ຮອງນາຍົກ ຊີ້ນຳສະຫວັນນະເຂດ ສະໜອງ ແນວພັນເຂົ້າ-ພືດ-ສັດ ແກ່ປະຊາຊົນຢ່າງຮີບດ່ວນ

10:52 2019/10/04

ໃນວັນທີ 3 ຕຸລາ 2019 ນີ້, ທ່ານ ສອນໄຊ ສີພັນດອນ ຮອງນາຍົກ ລັດຖະມົນຕີ ພ້ອມດ້ວຍຄະນະ ໄດ້ລົງເຄື່ອນໄຫວເຮັດວຽກຢູ່ ແຂວງສະຫວັນນະເຂດ ໂດຍໄດ້ເນັ້ນໃຫ້ ຄະນະພັກ, ຄະນະນຳຂອງແຂວງ ເອົາໃຈໃສ່ໃນຫລາຍບັນຫາ ເປັນຕົ້ນ ການນຳເຂົ້າ-ສົ່ງອອກ ແລະ ການຄຸ້ມຄອງລາຄາສິນ ຄ້າ, ການບໍລິການຜ່ານປະຕູດຽວ, ການແກ້ໄຂບັນຫາປະກົດການຫຍໍ້ທໍ້ຕ່າງໆ, ການປັບປຸງພື້ນຖານໂຄງລ່າງ; ສ່ວນການລົງທຶນຂອງພາກລັດ ແລະ ພາກເອກະຊົນ ທັງພາຍໃນ ແລະ ຕ່າງ ປະເທດ ໃຫ້ສືບຕໍ່ເຂັ້ມງວດປະຕິບັດ ບັນດາໂຄງການຕາມທີ່ສະພາອະນຸມັດ ແລະ ໃຫ້ກວດກາຄືນບັນດາໂຄງການນອກແຜນທີ່ໄດ້ປະຕິບັດຜ່ານມາ ໃຫ້ສຳເລັດ; ປັບ​ປຸງລະບຽບການ ແລະ ກົນໄກການປະສານງານລະບົບປະຕູດຽວ ເພື່ອຮັບປະກັນຄວາມໂປ່ງໃສ ແລະ ວ່ອງໄວ.

ຮອງນາຍົກ ຊີ້ນຳສະຫວັນນະເຂດ ສະໜອງ ແນວພັນເຂົ້າ-ພືດ-ສັດ ແກ່ປະຊາຊົນຢ່າງຮີບດ່ວນ

ຄຽງຄູ່ກັນນັ້ນ, ໃຫ້ຄະນະນຳຂອງແຂວງ ກໍຄື ຂະແໜງການທີ່ກ່ຽວຂ້ອງ ​ສຸມໃສ່​ວຽກງານຟື້ນຟູໄພ ພິບັດ ໂດຍເນັ້ນໃສ່ຂະແໜງກະສິກຳເປັນຫລັກ ໃຫ້ສະໜອງແນວພັນເຂົ້າ, ແນວພັນພືດ, ແນວພັນສັດ ແລະ ເຂົ້າກິນ ໃຫ້ປະຊາຊົນຜູ້ປະສົບໄພພິບັດນ້ຳຖ້ວມ ຢ່າງຮີບດ່ວນ ແລະ ໃຫ້ສືບຕໍ່ປັບປຸງພື້ນຖານ ໂຄງລ່າງເປັນຕົ້ນ ເສັ້ນທາງ, ຂົວ, ໂຮງຮຽນ ແລະ ສຸກສາລາຕ່າງໆ ທີ່ໄດ້ຮັບຜົນກະທົບ ເພື່ອໃຫ້ກັບຄືນສູ່ສະພາບປົກກະຕິໂດຍໄວ.

ທ່ານ ສອນໄຊ ສີພັນດອນ ຮອງນາຍົກ ລັດຖະມົນຕີ ພົບປະກັບປະຊາຊົນບ້ານກອງປະທຸມວັນ ເມືອງຊົນນະບູລີ ແຂວງສະຫວັນນະເຂດ.(ພາບ:ຂປລ)

ໃນໂອກາດດຽວກັນ, ທ່ານ ສອນໄຊ ສີພັນດອນ ຍັງໄດ້ຮັບຟັງການລາຍງານ ສະພາບການພັດທະນາເສດຖະ ກິດ-ສັງຄົມ ຂອງແຂວງໂດຍຫຍໍ້ຈາກທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ ເຊິ່ງໄດ້ຍົກໃຫ້ເຫັນ ໃນ 9 ເດືອນຕົ້ນປີນີ້ GDP ເສດຖະກິດຂະຫຍາຍຕົວໃນລະດັບ 8% (ແຜນ 9,5%) ມີມູນ​ຄ່າ 12.148 ຕື້ກວ່າ​ກີບ, ເທົ່າ​ກັບ 63,98% ຂອງ​ແຜນ​ການ(ແຜນ​ 18.987,7 ​ຕື້ກີບ).ໃນນັ້ນ, ກະສິກໍາເພີ່ມຂຶ້ນ 9,86% ກວມ 17,61%, ອຸດສະຫະກຳເພີ່ມຂຶ້ນ 7,88% ກວມ 45,12%, ຂະແໜງບໍລິການເພີ່ມຂຶ້ນ 7,31% ກວມ 37,27%, ສະເລ່ຍໃສ່ຫົວຄົນໄດ້ 1.362 ໂດລາສະຫະລັດ. ໂດຍລວມແລ້ວການພັດທະນາ ເສດຖະກິດ-ສັງຄົມຂອງແຂວງ ຍັງໄປຕາມທິດການຫັນ ເປັນອຸດສາຫະກຳແລະ ທັນສະໄໝເທື່ອລະກ້າວ ເຊິ່ງຂະແໜງອຸດສາຫະກຳປຸງແຕ່ງ ເປັນຕົວຊຸກຍູ້ເສດຖະກິດ ເປັນຕົ້ນໂລຫະທອງແດງ, ເຫຍື່ອເຈ້ຍ, ຢາສູບ ແລະ ອຸປະກອນພາບດີຈີຕອນ.

ສ່ວນຜົນເສຍຫາຍ ຈາກໄພນ້ຳຖ້ວມໃນຄັ້ງນີ້, ມີ 11 ເມືອງໄດ້ຮັບຜົນກະທົບ (ໜັກກ່ອນໝູ່ແມ່ນເມືອງຈຳພອນ, ເມືອງສອງຄອນ ແລະ ຊົນນະບູລີ), ມີ​ບ້ານ​ຖືກ​ນ້ຳ​ຖ້ວມທັງໜົດ 178 ບ້ານ, 17.100ກວ່າຄອບ​ຄົວ, ມີ​ຜູ້​ເສຍ​ຊີ​ວິດ​ 4 ຄົນ, ເຮືອນ​ຊານ​ຂອງ​ປະຊາຊົນຈຳ​ນວນ​ໜຶ່ງ​ ຖືກ​ນ້ຳ​ໄຫລຊຸ, ເປ່ເພ, ເລົ້າ​ເຂົ້າ 7.500 ກວ່າຫລັງ, ຖ້ວມວັດ 62 ແຫ່ງ, ຕະຫລາດ 4 ແຫ່ງ, ໂຮງສີເຂົ້າ 47 ໂຮງ, ຮ້ານຂາຍ ເຄື່ອງ 369 ຮ້ານ, ປໍ້ານໍ້າມັນ 7 ແຫ່ງ ແລະ ອື່ນໆ; ເນື້ອ​ທີ່​ນາ​ປີ​ຖືກ​ຖ້ວມ ເສຍຫາຍຕົວຈິງ 40.500 ກວ່າເຮັກຕາ, ລະ​ບົບ​ຊົນ​ລະ​ປະ​ທານ 102 ໂຄງ​ການ, ໜອງ​ປາ 2.882 ໜອງ, ສັດ​ລ້ຽງ​ຂອງ​ປະ​ຊາ​ຊົນ​ຕາຍ ແລະ ສູນ​ຫາຍ ເປັນຈຳນວນຫລາຍ; ເສັ້ນ​ທາງເປ່ເພ-​ເສຍ​ຫາຍຫລາຍກວ່າ 54 ເສັ້ນ, ຖືກນ້ຳ​ເຊາະ​ເຈື່ອນ, ຂົວ​ເປ່​ເພ​-ຍຸບ​ລົງ, ໂຮງ​ຮຽນ 165 ແຫ່ງ​ຖືກ​ນ້ຳ​ຖ້ວມ, ສຸກ​ສາ​ລາ 8 ແຫ່ງ​, ນ້ຳ​ສ້າງ, ນ້ຳ​ບາ​ດານ 659 ໜ່ວຍ ແລະ ວິດ​ຖ່າຍຫລາຍ​ພັນ​ໜ່ວຍ​ຖືກ​ນ້ຳຖ້ວມ.

     
ໃນໂອກາດດຽວກັນ ທ່ານ ສອນໄຊ ສີພັນດອນ ຍັງໄດ້ມອບເງິນ ຈຳນວນ 100 ລ້ານກີບ ໃຫ້ເຈົ້າແຂວງສະຫວັນນະເຂດ ເພື່ອນຳໄປຊ່ວຍເຫລືອປະຊາຊົນ ທີ່ໄດ້ຮັບຜົນກະທົບ ຈາກໄພນ້ຳຖ້ວມ ຢ່າງທົ່ວເຖິງ ແລະ ທັນການ.
(ແຫຼ່ງ​ຂໍ້​ມູນ​: ຂ​ປ​ລ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll