ຄົ້ນຄວ້າປະກອບຄຳເຫັນກ່ຽວກັບຊົນເຜົ່າ ທີ່ມີຊື່ເອີ້ນວ່າ "ບຣູ"

11:18 2018/06/01

ເປີດກອງປະຊຸມ ຄົ້ນຄວ້າ, ປະກອບຄຳເຫັນ ກ່ຽວກັບຊົນເຜົ່າທີ່ມີຊື່ເອີ້ນວ່າ: "ບຣູ" ທີ່​ແຂວງ ສະ​ຫວັນ​ນະ​ເຂດ.

ຄົ້ນຄວ້າປະກອບຄຳເຫັນກ່ຽວກັບຊົນເຜົ່າ ທີ່ມີຊື່ເອີ້ນວ່າ "ບຣູ"
ກອງປະຊຸມ ຄົ້ນຄວ້າ, ປະກອບຄຳເຫັນ ກ່ຽວກັບຊົນເຜົ່າທີ່ມີຊື່ເອີ້ນວ່າ: "ບຣູ"

ແຂວງສະຫວັນນະເຂດ ໄດ້ເປີດກອງປະຊຸມ ຄົ້ນຄວ້າ, ປະກອບຄຳເຫັນ ກ່ຽວກັບຊົນເຜົ່າທີ່ມີຊື່ເອີ້ນວ່າ: "ບຣູ" ໃນວັນທີ 29 ພຶດສະພາ ໂດຍການເປັນປະທານຂອງ ທ່ານ ແສງນວນ ໄຊຍະລາດ ຮອງປະທານສະພາແຫ່ງຊາດ, ເຂົ້າຮ່ວມມີທ່ານ ສັນຕິພາບ ພົມວິຫານ ເຈົ້າແຂວງສະຫວັນ ນະເຂດ, ທ່ານ ຄຳໃບ ດຳລັດ ຮອງປະທານສູນກາງແນວ ລາວສ້າງຊາດ, ປະທານ-ຮອງ ປະທານກຳມາທິການບັນດາ ເຜົ່າ, ຮອງປະທານສະຖາບັນ ວິທະຍາສາດສັງຄົມແຫ່ງຊາດ, ຮອງລັດຖະມົນຕີກະຊວງພາຍ ໃນ, ຮອງເຈົ້າແຂວງ, ປະທານ ແນວລາວສ້າງຊາດ 4 ແຂວງ ພາກໃຕ້ ແລະ ພາກສ່ວນທີ່ ກ່ຽວຂ້ອງ. 

ທ່ານ ແສງນວນ ໄຊຍະລາດ ໄດ້ມີຄຳເຫັນບາງຕອນ ວ່າ: ໃນໄລຍະຜ່ານມາ, ສະພາແຫ່ງຊາດ ໄດ້ຮັບຮອງເອົາຊື່ເອີ້ນ ແລະ ຈຳນວນຊົນເຜົ່າໃນເບື້ອງງຕົ້ນ ມີ 49 ຊົນເຜົ່າ ໃນກອງ ປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ VI ປີ 2008, ແຕ່ຜ່ານການຮັບ ຮອງມານັ້ນ ເຫັນວ່າຍັງມີການສະເໜີຈາກພະນັກງານບຳນານ ແລະ ປະຊາຊົນຈຳນວນ ໜຶ່ງ ໂດຍສະເພາະຈາກແຂວງ ສະຫວັນນະເຂດ ເຖິງອົງການກ່ຽວຂ້ອງຂັ້ນແຂວງ ແລະ ສູນກາງ ທີ່ຢາກໄດ້ຊື້ເອີ້ນເຜົ່າຕົນເອງວ່າ: ບຣູ ຊຶ່ງຜ່ານການຄົ້ນຄວ້າຄຳສະເໜີຂອງປະຊາຊົນນັ້ນເຫັນວ່າມີຄວາມເປັນໄປໄດ້ ແລະ ມີເຫດຜົນ. 

ດັ່ງນັ້ນ ຈຶ່ງໄດ້ເປີດກອງປະຊຸມໃນນີ້ ຂຶ້ນ ເພື່ອເປັນການຮັບຟັງຄຳ ຄິດຄຳເຫັນ, ບົນຈິດໃຈຄວາມ ຕ້ອງການຂອງປະຊາຊົນ ທີ່ຢາກໄດ້ຊື່ເອີ້ນດັ່ງກ່າວ ແລະ ເພື່ອເປັນຫຼັກຖານໃຫ້ຄະນະປະຈຳຮັບຜິດຊອບນຳໄປຄົ້ນຄວ້າ ແລະ ລາຍງານຕໍ່ຂັ້ນເທິງທີ່ກ່ຽວຂ້ອງເພື່ອພິຈາລະນາ, ຮັບຮອງໃນຂັ້ນຕໍ່ໄປ. ຈຸດປະສົງຂອງກອງປະຊຸມຄັ້ງນີ້ ເພື່ອເປັນການຄົ້ນຄວ້າຄຳຄິດຄຳເຫັນຈາກປະຊາຊົນ, ອຳນາດການປົກຄອງບ້ານ ແລະ ອົງການປົກຄອງເມືອງ ໂດຍກຳນົດເອົາແຂວງ ສະຫວັນນະເຂດ ເພື່ອລົງເກັບກຳຂໍ້ມູນກ່ຽວກັບບາງຊົນເຜົ່າ ທີ່ມີຊື່ເອີ້ນວ່າ: "ບຣູ" (ກະຕາງ, ສ່ວຍ, ຕະໂອ້ຍ, ຕຣີ, ປະໂກະ ແລະ ມະກອງ) ຄືນໃໝ່ ໃຫ້ສອດຄ່ອງກັບສະພາບຄວາມ ເປັນຈິງທາງດ້ານວັດທະນະທຳ -ສັງຄົມຂອງຊົນເຜົ່າ, ເພື່ອຕອບສະໜອງຄວາມຮຽກຮ້ອງຕ້ອງການຂອງໜ້າທີ່ການເມືອງກ່ຽວກັບວຽກງານຊົນເຜົ່າ, ແກ້ໄຂຄຳສະເໜີ ແລະ ຕອບສະໜອງໄດ້ຄວາມມຸ້ງມາດປາຖະໜາຂອງປະຊາຊົນລາວບັນດາ ເຜົ່າ ຕາມແນວທາງນະໂຍບາຍຂອງພັກ-ລັດຖະບານ ແລະ ເພື່ອເປັນການສັງລວມ ຜົນການຄົ້ນຄວ້າ ແລະ ການ ປະກອບຄຳເຫັນຢູ່ຂັ້ນແຂວງ ເພື່ອລາຍງານຄະນະປະຈຳສະພາແຫ່ງຊາດ. ກອງປະຊຸມໄດ້ຮັບຟັງການລາຍງານບັນດາເອກະສານດັ່ງນີ້: ການສະເໜີກ່ຽວກັບຫຼັກການຄົ້ນຄວ້າຊົນເຜົ່າວິທະຍາ, ການຈັດຕັ້ງປະຕິບັດ ແລະ ເຜີຍແຜ່ມະຕິຕົກລົງຂອງ ສະພາແຫ່ງຊາດ ວ່າດ້ວຍການຮັບຮອງເອົາຊື່ເອີ້ນ ແລະ ຈຳນວນຊົນເຜົ່າໃນ ສປປ ລາວ ສະບັບເລກທີ 213/ສພຊ, ລົງ ວັນທີ 24/11/2008, ບົດລາຍງານຜົນຂອງການຕິດຕາມກວດກາ ແລະ ການຈັດຕັ້ງປະຕິບັດ ມະຕິ 213/ສພຊ, ບົດ ລາຍງານຫຍໍ້ກ່ຽວກັບການສະ ເໜີຊື່ເອີ້ນຊົນເຜົ່າ "ບຣູ" ຂອງຕົວແທນຊົນເຜົ່າຢູ່ແຂວງສະຫວັນນະເຂດ. ພ້ອມກັນນັ້ນ ບັນດາຜູ້ແທນກອງປະຊຸມກໍຈະ ໄດ້ປະກອບຄຳຄິດຄຳເຫັນໃສ່ ບັນດາເນື້ອໃນເພື່ອເຮັດໃຫ້ ກອງປະຊຸມຄັ້ງນີ້ໄດ້ຮັບຜົນສຳເລັດໄປດ້ວຍດີ.

(ແຫຼ່ງ​ຂໍ້​ມູນ​: ປ​ຊ​ຊ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll