ລາວ: ສະກັດກັ້ນ ການນຳເຂົ້າສິນຄ້າບໍ່ຖືກກົດໝາຍ

11:00 2019/11/07

ທ່ານ ສົມ​ຈິດ ອິນ​ທະ​ມິດ ຮອງ​ລັດ­ຖະ­ມົນ­ຕີ​ກະ­ຊວງ​ອຸດ­ສາ­ຫະ­ກຳ ແລະ ການ​ຄ້າ ໃຫ້​ສຳ­ພາດ​ຕໍ່​ສື່​ມວນ​ຊົນ ວັນ​ທີ 1 ພະ­ຈິກ 2019 ທີ່​ກະ­ຊວງ​ອຸດ­ສາ­ຫະ­ກຳ ແລະ ການ​ຄ້າ ວ່າ: ເພື່ອ​ເປັນ​ການ​ຊຸກ­ຍູ້​ການ​ຜະ­ລິດ​ພາຍ​ໃນ​ປະ­ເທດ ແລະ ສະ­ກັດ​ກັ້ນ​ການ​ນຳ​ເຂົ້າ​ສິນ­ຄ້າ​ປະ­ເພດ​ຕ່າງໆ ທີ່​ບໍ່​ຖືກ­ຕ້ອງ​ຕາມ​ລະ­ບຽບ​ກົດ­ໝາຍ ດັ່ງ­ນັ້ນ ລັດ­ຖະ­ບານ​ຈຶ່ງ​ໄດ້​ແຕ່ງ­ຕັ້ງ​ຄະ­ນະ​ສະ­ເພາະ​ກິດ​ຂຶ້ນ ຕາມ​ການ​ຂໍ້​ຕົກ­ລົງ​ຂອງ​ລັດ­ຖະ­ບານ ໃນ​ການ​ແຕ່ງ­ຕັ້ງ​ຄະ­ນະ​ສະ­ເພາະ​ກິດ ເພື່ອ​ຊຸກ­ຍູ້​ການ​ຜະ­ລິດ​ພາຍ​ໃນ ແລະ ການ​ຄວບ​ຄຸມ​ສິນ­ຄ້າ​ເພື່ອ​ຜູ້​ບໍ­ລິ­ໂພກ.

ລາວ: ສະກັດກັ້ນ ການນຳເຂົ້າສິນຄ້າບໍ່ຖືກກົດໝາຍ

 

ທ່ານ ສົມ​ຈິດ ອິນ​ທະ​ມິດ ຮອງ​ລັດ­ຖະ­ມົນ­ຕີ​ກະ­ຊວງ​ອຸດ­ສາ­ຫະ­ກຳ ແລະ ການ​ຄ້າ 
ທ່ານ ສົມ​ຈິດ ອິນ​ທະ​ມິດ ຮອງ​ລັດ­ຖະ­ມົນ­ຕີ​ກະ­ຊວງ​ອຸດ­ສາ­ຫະ­ກຳ ແລະ ການ​ຄ້າ ໃຫ້​ສຳ­ພາດ​ຕໍ່​ສື່​ມວນ​ຊົນ ວັນ​ທີ 1 ພະ­ຈິກ 2019 ທີ່​ກະ­ຊວງ​ອຸດ­ສາ­ຫະ­ກຳ ແລະ ການ​ຄ້າ ວ່າ: ເພື່ອ​ເປັນ​ການ​ຊຸກ­ຍູ້​ການ​ຜະ­ລິດ​ພາຍ​ໃນ​ປະ­ເທດ ແລະ ສະ­ກັດ​ກັ້ນ​ການ​ນຳ​ເຂົ້າ​ສິນ­ຄ້າ​ປະ­ເພດ​ຕ່າງໆ ທີ່​ບໍ່​ຖືກ­ຕ້ອງ​ຕາມ​ລະ­ບຽບ​ກົດ­ໝາຍ ດັ່ງ­ນັ້ນ ລັດ­ຖະ­ບານ​ຈຶ່ງ​ໄດ້​ແຕ່ງ­ຕັ້ງ​ຄະ­ນະ​ສະ­ເພາະ​ກິດ​ຂຶ້ນ ຕາມ​ການ​ຂໍ້​ຕົກ­ລົງ​ຂອງ​ລັດ­ຖະ­ບານ ໃນ​ການ​ແຕ່ງ­ຕັ້ງ​ຄະ­ນະ​ສະ­ເພາະ​ກິດ ເພື່ອ​ຊຸກ­ຍູ້​ການ​ຜະ­ລິດ​ພາຍ​ໃນ ແລະ ການ​ຄວບ​ຄຸມ​ສິນ­ຄ້າ​ເພື່ອ​ຜູ້​ບໍ­ລິ­ໂພກ ພາຍ​ໃຕ້​ການ​ຊີ້​ນຳ?ນຳ­ພາ​ຂອງ​ທ່ານ​ຮອງ​ນາ­ຍົກ­ລັດ­ຖະ­ມົນ­ຕີ​ກະ­ຊວງ​ການ​ເງິນ ພ້ອມ​ດ້ວຍ​ຂະ­ແໜງ­ການ​ກ່ຽວ­ຂ້ອງ ທັງ​ນີ້ ກໍ​ເພື່ອ​ແກ້​ໄຂ​ບັນ­ຫາ​ດັ່ງ­ກ່າວ​ຢູ່ ນວ ເນື່ອງ​ຈາ​ກວ່າ​ສະ­ພາບ​ເສດ­ຖະ­ກິດ​ມີ​ຄວາມ​ຫຍຸ້ງ­ຍາກ​ສັບ­ສົນ ອັດ­ຕາ​ແລກ­ປ່ຽນ​ມີ​ການ​ເໜັງ​ຕີງ (ເງິນ​ກີບ​ອ່ອນ​ຄ່າ​ທຽບ­ໃສ່​ສະ­ກຸນ​ເງິນ​ບາດ ແລະ ເງິນ​ໂດ​ລາ) ເນື່ອງ​ຈາ​ກວ່າ ປະ­ເທດ​ເຮົາ​ຕ້ອງ­ການ​ອັດ­ຕາ​ເງິນ​ຕ່າງ­ປະ­ເທດ​ຫຼາຍ ເພາະ­ວ່າ​ສະ­ພາບ​ການ​ຜະ­ລິດ​ພາຍ​ໃນ​ປະ­ເທດ​ບໍ່​ຕໍ່​ເນື່ອງ ມີ​ການ​ນຳ​ເຂົ້າ​ສິນ­ຄ້າ​ເປັນ​ຈຳ­ນວນ​ຫຼວງ­ຫຼາຍ ດັ່ງ­ນັ້ນ​ບັນ­ດາ​ຂະ­ແໜງ­ການ​ກ່ຽວ­ຂ້ອງ​ໄດ້​ຊຸກ­ຍູ້​ການ​ຜະ­ລິດ ໂດຍ​ເລີ່ມ​ຈາກ ນວ ກ່ອນ.

ບັນ­ດາ​ສິນ­ຄ້າ​ທີ່​ນຳ​ເຂົ້າ​ເຫຼົ່າ­ນັ້ນ ບາງ​ລາຍ­ການ​ຢູ່​ປະ­ເທດ​ເຮົາ​ກໍ​ສາ­ມາດ​ປູກ​ໄດ້ ແຕ່​ຜູ້​ຜະ­ລິດ​ບໍ່​ສາ­ມາດ​ຕອບ​ສະ­ໜອງ​ຕາມ​ຄວາມ​ຕ້ອງ­ການ ເນື່ອງ​ຈາ​ກວ່າ​ປູກ​ບໍ່​ຕໍ່​ເນື່ອງ ສ່ວນ​ຫຼາຍ​ປູກ​ຕາມ​ລະ­ດູ​ການ ດັ່ງ­ນັ້ນ ເພື່ອ​ເປັນ​ການ​ກະ​ຕຸ້ນ​ການ​ຜະ­ລິດ ແລະ ເຮັດ​ໃຫ້​ປະ­ຊາ­ຊົນ​ມີ​ວຽກ​ເຮັດ​ງານ​ທຳ ມີ​ຕະ­ຫຼາດ​ພາຍ​ໃນ​ປະ­ເທດ ໄລ­ຍະ​ຜ່ານ​ມາ​ມີ​ການ​ນຳ​ເຂົ້າ​ສິນ­ຄ້າ​ຈາກ​ຕ່າງ­ປະ­ເທດ​ຈຳ­ນວນ​ຫຼວງ­ຫຼາຍ ນັບ​ທັງ​ຜັກ​ປະ­ເພດ​ຕ່າງໆ ຕໍ່​ກັບ​ບັນ­ຫາ​ດັ່ງ­ກ່າວ ຈຶ່ງ​ມີ​ການ​ແຕ່ງ­ຕັ້ງ​ຄະ­ນະ​ສະ­ເພາະ​ກິດ ເພື່ອ​ກະ​ຕຸ້ນ​ໃຫ້​ມີ​ການ​ຜະ­ລິດ​ພາຍ​ໃນ ໂດຍ​ສຸມ​ໃສ່​ການ​ຜະ­ລິດ​ກະ­ສິ­ກຳ​ອິນ​ຊີ ທີ່​ເປັນ​ສິນ­ຄ້າ​ຮອງ​ຮັບ​ປະ­ເພດ​ກາງ ແລະ ເຫັນ​ວ່າ​ຍັງ​ມີ​ຄວາມ​ຈຳ­ເປັນ​ໃນ​ການ​ປູກ​ພືດ​ສະ­ອາດ ເພື່ອ​ຈຳ­ໜ່າຍ​ຢູ່​ຕະ­ຫຼາດ​ທົ່ວ​ໄປ ເຊິ່ງ​ຄະ­ນະ​ສະ­ເພາະ​ກິດ​ໄດ້​ປຶກ­ສາ​ຫາ­ລື​ຮ່ວມ​ກັບ ນວ ໃນ​ການ​ປະ­ຕິ­ບັດ​ນະ­ໂຍ­ບາຍ​ການ​ສົ່ງ­ເສີມ​ການ​ຜະ­ລິດ​ພາຍ​ໃນ ປະ­ເພດ​ໃດ​ທີ່​ສາ­ມາດ​ຜະ­ລິດ​ພາຍ​ໃນ​ໄດ້ ກໍ​ຄວນ​ໃຫ້​ໂອ­ກາດ​ສິນ­ຄ້າ​ພາຍ​ໃນ ໃຫ້​ສາ­ມາດ​ຈຳ­ໜ່າຍ​ໄດ້ ແລະ ປະ­ເພດ​ທີ່​ບໍ່​ສາ­ມາດ​ຜະ­ລິດ​ໄດ້ ຈຶ່ງ​ມີ​ຄວາມ​ຈຳ­ເປັນ​ຕ້ອງ​ນຳ​ເຂົ້າ ເຊິ່ງ​ພວກ​ເຮົາ​ບໍ່​ສາ­ມາດ​ປິດ​ປະ­ຕູ​ໂຕ​ເອງ​ໄດ້​ໃນ​ຂະ­ແໜງ ອຸດ­ສາ­ຫະ­ກຳ ແລະ ການ​ຄ້າ.

ປັດ­ຈຸ­ບັນ ຄະ­ນະ​ສະ­ເພາະ​ກິດ​ໄດ້​ມີ​ການ​ແບ່ງ​ຄວາມ​ຮັບ­ຜິດ­ຊອບ​ກັນ ເພື່ອ​ລົງ​ຊຸກ­ຍູ້​ການ​ຜະ­ລິດ​ຢູ່​ແຕ່​ລະ​ເຂດ ທີ່​ມີ​ການ​ຜະ­ລິດ​ເປັນ​ສິນ­ຄ້າ ປະ­ກອບ​ມີ 3 ໜ່ວຍ ຄື: ໜ່ວຍ​ງານ​ຊຸກ­ຍູ້​ການ​ຜະ­ລິດ ຕິດ­ຕາມ​ກວດ­ກາ​ຄວບ​ຄຸມ​ຄວາມ​ເໝາະ​ສົມ ໃນ​ການ​ນຳ​ເຂົ້າ ແລະ ໜ່ວຍ​ງານ​ກອງ​ເລ­ຂາ ແລະ ໂຄ­ສະ­ນາ ພ້ອມ​ດຽວ​ກັນ​ນັ້ນ ກໍ​ໄດ້​ເຕົ້າ­ໂຮມ​ພໍ່­ຄ້າ ແລະ ຜູ້​ຜະ­ລິດ​ເພື່ອ​ມາ​ເຈລະ­ຈາ​ກັນ ເພື່ອ​ຫຼີກ​ລ່ຽງ​ຄຳ​ກ່າວ​ຫາ​ວ່າ ປູກ​ອອກ​ມາ​ແລ້ວ​ບໍ່​ມີ​ຕະ­ຫຼາດ​ຈຳ­ໜ່າຍ ແລະ ຫຼີກ​ລ່ຽງ​ຄຳ​ວ່າ ບໍ່​ມີ​ໃຜ​ປູກ​ຈຶ່ງ​ຈຳ­ເປັນ​ຕ້ອງ​ໄດ້​ນຳ​ເຂົ້າ ພ້ອມ​ກັນ​ນັ້ນ ກໍ​ໄດ້​ຄົ້ນ­ຄວ້າ​ວ່າ ສິນ­ຄ້າ​ປະ­ເພດ​ໃດ​ສົມ­ຄວນ​ນຳ​ເຂົ້າ ຖ້າ​ປະ­ເພດ​ໃດ​ບໍ່​ມີ​ໃນ​ຕະ­ຫຼາດ​ພາຍ​ໃນ ຕ້ອງ​ອະ­ນຸ­ຍາດ​ໃຫ້​ນຳ​ເຂົ້າ ຖ້າ​ຈະ​ຫ້າມ​ບໍ່​ໃຫ້​ມີ​ການ​ນຳ​ເຂົ້າ​ສິນ­ຄ້າ ແມ່ນ​ເປັນ​ໄປ​ບໍ່​ໄດ້ ຍ້ອນ​ວ່າ​ມີ​ພັນ­ທະ​ກັບ​ອົງ­ການ ການ​ຄ້າ​ໂລກ ເສດ­ຖະ­ກິດ​ປະ­ຊາ­ຊົນ​ເສດ­ຖະ­ກິດ​ອາ​ຊຽນ ໃນ​ການ​ນຳ​ເຂົ້າ​ສິນ­ຄ້າ​ອຸ­ປະ­ໂພກ​ບໍ­ລິ­ໂພກ ແຕ່​ຕ້ອງ​ມີ​ການ​ກວດ­ກາ​ດ້ານ​ສຸ­ຂາ​ນາ​ໄມ​ພືດ ສັດ​ເປັນ​ເຄື່ອງ­ມື​ໃນ​ການ​ປ້ອງ​ກັນ​ການ​ນຳ​ເຂົ້າ ສົ່ງ​ອອກ​ສິນ­ຄ້າ​ໄປ​ປະ­ເທດ​ໃດ​ໜຶ່ງ ຕ້ອງ­ການ​ກວດ­ກາ​ມາດ­ຕະ­ຖານ​ຂອງ​ສິນ­ຄ້າ ເພື່ອ​ປ້ອງ​ກັນ​ສານ​ຕົກ​ຄ້າງ ສານ​ເຄ​ມີ​ປົນ​ເປື້ອນ​ຕ່າງໆ. 

(ແຫຼ່ງ​ຂໍ້​ມູນ​: vientianemai.net)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll