ສປປ ລາວ: ມອບຮັບໂຄງການຊົນລະປະທານສ້າງຫົວບໍ່ ດົງຄວາຍ

15:04 2019/08/09

ວັນທີ 5 ສິງຫາ 2019 ກົມຊົນລະປະທານ ຮ່ວມກັບ ພະແນກກະສິກຳ ແລະ ປ່າໄມ້ ນະຄອນຫຼວງວຽງຈັນ ຈັດພິທີມອບ-ຮັບໂຄງການຊົນລະປະທານສ້າງຫົວບໍ່ ດົງຄວາຍ 1 ແລະ 2 ນາລ້ອງ 3 ແລະ ໂຄງການຊົນລະປະທານໝາກຮຽວ 2 ເຊິ່ງລົງນາມ

ເຂົ້າຮ່ວມພິທີ ມີ ​ທ່ານ ບຸນ​ຄຳ ສີ­ດາ​ວົງ ຫົວ­ໜ້າ​ກົມ​ຊົນ­ລະ­ປະ­ທານ ທ່ານ ຫຼ້າ​ສາຍ ນວນ​ທາ​ສິງ ຫົວ­ໜ້າ​ພະ​ແນກ​ກະ­ສິ­ກຳ ແລະ ປ່າ­ໄມ້ ນະ­ຄອນ­ຫຼວງ​ວຽງ​ຈັນ ທ່ານ ຄຳ​ແສງ ພັດ​ສະ​ຣິ​ຍະ​ແສງ ຮອງ​ປະ­ທານ​ບໍ­ລິ­ສັດ​ພົງ​ຊັບ​ທະ­ວີ ກໍ່­ສ້າງ​ຂົວ​ທາງ​ເຄ­ຫາ​ສະ­ຖານ ແລະ ຊົນ­ລະ­ປະ­ທານ​ຈຳ­ກັດ​ຜູ້​ດຽວ ມີ​ທ່ານ ອາ­ນຸ­ພາບ ຕຸ​ນາ​ລົມ ປະ­ທານ​ສະ­ພາ​ປະ­ຊາ­ຊົນ​ນະ­ຄອນ­ຫຼວງ​ວຽງ​ຈັນ ປະ­ທານ​ຊີ້​ນຳ​ໂຄງ­ການ ຄຖລ ທ່ານ ທອງ​ພັດ ວົງ​ມະ­ນີ ຮອງ​ລັດ­ຖະ­ມົນ­ຕີ​ກະ­ຊວງ​ກະ­ສິ­ກຳ ແລະ ປ່າ­ໄມ້ ທ່ານ ຊາ​ຊູ​ຊິ ເນ​ກິ​ຊິ ຫົວ­ໜ້າ ADB ປະ­ຈຳ​ລາວ ແລະ ພາກ­ສ່ວນ​ທີ່​ກ່ຽວ­ຂ້ອງ​ເຂົ້າ​ຮ່ວມ.

 

ພິທີມອບຮັບໂຄງການຊົນລະປະທານສ້າງຫົວບໍ່ ດົງຄວາຍ. (ພາບ: vientianemai)

ໂຄງ­ການ​ພັດ­ທະ­ນາ​ຊົນ­ລະ­ປະ­ທານ​ເຂດ​ວຽງ​ຈັນ​ໃຕ້ ເປັນ​ໂຄງ­ການ​ຍ່ອຍ​ໜຶ່ງ​ທີ່­ຢູ່​ພາຍ​ໃຕ້​ໂຄງ­ການ ຄຖລ ມີ​ສາຍ​ຕັ້ງ​ຂຶ້ນ​ກັບ​ພະ​ແນກ​ກະ­ສິ­ກຳ ແລະ ປ່າ­ໄມ້ ນະ­ຄອນ­ຫຼວງ​ວຽງ​ຈັນ ມີ­ໜ້າ​ທີ່​ພັດ­ທະ­ນາ ແລະ ກໍ່­ສ້າງ​ລະ ບົບ​ຊົນ­ລະ­ປະ­ທານ 4 ໂຄງ­ການ 5 ຫົວ​ງານ ສາ­ມາດ​ສະ­ໜອງ​ນ້ຳ​ໃຫ້​ເນື້ອ­ທີ່​ການ​ຜະ­ລິດ 1.542 ເຮັກ­ຕາ ມູນ​ຄ່າ​ການ​ກໍ່­ສ້າງ 6 ລ້ານ​ກວ່າ​ໂດ​ລາ​ສະ­ຫະ­ລັດ ຫຼື ປະ­ມານ 52 ຕື້​ກວ່າ​ກີບ ເຊິ່ງ​ແມ່ນ​ບໍ­ລິ­ສັດ ພົງ​ຊັບ​ທະ­ວີ​ກໍ່­ສ້າງ​ຂົວ​ທາງ ເຄ­ຫາ​ສະ­ຖານ ແລະ ຊົນ­ລະ­ປະ­ທານ ຈຳ­ກັດ​ຜູ້​ດຽວ ເປັນ​ຜູ້​ຮັບ​ເໝົາ ໄລ­ຍະ​ການ​ກໍ່­ສ້າງ​ແຕ່​ວັນ 1 ກັນ­ຍາ 2016-30 ເມ­ສາ 2019 ໂຄງ­ການ​ຊົນ­ລະ­ປະ­ທານ​ທັງ 5 ຫົວ​ງານ ເປັນ​ໂຄງ­ການ​ຊົນ­ລະ­ປະ­ທານ​ຈັກ­ສູບ­ນ້ຳ​ເຮືອ​ແພ ຂະ­ໜາດ 75 ກິ​ໂລ​ວັດ ລວມ 18 ເຄື່ອງ ແລະ ມີ​ລະ­ບົບ​ຄອງ­ເໝືອງ​ແມ່ ຍາວ 14.460 ແມັດ ຄອງ­ເໝືອງ​ຂັ້ນ​ສອງ ຍາວ 28.368 ແມັດ ລະ­ບົບ​ອາ­ຄານ​ຕາມ​ຄອງ­ເໝືອງ ເພື່ອ​ຄວບ​ຄຸມ-ແຈກ​ຢາຍ​ນ້ຳ 655 ແຫ່ງ ແລະ ຄອງ​ລະ­ບາຍ ຍາວ 1.650 ແມັດ ນອກ​ນີ້ ຍັງ​ມີ​ເສັ້ນ­ທາງ​ຂົນ­ສົ່ງ​ຜົນ​ຜະ­ລິດ​ກະ­ສິ­ກຳ  ຍາວ 16.470 ແມັດ.

(ແຫຼ່ງ​ຂໍ້​ມູນ​: vientianemai)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll