ພາກລັດ-ເອກະຊົນ ຮ່ວມມື ສ້າງບ່ອນບໍລິການປື້ມ E-Book Store

09:16 2019/08/16

ໃນວັນທີ 14 ສິງຫາ 2019 ທີ່ໂຮງແຮມ ຄຣາວພລາຊາ ນະຄອນຫລວງວຽງຈັນ, ສະຖາບັນເຕັກໂນໂລຊິ ຄອມພິວເຕີ ແລະ ເອເລັກໂຕຼນິກ ຮ່ວມມືກັບ ບໍລິສັດ ເອເລເມັນ ເພເມັນ ໂຊລູຊັນ ລາວຈຳກັດ (Element Payment Soution) ໄດ້ເຊັນບົດບັນທຶກຄວາມເຂົ້າໃຈ ວ່າດ້ວຍການຮ່ວມມືສ້າງ ບ່ອນບໍລິການປື້ມແບບອອນລາຍ (E-Book Store).

ພາກລັດ-ເອກະຊົນ ຮ່ວມມື ສ້າງບ່ອນບໍລິການປື້ມ E-Book Store
ພາກລັດ-ເອກະຊົນ ຮ່ວມມື ສ້າງບ່ອນບໍລິການປື້ມ E-Book Store.(ພາບ: ຂປລ)

ໂດຍການລົງນາມໃນຄັ້ງນີ້, ຂອງ ທ່ານ ວິລະສັກ ອິນທະປະຖາ ຫົວໜ້າສະຖາບັນເຕັກໂນໂລຊີຄອມພິວເຕີ ແລະ ເອເລັກໂຕຼນິກ, ທ່ານ ຄຳເພັດ ວົງດາລາ ຫົວໜ້າກົມແຜນການ ແລະ ຮ່ວມມື ແລະ ທ່ານ ອາເລັກຊີ ເວັກແມນ (ALEXEY VEGMANF) ປະທານບໍລິສັດ ເອເລເມັນ ເພເມັນ ໂຊລູຊັນ ລາວຈຳກັດ, ໂດຍໃຫ້ກຽດເຂົ້າຮ່ວມ ເປັນສັກຂີພິຍານຂອງ ທ່ານ ບໍ່ວຽງຄໍາ ວົງດາລາ ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ, ພ້ອມດ້ວຍພາກສ່ວນຕ່າງໆ ແລະ ພະນັກງານວິຊາການ ທັງສອງຝ່າຍເຂົ້າຮ່ວມ.

ທ່ານ ພອນປະເສີດ ສຸລີນທອນ ຫົວໜ້າສູນບໍລິການວິຊາການກ່າວວ່າ: ການຮ່ວມມືຄັ້ງນີ້, ມີຈຸດປະສົງເພື່ອຮ່ວມກັນສ້າງລະບົບ E-Book ໃຫ້ກາຍເປັນ E-Book Store ຫລື ຮ້ານຂາຍປຶ້ມອອນລາຍ ແລະ ແບບລະບົບເອເລັກໂຕຼນິກໄດ້ ໂດຍການນຳໃຊ້ ເຕັກໂນໂລຊີແບບໃໝ່ ທີ່ນຳໃຊ້ ຜ່ານແອບພິເຄຊັນ ເທິງໂທລະສັບມືຖື (Mobile Application), ລະບົບເວັບໄຊ ແລະ ລະບົບເຄື່ອງເອເລັກໂຕຼນິກ. ກິດຈະກໍາທີ່ຈະມີການຮ່ວມມືກັນ ສາມາດສະຫລຸບຫຍໍ້ໄດ້ດັ່ງນີ້: ຮ່ວມມືກັບສູນບໍລິການ ວິຊາການ, ສະຖາບັນ ເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ, ເພື່ອພັດທະນາໂຄງການ E-Book ໃຫ້ກາຍເປັນຫ້ອງສະໝຸດ ແບບເອເລັກໂຕຼນິກ; ຮ່ວມກັນສ້າງບົດຄວາມ E-Book ແລະ ສ້າງບ່ອນໃຫ້ບໍລິການເຊົ່າ ແລະ ຂາຍປຶ້ມແບບເອເລັກໂຕຼນິກ (E-Book Store) ໃຫ້ເຊື່ອມໂຍງກັບພາກພື້ນ ແລະ ສາກົນ; ຮ່ວມມືກັນສ້າງ ແລະ ພັດທະນາລະບົບ (Platform) ໃນການໃຫ້ບໍລິການດ້ານ E-Book ເທິງມືຖື Smartphone, tablet ແລະ ຄອມພິວເຕີ ແລະ ສອງຝ່າຍເຫັນດີຮ່ວມມືກັນທາງ ດ້ານການພັດທະນາ ຊັບພະຍາກອນມະນຸດ, ແບບໄລຍະສັ້ນ ໂດຍຮູບການຈັດຝຶກອົບຮົມ, ສຳມະນາໃນແຕ່ລະກິດຈະກໍາ ທີ່ຮ່ວມມືນຳກັນ.

ທ່ານ ພອນປະເສີດ ສຸລີນທອນ ກ່າວຕື່ມວ່າ: ໃນໄລຍະຜ່ານມາ ສະຖາບັນເຕັກໂນໂລຊິຄອມພິວເຕີ ແລະ ເອເລັກໂຕຼນິກໄດ້ມີຜົນສໍາເລັດໃນການ ຄົ້ນຄວ້າໂປແກຼມ e-book ແລະ ກໍ່ໄດ້ປະຍຸກໃຊ້ໄດ້ຮັບຜົນເປັນຢ່າງດີ ເພື່ອເປັນການຕໍ່ຍອດໂຄງການ ແລະ ເປັນການຍາດແຍ່ງ ການລົງທຶນກັບພາກເອກະຊົນ, ສະຖາບັນໄດ້ຮ່ວມກັບ ບໍລິສັດເອເລເມັນ ເພເມັນ ໂຊລູຊັນ ລາວຈຳກັດ ໃນການຄົ້ນຄວ້າ ຮ່ວມມືດ້ານການສ້າງຖານ ຂໍ້ມູນໜັງສືແບບເອເລັກໂຕຼນິກ ຫລື e-book ທີ່ມີຢູ່ແລ້ວໃຫ້ໃຫຍ່ ແລະ ຫລາກຫລາຍຂຶ້ນ. ດັ່ງນັ້ນ, ສະຖາບັນເຕັກໂນໂລຊິ ຄອມພິວເຕີ ແລະ ເອເລັກໂຕຼນິກ ຈຶ່ງໄດ້ຮ່ວມກັບ ບໍລິສັດ ເອເລເມັນ ເພເມັນ ໂຊລູຊັນ ລາວ ຈຳກັດ, ຊຶ່ງເປັນ ບໍລິສັດ ທີ່ມີຄວາມຊໍານານງານ ໃນການດຳເນີນທຸລະກິດ ດ້ານການບໍລິການ ດ້ານເຕັກໂນ ໂລຊີຂໍ້ມູນຂ່າວສານ,ເອເລັກໂຕຼນິກ ແລະ ລະບົບອັດຕະໂນມັດ ທີ່ມີປະສົບການ ແລະ ຄວາມຊໍານານຢູ່ຕ່າງປະເທດມາກ່ອນ, ເປັນຕົ້ນແມ່ນປະເທດລັດເຊຍ ແລະ ໄທ. ພ້ອມນີ້, ຍັງມີຊ່ຽວຊານວິຊາການດ້ານໄອຊີທີ ເພື່ອສ້າງຜະລິດຕະພັນ ແລະ ພັດທະນາການຂຽນ ຊອບແວຕ່າງໆ ບໍ່ວ່າຈະເປັນແອັບພີເຄຊັນເທິງມືຖື ຫລື ຊອບແວຄອມ ພິວເຕີ ແລະ ເຄື່ອງອຸປະກອນເອເລັກໂຕຼນິກ. ນອກຈາກນັ້ນ, ບໍລິສັດຍັງສົ່ງເສີມການລົງທືນ ໃຫ້ກັບທຸລະກິດລະດັບ startup ແລະSME ທີ່ມີໂຄງການທຸລະກິດ ທີ່ໜ້າສົນໃຈ ໃນການຄ້າ ລະຫວ່າງ ປະເທດໄທ ແລະ ປະເທດລາວ, ໂດຍການສະໜັບສະໜູນ ທາງດ້ານການລົງທຶນ ໃນດ້ານເຕັກໂນໂລຊີ ແລະ ນະວັດຕະກຳ ເພື່ອເປັນການສົ່ງເສີມການ ພັດທະນາເສດຖະກິດ-ສັງຄົມ.

(ແຫຼ່ງ​ຂໍ້​ມູນ​: ຂປລ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll