ລາວ ຍົກລະດັບພະນັກງານພາສີ ຄຸ້ມຄອງຜູ້ປະກອບການ ເອອີໂອ

14:48 2019/08/26

ໃນວັນທີ 26-30 ສິງຫາ 2019 ທີ່ໂຮງແຮງຄຣາວພາຊາ ນະຄອນຫລວງວຽງຈັນ, ກົມພາສີ ກະຊວງການເງິນ ຮ່ວມກັບ ອົງການພາສີໂລກ ໄດ້ຈັດບັ້ນ ຝຶກອົບຮົມຍົກລະດັບ ໃຫ້ແກ່ພະນັກງານພາສີ ແລະ ພາກເອກະຊົນ ເພື່ອແນໃສ່ພັດທະນາ ຄວາມອາດສາມາດ ໃນການຄຸ້ມຄອງ, ກວດກາ ແລະ ອະນຸມັດການເຂົ້າ ຮ່ວມແຜນ ງານຂອງຜູ້ປະກອບການ ທີ່ໄດ້ຮັບຮອງຢ່າງເປັນທາງການ ຈາກລັດຖະບານພາສີ ໃຫ້ໄດ້ຮັບສິດທິພິເສດ ກ່ຽວກັບການປະຕິບັດ ຂັ້ນຕອນແຈ້ງພາສີ ແລະ ການກວດປ່ອຍສິນຄ້າ (ເອອີໂອ) ຂອງພາກທຸລະກິດ ໃຫ້ມີປະສິດທິພາບ. ພ້ອມທັງສ້າງຄວາມຮູ້ ແລະ ຄວາມເຂົ້າໃຈຢ່າງເລິກເຊິ່ງ ໃນການຈັດຕັ້ງປະຕິບັດແຜນງານ ເອອີໂອ ເພື່ອຊ່ວຍປັບປຸງສະພາບ ແວດລ້ອມດ້ານການຄ້າໃນ ສປປ ລາວ ໃຫ້ສະດວກ ແລະ ສອດຄ່ອງກົມ ກຽວກັນຫລາຍຂຶ້ນ.

ລາວ ຍົກລະດັບພະນັກງານພາສີ ຄຸ້ມຄອງຜູ້ປະກອບການ ເອອີໂອ

 

ບັນຍາກາດການຝຶກອົບຮົມ.(ພາບ:ເກດສະໜາ/ຂປລ)

ທ່ານ ບຸນໂຈມ ອຸບົນປະເສີດ ຮອງລັດຖະມົນຕີ ກະຊວງການເງິນ ໄດ້ກ່າວວ່າ: ການຈັດຕັ້ງປະຕິບັດແຜນງານ ເອອີໂອ ຈະລິເລີ່ມໃນອານາຄົດອັນໃກ້ນີ້. ສະນັ້ນ 5 ມື້ຂອງການຝຶກອົບຮົມຄັ້ງນີ້ ເຊິ່ງຈະຊ່ວຍພະນັກງານລັດທີ່ກ່ຽວຂ້ອງ ແລະ ຜູ້ປະກອບການ ໄດ້ເສີມສ້າງຄວາມຮູ້ ແລະ ທັກສະ ໃນການກວດກາ ແລະ ການຈັດຕັ້ງ ປະຕິບັດແຜນງານ ເອອີໂອ ໃຫ້ມີມາດຕະຖານ ແລະ ກົມກຽວກັນ. ພ້ອມທັງ ນຳເອົາບົດຮຽນດັ່ງກ່າວ ໄປຜັນຂະຫຍາຍຢູ່ພາຍໃນ ຂະແໜງການຄຸ້ມຄອງ ພາສີຂອງຕົນເອງ ແລະ ສືບຕໍ່ສ້າງຄວາມອາດສາມາດ ດ້ານການຈັດຕັ້ງ ເພື່ອຄຸ້ມຄອງແຜນງານ ເອອີໂອ ໃຫ້ໄດ້ດີ, ສ້າງເງື່ອນໄຂດ້ານການຄ້າຂອງ ສປປ ລາວ ໃຫ້ມີຄວາມສະດວກ ແລະ ສອດຄ່ອງກັນ.

ໃນໂອກາດດຽວກັນ, ທ່ານ ພົງສະຫວັນ ພົມກອງ ຫົວໜ້າຫ້ອງການອົງການ ການເງິນສາກົນ ປະ ຈຳ ສປປ ລາວ ໄດ້ກ່າວວ່າ: ສະພາບແວດ ລ້ອມທີ່ເອື້ຍອຳນວຍ ແລະ ສອດຄ່ອງກັນ ແມ່ນເປັນສິ່ງສຳຄັນຫລາຍ ແກ່ການດຳເນີນທຸລະກິດໃນ ສປປ ລາວ. ຂະບວນການແຈ້ງພາສີທີ່ວ່ອງໄວ ຈະຊ່ວຍໃຫ້ບັນດາ ຜູ້ປະກອບການ ສາມາດຫລຸດຜ່ອນຄ່າໃຊ້ຈ່າຍ ແລະ ເຮັດການຄ້າງ່າຍຂຶ້ນກວ່າເກົ່າ. ຄຳແນະນຳຂອງກະ ຊວງການເງິນ ກ່ຽວກັບແຜນງານຄຸ້ມຄອງຜູ້ປະກອບການ ເອອີໂອ ທີ່ຖືກຮັບຮອງ ໃນຕົ້ນປີ 2019 ຈະຮັບ ປະກັນ ແລະ ອຳນວຍຄວາມສະດວກ ແກ່ການຄ້າສາກົນ.

(ແຫຼ່ງ​ຂໍ້​ມູນ​: ມະນີທອນ/ຂ​ປ​ລ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll