ຫວນ​ຄືນວັນຄ້າຍ​ວັນ​ເກີດ​ ປະທານ​ ສຸພາ​ນຸ​ວົງ ຄົບຮອບ 110 ປີ

10:00 2019/07/12

ຄະນະ​ໂຄສະນາ ​ອົບຮົມ​ສູນ​ກາງ​ພັກ ຮ່ວມ​ກັບ ສູນ​ກາງ​ແນວ​ລາວ​ສ້າງ​ຊາດ ​ຫວນ​ຄືນ​ວັນ​ຄ້າຍ​ວັນ​ເກີດ​ ທ່ານປະທານ ສຸພາ​ນຸວົງ ຄົບຮອບ 110 ປີ ຂຶ້ນ​ໃນ​ວັນ​ທີ 10 ກໍລະ​ກົດ 2019 ທີ່​ນະ ຄອນຫລວງ​ວຽງຈັນ, ​ໃຫ້ກຽດປາຖະກະຖາ​ ໂດຍ ທ່ານ ​ໄຊສົມ​ພອນ ​ພົມວິຫານ ປະທານ​ສູນ​ກາງ​ ແນວ​ລາວ​ສ້າງ​ຊາດ, ມີຫົວໜ້າກົມ, ຮອງ​ກົມ, ພ້ອມ​ດ້ວຍ​ ສະມາຊິກ​ພັກ, ພະນັກ​ງານ-​ລັດຖະກອນ ພາຍ​ໃນ ຄະນະ​ໂຄສະນາ ​ອົບຮົມ​ສູນ​ກາງ​ພັກ​ ເຂົ້າ​ຮ່ວມ​ຢ່າງ​ພ້ອມພຽງ.

ຫວນ​ຄືນວັນຄ້າຍ​ວັນ​ເກີດ​ ປະທານ​ ສຸພາ​ນຸ​ວົງ ຄົບຮອບ 110 ປີ
ຫວນ​ຄືນວັນຄ້າຍ​ວັນ​ເກີດ​ ປະທານ​ ສຸພາ​ນຸ​ວົງ ຄົບຮອບ 110 ປີ

ໃນ​ໂອກາດ​ນີ້,​ ທ່ານ ​ໄຊສົມ​ພອນ ​ພົມວິຫານ ​​ໄດ້​ຫວນ​ຄືນ​ເຖິງຊີວິດ ​ແລະ ການ​ເຄື່ອນ​ໄຫວ​ປະ ຕິວັດ​ໃນ​ແຕ່ລະ​ໄລຍະ ຂອງ​ທ່ານປະທານ ສຸພາ​ນຸວົງ, ຜົນງານ ​ແລະ ຄຸນ​ງານ​ຄວາມ​ດີ​ ຂອງ​ປະທານ ສຸພາ​ນຸວົງ, ສືບ​ຕໍ່​ເພີ່ມ​ພູນ​ຄູນ​ສ້າງ ​ແລະ ຮໍ່າ​ຮຽນ ​ເອົາ​ແບບຢ່າງ​ ຄຸນງາມຄວາມດີ​ ຂອງ​ທ່ານປະທານ​,​ ເຊິ່ງ ທ່ານປະທານ ສຸພາ​ນຸວົງ ​ໄດ້ດຳລົງຕຳແໜ່ງ ປະທານປະເທດ ຄົນທຳອິດ ແຫ່ງ ສປປ ລາວ ​​ເປັນ​ຜູ້ນຳ​ ທີ່ມີ​ຄວາມ​ຈົງ​ຮັກ​ ພັກດີ ຕໍ່​ອຸດົມ​ການ​ປະຕິວັດ​ຢ່າງ​ເດັດຂາດ, ຕໍ່​ສູ່​ຢ່າງອົງ​ອາດ​ກ້າ​ແກ່ນ ​ແລະ ພິ​ລະອາ​ດ ຫານ ມີ​ຄວາມສາມັກຄີຮັກ​ແພງ​ເພື່ອນ​ມິດ​ສະຫາຍດ້ວຍ​ຄວາມ​ຈິງ​ຈັງ ເປັນ​ເຊື້ອ​ເຈົ້າ​ຜູ້​ໜຶ່ງທີ່​ມີ​ນ້ຳໃຈ​ຮັກ​ຊາດ ອັນ​ດູດ​ດື່ມ, ມີ​ຈິດ​ໃຈ​ຕໍ່​​ຜູ້ຢ່າງ​ອາດ​ຫານ, ມີ​ທັດສະນະ​ ຫລັກ​ໝັ້ນ ​ແລະ ມີ​ນ້ຳ​ໃຈ​ເສຍ​ ສະຫລະ ​ອັນ​ສູງ​ສົ່ງ ​ເພື່ອ​ປະ​ເທ​ດຊາດ ​ແລະ ປະ​ຊາ​ຊົນ, ປະທານສຸພາ​ນຸວົງ​ ເປັນ​ນັກ​ປະ​ຕິ​ວັດ, ນັກ​ຮັກ​ຊາດ​ທີ່​ແທ້​ຈິງ, ​ເປັນໜຶ່ງ​ ໃນ​ຜູ້ນຳທີ່​ດີ​ເດັ່ນ ​ຂອງ​ປະຊາຊົນ​ລາວ ບັນດາ​ເຜົ່າ​,​ ໃນ​ຕະ​ຫລອດຊີ​ວິດ​ຂອງ​ເພີ່ນ ບໍ່​ວ່າ​ຢູ່ໃນ​ຕຳ​ແໜ່​ງ​ໃດ, ຄວາມ​ຮັບຜິດຊອບອັນ​ໃດ ​ເພີ່ນ​ໄດ້​ອຸ​ທິດ ​ໝົດ​ຈິ​ດໝົດ​ໃຈ ດວ້ຍຫົວຄິດ ​ປະດິດ​ສ້າງ ​ຂອງ​ຕົນ​ເອງ ​ໃຫ້​ແກ່​ພາລະ ກິດປົກ​ປັກ​ຮັກສາ ​ແລະ ສ້າງສາ​ພັດ ທະນາ​ປະ​ເທດ​ຊາດ​ ​ເພື່ອ​ເອກະລາດ ອະທິປະ​ໄຕ​ຂອງ​ຊາດ ​ແລະ ຄວາມ​ສົມບູນ​ພູນ​ສຸກ​ ຂອງ​ປະຊາຊົນ​ລາວ.

ທ່ານ ​ໄຊສົມ​ພອນ ​ພົມວິຫານ

ການປາຖະກະຖາໃນຄັ້ງນີ້, ເພື່ອເຮັດໃຫ້ພະນັກງານ ທົ່ວຄະນະ​ ໂຄສະນາ ​ອົບຮົມ​ສູນ​ກາງ​ພັກ ເຫັນ ໄດ້ ແລະ ມີຄວາມເຂົ້າໃຈ ໄດ້ເຖິງມູນເຊື້ອ ອັນພິລະອາດຫານ ຂອງ​ປະທານ ສຸພາ​ນຸວົງ, ສ້າງໃຫ້ ພະນັກ ງານມີທັດສະນະ ຫລັກໝັ້ນ, ການເມືອງ ໜັກແໜ້ນ, ມີຄວາມເຊື່ອໝັ້ນ ຕໍ່ການນຳພາຂອງພັກ, ລັດຖະບານ ສືບ​ຕໍ່​ເພີ່ມ​ພູນ​ ຄູນ​ສ້າງ ​ແລະ ຄົ້ນຄວ້າຮໍ່າ​ຮຽນ​ ເອົາ​ແບບຢ່າງ​ ຄຸນງາມຄວາມດີ ​ຂອງ​ປະທານ​ສຸພາ​ນຸວົງ.

ສູນກາງແນວລາວສ້າງຊາດ ຮ່ວມກັບ ຄອບຄົວ, ລູກຫລານ ສຸພານຸວົງ ໄດ້ມີຈິດໃຈໃສສັດທາໃນພະພຸດທະສາສະໜາ ພ້ອມກັນຕັ້ງກອງອັດຖະ 2 ກອງ ເພື່ອອຸທິດສ່ວນບຸນກຸສົນເຖິງ ທ່ານ ປະທານ ສຸພານຸວົງ ອະດີດກຳມະການ ກົມການເມືອງສູນກາງພັກ, ປະທານປະເທດແຫ່ງ ສປປ ລາວ, ປະທານສູນກາງແນວລາວສ້າງຊາດ ເນື່ອງໃນໂອກາດວັນຄ້າຍວັນເກີດ ຄົບຮອບ 110 ປີ (13 ກໍລະກົດ 1909-2019). ພິທີດັ່ງກ່າວ, ຈະໄດ້ຈັດຂຶ້ນໃນວັນທີ 12-13 ກໍລະກົດ 2019 ທີ່ຫໍພິພິທະພັນ ປະທານ ສຸພານຸວົງ ບ້ານໂພນສະອາດ ເມືອງໄຊເຊດຖາ ນະຄອນຫລວງວຽງຈັນ, ຊຶ່ງລາຍລະອຽດມີດັ່ງ ນີ້: ວັນທີ 12 ກໍລະກົດ 2019 ເວລາ 16:00 ໂມງ ສູດປາຣິຕະມຸງຄຸນ ແລະ ຄົບງັນຕາມປະເພນີ, ວັນທີ 13 ກໍລະກົດ 2019 ເວລາ 7:00 ໂມງ ພິທີຕັກບາດ ແລະ ຖວາຍກອງບຸນແຕ່ພະສົງ ຈຳນວນ 13 ອົງ. ດັ່ງນັ້ນ, ຈຶ່ງຂໍແຈ້ງຂ່າວບຸນກຸສົນນີ້ມາຍັງການຈັດຕັ້ງພັກ-ລັດ, ພະນັກງານ-ລັດຖະກອນ, ຍາດຕິພີ່ນ້ອງ ແລະ ຊາດພຸດທັງຫລາຍ ເພື່ອສະຫລະເວລາມາຮ່ວມທຳບຸນໃນຄັ້ງນີ້.

(来源: ຂປລ)
;

同类别新闻