ລາວ ຍາດໄດ້ລາງວັນທີ 2-3 ແຂ່ງຂັນຫຸ່ນຍົນນານາຊາດ

10:33 2019/08/12

ຊາວ​ໜຸ່ມ​ຕົວ​ແທນ​ປະ­ເທດ​ລາວ ສ້າງ​ຊື່​ສຽງ​ໃຫ້​ປະ­ເທດ​ລາວ​ອີກ​ຄັ້ງ ໂດຍ​ສາ­ມາດ​ຍາດ​ໄດ້​ລາ­ງວັນ​ທີ 3 ປະ­ເພດ​ອອກ​ແບບ​ປະ­ດິດ​ສ້າງ​ຫຸ່ນ​ຍົນ ແລະ ລາ­ງວັນ​ທີ 2 ປະ­ເພດ Boxing ໃນ​ງານ​ແຂ່ງ­ຂັນ​ຫຸ່ນ​ຍົນ​ນາ­ນາ​ຊາດ ຢູ່​ເມືອງ​ແດ​ຊອນ ສ ເກົາ­ຫຼີ ໃນ​ວັນ​ທີ 2-3 ສິງ­ຫາ ຜ່ານ​ມາ.

ລາວ ຍາດໄດ້ລາງວັນທີ 2-3 ແຂ່ງຂັນຫຸ່ນຍົນນານາຊາດ
ລາວ ຍາດໄດ້ລາງວັນທີ 2-3 ແຂ່ງຂັນຫຸ່ນຍົນນານາຊາດ

ການ​ແຂ່ງ­ຂັນ​ຄັ້ງ​ນີ້ ມີ​ຫຼາຍ​ກວ່າ 2.000 ຄົນ ຈາກ 40 ປະ­ເທດ​ທົ່ວ​ໂລກ​ເຂົ້າ​ຮ່ວມ ເຊິ່ງ​ບົ່ງ​ບອກ​ເຖິງ​ຄວາມ​ຮູ້-ຄວາມ​ສາ­ມາດ​ຂອງ​ເຍົາ­ວະ​ຊົນ ແລະ ຊາວ​ໜຸ່ມ​ລາວ ທີ່​ມີ​ຄວາມ​ສາ­ມາດ​ເທົ່າ​ທຽມ​ກັບ​ບັນ­ດາ​ປະ­ເທດ​ທີ່​ກ້າວ­ໜ້າ​ໃນ​ໂລກ ແລະ ມີ​ຄວາມ​ກຽມ­ພ້ອມ​ເພື່ອ​ກ້າວ​ເຂົ້າ​ສູ່​ອຸດ​ສະ­ຫະ​ກຳ​ຍຸກ 4.0.

ປະ­ເພດ Boxing ຊາວ​ໜຸ່ມ​ລາວ ສາ­ມາດ​ຍາດ​ໄດ້​ລາ­ງວັນ​ທີ 2 ໂດຍ​ທ້າວ ພອນ​ສະ­ຫວັນ ສົມ​ອາ​ລຸນ ຈາກ​ໂຮງ­ຮຽນ​ອ໋ອດ​ສະ​ກ້າ ສ່ວນ​ປະ­ເພດ​ອອກ​ແບບ​ປະ­ດິດ​ສ້າງ​ຫຸ່ນ​ຍົນ ສາ­ມາດ​ຍາດ​ໄດ້​ຮັບ​ລາ­ງວັນ​ທີ 3 ເຊິ່ງ​ປະ­ກອບ​ມີ​ທ້າວ ບຸນ​ຍະ​ລິດ ໄຊ​ສຸ​ລຽນ ຈາກ​ໂຮງ­ຮຽນ​ນາ­ນາ​ຊາດ​ວຽງ​ຈັນ ນາງ ທະ­ວີ​ໂຊກ ຄຳ​ວົງ­ສາ ຈາກ Little Star Bilingual School ທ້າວ ຍົດ​ສະ​ພົນ ມີ​ໄຊ ຈາກ​ໂຮງ­ຮຽນ​ນາ­ນາ​ຊາດ​ປັນ­ຍາ​ທິບ ແລະ ທ້າວ ຊິງ​ອິງ ຈະ­ເລີນ​ທອງ ຈາກ​ໂຮງ­ຮຽນ​ວຽງ​ຈັນ​ພັດ­ທະ­ນາ.

(ແຫຼ່ງ​ຂໍ້​ມູນ​: vientianemai.net)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll