ແຂວງອັດຕະປື ເອົາໃຈໃສ່ກວດກາລາຄາສິນຄ້າໃນຊ່ວງນ້ຳຖ້ວມ

14:38 2019/09/12

ພາຍຫຼັງໄດ້ມີການລາຍງານຈາກປະຊາຊົນ ແລະ ທາງສື່ສັງຄົມອອນລາຍ ຕໍ່ຜູ້ບໍລິການສິນຄ້າດ້ານການບໍລິໂພກ ຢູ່ໃນ ແຂວງ ອັດຕະປື ທີ່ວ່າຜູ້ຂາຍສິນຄ່າຕ່າງໆມີການສວຍໂອກາດຂຶ້ນສິນຄ້າເກີນລາຄາເກີນທີ່ທາງຂະແໜງການກ່ຽວຂ້ອງກຳນົດໃຫ້ ເຊິ່ງສ່ວນຫຼາຍແມ່ນປະເພດ ເຂົ້າ, ອາຫານການກິນ ແລະ ເຄື່ອງໃຊ້ສອຍຕ່າງໆ ຢູ່ຕາມຕະຫຼາດ ແລະ ຮ້ານຂາຍເຄື່ອງຍ່ອຍຈຳນວນໜຶ່ງ ເຊິ່ງຕໍ່ກັບບັນຫານີ້ເຈົ້າໜ້າທີ່ການຄ້າພາຍໃນ ແຂວງ ອັດຕະປື ໄດ້ລົງກວດກາຕົວຈິງແລ້ວ ຢູ່ຕະຫຼາດ ບ້ານ ຫຼັກ3 ເມືອງ ສາມັກຄີໄຊ ແລະ ຢູ່ບັນດາເມືອງໃນ ແຂວງ ອັດຕະປື ເພື່ອບໍ່ໃຫ້ມີການສວຍໂອກາດໃນຊ້ວງທີ່ປະຊົນໄດ້ຮັບຜົນກະທົບທາງທຳມະຊາດນ້ຳຖ້ວມ ໄປຫຼາຍກວ່ານີ້.

ແຂວງອັດຕະປື ເອົາໃຈໃສ່ກວດກາລາຄາສິນຄ້າໃນຊ່ວງນ້ຳຖ້ວມ
ທ່ານ ເພັດສະໜອນ ແກ້ວພິມພອນ ຮອງຂະແໜງການຄ້າພາຍໃນ ພະແນກອຸດສາຫະກຳ ແລະ ການຄ້າແຂວງ ອັດຕະປື. (ພາບ:onenewslaos.com)

ທ່ານ ເພັດສະໜອນ ແກ້ວພິມພອນ ຮອງຂະແໜງການຄ້າພາຍໃນ ພະແນກອຸດສາຫະກຳ ແລະ ການຄ້າແຂວງ ອັດຕະປື ຊີ້ແຈ້ງໃນ ວັນທີ 9 ກັນຍາ ຜ່ານມາ ໃຫ້ຮູ້ວ່າ: ປະຕິບັດຕາມ ແຈ້ງການ ສະບັບ ເລກທີ 1151/ອຄ.ກຄພນ ລົງວັນທີ 6 ກັນຍາ 2019 ຂອງກະຊວງອຸດສາຫະກຳ ແລະ ການຄ້າ ວາງອອກໃຫ້ປະກົດຜົນເປັນຈິງນັ້ນ ເພື່ອບໍ່ໃຫ້ບັນດາແມ່ຄ້າຊາວຂາຍມີການສວຍໂອກາດຂຶ້ນລາຄາສິນຄ້າຕາມລຳພັງໃຈໃນຊ່ວງໄລຍະນໍ້າຖ້ວມນີ້ ເຊິ່ງເຈົ້າໜ້າທີ່ການຄ້າ ໃນແຕ່ລະທ້ອງຖິ່ນກໍ່ໄດ້ເອົາໃຈໃສ່ຈັດຕັ້ງປະຕິບັດ ແລະ ໄດ້ລົງຊຸກຍູ້ຕິດຕາມກວດກາການຊື້-ຂາຍສິນຄ້າຢູ່ຕະຫຼາດແຫ່ງຕ່າງໆ ຖ້າຫາກວ່າ ຜູ້ຄ້າຂາຍສວຍໂອກາດຂຶ້ນລາຄາສິນຄ້າ ໃນໄລຍະບ້ານເມືອງເກີດວິກິດການໃນເລື່ອງໄພພິບັດນີ້ ແນ່ນອນຕ້ອງມີການກະທົບໄວ ເຖິງຈະບໍ່ໜ່ອຍ ແຕ່ກໍ່ຄົງຫຼາຍສຳລັບ ພໍ່ແມ່ປະຊາຊົນ ແລະ ບຸກຄົນຜູ້ທີ່ມີລາຍຮັບຕໍ່າ ເປັນຕົ້ນແມ່ນຊີ້ນ, ປາ, ອາຫານ, ເຂົ້າສານ ແລະ ອື່ນໆ.

ທ່ານ ໄດ້ກ່າວຕື່ມວ່າ: ແຂວງ ອັດຕະປື ມີພື້ນທີ່ບໍລິການໃນເທດສະບານຖືກນ້ຳຖ້ວມ 1 ແຫ່ງ ຄື: ຕະຫຼາດບ້ານ ຫຼັກ 3 ເມືອງ ສາມັກຄີໄຊ ເຊິ່ງເບື້ອງຕົ້ນໄດ້ຈັດສັນຍົກຍ້າຍໃຫ້ໄປຂາຍຢູ່ເຂດທີ່ປອດໄພຊົ່ວຄາວ ແລະ ພາຍຫຼັງນ້ຳຫຼຸດນ້ອຍລົງ ແມ່ນໄດ້ຊຸກຍູ້ ດຳເນິນກິດຈະການຄືນທີ່ເກົ່າເປັນປົກກະຕິແລ້ວສ່ວນວ່າ ລະບົບລາຄາສິນຄາມີການໜິງຕີງນັ້ນ ແມ່ນມີນ້ອຍ ແລະ ບໍ່ເຖິງຂັ້ນມີຜົນກະທົບຕໍ່ຜູ້ບໍລິໂພກ ຫຼື ໃຊ້ບໍລິການ ເພາະວ່າ ໃນຊ້ວງນ້ຳຖ້ວມທາງພາກສ່ວນກ່ຽວຂ້ອງພວກເຮົາໄດ້ລົງຕິດຕາມບັນດາສິນຄ້າທຸກໆເຊົ້າ-ແລງ ພ້ອມທັງຊຸກຍູ້ໃຫ້ຂາຍຢູ່ໃນລາອຄາປົກກະຕິ, ຕໍ່ບຸກຄົນທີ່ລະເມີດນັ້ນ ກໍ່ໄດ້ມີການສຶກສາອົບຮົມ ແລະ ສ້າງບົດບັນທຶກຕັກເຕືອນແນ່ນຳໃຫ້ຜູ້ກ່ຽວໃນຂັ້ນຕົ້ນຢ່າງທັນເວລາ.


ສະພາບການຄ້າຂາຍສິນຄ້າ ຕາມທ້ອງຕະຫຼາດ ແຂວງອັດຕະປື.(ພາບ:onenewslaos.com)

ຖ້າຫາກຍັງບໍ່ມີການປ່ຽນແປງຕາມກຳນົດເວລາ ຈະຖືກປັບໃໝຕາມປະມວນກົດໝາຍອາຍາ ສະບັບເລກທີ 26/ສພຊ ລົງວັນທີ 17 ພຶດສະພາ 2017 ໃນມາດຕາ 277 ການສວຍໂອກາດຂຶ້ນລາຄາສິນຄ້າ ແລະ ຄ່າບໍລິການ ທີ່ລະບຸວ່າ: ບຸກຄົນໃດ ຫາກສວຍໂອກາດຂຶ້ນລາຄາສິນຄ້າ, ຄ່າບໍລິການ ຫຼື ໄດ້ຂາຍສິນຄ້າແພງເກີນຂອບເຂດໃນເວລາເກີດໄພແຫ້ງແລ້ວ, ໄພນໍ້າຖ້ວມ ຫຼື ໃນເວລາທີ່ມີສະພາບການຫຍຸ້ງຍາກ ເກີດຂຶ້ນໃນທ້ອງຖິ່ນໜຶ່ງ ຈະຖືກລົງໂທດຕັດອິດສະຫຼະພາບແຕ່ ຫົກເດືອນ ຫາ ສອງປີ ແລະ ຈະຖືກປັບໃໝແຕ່ 3.000.000 ກີບ ຫາ 10.000.000 ກີບ.

ແນວໃດກໍ່ຕາມ ກ່ຽວກັບບັນຫາການຄຸ້ມຄອງສິນຄ້າທາງຂະແໜງການກ່ຽວຂ້ອງໄດ້ເອົາໃຈໃສ່ຄຸ້ມຄອງລາຄາສິນຄ້າ ໃນທ້ອງຕະຫຼາດຢູ່ພາຍໃນແຂວງຂອງຕົນເປັນປົກກະຕິ ໂດຍສະເພາະ ແມ່ນຢູ່ໃນຊ້ວງທີ່ພໍ່ແມ່ປະຊາຊົນຕົກທຸກໄດ້ຍາກ ຈາກພະຍຸ ດີເຄີຊັນ ທັງໄດ້ມີການຈັດແບ່ງທິມງານຕິດຕາມ ບັນດາສິນຄ້າຢູ່ຕາມທ້ອງຕະຫຼາດ ແລະ ຮ້ານຂາຍເຄື່ອງຍ່ອຍໃນທົ່ວແຂວງ ຢ່າງຕໍ່ເນື່ອງຕະຫລອດມາ. ຜູ້ໃດພົບເຫັນການລະເມີດໂທສາຍດ່ວນ 1510 ໄດ້ 24 ຊົ່ວໂມງ.

 

(ແຫຼ່ງ​ຂໍ້​ມູນ​: onenewslaos.com)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll