ຄະນະກວດກາສູນກາງພັກ ເຜີຍແຜ່ເຊື່ອມຊຶມເອກະສານ ສຳຄັນຂອງພັກ

06:30 2019/09/12

ຕອນເຊົ້າຂອງວັນທີ 9 ກັນຍານີ້ ທີ່ຫ້ອງປະຊຸມຄະນະກວດກາສູນກາງພັກໄດ້ມີກອງປະຊຸມເຜີຍແຜ່ເຊື່ອມຊຶມເອກະສານມະຕິກອງປະຊຸມຄົບຄະນະ ຄັ້ງທີ 8 ຂອງຄະນະບໍລິຫານງານສູນກາງພັກສະໄໝທີ X ໂດຍການເປັນກຽດເຜີຍແຜ່ຂອງສະຫາຍ ບຸນທອງ ຈິດມະນີ ກໍາມະການກົມການເມືອງສູນກາງພັກ ຄະນະເລຂາທິການສູນກາງພັກຮອງນາຍົກລັດຖະມົນຕີ ປະທານຄະນະກວດກາສູນກາງພັກ ປະທານອົງການກວດກາລັດຖະບານ ແລະ ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງເຂົ້າຮ່ວມຮັບຟັງມີຄະນະປະຈໍາພັກ, ຄະນະພັກຮອງປະທານ, ພະນັກງານຫຼັກແຫຼ່ງ ແລະ ພະນັກງານວິຊາການພາຍໃນຄະນະກວດກາສູນກາງພັກ ແລະ ອົງການກວດກາລັດຖະບານເຂົ້າຮ່ວມຮັບຟັງ.

ຄະນະກວດກາສູນກາງພັກ ເຜີຍແຜ່ເຊື່ອມຊຶມເອກະສານ ສຳຄັນຂອງພັກ
ສະຫາຍ ບຸນທອງ ຈິດມະນີ

ສະຫາຍ ບຸນທອງ ຈິດມະນີ ໄດ້ຍົກໃຫ້ເຫັນເຖິງຄວາມໝາຍຄວາມສໍາຄັນຂອງເນື້ອໃນເອ ກະສານດັ່ງກ່າວ ທ່ານກ່າວວ່າ:  ກອງປະຊຸມຄົບຄະນະ ຄັ້ງທີ 8 ຂອງຄະນະບໍລິຫານງານສູນກາງພັກສະໄໝທີ X ໄດ້ດໍາເນີນ ຢ່າງເປັນທາງການ ໃນລະຫວ່າງວັນທີ 6 ຫາ 14 ພຶດສະພາ 2019 ຊຶ່ງກອງປະຊຸມໄດ້ຄົ້ນຄວ້າ, ປຶກ ສາຫາລື ແລະ ເປັນເອກະພາບ ກັນຫຼາຍບັນຫາຄື: ການແກ້ໄຂຄວາມຫຍຸ້ງຍາກທາງດ້ານເສດຖະກິດມະຫາພາກ ຕິດພັນ ກັບການຜັນຂະຫຍາຍມະຕິກອງປະຊຸມຄົບຄະນະ ຄັ້ງທີ 7 ຂອງຄະນະບໍລິຫານງານສູນກາງພັກສະໄໝທີ X ເປັນຕົ້ນ ສືບຕໍ່ສະກັດກັ້ນການຮົ່ວໄຫຼຂອງແຫຼ່ງລາຍຮັບ ດ້ວຍການແກ້ໄຂຊ່ອງຫວ່າງ, ເພີ່ມມາດຕະການດ້ານວິໄນຕໍ່ເຈົ້າໜ້າທີ່, ເລັ່ງຫັນໄປສູ່ທັນສະໄໝ ໃນການຄຸ້ມຄອງລາຍຮັບ-ລາຍຈ່າຍ; ຂຸດຄົ້ນທ່າແຮງລາຍຮັບຈາກທີ່ດິນ, ຈາກບໍ່ແຮ່, ຈາກການບໍລິການຜ່ານ; ການແກ້ໄຂໜີ້ສິນຕ່າງໆ; ການເພີ່ມຄັງສໍາຮອງເງິນຕາຕ່າງປະເທດ; ປະຕິຮູບບັນດາລັດວິສາຫະກິດຢ່າງຈິງຈັງ; ຍົກລະດັບຄວາມສາມາດໃນການຄຸ້ມຄອງ, ພັດທະນາບັນດາຄວາມອາດສາມາດອັນບົ່ມຊ້ອນຂອງຊາດ, ສ້າງຄວາມເຂັ້ມແຂງດ້ານໂຄງສ້າງຂອງພື້ນຖານເສດຖະກິດ ແລະ ລາຍຮັບ ແລະ ຄົ້ນຄວ້າ, ປຶກສາຫາລື ແລະ ເປັນເອກະພາບກັນກ່ຽວກັບການພັດທະນາຊົນນະບົດ ແລະ ແກ້ໄຂຄວາມທຸກຍາກຂອງປະຊາຊົນ; ການແບ່ງຂັ້ນຄຸ້ມຄອງໃນລະບົບອົງການບໍ ລິຫານລັດ ແລະ ການດໍາເນີນ ຄະດີຕາມຂະບວນການຍຸຕິທໍາ; ກ່ຽວກັບໂຄງຮ່າງລາຍງານການເມືອງຕໍ່ກອງປະຊຸມໃຫຍ່ ຄັ້ງທີ XI ຂອງພັກ ທີ່ຈະເປີດຂຶ້ນໃນອະນາຄົດອັນໃກ້ໆນີ້ ແລະ ບັນຫາທີ່ສໍາຄັນອື່ນໆຂອງຊາດ.

(ແຫຼ່ງ​ຂໍ້​ມູນ​: www.pasaxon.org.la)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll