ທ່ານ ປອ ໂພໄຊ ໄຊຍະສອນ ລົງເຄື່ອນໄຫວ ເກັບກຳສະພາບການນ້ຳຖ້ວມຢູ່ 3 ເມືອງ

13:52 2019/09/11

ວັນທີ 4 ກັນຍານີ້, ທ່ານ ປອ ໂພໄຊ ໄຊຍະສອນ ຮອງເຈົ້າແຂວງສະຫວັນນະເຂດ ພ້ອມຄະນະ ໄດ້ລົງຕິດຕາມເບິ່ງສະພາບການນ້ຳຖ້ວມ ພ້ອມທັງວາງແຜນການຮັບມື ຮັບມືນ້ຳຖ້ວມ ແລະ ຕິດຕາມສະພາບການນ້ຳຖ້ວມພ້ອມທັງມອບນ້ຳດື່ມ ໃຫ້ເມືອງໄຊບູລີ ໂດຍການຕ້ອນຮັບຂອງທ່ານ ອ່ອນລຳພັນ ບົວສີແກ້ວ ເຈົ້່າເມືອງໄຊບູລີ ພ້ອມດ້ວຍໍຄະນະ.

ທ່ານ ປອ ໂພໄຊ ໄຊຍະສອນ ລົງເຄື່ອນໄຫວ ເກັບກຳສະພາບການນ້ຳຖ້ວມຢູ່ 3 ເມືອງ
ທ່ານ ປອ ໂພໄຊ ໄຊຍະສອນ ຮອງເຈົ້າແຂວງສະຫວັນນະເຂດ ພ້ອມຄະນະ ໄດ້ລົງຕິດຕາມເບິ່ງສະພາບການນ້ຳຖ້ວມ.(ພາບ:ສະຫວັນພັດທະນາຂ່າວ)

ທ່ານເຈົ້າເມືອງໄຊບູລີ ໄດ້ ລາຍງານໃຫ້ຮູ້ວ່າ: ມີເນື້ອທີ່ນາ ຂອງປະຊາຊົນຖືກນ້ຳຖ້ວມ ແລ້ວຈຳນວນ 3.285 ເຮັກຕາ ໃນ26 ບ້ານ, ມີ 2.285 ຄອບ ຄົວ, ມີບ້ານເຮືອນຖືກນ້ຳຖ້ວມ 4 ບ້ານ, ມີ 104 ຫຼັງຄາ, 103 ຄົວເຮືອນ, ປະຈຸບັນໄດ້ຍົກຍ້າຍ ປະຊາຊົນເຂົ້າສູນ ແລະເຮືອນ ພີ່ນ້ອງແລ້ວ 35 ຄົວ ເຮືອນ, ມີບ້ານທີ່ຖືກຕັດຂາດລົດບໍ່ສາ ມາດທຽວໄດ້ມີ 8 ບ້ານ, ໂຮງ ຮຽນ 35 ແຫ່ງຖືກຖ້ວມ, ຍັງ ບໍ່ສາມາດດຳເນີນການຮຽນ - ການສອນໄດ້, ຂົວເບເລ (ຫ້ວຍປາທູນ) ທາງແກ້ງກະ ເບົາ-ປາກເຊບັ້ງໄຟຖືກນ້ຳ ເຊາະເຈື່ອນເສຍຫາຍເຊິ່ງກຳລັງເລັ່ງສ້ອມແປງໃຫ້ສຳເລັດ ໃນວັນທີ 4/9/19 ນີ້ ຈາກນີ້ກໍ່ຍັງມີຂົວແຫ່ງອື່ນໆທີ່ຖືກເສຍ ຫາຍ, ເມືອງມີສູນຫຼົບໄພ 5ສູນ ເພື່ອຮອງຮັບຊ່ວຍຜູ້ຖືກຜົນ ກະທົບຈາກໄພນ້ຳຖ້ວມພ້ອມ ນີ້ ທ່ານເຈົ້າເມືອງຍັງໄດ້ສະເໜີ ໃຫ້ທາງການນຳຂອງແຂວງ ຊ່ວຍໃນເລື່ອງງົບປະມານ, ເຄື່ອງອຸປະໂພກ-ບໍລິໂພກເປັນ ຕົ້ນນ້ຳດື່ມ, ອາຫານແຫ້ງ, ກະ ສອບ ແລະຢາປິ່ນປົວພະຍາດ ທີ່ມີຄວາມຈຳເປັນໃນການແກ້ ໄຂສຸກເສີນຕໍ່ກັບສະພາບການ ນ້ຳຖ້ວມຂອງເມືອງໃນຄັ້ງນີ້.


ທ່ານ ປອ ໂພໄຊ ໄຊຍະສອນ ຮອງເຈົ້າແຂວງສະຫວັນນະເຂດ ພ້ອມຄະນະ ໄດ້ລົງຕິດຕາມເບິ່ງສະພາບການນ້ຳຖ້ວມ.(ພາບ:ສະຫວັນພັດທະນາຂ່າວ)

ໂອກາດນີ້, ທ່ານຮອງເຈົ້າ ແຂວງ ຍັງໄດ້ມອບນ້ຳດື່ມໃຫ້ ເມືອງ ເພື່ອນຳໄປແຈກຢາຍ ຊ່ວຍເຫຼືອພໍ່່ແມ່ະຊາຊົນທີ່ປະ ໄພນ້ຳຖ້ວມ ຈາກນັ້ນ, ທາງ ຄະນະກໍ່ໄດ້ລົງເບິ່ງສະພາບນ້ຳ ຖ້ວມໃນບັນດາບ້ານທີ່ຕັ້ງຢູ່ ລຽບແຄມເຊບັ້ງໄຟ ເຊິ່ງເຫັນ ວ່ານ້ຳໄດ້ຍື່ງຂຶ້ນ ແລະໄຫຼເຂົ້າ ຖ້ວມບ້ານເຮືອນຂອງປະຊາ ຊົນເປັນສ່ວນໃຫຍ່ແລ້ວ ຊຶ່ງປະ ຊາຊົນກໍ່ໄດ້ມີການອົບພະຍົບ ສິ່ງຂອງຈຳເປັນພ້ອມທັງສັດ ລ້ຽງອອກຈາກບ້ານເຮືອນ ແລະບາງຄອບຄົວ ກໍ່ໄດ້ມີການກະກຽມຍົກຍ້າຍໄປຢູ່ບ່ອນປອດໄພທີ່ທາງເມືອງກະກຽມໃຫ້.

ໃນວັນຕໍ່ມາ, ທ່ານ ປອ ໂພໄຊ ໄຊຍະສອນ ຮອງເຈົ້າ ແຂວງ ສະຫວັນນະເຂດ ພ້ອມ ດ້ວຍພະແນກການອ້ອມຂ້າງ ແຂວງທີ່ກ່ຽວຂ້ອງ ກໍ່ໄດ້ສືບ ຕໍ່ລົງຕິດຕາມສະພາບການນໍ້າ ຖ້ວມໃນເຂດເມືອງພີນ ໂອກາດ ນີ້, ທ່ານ ສະແຫວງ ນັນທະວົງ ຮອງເຈົ້າເມືອງພີນ ກໍ່ໄດ້ລາຍ ງານສະພາບນໍ້າຖ້ວມເບື້ອງ ຕົ້ນພາຍໃນເມືອງໃຫ້ຮູ້ໂດຍ ສັງເຂບວ່າ: ປະຈຸບັນນີ້ມີ 5 ເຂດທີ່ໄດ້ຮັບຜົນກະທົບໜັກຄື: ເຂດຈຸດສຸມຕັງອາໄລ, ບ້ານ ຍາງ, ທູນຂາມ, ຫ້ວຍຫອຍ ແລະຕາດໄຮ, ກວມທັງໝົດ 20 ກວ່າບ້ານ, 12 ພັນກວ່າຄອບ ຄົວ, ສັດລ້ຽງງົວ, ຄວາຍ, ແບ້ ແລະອື່ນໆ ຍັງບໍ່ສາມາດເກັບ ກໍາລາຍລະອຽດໄດ້ແນ່ນອນ, ເນື່ອງຈາກເກີດນໍ້າຖ້ວມກະທັນ ຫັນໃນລະຫວ່າງວັນທີ 3-4 ເດືອນກັນຍານີ້ ປະຊາຊົນປົບ ໜີອອກຈາກເຂດນໍ້າຖ້ວມບໍ່ ສາມາດນໍາສັດລ້ຽງອອກມາ ນໍາໄດ້ ແລະປະຊາຊົນກໍ່ຢູ່ກະ ແຈກກະຈາຍຍາກຕໍ່ການເຂົ້າ ໄປຊ່ວຍເຫຼືອ ແລະນີ້ແມ່ນເຫດ ການນໍ້າຖ້ວມຄັ້ງໃຫຍ່ທີ່ສຸດ ໃນຮອບ 40 ປີ ທີ່ປະຊາຊົນ ເມືອງພີນ ໄດ້ຮັບຜົນກະທົບ ຢ່າງໜັກ. ດັ່ງນັ້ນ, ເພື່ອເປັນ ການບັນເທົາທຸກໃຫ້ແກ່ປະຊາ ຊົນໃນເຂດທີ່ຖືກຜົນກະທົບ ການນໍາຂອງເມືອງແມ່ນຈະ ໄດ້ຈັດຕັ້ງສູນອົບພະຍົບຂຶ້ນ 4 ຈຸດເພື່ອອຳນາຍຄວາມສະ ດວກໃນການໃຫ້ຄວາມຊ່ວຍ ເຫຼືອຄື: ໂຮງຮຽນແກ້ງໄຊ, ອາ ຄານເກົ່າໂຮງງານເລື່ອຍຫຼັກ 13 ບ້ານຕາດໄຮ, ບ້ານທູນ ຂາມ ແລະບ້ານຫ້ວຫອຍ.

ຈາກນັ້ນ, ໃນຕອນບ່າຍ ຂອງວັນດຽວກັນນີ້, ທ່ານ ປອ ໂພໄຊ ໄຊຍະສອນ ກໍ່ໄດ້ເດີນ ທາງໄປຕິດຕາມເບິ່ງສະພາບ ການນໍ້າຢູ່ເມືອງເຊໂປນ ເຊິ່ງ ທ່ານ ບຸນມາ ໄຊຍະກູລາງ ປະ ທານແນວລາວ ສ້າງຊາດເມືອງ ໄດ້ລາຍງານໃຫ້ຮູ້ວ່າ: ບ້ານ ທີ່ໄດ້ຮັບຜົນກະທົບຈາກນ້ຳ ຖ້ວມມີ 42 ບ້ານ, 3.582 ຫຼັງ ຄາເຮືອນ, ນາປີຖືກຖ້ວມ 526 ເຮັກຕາ, ໜອງປາ 18 ໜອງ ແລະອື່ນໆ. ສໍາລັບການຊ່ວຍ ເຫຼືອເບື້້ອງຕົ້ນແມ່ນທາງເມືອງ ໄດ້ນຳເອົານໍ້າດື່ມ, ປາກະປ໋ອງ, ຜ້າຫົ່ມ ແລະອື່ນໆ ຈັດສົ່ງໃຫ້ປະ ຊາຊົນໄດ້ສ່ວນໃດໜຶ່ງແລ້ວ.

(ແຫຼ່ງ​ຂໍ້​ມູນ​: ສະຫວັນພັດທະນາ ຂ່າວ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll