ສົ່ງເສີມການພັດທະນາການຄ້າແບບຍືນຍົງ ໃນ ສປປ ລາວ

17:08 2019/07/09

ສະພາການຄ້າ ແລະ ອຸດສາຫະກຳ ແຫ່ງຊາດລາວ ຮ່ວມກັບ ສູນການຄ້າສາກົນ ເປີດໂຄງການ ສົ່ງເສີມ ການພັດທະນາ ການຄ້າແບບຍືນຍົງ ໃນ ສປປ ລາວ ຂຶ້ນໃນວັນທີ 9 ກໍລະກົດ 2019 ທີ່ນະຄອນຫລວງ ວຽງຈັນ, ເພື່ອສ້າງ ຄວາມສາມາດ, ສ້າງຄວາມເຂັ້ມແຂງ ໃນການພັດທະນາ ຫລັກສູດ ຜູ້ປະກອບການ ສະໜອງ ການຊ່ວຍເຫລືອ ດ້ານວິຊາການ ໃຫ້ແກ່ຜູ້ປະກອບການ ທຸລະກິດ ຂະໜາດນ້ອຍ ແລະ ກາງ, ໂດຍສົ່ງເສີມ ຄວາມຮູ້ ພ້ອມເຕັກນິກ ໃນການຈັດຕັ້ງ ໃນການ ເຮັດທຸລະກິດ.

ສົ່ງເສີມການພັດທະນາການຄ້າແບບຍືນຍົງ ໃນ ສປປ ລາວ
ສົ່ງເສີມການພັດທະນາການຄ້າແບບຍືນຍົງ ໃນ ສປປ ລາວ. (ພາບ: ຂປລ)

ໂຄງການ ສົ່ງເສີມ ການພັດທະນາ ການຄ້າແບບຍືນຍົງ ໃນ ສປປ  ລາວ ແມ່ນແນໃສ່ການສ້າງສູນ ຫລື ໜ່ວຍງານ ສົ່ງເສີມ ການພັດທະນາ ການຄ້າ ແບບຍືນຍົງ ແລະ ການບໍລິການ ຂອງສະພາ ການຄ້າ ແລະອຸດສາຫະກຳ ແຫ່ງຊາດລາວ ເຊິ່ງຈະເປັນການ ບໍລິການ ໃນຫລາຍຮູບແບບ ສຳລັບ ຜູ້ປະກອບ ການທຸລະກິດ ຂະໜາດນ້ອຍ ແລະກາງ ໃນ ສປປ ລາວ ເຊິ່ງໄດ້ຮັບ ການສະໜັບ ສະໜູນ ດ້ານວິທີການ ແລະ ເຄື່ອງມືຕ່າງໆ ຈາກສູນການຄ້າສາກົນ ຈະເຮັດໃຫ້ຜູ້ປະກອບການ ຫລື ວິສາຫະກິດ ສາມາດ ເຂົ້າໃຈ ເຖິງຂະບວນການ ແລະ ຂັ້ນຕອນຕ່າງໆ ກ່ຽວກັບມາດຕະຖານສາກົນ ໃນກອບເງື່ອນໄຂ ທີ່ອົງການຮັບຮອງ ມາດຕະຖານ ສາກົນ ກຳນົດໄວ້ ເຊັ່ນ: ມາດຕະຖານ ສິນຄ້າ ປອດສານພິດ, ການຄ້າແບບຍຸຕິທຳ ແລະອື່ນໆ ໂຄງການ ສົ່ງເສີມ ການພັດທະນາ ການຄ້າແບບຍືນຍົງ ມີເປົ້າໝາຍ ໃນການ ສ້າງຄວາມ ເຂັ້ມແຂງ ໃນການແຂ່ງຂັນ ຂອງທຸລະກິດ ຂະໜາດນ້ອຍ ແລະ ກາງ ໂດຍຜ່ານ ການຈັດຕັ້ງ ປະຕິບັດ ການຝຶກຫັດ ການເຮັດທຸລະກິດສີຂຽວ, ເພີ່ມຄວາມຮູ້ ແລະ ທັກສະ ທາງດ້ານ ການກຳນົດ ມາດຕະຖານ ຄຸນນະພາບສາກົນ ແບບຍືນຍົງ ແລະ ກຳນົດເອົາສິນຄ້າ ທີ່ສາກົນຕ້ອງການ, ອຳນວຍ ຄວາມສະດວກ ໃນການເຂົ້າຫາ ຕະຫລາດສາກົນ ເປັນຕົ້ນ.

ປີ 2020 ແມ່ນມີຄວາມ ສຳຄັນຫລາຍ ເພາະເປັນປີສຸດທ້າຍ ຂອງການຈັດຕັ້ງ ປະຕິບັດ ແຜນພັດທະນາ ເສດຖະກິດ-ສັງຄົມ 5 ປີ ຄັ້ງທີ VIII (2016-2020), ຊຶ່ງການປະຕິບັດ ແຜນໃນໄລຍະ 4 ປີ ຜ່ານມາ ແມ່ນຍັງຫລຸດ ແຜນການ 0,5%, ໂດຍ GDP ປີ 2016 ເຕີບໂຕ 7%, ປີ 2017 ຫລຸດລົງມາຢູ່ 6,9%, ປີ 2018 ເຕີບໂຕພຽງ 6,3% ແລະ ປີ 2019 ຄາດຄະເນ 6,5-6,7%.ເພື່ອສູ້ຊົນໃຫ້ໄດ້ຕາມແຜນ 5 ປີ ເຫັນວ່າແຜນປີ 2020 ເປັນແຜນທີ່ຈະຕ້ອງໄດ້ບຸກບືນສູຊົນ ຫລື ບຸກທະລຸກ ແລະ ຕ້ອງມີການລິເລີ່ມ ຫັນປ່ຽນໂຄງປະກອບ ເສດຖະກິດ ຈຶ່ງຈະໄປເຖິງ ເປົ້າໝາຍໄດ້, ໃນນັ້ນຈິດໃຈຕົ້ນຕໍແມ່ນ ຮັກສາສະຖຽນ ລະພາບ ທາງດ້ານການເມືອງ, ຮັບປະກັນໄດ້ ວຽກງານ ປ້ອງກັນຊາດ-ປ້ອງກັນ ຄວາມສະຫງົບ ແລະ ສັງຄົມ ມີຄວາມປອດໄພ, ເຮັດໃຫ້ເສດຖະກິດ ສືບຕໍ່ຂະຫຍາຍໂຕ ດ້ວຍຈັງຫວະ ທີ່ໝັ່ນທ່ຽງ, ມີຄຸນນະພາບສູງ ແລະ ເຂັ້ມແຂງເທື່ອງລະກ້າວ, ຮັບປະກັນ ສະຖຽນລະພາບ ດ້ານເສດຖະກິດ ມະຫາພາກ, ຮັບປະກັນການ ພັດທະນາ ທີ່ສົມດຸນ ທາງດ້ານ ເສດຖະກິດ-ສັງຄົມ ແລະ ສິ່ງແວດລ້ອມ ຕາມທິດສີຂຽວ ແລະ ຍືນຍົງ, ພ້ອມຍົກສູງ ການຄຸ້ມຄອງລັດ, ຄຸ້ມຄອງສັງຄົມ ດ້ວຍກົດໝາຍ ແລະ ແກ້ໄຂ ກົນໄກລະບຽບການ ທີ່ອຸດຕັນ ການສ້າງສາ ພັດທະນາ ເສດຖະກິດ-ສັງຄົມ ໃຫ້ຫລຸດລົງ.

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll