ນາຍົກລັດຖະມົນຕີລົງຕິດຕາມ ສະພາບນໍ້າຖ້ວມ ຢູ່ນະຄອນຫຼວງວຽງຈັນ

08:31 2018/08/21

ຕອນແລງວັນທີ 20 ສິງຫາ 2018ນີ້, ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ພ້ອມດ້ວຍຄະນະ ໄດ້ລົງຕິດຕາມສະພາບນໍ້າຂອງໄຫຼຖ້ວມທີ່ເຂດເມືອງສີໂຄດຕະບອງນະຄອນຫຼວງວຽງຈັນ, ມີທ່ານເຈົ້າຄອງນະຄອນຫຼວງວຽງຈັນ, ນາຍບ້ານບ້ານໜອງດາ, ເຈົ້າໜ້າທີ່ທີ່ກ່ຽວຂ້ອງລົງ ຕິດຕາມສະພາບນໍ້າຖ້ວມເຂດເມືອງດັ່ງກ່າວ.

ນາຍົກລັດຖະມົນຕີລົງຕິດຕາມ ສະພາບນໍ້າຖ້ວມ ຢູ່ນະຄອນຫຼວງວຽງຈັນ
ທ່ານນາຍົກລັດຖະມົນຕີ ຊີ້ນຳ ແລະ ໂອ້ລົມກັບການນຳຂັ້ນນະຄອນຫຼວງກ່ຽວກັບວິທີແກ້ໄຂເຫດການໄພພິບັດຄັ້ງນີ້.

ຕາມການລາຍງານຂອງເຈົ້າເມືອງເມືອງສີໂຄດຕະບອງໃຫ້ຮູ້ວ່າ: ປະຈຸບັນສະພາບນໍ້າຂອງໄດ້ໄຫຼ ຖ້ວມ 6 ບ້ານມີ 480 ຄອບຄົວ, ຈໍານວນ 2.384 ຄົນເຊັ່ນ: ບ້ານໜອງດາ, ບ້ານໂນນຂີ້ເຫຼັກ, ບ້ານຕາດທອງ, ບ້ານດ່ານຄໍາ, ບ້ານອ່າງຄໍາ, ບ້ານດອນຊີງຊູ້. ໃນນັ້ນ, ບ້ານທີ່ໄດ້ຮັບຜົນກະທົບໜັກມີບ້ານໜອງດາ, ບ້ານໂນນຂີ້ເຫຼັກ, ບ້ານຕາດທອງ. ປະຈຸບັນ, ປະຊາຊົນບ້ານດັ່ງກ່າວໄດ້ຖືກຍົກຍ້າຍມາຢູ່ໂຮງຮຽນປະຖົມໜອງດາ, ວັດຕາດທອງ, ຫ້ອງການບ້ານໂນນຂີ້ເຫຼັກເປັນທີ່ຮຽບຮ້ອຍແລ້ວ. ​ສ່ວນປະຊາຊົນຢູ່ບ້ານດ່ານຄໍາແມ່ນໄດ້ຍົກຍ້າຍໄປອາໄສຢູ່ກັບຍາດພີ່ນ້ອງເປັນທີ່ຮຽບຮ້ອຍ.
ທ່ານນາຍົກລັດຖະມົນຕີກໍໄດ້ລົງຢ້ຽມຢາມປະຊາຊົນ ທີ່ພັກອາໄສຢູ່ໂຮງຮຽນປະຖົມບ້ານໜອງດາ.
 ຫຼັງຈາກນັ້ນ, ທ່ານນາຍົກລັດຖະມົນຕີກໍໄດ້ລົງຢ້ຽມຢາມປະຊາຊົນ ທີ່ພັກອາໄສຢູ່ໂຮງຮຽນປະຖົມບ້ານໜອງດາ ແລະສູນອື່ນໆ ແລະໄດ້ຊີ້ນໍາວຽກງານດັ່ງກ່າວ ໃຫ້ພາກສ່ວນກ່ຽວຂ້ອງເອົາໃຈໃສ່ໃຫ້ການຊ່ວຍເຫຼືອພໍ່ແມ່ປະຊາຊົນທີ່ໄດ້ຮັບຜົນກະທົບຈາກໄພນໍ້າຖ້ວມຢ່າງຮີບດ່ວນ.

ແຈ້ງການພະຍາກອນອາກາດຈາກກົມອຸຕຸນິຍົມໃຫ້ຮູ້ວ່າ: ຕອນແລງຂອງວັນທີ 21 ສິງຫາ 2018, ລະດັບນໍ້າຂອງຍັງສືບຕໍ່ຈະສູງຂຶ້ນຕື່ມ.​ ດັ່ງນັ້ນ, ຈຶ່ງແຈ້ງມາຍັງພໍ່ແມ່ປະຊາຊົນໃຫ້ມີສະຕິກຽມຮັບມືກັບສະພາບນໍ້າຖ້ວມຄັ້ງນີ້ ແລະໃຫ້ຕິດການແຈ້ງການຈາກກົມອຸຕຸນິຍົມເປັນປະຈໍາ.

(ແຫຼ່ງ​ຂໍ້​ມູນ​: ຂ​ປ​ລ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll