ລາວ-ຫວຽດນາມ ສຳເລັດກອງປະຊຸມສຳມະນາວຽກງານການຮ່ວມມື-ລົງທຶນ

19:54 2018/07/23

ກະຊວງແຜນການ ແລະການລົງທຶນ ໂດຍແມ່ນຄະນະກຳມະການຮ່ວມມືລາວ-ຫວຽດນາມ ໄດ້ຈັດກອງປະຊຸມສຳມະນາກ່ຽວກັບວຽກງານຮ່ວມມື, ລົງທຶນລາວ - ຫວຽດນາມ ທີ່ແຂວງ ສະຫວັນນະເຂດ.

ລາວ-ຫວຽດນາມ ສຳເລັດກອງປະຊຸມສຳມະນາວຽກງານການຮ່ວມມື-ລົງທຶນ
ທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ (ເບື້ອງຂວາ) ກ່າວຄໍາເຫັນທີ່ກອງປະຊຸມສຳມະນາກ່ຽວກັບການຮ່ວມມື, ລົງທຶນລາວ - ຫວຽດນາມ.

ໃນຫວ່າງບໍ່ດົນຜ່ານມານີ້ ຊຶ່ງໃຫ້ກຽດເຂົ້າຮ່ວມ ແລະກ່າວຕ້ອນຮັບຈາກທ່ານ ສັນຕິພາບ ພົມວິຫານ ກຳມະການສູນກາງພັກ, ເລຂາພັກແຂວງ, ເຈົ້າແຂວງສະຫວັນນະເຂດ ແລະ ກ່າວເປີດຈາກ ທ່ານ ສຸພັນ ແກ້ວມີໄຊ ກຳມະການສູນກາງພັກ, ລັດຖະມົນຕີກະຊວງແຜນການ ແລະການລົງທຶນ, ປະທານຄະນະກຳມະການຮ່ວມມື ລາວ-ຫວຽດນາມ ໂດຍມີຄະນະຜູ້ແທນຈາກບັນດາກະ ຊວງ, ອົງການ, ພະແນກການຕ່າງໆອ້ອມຂ້າງແຂວງສະຫວັນນະເຂດ ແລະຂະແໜງແຜນການ ແລະການລົງທຶນທົ່ວປະເທດຈາກ 17 ແຂວງ, 1 ນະຄອນຫຼວງເຂົ້າຮ່ວມຢ່າງພ້ອມພຽງລວມປະມານ 80 ທ່ານ. ກອງປະຊຸມຄັ້ງນີ້ ໄດ້ຮັບຟັງການລາຍງານສະພາບການຈັດຕັ້ງປະຕິບັດວຽກງານຮ່ວມມື ລາວ-ຫວຽດນາມ ໄລຍະຜ່ານມາ ແລະທິດທາງແຜນການຮ່ວມມືໃນຕໍ່ໜ້າ ໂດຍສະເພາະການພົວພັນຮ່ວມມື, ລົງທຶນຂອງບັນດາແຂວງຂອງລາວ ກັບບັນດາແຂວງ, ນະຄອນຂອງ ສສ ຫວຽດນາມ. ພ້ອມກັນນັ້ນ ກໍ່ໄດ້ຮັບຟັງການລາຍງານຜົນການຢ້ຽມຢາມ ສປປ ລາວ ຢ່າງເປັນທາງການ ຂອງການນຳຂັ້ນສູງຂອງພັກ-ລັດຖະບານຫວຽດນາມ, ຮັບຟັງຜົນການຕິດຕາມ, ກວດກາການຈັດຕັ້ງປະຕິບັດໂຄງການຮ່ວມມືຂອງສອງຄະນະກຳມະການຮ່ວມມື ລາວ-ຫວຽດນາມ, ຫວຽດນາມ-ລາວ ແລະຍັງໄດ້ຮັບຟັງການເຜີຍແຜ່ກົດໝາຍວ່າດ້ວຍການສົ່ງເສີມການລົງທຶນສະບັບປັບປຸງໃໝ່ ເພື່ອໃຫ້ທ້ອງຖິ່ນນຳໄປຈັດຕັ້ງປະຕິບັດໃຫ້ມີຄວາມຖືກຕ້ອງ. ກອງປະຊຸມໄດ້ມີການປຶກສາຫາລື, ແລກປ່ຽນບົດຮຽນການພົວພັນຮ່ວມມື, ລົງທຶນຂອງສອງປະເທດ ລາວ ແລະຫວຽດນາມ ເພື່ອເສີມຂະຫຍາຍສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ ໃຫ້ເປັນມໍລະດົກອັນລ້ຳຄ່າຕົກທອດຮອດເຊັ່ນລູກຫຼານຕໍ່ໄປ.

(ແຫຼ່ງ​ຂໍ້​ມູນ​: ​ປ​ປ​ຊ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll