ງານວາງສະແດງປື້ມອ່ານອາຊຽນ ຢູ່ລາວ

08:09 2018/05/11

ການພົບປະແລກປ່ຽນກ່ຽວກັບຜົນປະໂຫຍດຂອງການອ່ານປື້ມ, ອະນາຄົດຂອງການອ່ານປື້ມ ກັບບັນດານັກປາຖະກະຖາແມ່ນນັກປະພັນວັນນະຄະດີອາຊຽນ ຈະຊ່ວຍໃຫ້ບັນດາໝູ່ເພື່ອນນັກສຶກສາມີຄວາມເຂົ້າໃຈຫຼາຍກວ່າກ່ຽວກັບສະພາບການປະດິດຄິດແຕ່ງກໍຄືວັດທະນະທຳການອ່ານປື້ມຂອງບັນດາປະເທດໃນກຸ່ມອາຊຽນ.

ງານວາງສະແດງປື້ມອ່ານອາຊຽນ ຢູ່ລາວ
ອາຈານແລະນັກສືກສາມາທ່ຽວຊົມງານວາງສະແດງປື້ມເປັນຈຳນວນຫຼວງຫຼາຍ

ວັນທີ 09 ພຶດສະພາ, ທີ່ມະຫາວິທະຍາໄລແຫ່ງຊາດລາວຢູ່ນະຄອນຫຼວງວຽງຈັນ ໄດ້ດຳເນີນລາຍການພົບປະແລກປ່ຽນບັນດານັກປະພັນວັນນະຄະດີອາຊຽນ ແລະ ງານວາງສະແດງປື້ມອ່ານອາຊຽນ. ເຊິ່ງແມ່ນການເຄື່ອນໄຫວດ້ານວັດທະນະທຳໄດ້ຈັດຕັ້ງເປັນປະຈຳປີ, ລາຍການປີນີ້ ມີການເຂົ້າຮ່ວມຂອງນັກປະພັນວັນນະຄະດີ ເກືອບ 20 ຄົນ ມາຈາກບັນດາປະເທດຄື ສິງກະໂປ, ບຣູໄນ, ໄທ, ອິນໂດເນເຊຍ, ມຽນມາ, ລາວ, ຫວຽດນາມ… ພ້ອມກັບການເຂົ້າຮ່ວມຂອງນັກສຶກສາລາວ ແລະ ຕ່າງປະເທດທີ່ພວມສຶກສາຮ່ຳຮຽນຢູ່ມະຫາວິທະຍາໄລແຫ່ງຊາດລາວນັບເປັນຮ້ອຍໆຄົນ. ໃນຂອບເຂດລາຍການ, ໄດ້ມີບັນດາກອງປະຊຸມສຳມະນາ,ການພົບປະແລກປ່ຽນກ່ຽວກັບຜົນປະໂຫຍດຂອງການອ່ານປື້ມ, ອະນາຄົດຂອງການອ່ານປື້ມ ກັບບັນດານັກປາຖະກະຖາແມ່ນນັກປະພັນວັນນະຄະດີອາຊຽນ ຈະຊ່ວຍໃຫ້ບັນດາໝູ່ເພື່ອນນັກສຶກສາມີຄວາມເຂົ້າໃຈຫຼາຍກວ່າກ່ຽວກັບສະພາບການປະດິດຄິດແຕ່ງກໍຄືວັດທະນະທຳການອ່ານປື້ມຂອງບັນດາປະເທດໃນກຸ່ມອາຊຽນ.

ຖ້ານວາງສະແດງປື້ມອ່ານຂອງຫວຽດນາມ ໂດຍມະຫາວິທະຍາໄລວັດທະນະທຳວາງສະແດງ ດ້ວຍຈຳນວນປື້ມກວ່າ 200 ຫົວ, ມີເນື້ອໃນ, ຮູບການສວຍງາມອຸດົມສົມບຸນ, ພາຍຫຼັງສິ້ນສຸດການວາງສະແດງ, ປື້ມທັງໝົດເຫຼົ່ານັ້ນຈະໄດ້ມອບໃຫ້ຫໍສະໝຸດຂອງມະຫາວິທະຍາໄລແຫ່ງຊາດລາວ. ລາຍການພົບປະແລກປ່ຽນ ແລະ ວາງສະແດງປື້ມອ່ານອາຊຽນຈະໄດ້ດຳເນີນຈົນຮອດວັນທີ 11  ພຶດສະພາ.

(ແຫຼ່ງ​ຂໍ້​ມູນ​: ໝີບິງ, ນັກຂ່າວຫວຽດນາມປະຈຳ ສປປ.ລາວ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll