ປະຊາຊົນ ແລະ ອຳນນາດການປົກຄອງທ້ອງຖິ່ນ ຍັງບໍ່ເປັນເຈົ້າການ ປະຕິບັດ 5 ປ

16:09 2019/07/09

ໜອນນ້ຳຍຸງລາຍ ຍັງມີຈຳນວນ ເພີ່ມສູງຂຶ້ນ ບໍ່ວ່າຈະຢູ່ເຂດຊົນນະບົດ ຫລື ໃນຕົວເມືອງ ໃນຂອບເຂດທົ່ວປະເທດ ເຮັດໃຫ້ເກີດ ການລະບາດ ພະຍາດ ໄຂ້ຍຸງລາຍ. ທັງນີ້, ກໍຍ້ອນປະຊາຊົນ, ອຳນາດການປົກຄອງ ທ້ອງຖິ່ນ ລວມເຖິງ ອົງການຈັດຕັ້ງ ຕ່າງໆ ຍັງຖືເບົາ ແລະ ບໍ່ເປັນເຈົ້າການ ນຳກັນ ໃນການຈັດຕັ້ງ ປະຕິບັດ ມາດຕະການ 5ປ ທີ່ກະຊວງ ສາທາລະນະສຸກ ວາງອອກເທື່ອ.

ປະຊາຊົນ ແລະ ອຳນນາດການປົກຄອງທ້ອງຖິ່ນ ຍັງບໍ່ເປັນເຈົ້າການ ປະຕິບັດ 5 ປ
ທ່ານ ບຸນກອງ ສີຫາວົງ ລັດຖະມົນຕີ ກະຊວງສາທາລະນະສຸກ. (ພາບ: ເກດສະໜາ)

ທ່ານ ບຸນກອງ ສີຫາວົງ ລັດຖະມົນຕີ ກະຊວງສາທາລະນະສຸກ ໄດ້ໃຫ້ສຳພາດ ແກ່ບັນດາ ສື່ມວນຊົນ ໃນວັນທີ 8 ກໍລະກົດ 2019 ນີ້ວ່າ: ປັດຈຸບັນ ສະພາບອາດິນຟ້າອາກາດ ມີການປ່ຽນແປງ ເຮັດໃຫ້ອາກາດ ຮ້ອນອົບເອົ້າ, ຝົນຕົກໜ້ອຍ ແລະ ນີ້ກໍເປັນສາເຫດໜຶ່ງ ທີ່ເຮັດໃຫ້ຍຸງລາຍ ແຜ່ພັນຢ່າງໄວວາ ແລະ ເກີດລະບາດ ພະຍາດໄຂ້ຍຸງລາຍຂຶ້ນ ເຊິ່ງໄດ້ຂ້າຊີວິດ ປະຊາຊົນ ໄປແລ້ວ ຈຳນວນບໍ່ໜ້ອຍ ບໍ່ສະເພາະ ແຕ່ຢູ່ປະເທດເຮົາ ມັນຍັງລະບາດ ຢູ່ບັນດາ ປະເທດອາຊຽນ ນຳອີກ ເປັນຕົ້ນມີລາຍງານໃນອາ ທິດຜ່ານມາ ຢູ່ ຟີລິບປິນ ມີຜູ້ຕິດເຊື້ອໄຂ້ຍຸງລາຍ 83.000 ກວ່າຄົນ ເສຍຊີວິດ 300 ກວ່າຄົນ, ຫວຽດນາມ ມີຜູ້ຕິດເຊື້ອໄຂ້ຍຸງລາຍ 81.000 ກວ່າຄົນ ເສຍຊີວິດ 4 ຄົນ, ກຳປູເຈຍ 14.000 ກວ່າຄົນ ເສຍຊີວິດ 24 ຄົນ, ໄທ ມີ 11.000 ກວ່າຄົນ ເສຍຊີວິດ 58 ຄົນ. ສຳລັບຢູ່ ສປປ ລາວ ມີລາຍງານຜູ້ຕິດເຊື້ອພະຍາດໄຂ້ຍຸງລາຍ ນັບແຕ່ວັນທີ 29 ທັນວາ 2018-8 ກໍລະກົດ 2019 ມີຈຳນວນທັງໝົດ 11.928 ຄົນ ເສຍຊີວິດ 27 ຄົນ. ໃນນີ້, ແຂວງທີ່ຕິດອັນດັບໜຶ່ງ ແມ່ນສະຫວັນນະເຂດ ມີ 1.975 ຄົນ ຕາຍ 10 ຄົນ, ຮອງລົງມາ ແມ່ນນະຄອນຫລວງວຽງຈັນ ມີ 2.214 ຄົນ ຕາຍ 6 ຄົນ, ຈຳປາສັກ 2.490 ຄົນ ຕາຍ 5 ຄົນ, ສາລະວັນ 1.507 ຄົນ ຕາຍ 3, ຄຳມ່ວນ 1.228 ຄົນ ຕາຍ 2 ຄົນ, ອັດຕະປື 770 ຄົນ, ບໍລິຄຳໄຊ 486 ຄົນ ຕາຍ 1 ຄົນ, ຫລວງນ້ຳທາ 347 ຄົນ, ວຽງຈັນ 326 ຄົນ, ເຊກອງ 212 ຄົນ, ໄຊຍະບູລີ 198 ຄົນ, ຫລວງພະບາງ 91 ຄົນ, ໄຊສົມບູນ 58 ຄົນ, ອຸດົມໄຊ 12 ຄົນ, ບໍ່ແກ້ວ 6 ຄົນ ແລະ ຊຽງຂວາງ 8 ຄົນ. ສໍາລັບແຂວງຫົວພັນ ແລະ ຜົ້ງສາລີ ແມ່ນບໍ່ມີລາຍງານຂອງຜູ້ຕິດເຊື້ອພະຍາດດັ່ງກ່າວ.

ທ່ານ ບຸນກອງ ສີຫາວົງ ກ່າວຕື່ມວ່າ: ເຊື້ອໄວຣັດທີ່ພົບເຫັນໃນປີນີ້ ແມ່ນໄຂ້ຍຸງລາຍປະເພດ 2 ແລະ ປະເພດ 4 ສຳລັບປະເພດ 1 ແລະ 3 ແມ່ນມີບໍ່ຫລາຍ ໂດຍສະເພາະ ຢູ່ນະຄອນຫລວງ ວຽງຈັນ ໄດ້ພົບການລະບາດ ຂອງພະຍາດ ໄຂ້ຍຸງລາຍປະເພດ 4 ຢູ່ເມືອງໄຊເສດຖາ, ສີສັດຕະນາກ ແລະ ໄຊທານີ, ເຊິ່ງເຊື້ອພະຍາດນີ້ ມີລັກສະນະ ຮ້າຍແຮງກວ່າເກົ່າ ແລະ ທົນທານ ຕໍ່ຢາບາງປະເພດ ເຮັດໃຫ້ກົນໄກເລືອດບໍ່ກ້າມໄວ ແຕ່ມັນ ຈະເຮັດໃຫ້ ອະໄວຍະວະ ຂອງຮ່າງກາຍ ຊຸດໂຊມໄວຂຶ້ນ. ພ້ອມນີ້, ເຮົາຍັງບໍ່ມີຢາ ຊະນິດໃດ ທີ່ຈະປ້ອງກັນ ແລະ ປິ່ນປົວໄດ້ ມີພຽງແຕ່ ແນະນຳ ໃຫ້ຜູ້ປ່ວຍ ດື່ມນ້ຳໂອລາລິດ, ນ້ຳສະອາດໃຫ້ຫລາຍໆ ຫລື ດື່ມນ້ຳໝາກພ້າວ ເພື່ອບໍ່ໃຫ້ ເລືອດກ້າມໄວ. ນັບແຕ່ເດືອນມັງກອນ ເປັນຕົ້ນມາ ກະຊວງສາທາລະນະສຸກ ກໍໄດ້ສົມທົບກັບຫລາຍພາກສ່ວນ ເພື່ອຈັດຕັ້ງໂຄສະນາເຜີຍແຜ່ວິທີປ້ອງກັນ ແລະ ມາຕະການ ຄວບຄຸມ ການລະບາດ ຂອງພະຍາດ ໄຂ້ຍຸງລາຍ ໂດຍຜ່ານສື່ຕ່າງໆ ເປັນຕົ້ນວິ ທະຍຸ, ໂທລະພາບ, ໜັງສືພິມ ແລະ ເວັບໄຊອອນລາຍຕ່າງໆ ເພື່ອໃຫ້ພໍ່ແມ່ ປະຊາຊົນ ໃນຂອບເຂດ ທົ່ວປະເທດ ໄດ້ເຂົ້າເຖິງ ແຫລ່ງຂໍ້ມູນດັ່ງກ່າວ. ພ້ອມກັນນີ້, ທ່ານຍັງ ໄດ້ເນັ້ນເຖິງ ບັນຫາການທໍາລາຍ ແຫລ່ງເພາະພັນ ຂອງຍຸງລາຍ ໂດຍການປະຕິບັດມາດຕະການ 5ປ ຄື ປິດພາຊະນະປ່ຽນນ້ຳໃນພາຊະ ນະສອງຄັ້ງຕໍ່ອາທິດ, ປ່ອຍປາຫາງນົກຍຸງໃສ່ພາຊະນະກັກນ້ຳ ເພື່ອໃຫ້ກິນໜອນນ້ຳຍຸງລາຍ, ປັບປຸງອະນາໄມບໍລິເວນທີ່ຢູ່ອາໄສທັງໃນ ແລະ ນອກເຮືອນໃຫ້ສະອາດ ແລະ ປະຕິບັດ 5ປ ໃຫ້ເປັນນິໄສ ຖ້າມີໄຂ້ຄວນໄປພົບແພດ.

(ແຫຼ່ງ​ຂໍ້​ມູນ​: ມະນີທອນ/ຂ​ປ​ລ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll