ປາກຊ່ອງພັດທະນາ ສົ່ງເສີມປະຊາຊົນປູກພືດເປັນສິນຄ້າ ຫຼາຍກວ່າ 6.500 ຄອບຄົວ

11:34 2019/07/09

ກອງ​ປະ­ຊຸມ​ຊຸກ­ຍູ້​ຂະ​ບວນ​ການ​ແຂ່ງ­ຂັນ​ຮັກ​ຊາດ ແລະ ພັດ­ທະ­ນາ ຕິດ​ພັນ​ກັບ​ການ​ພັດ­ທະ­ນາ​ຊົນ­ນະ­ບົດ ເພື່ອ​ແກ້​ໄຂ​ຄວາມ­ທຸກ​ຍາກ​ຂອງ​ປະ­ຊາ­ຊົນ ຈັດ​ຂຶ້ນ​ໃນ​ເດືອນ​ມິ­ຖຸ­ນາ 2019 ຜ່ານ​ມາ ທີ່​ຫໍ​ປະ­ຊຸມ​ແຫ່ງ​ຊາດ ໄດ້​ມີ​ບັນ­ດາ​ຫົວ­ໜ່ວຍ​ທຸ­ລະ​ກິດ ທີ່​ຕິດ​ພັນ​ກັບ​ການ​ດຳ­ເນີນ​ທຸ­ລະ​ກິດ​ວຽກ​ງານ​ດັ່ງ­ກ່າວ ໄດ້​ຂຶ້ນ​ປະກອບ​ຄຳ​ເຫັນ ໂດຍ​ໄດ້​ຍົກ​ໃຫ້​ເຫັນ​ຜົນ­ງານ​ທີ່​ພົ້ນ​ເດັ່ນ​ທີ່​ຊ່ວຍ­ເຫຼືອ​ປະ­ຊາ­ຊົນ ເພື່ອ​ຫຼຸດ​ພົ້ນ​ອອກ​ຈາກ​ຄວາມ­ທຸກ​ຍາກ ໃນ​ນັ້ນ ກໍ​ມີ​ບໍ­ລິ­ສັດ ປາກ​ຊ່ອງ​ພັດທະ­ນາ ຂາ​ເຂົ້າ-ຂາ​ອອກ ຈຳ­ກັດ​ຜູ້​ດຽວ.

ປາກຊ່ອງພັດທະນາ ສົ່ງເສີມປະຊາຊົນປູກພືດເປັນສິນຄ້າ ຫຼາຍກວ່າ 6.500 ຄອບຄົວ
ປາກຊ່ອງພັດທະນາ ສົ່ງເສີມປະຊາຊົນປູກພືດເປັນສິນຄ້າ ຫຼາຍກວ່າ 6.500 ຄອບຄົວ

ທ່ານ​ນາງ ອິນ​ແປງ ຊາ​ມຸນ­ຕີ ຜູ້­ອຳ­ນວຍ­ການ​ບໍ­ລິ­ສັດ ປາກ​ຊ່ອງ​ພັດ­ທະ­ນາ ຂາ​ເຂົ້າ-ຂາ​ອອກ ຈຳ­ກັດ​ຜູ້​ດຽວ ໄດ້​ກ່າວ​ວ່າ:  ບໍ­ລິ­ສັດ​ສ້າງ­ຕັ້ງ​ວັນ​ທີ 23 ພຶດ­ສະ­ພາ 2003 ດ້ວຍ​ທຶນ​ຈົດ​ທະ­ບຽນ 9,92 ຕື້​ກີບ ເປັນ​ການ​ລົງ­ທຶນ​ຂອງ​ນັກທຸລະກິດ​ລາວ 100% ເພື່ອ​ສົ່ງ­ເສີມ​ການ​ຜະ­ລິດ​ປຸງ​ແຕ່ງ​ການ​ຄ້າ​ດ້ານ​ກະ­ສິ­ກຳ ໂດຍ​ສະ­ເພາະ ໃນ​ຮູບ​ແບບ​ໂຄງ­ການ​ສອງ​ສົ້ນ​ທີ່​ຕິດ​ພັນ​ກັບ​ພືດ​ຜັກ​ອິນ​ຊີ ແລະ ພືດ​ກະ­ສິ­ກຳ​ຜະ­ລິດ​ເປັນ​ສິນ­ຄ້າ​ຕາມ​ລະ­ດູ​ການ ຄື: ບໍ­ລິ­ສັດ​ເປັນ​ຜູ້​ລົງ­ທຶນ​ດຳ­ເນີນ​ການ​ຜະ­ລິດ ເກັບ​ກູ້ ປຸງ​ແຕ່ງ ຈຳ­ໜ່າຍ ແລະ ສົ່ງ​ອອກ​ຜະ­ລິດ​ຕະ​ພັນ​ກະ­ສິ­ກຳ ເປັນ​ຜູ້​ລົງ­ທຶນ​ສົ່ງ­ເສີມ​ປະ­ຊາ­ຊົນ​ຜະ­ລິດ​ຕາມ​ນະ­ໂຍ­ບາຍ​ຂອງ​ລັດ­ຖະ­ບານ​ວາງ​ອອກ ໃນ​ການ​ລຶ­ບລ້າງ​ຄວາມ­ທຸກ​ຍາກ ດ້ວຍ​ການ​ດຳ­ເນີນ​ໂຄງ­ການ​ຕາມ​ຫຼັກ­ການ 2+3 ທັງ​ດຳ­ເນີນ​ການ​ເກັບ​ຊື້-ສົ່ງ​ຂາຍ​ທັງ​ພາຍ​ໃນ ແລະ ຕ່າງ­ປະ­ເທດ ບໍ­ລິ­ສັດ​ໄດ້​ເລີ່ມ​ປະ­ຕິ­ບັດ​ໂຄງ­ການ​ສອງ​ສົ້ນ​ຮ່ວມ​ກັບ​ພາກ​ລັດ ໂດຍ​ແມ່ນ​ອົງ­ການ​ປົກຄອງ​ແຂວງ​ຈຳ­ປາ​ສັກ ສະ­ພາ​ການ​ຄ້າ ແລະ ອຸດ­ສາ­ຫະ­ກຳ​ແຂວງ​ຈຳ­ປາ​ສັກ ເປັນ​ຜູ້​ສະ­ໜັບ­ສະ­ໜູນ ແລະ ປະ­ຊາ­ຊົນ​ຜູ້​ຜະ­ລິດ ໃນ​ນັ້ນ ບໍ­ລິ­ສັດ​ຍັງ​ໄດ້​ມີ​ສັນ­ຍາ​ຮ່ວມ​ຊື້-ຂາຍ​ກັບ​ຄູ່​ຄ້າ​ຕ່າງ­ປະ­ເທດ​ເລີ່ມ​ມາ​ແຕ່​ວັນ​ທີ 1 ມິ­ຖຸ­ນາ 2004 ເປັນ­ຕົ້ນ​ມາ.

ມາ​ເຖິງ​ປີ 2019 ບໍ­ລິ­ສັດ​ມີ​ສະ­ມາ­ຊິກ​ຊາວ​ສວນ​ຜະ­ລິດ​ກະ­ສິ­ກຳ​ອິນ​ຊີ​ເປັນ​ສິນ­ຄ້າ ໃນ​ໂຄງ­ການ​ສອງ​ສົ້ນ ເຖິງ 6.586 ຄອບ­ຄົວ ເນື້ອ­ທີ່ 13.770 ເຮັກ­ຕາ ກວມ​ເອົາ 86 ບ້ານ 6 ເມືອງ ທີ່​ນອນ​ຢູ່​ໃນ​ແຂວງ​ຈຳ­ປາ​ສັກ ແລະ ແຂວງ​ສາ­ລະ​ວັນ ມາ​ຮອດ​ວັນ​ທີ 7 ພຶດ­ສະ­ພາ 2019  ບໍ­ລິ­ສັດ​ໄດ້​ເປີດ​ສຳ­ນັກ­ງານ​ສາ­ຂາ​ຢູ່​ແຂວງ​ສາ­ລະ​ວັນ ເພື່ອ​ຄວາມ​ສະ­ດວກ​ໃນ​ການ​ດຳ­ເນີນ​ທຸ­ລະ​ກິດ ປະ­ສານ​ກັບ​ອົງ­ການ​ປົກ­ຄອງ​ແຂວງ​ສາ­ລະ​ວັນ ດ້ານ​ນິ­ຕິ​ກຳ​ຕ່າງໆ ບໍ­ລິ­ສັດ​ໄດ້​ເຊື້ອ​ເຊີນ​ເອົາ​ວິ­ຊາ​ການ​ທັງ​ພາຍ​ໃນ ແລະ ຕ່າງ­ປະ­ເທດ​ທີ່​ມີ​ຄວາມ​ຮູ້​ຄວາມ​ຊຳ­ນານ ມີ​ປະ­ສົບ​ການ​ສະ­ເພາະ​ພືດ​ມາ​ຮ່ວມ​ກັບ​ວິ­ຊາ​ການ​ຂະ­ແໜງ​ປູກ­ຝັງ​ແຂວງ ແລະ ໜ່ວຍ​ງານ​ປູກ­ຝັງ​ເມືອງ ເພື່ອ​ລົງ​ໄປ​ຈັດ​ເຝິກ­ອົບ­ຮົມ​ເຕັກ​ໂນ​ໂລ​ຊີ​ເຕັກ­ນິກ ນະ​ວັດ­ຕະ​ກຳ​ໃໝ່ ວິ­ທີ​ການ​ຕ່າງໆ ແລະ ເຕັກ­ນິກ​ການ​ກວດ­ກາ​ຕິດ­ຕາມ​ຢ່າງ​ຕໍ່​ເນື່ອງ ສົກ​ປີ 2019-2020 ບໍ­ລິ­ສັດ​ມີ​ແຜນ​ສືບ­ຕໍ່​ສົ່ງ­ເສີມ​ປະ­ຊາ­ຊົນ 4 ແຂວງ​ພາກ​ໃຕ້ ແລະ ນະ­ຄອນ­ຫຼວງ​ວຽງ​ຈັນ ປູກ​ເຂົ້າ ກາ­ເຟ ແລະ ສາ­ລີ​ອິນ​ຊີ​ເພີ່ມ​ອີກ 3 ຊະ­ນິດ​ສິນ­ຄ້າ ບໍ­ລິ­ສັດ​ຈະ​ເປັນ​ຜູ້​ຮັບ​ຊື້​ຢ່າງ​ຮັດ­ກຸມ ຕ່າງ​ຝ່າຍ​ຕ່າງ​ມີ​ຜົນ​ປະ­ໂຫຍດ ບໍ­ລິ­ສັດ​ມີ​ທຶນ­ຮອນ​ເພື່ອ​ຮອງ​ຮັບ​ຂະ​ບວນ​ການ​ຜະ­ລິດ ເກັບ​ກູ້ ແລະ ອື່ນໆ ປັດ­ຈຸ­ບັນ ບໍ­ລິ­ສັດ​ມີ​ລານ​ຮັບ​ຊື້​ມັນ­ຕົ້ນ​ແຫ້ງ ແລະ ຫົວ​ມັນ​ສົດ​ຢູ່ 13 ລານ ໃນ​ນັ້ນ 8 ລານ​ຢູ່​ແຂວງ​ຈຳ­ປາ​ສັກ ແລະ 5 ລານ​ຢູ່​ແຂວງ​ສາ­ລະ​ວັນ ພ້ອມ​ລານ​ຈອດ​ລົດ​ພັກ​ສິນ­ຄ້າ​ກ່ອນ​ສົ່ງ​ອອກ 14 ລານ​ທີ່​ດ່ານ​ສາ­ກົນ​ວັງ​ເຕົ່າ ເມືອງ​ໂພນ​ທອງ ແຂວງ​ຈຳ­ປາ​ສັກ.

(ແຫຼ່ງ​ຂໍ້​ມູນ​: vientianemai.net)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll