໄລຍະ 70 ປີ ຜ່ານມາ, ກອງທັບປະຊາຊົນລາວ ໄດ້ເຮັດ ພາລະກິດປົດປ່ອຍຊາດ ກໍ່ຄືພາລະກິດປົກປັກຮັກສາ ແລະສ້າງສາພັດທະນາປະເທດຊາດ ຜ່ານແປວໄຟແຫ່ງສົງຄາມຕໍ່ສູ້ເພື່ອປົດປ່ອຍປະເທດຊາດຢ່າງລະອິດລະອ້ຽວ, ຈົນພາໃຫ້ເກີດມີວິລະຊົນນັກຮົບແຂ່ງຂັນຫຼາຍຮ້ອຍຫຼາຍພັນຄົນໃນໄລຍະຕໍ່ມາ; ເພາະສະນັ້ນ ຈຶ່ງເວົ້າໄດ້ວ່າ ກອງທັບປະຊາຊົນລາວ ແມ່ນສົມແລ້ວທີ່ເປັນກອງທັບວິລະຊົນແຫ່ງຊາດລາວວິລະຊົນຢ່າງແທ້ຈິງ. ສຳລັບພິທີສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ ແມ່ນໄດ້ເລີ່ມຕົ້ນຂຶ້ນຢ່າງເປັນທາງການ ໃນເວລາ 7 ໂມງ ເຊິ່ງເປັນພິທີ ທີ່ຍິ່ງໃຫຍ່ ແລະ ດຳເນີນໄປ ຢ່າງຄຶກຄື້ນ ແລະ ເຄັ່ງຂຶມດວ້ຍການສະແດງສີລະປະວັນນະຄະດີ, ການສະແດງຂອງກອ້ນກໍາລັງຫັດກາຍມວຍ ຂອງເຫລົ່າຮົບຕີພິເສດ ແລະ ເຫລົ່າຮົບສືບຂ່າວ, ແລະ ການສະແດງມວຍຕໍ່ສູ້ຊາຍ-ຍິງ. ພ້ອມນີ້, ຍັງມີການສະແດງເດີນສວນສະໜາຂອງກອ້ນກໍາລັງພົນ, ເປັນຕົ້ນ ແມ່ນຂະບວນພະນັກງານປະຕິວັດອາວຸໂສ, ຈຸທຸງໄຊກອງທັບປະຊາຊົນລາວ, ກ້ອນກອງທັບອິດສະຫຼະ, ກ້ອນກຳລັງກອງທັບປົດປ່ອຍ, ກ້ອນກຳລັງເພດຍິງ 369, ກ້ອນນາຍທະຫານບົກ, ກ້ອນນາຍທະຫານອາກາດ, ກ້ອນນາຍທະຫານຊາຍແດນ, ກ້ອນນາຍທະຫານຮາບ, ກ້ອນທະຫານຕີພິເສດ, ກ້ອນທະຫານລົດຕັງ-ຍານເກາະ, ກ້ອນທະຫານປືນໃຫຍ່ໜ້າດິນ, ກ້ອນທະຫານປ້ອງກັນອາກາດ, ກ້ອນທະຫານຊ່າງແສງ, ກ້ອນທະຫານສື່ສານ, ກ້ອນທະຫານແພດເພດຍິງ, ກ້ອນທະຫານທ້ອງຖິ່ນ, ກ້ອນກຳລັງກອງຫລອນ ແລະ ກ້ອນກຳລັງປ້ອງກັນຕົວ. ນອກຈາກນີ້, ຍັງມີຂະບວນພາຫານະອາວຸດ ຈາກເຫຼົ່າຮົບຕ່າງໆ, ຂະບວນລົດທະຫານຮາບຍານ-ເກາະ, ຂະບວນ ເຫຼົ່າຮົບລົດຕັງ-ຍານເກາະ, ຂະບວນເຫລົ່າຮົບປືນໃຫຍ່ໜ້າດິນ, ຂະບວນເຫຼົ່າຮົບປ້ອງກັນອາກາດ, ຂະບວນເຫຼົ່າຮົບຊ່າງແສງ, ການສະແດງຂອງຍົນສູ້ຮົບ, ການໂດດຈ້ອງ ແລະອື່ນໆ.

ເນື້ອແທ້ຂອງການສະແດງຂອງແຕ່ລະກ້ອນກຳລັງນັ້ນແມ່ນເພື່ອສ່ອງແສງໃຫ້ເຫັນເຖິງທາດແທ້ ແລະ ມູນເຊື້ອອັນອົງອາດກ້າຫານຕໍ່ສູ້ບໍ່ຍອມຈຳນົນ, ເດັດດ່ຽວໜຽວແໜ້ນ ແລະ ມູນເຊື້ອແຫ່ງການເສຍສະຫຼະຊີວິດ ແລະ ເລືອດເນື້ອເພື່ອປະເທດຊາດຂອງນັກຮົບປະຕິວັດ ກໍ່ຄື ປະຊາຊົນລາວບັນດາເຜົ່າທີ່ໄດ້ຮ່ວມກັບກອງທັບປະຊາຊົນລາວຕໍ່ສູ້ກູ້ຊາດ ຈົນສາມາດຍາດໄດ້ເອກະລາດ ແລະ ສະຖາປະນາເປັນ ສປປ ລາວ ໃນວັນທີ 2 ທັນວາ ປີ 1975. ກອງທັບປະຊາຊົນລາວ ນັບແຕ່ມື້ໄດ້ຮັບການສ້າງຕັ້ງຂຶ້ນມາຈົນມາເຖິງປັດຈຸບັນ ຍາມໃດກໍ່ມີຄວາມສາມັກຄີອັນແໜ້ນແຟ້ນກັບປະຊາຊົນລາວບັນດາເຜົ່າ. ການພົວພັນລະຫວ່າງກອງທັບກັບປະຊາຊົນປຽບເໝືອນ “ປາກັບນ້ຳ”. ຍ້ອນກອງທັບເຮົາຮູ້ອີງໃສ່ປະຊາຊົນ, ຈິ່ງໄດ້ຮັບການອູ້ມຊູຊ່ວຍເຫຼືອເບິ່ງແຍງລ້ຽງດູຈາກປະຊາຊົນບັນດາເຜົ່າ; ປະຊາຊົນໄດ້ສະຫຼະວັດຖຸ ແລະ ມອບຈິດໃຈ ຕະຫຼອດເຖິງລູກຫຼານຂອງຕົນ ເຂົ້າຮ່ວມໃນຖັນແຖວກອງທັບຢ່າງຫ້າວຫັນຕະຫຼອດມາ. ກອງທັບປະຊາຊົນລາວ ມີນໍ້າໃຈຕໍ່ສູ້ພິລະອາດຫານ ແລະກ້າແກ່ນໜຽວແໜ້ນ, ມີໄຫວພິບ ແລະ ປະດິດສ້າງ; ໃນເບື້ອງຕົ້ນ ກອງທັບເຮົາແມ່ນໄດ້ຮັບການກໍ່ຕັ້ງຂຶ້ນ ໂດຍມີກໍາລັງພຽງບໍ່ເທົ່າໃດຄົນ ແລະໄດ້ຮັບການປະກອບອາວຸດແບບປະຖົມປະຖານ, ແຕ່ພາຍໃຕ້ການນໍາພາຂອງພັກປະຊາຊົນປະຕິວັດທີ່ສະຫລາດສ່ອງໃສ ແລະ ປີຊາສາມາດ,ກອງທັບເຮົາຈຶ່ງໄດ້ຮັບການກໍ່ສ້າງ ແລະ ປັບປຸງໃຫ້ເຕີບໃຫ່ຍຂະຫຍາຍຕົວທັງທາງປະລິມານ ແລະ ທາງຄຸນນະພາບຢ່າງບໍ່ຢຸດຢັ້ງ, ພ້ອມທັງ ມີຄວາມອົງອາດກ້າຫານ ບໍ່ຫວັ່ນໄຫວຄອນແຄນ ຕໍ່ຄວາມລໍາບາກ ທຸລະກັນດານໃດໆທັງສິ້ນ, ຍິ່ງຕີກໍ່ຍິ່ງໄດ້ຮັບໄຊຊະນະ ຍິ່ງສູ້ຮົບກໍ່ຍິ່ງເຕີບໃຫ່ຍເຂັ້ມແຂງ. ຜ່ານໄລຍະຕໍ່ສູ້ກູ້ຊາດ ຕ້ານຈັກກະພັດຜູ້ຮຸກຮານ ອັນຍືດເຍື້ອຍາວນານ ກໍ່ໄດ້ເກີດມີບັນດານັກຮົບດີເດັ່ນ ນັກຮົບແຂ່ງຂັນ ແລະ ນັກຮົບວິລະຊົນ ເຊິ່ງລວ້ນແຕ່ໄດ້ສັງກັດຢູ່ໃນກໍາລັງທະຫານຫລວງ, ທະຫານທອ້ງຖິ່ນ ແລະ ກຳລັງກອງຫຼອນ, ໂດຍມີທັງເພດຍິງ ແລະ ເພດຊາຍຢ່າງຫຼວງຫຼາຍ.

 


















ສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ວັນທີ 20 ມັງກອນຄົບຮອບ 70.
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll