ພິທີເປີດງານຫລວງພະບາງງາມແທ້ໂອ້ ຈັດຂຶ້ນຢ່າງຄຶກຄື້ນ

08:54 2018/07/09

ຍ​ສ​ໝ - ແມ່ນໜຶ່ງໃນບັນດາ 7 ກິດຈະກໍາຫລັກ ໃນການໂຄສະນາໃຫ້ແກ່ປີທ່ອງທ່ຽວລາວ 2018 ຂອງແຂວງ ແລະ ເປົ້າໝາຍຫລັກ ​ແມ່ນສ່ອງແສງໃຫ້ເຫັນເຖິງ ຖ້ອຍຄໍາເວົ້າຈາຂອງຊາວຫລວງພະບາງ ທີ່ລົງທ້າຍດ້ວຍຄຳເວົ້າ “ ໂອ້ ” ​ເຊິ່ງຜູ້​ເຂົ້າ​ຮ່ວມ​ງານ ​ຈະໄດ້ຮັບຮູ້ເຖິງສິ່ງທີ່ເປັນເອກະລັກ ແລະ ໂດດເດັ່ນ ຂອງຊາວຫລວງພະບາງ.

ພິທີເປີດງານຫລວງພະບາງງາມແທ້ໂອ້ ຈັດຂຶ້ນຢ່າງຄຶກຄື້ນ
​ພິ​ທີ​ເປີດ​ງານ ງານຫລວງພະບາງງາມແທ້ໂອ້ .

ພະແນກຖະແຫລງຂ່າວ,  ວັດທະນະທໍາ ແລະ ທ່ອງທ່ຽວແຂວງຫລວງ​ພະ​ບາງ  ຈັດ​ພິທີ​ເປີດ​ງານງານຫລວງພະບາງງາມແທ້ໂອ້  ​ໃນຕົ້ນ​ເດືອນ ກໍລະກົດ 2018  ທີ່ເດີ່ນຕະຫລາດມົ້ງ ໂດຍການ ເຂົ້າຮ່ວມຂອງ ທ່ານ ຄໍາຂັນ ຈັນທະວີສຸກ  ເຈົ້າແຂວງຫລວງພະບາງ, ມີຄະນະປະຈໍາພັກແຂວງ, ບັນດາເຈົ້າເມືອງອ້ອມຂ້າງແຂວງ,  ນະຄອນຫລວງພະບາງ, ມີນັກທຸລະກິດ, ຮ້ານອາຫານ-ໂຮງແຮມ ຕະ ຫລອດຮອດມວນ ຊົນ-ນັກທ່ອງທ່ຽວທັງພາຍໃນ  ແລະ ຕ່າງປະເທດເຂົ້າຮ່ວມຢ່າງຄຶກຄື້ນມ່ວນຊື່ນ.

ທ່ານ ຄໍາຂັນ ຈັນທະວີສຸກ  ເຈົ້າແຂວງຫລວງພະບາງ ກ່າວ​ຄຳ​ປາ​ໄສ​ໃນ​ງານ.

ທ່ານ ຄໍາຂັນ ຈັນທະວີສຸກ ໄດ້ກ່າວໃນພິທີວ່າ:  ກິດຈະກໍາ  “ຫລວງພະບາງງາມແທ້ໂອ”  ແມ່ນໜຶ່ງໃນບັນດາ 7 ກິດຈະກໍາຫລັກ  ໃນການໂຄສະນາໃຫ້ແກ່ປີທ່ອງທ່ຽວລາວ 2018  ຂອງແຂວງ, ເຊິ່ງພາຍໃນງານໄດ້ຮີບໂຮມ ເອົາບັນດາກິດຈະກໍາສໍາຄັນທີ່ສະສ່ອງແສງ ເຖິງວິຖີຊີວິດຂອງຊາວຫລວງພະບາງ  ເປັນ ຕົ້ນ ແມ່ນວັດທະນະທໍາທ້ອງຖິ່ນ,  ຫັດຖະກໍາ, ການແກະສະຫລັກ,ອາຫານຫລວງພະບາງ  ແລະ ວາງສະແດງສິນຄ້າໂອດັອບ,  ພ້ອມທັງຈັດ ເທສະການອາຫານພື້ນເມືອງຫລວງພະບາງ,  ຈາກ​ນັ້ນຈະໄດ້ຈັດກອງປະຊຸມພົບປະບັນດາສື່ມວນຊົນທີ່ມີຊື່ສຽງ,  ມີປະສົບການດ້ານການທ່ອງທ່ຽວ ເພື່ອໂຄສະນານະຄອນ ຫລວງພະບາງໃຫ້ມີບົດບາດ ສູງ​ຂຶ້ນສູ່ເວທີສາກົນ.

ການຈັດງານດັ່ງກ່າວ ເປົ້າໝາຍຫລັກ  ​ແມ່ນສ່ອງແສງໃຫ້ເຫັນເຖິງ ຖ້ອຍຄໍາເວົ້າຈາຂອງຊາວຫລວງພະບາງ   ທີ່ລົງທ້າຍດ້ວຍຄຳເວົ້າ “ ໂອ້ ” ​ເຊິ່ງຜູ້​ເຂົ້າ​ຮ່ວມ​ງານ ​ຈະໄດ້ຮັບຮູ້ເຖິງສິ່ງທີ່ເປັນເອກະລັກ ແລະ ໂດດເດັ່ນ ຂອງຊາວຫລວງພະບາງ.  ​ແລະ ​ໄດ້​ຮັບ​ຊົມກິດຈະກໍາການສະແດງ ເຊັ່ນ:  ການສະແດງລະຄອນອີ່ປອກ ຈາກສູນວັດທະນະທໍາເດັກ,  ບົດຟ້ອນຕ່າງໆແບບຊາວຫລວງພະບາງ ແລະ ການຮ້ອງເພງ​ແລະ ອື່ນໆ.

ການ​ວາງ​ສະ​ແດງ​ສິນ​ຄ້າ ດ້າ​ນ​ວັດ​ທະ​ນະ​ທຳ.

ງານເລີ້ມຕົ້ນດ້ວຍການສະແດງສິລະປະວັນນະຄະດີຈາກນ້ອງນ້ອຍ ສູນວັດທະນະທໍາເດັກ,ນັກຮ້ອງ ແລະ ກອງປສິລະປະກອນພະແນກ ຖວທ ແຂວງ.ໃນບົດເພງ” ຫຼວງພະບາງງາມແທ້ໂອ້ “ .ຈາກນັ້ນທ່ານ ຄໍາຂັນ ຈັນທະວີສຸກ ເຈົ້າແຂວງຫຼວງພະບາງ ກໍໄດ້ກ່າວເປີດພິທີຢ່າງເປັນທາງການ ໂດຍທ່ານກ່າວວ່າ: ການສະເຫຼີມສະຫຼອງປີທ່ອງທ່ຽວ 2018 ຂອງແຂວງຫຼວງພະບາງປີນີ້ເປັນປີພິເສດ ທີ່ແຂວງຫຼວງພະບາງໄດ້ຈັດງານຍິ່ງໃຫຍ່ ໂດຍຕິດພັນກັບເທດສະການປີໃໝ່ລາວ 2561 ແລະ ການປະກາດເມືອງຫຼວງພະບາງເປັນນະຄອນຫຼວງພະບາງ.ເພື່ອເປັນການສົ່ງເສີມໃຫ້ປະຊາຊົນບັນດາເຜົ່າ ຂອງຊາວຫຼວງພະບາງ ໄດ້ໂຄສະນາເຜີຍແຜ່ສິ່ງຍອດຍິ່ງ ທາງດ້ານວັດທະນະທໍາ ທີເປັນເອກະລັກຂອງຊາວຫຼວງພະບາງ ໃຫ້ຊາວໂລກໄດ້ຮັບຮູ້ ແລະ ເປັນການພັດທະນາວຽກງານການທ່ອງທ່ຽວໃຫ້ກ້າວສູ່ມາດຕະຖານສາກົນເທື່ອລະກ້າວ.ທ່ານ ກ່າວຕື່ມວ່າ: ສໍາລັບກິດຈະກໍາ ” ຫຼວງພະບາງງາມແທ້ໂອ້ “ ກໍ່ແມ່ນໜຶ່ງໃນບັນດາ 7 ກິດຈະກໍາຫຼັກ ເພື່ອໂຄສະນາໃຫ້ແກ່ປີທ່ອງທ່ຽວລາວ 2018 ຂອງແຂວງ, ພາຍໃນງານໄດ້ຮີບໂຮມເອົາບັນດາກິດຈະກໍາສໍາຄັນທີ່ສະທ້ອນເຖິງວິຖີຊີວິດຂອງຊາວຫຼວງພະບາງ ເປັນຕົ້ນແມ່ນວັດທະນະທໍາທ້ອງຖິ່ນ,ຫັດຖະກໍາ,ການແກະສະຫຼັກ,ອາຫານຫຼວງພະບາງ ແລະ ສິນຄ້າໂອດັອບ,ເຊິ່ງແຕ່ລະກິດຈະກໍາຈະມີການວາງສະແດງ,ພ້ອມທັງມີການສາທິດໃຫ້ທ່ານໄດ້ສຶກສາຮຽນຮູ້ ແລະ ມີການຈັດເທດສະການອາຫານພື້ນເມືອງຫຼວງພະບາງ,ພ້ອມນີ້ກໍຈະໄດ້ຈັດກອງປະຊຸມພົບປະຂອງບັນດາສື່ມວນຊົນທີ່ມີຊື່ສຽງ,ມີປະສົບການດ້ານການທ່ອງທ່ຽວ ເພື່ອໂຄສະນານະຄອນຫຼວງພະບາງໃຫ້ມີບົດບາດສູ່ເວທີສາກົນ. ພິທີທ່ານ ຄໍາຂັນ ຈັນທະວີສຸກ ເຈົ້າແຂວງຫຼວງພະບາງ ແລະ ບັນດາຜູ້ເຂົ້າຮ່ວມກໍໄດ້ພ້ອມກັນຕັດແຖບຜ້າ ເພື່ອເປີດງານຢ່າງເປັນທາງການ.
ການຈັດງານຫຼວງພະບາງງາມແທ້ໂອ້ຂື້ນ ແມ່ນມີເປົ້າໝາຍຫຼັກ ທີ່ສ່ອງແສງໃຫ້ເຫັນເຖີງຖ້ອຍຄໍາເວົ້າຈາຂອງຊາວຫຼວງພະບາງ ທີ່ລົງທ້າຍຄຳເວົ້າດ້ວຍສະຫຼະ “ ໂອ້ “ ເຊີ່ງພາຍໃນງານນັ້ນ ຈະເຮັດໃຫ້ຜູ້ເຂົ້າຮ່ວມໄດ້ຮັບຮູ້ເຖີງສີ່ງທີ່ເປັນເອກະລັກ ແລະ ໂດດເດັ່ນ ຂອງຊາວຫຼວງພະບາງ. ພາຍຫຼັງເປີດງານດັ່ງກ່າວນີ້ແລ້ວ ເທິງເວທີ ກໍໄດ້ມີກິດຈະກໍາການສະແດງ ເຊັ່ນ: ການສະແດງລະຄອນອີ່ປ໊ອກ ຈາກສູນວັດທະນະທໍາເດັກ,ບົດຟ້ອນຕ່າງໆແບບຊາວຫຼວງພະບາງ ແລະ ການຮ້ອງເພງຢ່າງເບີກບານມ່ວນຊື່ນ.ນອກນີ້ຜູ້ເຂົ້າຮ່ວມກໍຍັງສາມາດ ຢ່າງເລາະຊົມ ແລະ ຊີມອາຫານຫຼວງພະບາງທີ່ຫຼາກຫຼາຍ ແສນເພີດເພີນໃຈ ແລະ ແຊບຊ້ອຍ ຈາກບັນດາຮ້ານອາຫານ,ໂຮງແຮມ ທີ່ມີຊື່ສຽງໄດ້ຕື່ມອີກ.ງານ “ ຫຼວງພະບາງງາມແທ້ໂອ້ ”.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

反馈
全名 :
电子邮箱 :
内容 :
   
 
 
 
 
   
Mobile
TieuDe
安全码 :  
发送
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll