3 ປະເທດ ຮ່ວມຫາລືການອຳນວຍຄວາມສະດວກການຄ້າຊາຍແດນ

06:00 2019/09/13

​ເມື່ອ​ອບໍ​ດົນ​ມາ​ນີ້, ​ໄດ້​ມີກອງປະຊຸມປຶກສາຫາລືລະຫວ່າງພາກລັດ ແລະ ພາກທຸລະກິດ ວ່າດ້ວຍການອຳນວຍຄວາມສະດວກການຄ້າຊາຍແດນ ລະຫວ່າງ ແຂວງສະຫວັນນະເຂດ ສປປ ລາວ, ແຂວງກວາງຈິ ສສ ຫວຽດນາມ ແລະ ຈັງຫວັດມຸກດາຫານ ຣາຊະອານາຈັກໄທ ພາຍໃຕ້ການສະໜັບສະໜູນຂອງສະຖາບັນລຸ່ມແມ່ນ້ຳຂອງ ​ເພື່ຶອສະຫລຸບ-ລາຍງານການຈັດຕັ້ງປະຕິບັດບັນດາຂໍ້ສະເໜີຂອງກອງປະຊຸມໃນຄັ້ງທີ່ຜ່ານມາ, ພ້ອມ​ທັງສົນທະນາປຶກສາຫາລື ແລະ ຫາແນວທາງແກ້ໄຂບັນຫາ.

3 ປະເທດ ຮ່ວມຫາລືການອຳນວຍຄວາມສະດວກການຄ້າຊາຍແດນ
ກອງປະຊຸມ ຮ່ວມຫາລືການອຳນວຍຄວາມສະດວກການຄ້າຊາຍແດນ 3 ປະເທດ ລາວ - ຫວຽດນາມ - ໄທ. (ພາບ: ຂປລ)

ທ່ານ ທ່ອນແກ້ວ ພຸດທະໄກຍະລາດ ຮອງເຈົ້າແຂວງສະຫວັນນະເຂດ ​ໄດ້​​ໃຫ້​ຮູ້​ວ່າ: ກອງປະຊຸມໃນຄັ້ງນີ້ ​ເປັນ​ການເປີດໂອກາດໃຫ້ບັນດາພະແນກການ ແລະ ຂະແໜງການທີ່ກ່ຽວຂ້ອງຈາກພາກລັດ ແລະ ພາກທຸລະກິດ ໄດ້ມາພົບປະສົນທະນາ, ແລກປ່ຽນບົດຮຽນຮ່ວມກັນ ເພື່ອແກ້ໄຂຂອດອຸປະສັກສິ່ງກີດຂວາງຕ່າງໆໃນການປະກອບທຸລະກິດ ໂດຍສະເພາະ ແມ່ນທຸລະກິດປະເພດສິນຄ້າກະສິກຳ ແລະ ການບໍລິການທີ່ຕິດພັນກັບສິນຄ້າກະສິກຳ ເຊິ່ງສິນຄ້າກະສິກຳ ກໍແມ່ນໜຶ່ງໃນໝວດສິນຄ້າຕົ້ນຕໍ ທີ່ມີການນຳເຂົ້າ ແລະ ສົ່ງອອກຜ່ານທັງ 2 ດ່ານແຂວງຄູ່ ລະຫວ່າງ 3 ແຂວງ 3 ປະເທດ ນັ້ນກໍຄືດ່ານສາກົນຂົວມິດຕະພາບລາວ-ໄທ ແຫ່ງທີ II ແລະ ດ່ານສາກົນແດນສະຫວັນ-ລາວບາວ.

ກອງປະຊຸມຄັ້ງນີ້ ກໍແມ່ນອີກໜຶ່ງຂີດໝາຍສຳຄັນ ຂອງການຮ່ວມມືກັນລະຫວ່າງ 3 ແຂວງ 3 ປະເທດ ເພື່ອອຳນວຍຄວາມສະດວກການຄ້າຊາຍແດນໃຫ້ກັບຜູ້ປະກອບການ ແລະ ເພີ່ມປະສິດທິ ພາບ, ປະສິດທິຜົນການຄຸ້ມຄອງວຽກງານການຄ້າຊາຍແດນຂອງພາກລັດເຊັ່ນດຽວກັນ.

(ແຫຼ່ງ​ຂໍ້​ມູນ​: ຂ​ປ​ລ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll