ລົດເມທ່ອງທ່ຽວຕົກຂົວເສຍຊີວິດ 12 ຄົນຢູ່ເມືອງນານ

11:08 2019/08/20

ເກີດເຫດເລົດເມທ່ອງທ່ຽວຕົກຂົວ ຢູ່ເຂດບ້ານນາເມືອງ, ເມືອງນານ, ແຂວງຫຼວງພະບາງ ໃນເວລາປະມານ 4 ໂມງແລງຂອງມື້ວານນີ້ 19/08/2019 ເຮັດໃຫ້ມີຜູ້ເສຍຊີວິດທັງໝົດ 12 ຄົນ ແລະ ບາດເຈັບອີກ 34 ຄົນ.

ລົດເມຄັນດັ່ງກ່າວມີຜູ້ໂດຍສານທັງໝົດ 46 ຄົນ ໃນນັ້ນມີຄົນລາວ 3 ຄົນ ນອກນັ້ນແມ່ນນັກທອ່ງທຽ່ວຈີນ. ອຸປະຕິເຫດດັ່ງກ່າວເຮັດໃຫ້ມີຜູ້ເສຍຊີວິດຄາທີ 12 ຄົນ ເປັນນັກທ່ອງທຽ່ວຈີນທັງໝົດ, ບາດເຈັບສົມຄວນ 27 ແລະ ບາດເຈັບເລັກໜ້ອຍ 7 ຄົນ.
ພາບ: ອາສາກູ້ໄພໜ່ວຍກູ້ຊີບກູ້ໄພກາແດງຫລວງພະບາງ
ທ່ານ ນາງ ເລັນດາ ແກ້ວມະນີ ອາສາກູ້ໄພໜ່ວຍກູ້ຊີບກູ້ໄພກາແດງຫລວງພະບາງ ໄດ້ກ່າວຕໍ່ທິມງານວຽງຈັນທາຍມື້ເຊົ້ານີ້ 20/8/2019 ວ່າ: ສະເພາະຜູ້ເສຍຊີວິດ 12 ຄົນ ເປັນນັກທອ່ງທຽ່ວຈີນ, ສາມາດເກັບກູ້ໄດ້ແລ້ວ 8 ສົບ ສ່ວນຍັງເຫຼືອອີກ 4 ສົບ ແມ່ນຍັງຖືກລົດເມທັບ ຕ້ອງໄດ້ໃຊ້ລົດຍົກຈຶ່ງຈະສາມາດເອົາສົບທີ່ຍັງເຫຼືອ ອອກມາໄດ້ຄາດວ່າຈະສາມາດກູ້ສົບທັງໝົດອອກມາໄດ້ພາຍໃນມື້ນີ້.
ພາບ: ອາສາກູ້ໄພໜ່ວຍກູ້ຊີບກູ້ໄພກາແດງຫລວງພະບາງ

ທ່ານນາງ ເລັນດາ ແກ້ວມະນີ ໄດ້ກ່າວຕື່ມວ່າ: ສົບຜູ້ເສຍຊີວິດແມ່ນໄດ້ນຳເອົາໄປໄວ້ຢູ່ໂຮງໝໍ ແຂວງຫລວງພະບາງ, ສ່ວນຜູ້ບາດເຈັບຈຳນວນໜຶ່ງແມ່ນຢູ່ໂຮງໝໍຈີນພາຍໃນແຂວງ ແລະ ອີກສ່ວນໜຶ່ງແມ່ນຢູ່ໂຮງໝໍແຂວງຫລວງພະບາງ. ສາເຫດຂອງການເກີດອຸປະຕິເຫດດັ່ງກ່າວແມ່ນຍັງຢູ່ໃນຂັ້ນຕອນການສືບສວນ-ສອບສວນ ຂອງເຈົ້າໜ້າທີ່.

(ແຫຼ່ງ​ຂໍ້​ມູນ​: Laos news)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll