ໂຄງການພັດທະນາຕົວເມືອງຕາມແລວເສດຖະກິດ ຕາເວັນອອກ-ຕາເວັນຕົກ ສະຫຼຸບການຈັດຕັ້ງ ປະຕິບັດວຽກງານ 6 ເດືອນຕົ້ນປີ

08:29 2019/08/09

ວັນທີ 1 ສິງຫາ 2019 ທີ່ ພະແນກໂຍທາທິການ ແລະຂົນ ສົ່ງແຂວງສະຫວັນນະເຂດ, ຄະ ນະຊີ້ນຳໂຄງການພັດທະນາ ຕົວເມືອງຕາມແລວເສດ ຖະກິດຕາເວັນອອກ-ຕາເວັນ ຕົກ ອະນຸພາກພື້ນແມ່ນໍ້າຂອງ ໄດ້ຈັດກອງປະຊຸມສະຫຼຸບການ ປະຕິບັດໂຄງການໄລຍະ 6 ເດືອນຕົ້ນປີ ແລະວາງແຜນ 6 ເດືອນທ້າຍປີ 2019 ໂດຍການ ເປັນປະທານຂອງທ່ານ ທ່ອນ ແກ້ວ ພຸດທະໄກຍະລາດ ຮອງ ເຈົ້າແຂວງສະຫວັນນະເຂດ ປະທານຊີ້ນຳໂຄງການຂັ້ນ ແຂວງ, ທ່ານ ຄຳທະວີ ໄທ ພະຈັນ ຫົວໜ້າກົມເຄຫາ-ຜັງ ເມືອງ, ມີບັນດາທ່ານຄະນະຊີ້ ນຳໂຄງການ, ທ່ານເຈົ້າເມືອງ ທີ່ມີໂຄງການ ພ້ອມພະນັກງານ ວິຊາການ ແລະບໍລິສັດຮັບເໝົາ ໄດ້ເຂົ້າຮ່ວມ.

ໂຄງການພັດທະນາຕົວເມືອງຕາມແລວເສດຖະກິດ ຕາເວັນອອກ-ຕາເວັນຕົກ ສະຫຼຸບການຈັດຕັ້ງ ປະຕິບັດວຽກງານ 6 ເດືອນຕົ້ນປີ

ທ່ານ ທ່ອນ ແກ້ວ ພຸດທະໄກຍະລາດ ຮອງ ເຈົ້າແຂວງສະຫວັນນະເຂດ.(ພາບ: ສະຫວັນພັດທະນາຂ່າວ)

ໂຄງການດັ່ງກ່າວໄດ້ລົງ ມືແຕ່ປີ 2013 ເຊິ່ງມີບ້ວງ ທຶນກູ້ຢືມ ແລະທຶນຊ່ວຍເຫຼືອ ລ້າ 47 ລ້ານ 7 ແສນໂດລາສະ ຫະລັດ, ກວມໃນ 3 ຕົວເມືອງ ຄືນະຄອນໄກສອນ ພົມວິຫານ, ເມືອງພີນ ແລະເມືອງເຊໂປນ, ມາຮອດປະຈຸບັນເຫັນວ່າ 6 ໂຄງການຍ່ອຍມີຄວາມຄືບ ໜ້າຫຼາຍ ເຊິ່ງໃນແຜນ 6 ເດືອນ ຈະປະຕິບັດໃຫ້ໄດ້ 85,5%, ປະຕິບັດຕົວຈິງໄດ້ແລ້ວ 80,2%,ໃນນີ້ ໂຄງການກໍ່ສ້າງ ຖະໜົນໄກສອນ ພົມວິຫານ ໄລ ຍະທາງ 6 ພັນ182 ແມັດ ປະ ຕິບັດໄດ້ແລ້ວ 87,7%, ຖະ ໜົນຟ້າງຸ່ມ ຍາວ 2 ພັນ187 ແມັດ ປະຕິບັດໄດ້ 68,1%, ຖະໜົນເທສະບານເມືອງພີນ ຍາວ 9 ພັນ 978 ແມັດ ປະຕິບັດໄດ້ 80,5%, ຖະໜົນ ຢູ່ເຂດບ້ານແດນສະຫວັນ ເມືອງເຊໂປນຍາວ3 ພັນ 988 ແມັດ ປະຕິບັດໄດ້ 89,6%, ໂຄງການກໍ່ສ້າງຮ່ອງລະບາຍ ນໍ້າ ແລະບຳບັດນໍ້າເປື້ອນ ຫ້ວຍ ລົງກົງ ພ້ອມຕິດຕັ້ງປະຕູປິດ-ເປີດ ແລະຕິດຕັ້ງຈັກສູບນໍ້າ ຍາວ 829 ແມັດ ປະຕິບັດໄດ້ 53,6% ແລະໂຄງການສ້າງສະໜາມ ຂີ້ເຫຍື້ອທີ່ຖືກຫຼັກສຸຂະອະນາ ໄມ ແລະສິ່ງອຳນວຍຄວາມສະ ດວກບ້ານຊອກສຳເລັດໄປ ຈຳນວນໜຶ່ງ, ສ່ວນໂຄງການ ຍ່ອຍທີ 7 ແມ່ນໂຄງການກໍ່ສ້າງ ກັນຕະຝັ່ງເຈື່ອນແຄມຂອງ ຍາວ 980 ແມັດ ແມ່ນຫາກໍ່ ສຳເລັດການເຊັນສັນຍາກັບ ບໍລິສັດຮັບເໝົາ. ທັງໝົດນີ້ບາງ ໂຄງການຈະໝົດສັນຍາໃນ ທ້າຍປີ 2019 ແລະບາງໂຄງ ການແມ່ນຈະສຳເລັດໃນປີ 2021.
ໃນກອງປະຊຸມຍັງໄດ້ມີ ການປະກອບຄຳເຫັນ ແລະ ປຶກສາຫາລືກ່ຽວກັບການ ປູກຕົ້ນໄມ້ລຽບແຄມທາງຖະ ໜົນໄກສອນແຕ່ 3 ແຍກຕະ ຫຼາດສາມັກຄີໄຊຮອດວົງ ວຽນໄດໂນເສົາ ແລະແຕ່ທາງ ໄກສອນ ພົມວິຫານ ຫາສະ ໜາມບິນ, ຫາລືເລື່ອງການຕິດ ຕັ້ງໄຟເຍືອງທາງຖະໜົນ ເທສະບານເມືອງພີນ ແລະ ເຂດບ້ານແດນສະຫວັນ ເມືອງເຊໂປນ ວ່າຈະໄຊ້ໄຟຟ້າ ຈາກເຂື່ອນ ຫຼືຈະໃຊ້ໄຟຟ້າພະ ລັງງານແສງຕາເວັນ ຫຼືແຝງ ໂຊ ລ້າເຊວ ອັນໃດມີຄວາມເໝາະ ສົມ ແລະປະຢັດຕົ້ນທຶນ, ຫາລືການນຳໃຊ້ທີ່ດິນໃນສະຖານທີ່ສ້າງບ່ອນບຳບັດນໍ້າເປື້ອນ ຫ້ວຍລົງກົງ, ເລື່ອງສະໜາມຂີ້ເຫຍື້ອເກົ່າຈະປິດຫຼືຈະນຳໃຊ້ຕໍ່ ແລະວຽກອື່ນໆອີກ.

(ແຫຼ່ງ​ຂໍ້​ມູນ​: ສະຫວັນພັດທະນາ ຂ່າວ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll