ສປປ ລາວ ບັນລຸມູນຄ່າການນໍາເຂົ້າ ແລະ ສົ່ງອອກ 814,99 ລ້ານໂດລາ​ ໃນ​ເດືອນມິຖຸນາ ​ຜ່ານ​ມາ

16:33 2019/08/09

ອີງ​ຕາມ​ຂໍ້​ມູນ​ຂອງກົມການນໍາເຂົ້າ ແລະ ສົ່ງອອກ, ກະຊວງອຸດສາຫະກໍາ ແລະ ການຄ້າ ​ແຈ້ງໃຫ້ຮູ້​ວ່າ: ​ໃນເດືອນມິຖຸນາປີ 2019 ມູນຄ່າການນໍາເຂົ້າ ແລະ ສົ່ງອອກ ຂອງ ສປປ ລາວ ບັນລຸໄດ້ 814,99 ລ້ານໂດລາສະຫະລັດ; ໃນນັ້ນ, ມູນຄ່າການສົ່ງອອກປະມານ 366,72 ລ້ານໂດລາສະຫະລັດ ແລະ ນໍາເຂົ້າປະມານ 448,27 ລ້ານໂດລາສະຫະລັດ, ຂາດດຸນການຄ້າປະມານ 81,55 ລ້ານໂດລາສະຫາລັດ. ແຕ່ເດືອນ 1-6 ປີ 2019 ມູນຄ່າການນໍາເຂົ້າ ແລະ ສົ່ງອອກທັງໝົດປະມານ 5.469,47 ລ້ານໂດລາສະຫະລັດ ໃນນັ້ນສົ່ງອອກປະມານ 2.743,69 ລ້ານໂດລາສະຫະລັດ ແລະ ນໍາເຂົ້າປະມານ 2.725,77 ລ້ານໂດລາສະຫະລັດ ເກີນດຸນການຄ້າປະມານ 17,92 ລ້ານໂດລາສະຫະລັດ.

ສປປ ລາວ ບັນລຸມູນຄ່າການນໍາເຂົ້າ ແລະ ສົ່ງອອກ 814,99 ລ້ານໂດລາ​ ໃນ​ເດືອນມິຖຸນາ ​ຜ່ານ​ມາ
ການນຳເຂົ້າ-ສົ່ງອອກຂອງ ສປປ ລາວ.

ສຳລັບໝວດສິນຄ້າສົ່ງອອກຫລັກປະກອບ ມີ ແຮ່ທອງ 48,42 ລ້ານ ໂດລາສະຫະລັດ, ທອງ ແດງ ແລະ ເຄື່ອງຂອງທີ່ເຮັດດ້ວຍທອງແດງ 35,52 ລ້ານ ໂດລາສະຫະລັດ, ໝາກກ້ວຍ 10,99 ລ້ານໂດລາສະຫະລັດ, ເຍື່ອໄມ້ ແລະ ເຍື່ອໄມ້ຈາກເສັ້ນໄຍເຊລລູອື່ນໆ 30,94 ລ້ານໂດລາສະຫະລັດ, ​ໂຄງຮ່າງ ແລະ ຊີ້ນສ່ວນກ້ອງບັນທຶກພາບ 19,95 ລ້ານໂດລາສະຫະລັດ, ເຄື່ອງດື່ມ (ນໍ້າອັດລົມ, ນໍ້າ, ເຄື່ອງດືມຊູຸກໍາລັງ) 22,32 ລ້ານໂດລາສະຫະລັດ, ຄໍາປະສົມ ແລະ ຄໍາແທ່ງ 15,61 ລ້ານໂດລາສະຫະລັດ, ມັນຕົ້ນ 2,39 ລ້ານໂດລາສະຫະລັດ, ເຄື່ອງນຸ່ງຫົ່ມ 18,18 ລ້ານໂດລາສະຫະລັດ, ເຄື່ອງໄຟຟ້າ ແລະ ອຸປະກອນໄຟຟ້າ 15,11 ລ້ານໂດລາສະຫະລັດ ແລະ ກາເຟ (ບໍ່ທັນປຸງແຕ່ງ) 5,95 ລ້ານໂດລາສະຫະລັດ ແລະ ສິນຄ້າອື່ນໆ; ໝວດສິນຄ້ານໍາເຂົ້າຫລັກປະກອບມີ ພາຫະນະທາງບົກ 31,60 ລ້ານໂດລາສະຫະລັດ, ເຄື່ອງໄຟຟ້າ ແລະ ອຸປະກອນໄຟຟ້າ 19,97 ລ້ານ ໂດລາສະຫະລັດ,​ ນໍ້າມັນກາຊວນ 45,45 ລ້ານໂດລາສະຫະລັດ, ອຸປະກອນກົນຈັກ 36,21 ລ້ານໂດລາສະ ຫະລັດ, ເຫລັກ ແລະ ເຄື່ອງທີ່ເຮັດດ້ວຍເຫລັກ 33,02 ລ້ານໂດລາສະຫະລັດ, ເຄື່ອງດື່ມຊະນິດຕ່າງໆ 21,06 ລ້ານໂດລາສະຫະລັດ, ຊີ້ນສ່ວນອາໄຫລ່ລົດ 14,79 ລ້ານໂດລາສະຫະລັດ, ນໍ້າມັນແອັດຊັງ 11,62 ລ້ານໂດລາສະຫະລັດ, ເຫລັກເສັ້ນ ແລະ ເຫລັກຮູບປະພັນ 10,12 ລ້ານໂດລາສະຫະລັດ, ໄຟຟ້າ 10,18 ລ້ານໂດລາສະຫະລັດ ແລະ ອື່ນໆ.

ບັນດາປະເທດທີ່ ສປປ ລາວ ສົ່ງອອກຫລັກປະກອບ ມີ ໄທ 91,24 ລ້ານ ໂດລາສະຫະລັດ,​ ສປ ຈີນ 127,48 ລ້ານໂດລາສະຫະລັດ, ສສ ຫວຽນນາມ 93,90 ລ້ານໂດລາສະຫະລັດ, ອິນເດຍ 8,60 ລ້ານໂດລາສະຫະລັດ, ຍີ່ປຸ່ນ 6,92 ລ້ານໂດລາສະຫະລັດ, ເຢຍລະມັນ 6,48 ລ້ານໂດລາສະຫະລັດ, ສ ອາເມລິກາ 2,50 ລ້ານໂດລາສະຫະລັດ, ອັງກິດ 2,17 ລ້ານໂດລາສະຫະລັດ,​ ແລະ ສິວິດເຊີແລນ 6,72 ລ້ານໂດລາສະຫະລັດ. ພ້ອມ​ນີ້, ມີ 10 ປະເທດທີ່ ສປປ ລາວ ນໍາເຂົ້າຫລັກ ປະກອບມີ: ໄທ 262,97 ລ້ານໂດລາສະຫະລັດ, ສປ ຈີນ 100,95 ລ້ານໂດລາສະຫະລັດ, ສສ ຫວຽດນາມ 51,50 ລ້ານໂດລາສະຫະລັດ, ຍີ່ປຸ່ນ 5,32 ລ້ານໂດລາສະຫະລັດ, ສ ເກົາຫຼີ 5,20 ລ້ານໂດລາສະຫະລັດ, ສ ອາເມລິກາ 2,24 ລ້ານໂດລາສະຫະລັດ,​ ແລະ ແບນຊິກ 2,02 ລ້ານໂດລາສະຫະລັດ, ອິນເດຍ 2,59 ລ້ານໂດລະສະຫະລັດ, ຮົງກົງ ຈີນ 2,73 ລ້ານໂດລາສະຫະລັດ.

ສໍາລັບມູນຄ່າການນໍາເຂົ້າ ແລະ ສົ່ງອອກຂອງ ສປປ ລາວ ປະຈໍາເດືອນ 6 ປີ 2019 ແມ່ນຍັງບໍ່ກວມເອົາ ມູນຄ່າການສົ່ງອອກໄຟຟ້າ.

(来源: ສົມ​ຫວັງ/ ຂ​ປ​ລ)
;

同类别新闻