ງານປະກວດເຮືອໄຟງາມ ທີ່ນະຄອນຫລວງພະບາງ ຄຶກຄື້ນກວ່າທຸກປີ

16:11 2018/10/27

ງານປະກວດເຮືອໄຟງາມ ໃນໂອກາດບຸນອອກພັນສາປະວໍລະນາ ປະຈຳປີ 2018 ທີ່ນະຄອນຫລວງພະບາງ ເມືອງມໍລະດົກໂລກ ໄດ້ດຳເນີນດ້ວຍບັນຍາກາດຄຶກຄື້ນ ມ່ວນຊື່ນກວ່າທຸກປີຜ່ານມາ, ປີ​ນີ້ມີເຮືອໄຟເຂົ້າຮ່ວມປະກວດ​ຫລາຍ ກວ່າ 50 ລຳ ເຊິ່ງງານດັ່ງກ່າວ ໄດ້ຈັດຂຶ້ນໃນຕອນຄໍ່າວັນທີ25 ຕຸລາ2018. ໂດຍ ມີທ່ານ ສົມສະຫວາດ ເລັ່ງສະຫັວດ ອະດີດຮອງນາຍົກລັດຖະມົນຕີ ທີປຶກສາຄະນະບໍລິຫານງານສູນກາງພັກ ພ້ອມດ້ວຍການນຳຂັ້ນສູງ ຂອງແຂວງ ດຽນ ບຽນ ແຫ່ງ ສສ ຫວຽດນາມ, ການນຳແຂວງຫລວງພະບາງ, ແຂກຮັບເຊີນ ຕະຫລອດຮອດມວນຊົນ ແຂກທັງພາຍໃນ ແລະ ຕ່າງປະເທດເຂົ້າຮ່ວມຢ່າງຫລວງຫລາຍ.

ງານປະກວດເຮືອໄຟງາມ ທີ່ນະຄອນຫລວງພະບາງ ຄຶກຄື້ນກວ່າທຸກປີ
ການແຫ່ເຮືອໄຟ ກ່ອນຈະເອົາລົງປ່ອຍໃນແມ່ນຳ້.

ທ່ານ ສຸກັນ ບຸນຍົງ ເຈົ້ານະຄອນຫລວງພະບາງ  ປະທານຈັດງານປະກວດເຮືອໄຟງາມ  ມີຄຳເຫັນວ່າ: ປະເພນີການປະກວດເຮືອໄຟງາມ  ເປັນປະເພນີທີ່ຊາວຫລວງພະບາງ  ພ້ອມກັນປະຕິບັດມາໄດ້ຫລາຍເຊັນຄົນ  ເປັນຄຸນຄ່າທາງດ້ານ ວັດທະນະທຳ  ຮີດຄອງປະເພນີຂອງຊາວນະຄອນຫລວງພະບາງ  ແລະ ປີນີ້ກາຍເປັນກິດຈະກຳຫລັກ ຂອງການສະເຫລີມສະຫລອງປີທ່ອງທ່ຽວ ລາວ  2018 ຢູ່ແຂວງຫລວງພະບາງ. ການປະກວດເຮືອໄຟງາມເປັນປາງບຸນໜຶ່ງ ທີ່ສືບທອດ ກັນ ມາ ແຕ່ ບູຮານນະການ ໂດຍໄດ້ຈັດຂຶ້ນໃນມື້ແຮມ 1 ຄ່ຳ ຂອງເດືອນ 11 ຂອງທຸກປີ  ສຳລັບປີນີ້ມີບັນດາບ້ານໃນເທດສະບານເມືອງ,  ສະຖາບັນການສືກສາ ແລະ ພາກສ່ວນຫົວໜ່ວຍທຸລະກິດຕ່າງໆ  ສົ່ງເຮືອໄຟເຂົ້າປະກວດເຖິງ 51 ພາກສ່ວນ.

ການແຂ່ງຂັນເຮືອໄຟ ຂອງແຂວງຫຼວງພະບາງ.

​ສຳລັບການເ​ລີ່ມຕົ້ນ ງານປະກວດເຮືອໄຟງາມ  ໄດ້ມີພິທີທາງສາສະໜາ,  ເທດສະຫ​ລອງເຮືອໄຟຢູ່ວັດປ່າຮວກ  ເຂດໜ້າຫໍພິພິທະພັນແຫ່ງຊາດຫລວງພະບາງ,  ຂາກນັ້ນເຮືອໄຟແຕ່ລະຂະບວນຂະບວນ  ໄດ້ເຄື່ອນໄປຕາມເສັ້ນ ທາງສີ ສະຫວ່າງວົງ  ຫາ ປາກແມ່ນ້ຳຄານ ແລ້ວນຳເອົາເຮືອໄຟ ໄຫລລົງແມ່ນ້ຳຂອງ  ໂດຍຄະນະກຳມະການ ໄດ້ກຳນົດ 6 ມາດຖານຂອງການປະກວດຄື:  ມາທັນເວລາ ແລະ ຕັ້ງຂະບວນເປັນລະບຽບ,  ໂຄງສ້າງ ແລະ ສິລະປະການຕົບແຕ່ງ  ເຮັດດ້ວຍວັດ ສະດຸທຳມະຊາດ ແລະ ມີຄວາມສວຍງາມ,  ຮູບຮ່າງ ແລະ ແນວຄິດສ້າງສັນ. ນອກນັ້ນ, ຂະບວນແຫ່ຍັງຕ້ອງມີຄວາມເປັນລະບຽບ  ແລະ ນຸ່ງຖືສຸພາບ,  ແສງໄຟໃຫ້ຄວາມສະຫວ່າງດີໃນເວລາແຫ່,  ແສງໄຟໃຫ້ຄວາມສະຫວ່າງ  ໃນເວລາລົງນ້ຳບໍ່ ມອດ ແລະ ເຮືອໄຟບໍ່ຈົມ  ເຊິ່ງແຕ່​ລະ​ຂະ​ບວນ​ຕ້ອງ​ມີ​ຈຳ​ນວນ​ຄົນ ​ບໍ່​ໃຫ້​ຫລຸດ 50 ຄົນ.  ຜ່ານການກວດກາ ແລະ ລົງຄະແນນ ຂອງຄະນະກຳມະການຜົນປະກົດວ່າ:  ທີ 1 ແມ່ນເຮືອໄຟຂອງ​ໂຮງ​ຮຽນ​ມັດ​ທະ​ຍົມ​ສົມ​ບູນ​ສັນ​ຕິ​ພາບ,  ທີ 2 ເຮືອ​ໄຟ​ຂອງ​ໂຮງ​ຮຽນ​ມັນ​ທະ​ຍົມ​ປາຍ​ນາ​ຫລວງ  ແລະ ທີ 3 ເຮືອ​ໄຟ​ບ້ານ​ວຽງ​ໃໝ່.

(ແຫຼ່ງ​ຂໍ້​ມູນ​: ຂ​ປ​ລ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll