ສປປ ລາວ ແບ່ງຕົວເລກລັດຖະກອນໃໝ່ໃຫ້ສູນກາງ ແລະ ທ້ອງຖິ່ນ ຈຳນວນ 1.500 ຄົນ

16:19 2019/02/15

ອີງ​ຕາມ​ຂໍ້​ຕົກ­ລົງ​ຂອງ​ນາ­ຍົກ­ລັດ­ຖະ­ມົນ­ຕີ ເລກ​ທີ 05/ນຍ ລົງ​ວັນ​ທີ 21 ມັງ­ກອນ 2019 ວ່າ​ດ້ວຍ​ການ​ແບ່ງ​ຕົວ​ເລກ​ລັດ­ຖະ­ກອນ​ໃໝ່ (ໂກ​ຕ້າ) ໃຫ້​ບັນ­ດາ​ກະ­ຊວງ ອົງ​ການ­ຈັດ­ຕັ້ງ​ຂັ້ນ​ສູນ​ກາງ ແລະ ທ້ອງ­ຖິ່ນ​ໃນ​ປີ 2019 ຈຳ­ນວນ 1.500 ຄົນ ທຽບ­ໃສ່​ປີ 2018 ຈຳ­ນວນ 3.000 ຄົນ ແມ່ນ​ຫຼຸດ​ລົງ​ກວ່າ​ເຄິ່ງ​ໜຶ່ງ.

ສປປ ລາວ ແບ່ງຕົວເລກລັດຖະກອນໃໝ່ໃຫ້ສູນກາງ ແລະ ທ້ອງຖິ່ນ ຈຳນວນ 1.500 ຄົນ
ສປປ ລາວ ແບ່ງຕົວເລກລັດຖະກອນໃໝ່ໃຫ້ສູນກາງ ແລະ ທ້ອງຖິ່ນ ຈຳນວນ 1.500 ຄົນ

ອີງ​ຕາມ​ຂໍ້​ຕົກ­ລົງ​ຂອງ​ນາ­ຍົກ­ລັດ­ຖະ­ມົນ­ຕີ ເລກ​ທີ 05/ນຍ ລົງ​ວັນ​ທີ 21 ມັງ­ກອນ 2019 ວ່າ​ດ້ວຍ​ການ​ແບ່ງ​ຕົວ​ເລກ​ລັດ­ຖະ­ກອນ​ໃໝ່ (ໂກ​ຕ້າ) ໃຫ້​ບັນ­ດາ​ກະຊວງ ອົງ​ການ­ຈັດ­ຕັ້ງ​ຂັ້ນ​ສູນ​ກາງ ແລະ ທ້ອງ­ຖິ່ນ​ໃນ​ປີ 2019 ຈຳ­ນວນ 1.500 ຄົນ ທຽບ­ໃສ່​ປີ 2018 ຈຳ­ນວນ 3.000 ຄົນ ແມ່ນ​ຫຼຸດ​ລົງ​ກວ່າ​ເຄິ່ງ​ໜຶ່ງ ແຕ່​ກໍ​ຖື​ເປັນ​ຂ່າວ​ດີ​ສຳ­ລັບ​ພະ­ນັກງານ​ອາ­ສາ ຫຼື ນັກ​ສຶກ​ສາ​ຈົບ​ມາ​ໃໝ່ ທີ່​ຕ້ອງ­ການ​ສະ­ໝັກ​ເຂົ້າ​ເປັນ​ພະ­ນັກ­ງານ​ສັງ­ກັດ​ລັດ ເຊິ່ງ​ໂກ​ຕ້າ​ໃນ​ປີ​ນີ້​ກວມ​ຫຼາຍ​ກວ່າ​ໝູ່​ແມ່ນ​ກະ­ຊວງ​ສຶກ​ສາ​ທິ​ການ ແລະ ກີ­ລາ ແລະ ກະ­ຊວງ​ສາ­ທາ­ລະ­ນະ​ສຸກ. ໃນ​ຂໍ້​ຕົກ­ລົງ​ໄດ້​ເຫັນ​ດີ​ອະ­ນຸມັດ​ແບ່ງ​ຈຳ­ນວນ​ຕົວ​ເລກ​ລັດ­ຖະ­ກອນ​ໃໝ່ ມອບ​ໃຫ້​ບັນ­ດາ​ກະ­ຊວງ ອົງ­ການ​ທຽບ​ເທົ່າ​ກະ­ຊວງ 1.349 ຄົນ ໃນ​ນີ້ ໄດ້​ຫຼາຍ​ກວ່າ​ໝູ່​ແມ່ນ​ກະ­ຊວງ​ສຶກ​ສາ​ທິ​ການ ແລະ ກີ­ລາ (ລັດ­ຖະ­ກອນ​ບໍ­ລິ­ຫານ ແລະ ລັດ­ຖະ­ກອນ​ຄູ) ຈຳນວນ 936 ຄົນ ຮອງ​ລົງ​ມາ​ແມ່ນ​ກະ­ຊວງ​ສາ­ທາ­ລະ­ນະ​ສຸກ (ລັດ­ຖະ­ກອນ​ບໍ­ລິ­ຫານ ແລະ ລັດ­ຖະກອນ​ແພດ) ຈຳ­ນວນ 220 ຄົນ ກະ­ຊວງ​ກະ­ສິ­ກຳ ແລະ ປ່າ­ໄມ້ 33 ຄົນ ກະ­ຊວງ​ການ​ເງິນ 25 ຄົນ ກະ­ຊວງ​ໂຍ­ທາ​ທິ​ການ ແລະ ຂົນ­ສົ່ງ ແລະ ກະ­ຊວງ​ຊັບ­ພະ­ຍາ­ກອນ ແລະ ທຳ​ມະ​ຊາດ ພາກ­ສ່ວນ​ລະ 17 ຄົນ ກະ­ຊວງ​ພາຍ​ໃນ 15 ຄົນ ກະ­ຊວງ​ຖະ­ແຫຼງ​ຂ່າວ ວັດ­ທະ­ນະທຳ ແລະ ທ່ອງ​ທ່ຽວ ແລະ ກະ­ຊວງ​ແຮງ​ງານ ແລະ ສະ­ຫວັດ­ດີ​ການ​ສັງ­ຄົມ ພາກສ່ວນ​ລະ 12 ຄົນ ກະ­ຊວງ​ພະ­ລັງງານ ແລະ ບໍ່​ແຮ່ ກະ­ຊວງ​ຍຸ­ຕິ​ທຳ ອົງ­ການ​ກວດ­ກາ​ພັກ-ລັດ­ຖະ­ບານ ພາກສ່ວນ​ລະ 7 ຄົນ ກະ­ຊວງ​ການ​ຕ່າງປະເທດກະຊວງ​ໄປ­ສະ­ນີ ໂທລະ​ຄົມ­ມະ­ນາ­ຄົມ ແລະ ການ​ສື່­ສານ ແລະ ກະຊວງ​ວິ­ທະ­ຍາ­ສາດ ແລະ ເຕັກ​ໂນ​ໂລ​ຊີ ພາກສ່ວນ​ລະ 5 ຄົນ ແລະ ຫ້ອງ​ວ່າ­ການ​ສຳ­ນັກ­ງານ​ນາ­ຍົກ­ລັດ­ຖະ­ມົນ­ຕີ 4 ຄົນ ສະ­ພາ​ແຫ່ງ​ຊາດ 10 ຄົນ ອົງ­ການ​ກວດ​ສອບ​ແຫ່ງ​ລັດ 7 ຄົນ ສານ​ປະ­ຊາ­ຊົນ​ສູງ​ສຸດ ແລະ ອົງ­ການ​ໄອ​ຍະ​ການ​ປະ­ຊາ­ຊົນ​ສູງ​ສຸດ ພາກ­ສ່ວນ​ລະ 5 ຄົນ ຫ້ອງ​ວ່າ­ການ​ປະທານ​ປະ­ເທດ 3 ຄົນ.

ອົງ​ການ­ຈັດ­ຕັ້ງ​ພັກ​ແນວ​ລາວ​ສ້າງ​ຊາດ ແລະ ອົງ​ການ­ຈັດ­ຕັ້ງ​ມະ­ຫາ­ຊົນ 22 ຄົນ ໃນ​ນີ້ ຫ້ອງ​ວ່າ­ການ​ສູນ​ກາງ​ພັກ 5 ຄົນ ຄະ­ນະ​ຈັດ​ຕັ້ງ​ສູນ​ກາງ​ພັກ ຄະ­ນະ​ພົວພັນ​ການ​ຕ່າງ­ປະ­ເທດ​ສູນ​ກາງ​ພັກ ແລະ ສູນ​ກາງ​ແນວ​ລາວ​ສ້າງ​ຊາດພາກສ່ວນລະ 3 ຄົນ ຄະ­ນະ​ໂຄ­ສະ­ນາ​ອົບ­ຮົມ​ສູນ​ກາງ​ພັກ ສູນ​ກາງ​ຊາວ​ໜຸ່ມ​ປະ­ຊາ­ຊົນ​ປະ­ຕິ­ວັດ​ລາວ ສູນ​ກາງ​ສະ­ຫະພັນ​ແມ່­ຍິງ​ລາວ ແລະ ສູນ​ກາງ​ສະ­ຫະ­ພັນ​ກຳ­ມະ­ບານ​ລາວ ສະ​ຖາ​ບັນ​ການ­ເມືອງ ແລະ ການ​ປົກ­ຄອງ​ແຫ່ງ​ຊາດ ສະ​ຖາ​ບັນ​ວິ­ທະ­ຍາສາດ​ສັງ­ຄົມ​ແຫ່ງ​ຊາດ ສະ​ຖາ​ບັນ​ຄົ້ນ­ຄວ້າ​ເສດ­ຖະ­ກິດ​ແຫ່ງ​ຊາດ ຄະ­ນະ​ຮັບ­ຜິດ­ຊອບ​ພິ​ພິ​ທະ​ພັນ ໄກສອນ ພົມ­ວິ­ຫານ ແລະ ສະ­ຫະ­ພັນ​ນັກ­ຮົບ​ເກົ່າ​ແຫ່ງ​ຊາດ ພາກ­ສ່ວນ​ລະ 2 ຄົນ. ສຳ­ລັບ​ນະ­ຄອນ­ຫຼວງ​ວຽງ​ຈັນ ບັນ­ດາ​ແຂວງ ແລະ ເມືອງ 89 ຄົນ ໃນ​ນີ້ ແຂວງ​ໄຊ​ສົມ­ບູນ 12 ຄົນ ນະ­ຄອນ­ຫຼວງ​ວຽງ​ຈັນ ແຂວງ​ວຽງ​ຈັນ ສະ­ຫວັນ​ນະ​ເຂດ ແລະ ຈຳ­ປາ​ສັກ ພາກ­ສ່ວນ​ລະ 6 ຄົນ ແຂວງ​ຫຼວງ​ນ້ຳ​ທາ ບໍ່​ແກ້ວ ຫຼວງ​ພະ​ບາງ ຊຽງ​ຂວາງ ບໍ​ລິ​ຄຳ​ໄຊ ແລະ ຄຳ​ມ່ວນພາກສ່ວນ​ລະ 5 ຄົນ ແຂວງ​ຫຼວງ​ນ້ຳ​ທາ ແລະ ແຂວງ​ສາ­ລະ​ວັນ ພາກ­ສ່ວນ​ລະ 4 ຄົນ ແຂວງ​ຜົ້ງ​ສາ­ລີ ບໍ່​ແກ້ວ ໄຊ​ຍະ​ບູ​ລີ ເຊ​ກອງ ແລະ ແຂວງ​ຫົວ­ພັນ ພາກ­ສ່ວນ​ລະ 3 ຄົນ.

ສ່ວນ​ທະ­ນາ­ຄານ​ແຫ່ງ ສປປ ລາວ ແມ່ນ​ໃຫ້​ກຳ­ນົດ​ຈຳ­ນວນ​ຕົວ​ເລກ​ລັດ­ຖະ­ກອນ​ໃໝ່​ຂອງ​ຕົນ​ຕ່າງ­ຫາກ​ໃຫ້​ເໝາະ​ສົມ ແລະ ຕາມ​ຄວາມ​ສາ­ມາດ​ໃນ​ການ​ສະໜອງ​ງົບ­ປະ­ມານເຊິ່ງ​ບໍ່​ນອນ​ໃນ​ຈຳ­ນວນ 1.500 ຄົນ ແຕ່​ມອບ​ໃຫ້​​ທະນາຄານ​ແຫ່ງ ສປປ ລາວ ນຳ​ສະ­ເໜີ​ໂກ​ຕ້າ​ລັດ­ຖະ­ກອນ​ຂອງ​ຕົນ​ຫາ​ກະ­ຊວງ​ພາຍ​ໃນ​ເພື່ອ​ຊາບ ແລະ ຕິດຕາມ. ຂໍ້​ຕົກລົງສະບັບນີ້​ໄດ້​ເນັ້ນ​ໜັກ​ວ່າ: ການ​ບັນ­ຈຸ​ລັດ­ຖະ­ກອນ​ໃໝ່ ຕ້ອງ​ບົນ​ພື້ນ­ຖານ​ຫຼັກ­ການ​ຄວາມ​ສະ­ເໝີ­ພາບເປີດເຜີຍພາວະວິໃສແລະ ເປັນ​ທຳ ຜູ້​ທີ່​ຖືກ​ບັນ­ຈຸ​ເຂົ້າ​ເປັນ​ລັດ­ຖະ­ກອນ ຕ້ອງ​ຜ່ານ​ລະ­ບົບ​ການ​ສອບ­ເສັງ​ເຂົ້າ​ເປັນ​ລັດຖະກອນ​ແຫ່ງ ສປປ ລາວ ບົນ​ພື້ນ­ຖານ​ຕຳ­ແໜ່ງ​ງານ​ວ່າງ ແລະ ວິ­ຊາ​ສະ­ເພາະ​ທີ່​ຕ້ອງ­ການ​ໃນ​ກົງຈັກ​ການຈັດຕັ້ງ ແລະ ໃຫ້​ບັນ­ຈຸ​ເຂົ້າ​ໃສ່​ຂັ້ນ​ເມືອງ ຂັ້ນ​ແຂວງ​ເປັນ­ຕົ້ນ​ຕໍ ແລະ ຫ້າມ​ເອົາ​ພະ­ນັກ­ງານ​ອາ­ສາ​ສະ­ໝັກ​ເຂົ້າ​ເປັນ​ລັດຖະ­ກອນ ໂດຍ​ບໍ່​ຜ່ານ​ການ​ສອບ­ເສັງ ສຳ­ລັບ​ຕົວ​ເລກ​ລັດ­ຖະ­ກອນ​ໃໝ່​ທີ່​ອະ­ນຸ­ມັດ​ປີ 2019 ຈຳ­ນວນ 1.500 ຄົນ ໃຫ້​ບັນ­ຈຸ​ສໍາເລັດກ່ອນ​ວັນ​ທີ 1 ກໍ­ລະ­ກົດ 2019.

(ແຫຼ່ງ​ຂໍ້​ມູນ​: vientianemai.net)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll