ຂົວມິດຕະພາບ ລາວ-ໄທ ແຫ່ງທີ 6 ຈະສ້າງ ຢູ່ແຂວງສາລະວັນ

09:26 2018/07/20

ຍ​ສ​ໝ - ປະ​ຈຸ​ບັນ ລາວ ແລະ ລາ​ຊະ​ອາ​ນາຈັກ ໄທ ໄດ້​ມີ​ຂົວ​ມິດ​ຕະ​ພາບ ຂ້າມ​ແມ່​ນ້ຳ ຂອງ​ທັງ​ໝົດ 5 ແຫ່ງ​ແລ້ວ. ປະ​ຈຸ​ບັນ​ແມ່ນ​ກຳ​ລັງ​ກະ​ກຽມ​ໃຫ້​ແກ່​ການ​ສ້າງ​ຂົວ​ແຫ່ງ​ທີ 6 ຄາດ​ວ່າ​ຈະ​ສ້າງ​ຢູ່​ທີ່ ແຂວງ ສະ​ລະ​ວັນ​.

ຂົວມິດຕະພາບ ລາວ-ໄທ ແຫ່ງທີ 6 ຈະສ້າງ ຢູ່ແຂວງສາລະວັນ
ຂົວຂ້າມນໍ້າຂອງມິດຕະພາບລາວ-ໄທ.

ຂົວຂ້າມນໍ້າຂອງມິດຕະພາບລາວ-ໄທ ແຫ່ງທີ 6 (ສາລະວັນ-ອຸບົນຣາຊະທານີ), ຈະເປັນອີກຂົວຕໍ່ເສີມຂະຫຍາຍສາຍພົບພັນລະຫວ່າງປະຊາຊົນສອງປະເທດ, ພ້ອມກັນນັ້ນຍັງຈະເປັນການ ເພີ່ມທະວີວຽກງານການຄ້າ, ການລົງທຶນ ແລະການໄປ-ມາຫາສູ່ໄດ້ສະດວກຍິ່ງຂຶ້ນ, ຊຶ່ງປະຈຸບັນ ຂົວດັ່ງກ່າວແມ່ນໄດ້ ສຳເລັດການອອກແບບເບື້ອງຕົ້ນ ລວມ ໄປເຖິງຈຸດທີ່ຕັ້ງທີ່ໄດ້ຕົກລົງເປັນເອກະພາບກັນແລ້ວ.

ຕາມຂໍ້ມູນຂອງຄະນະປະສານງານໂຄງການຈາກກະຊວງໂຍທາທິການ ແລະຂົນສົ່ງເຜີຍໃຫ້ຮູ້ວ່າ: ກ່ຽວກັບການສ້າງຂົວຂ້າມນ້ຳຂອງມິດຕະພາບລາວ-ໄທ ແຫ່ງທີ 6 ໃນເບື້ອງຕົ້ນນີ້ ແມ່ນສາມາດສະຫຼຸບໄດ້ເຖິງຈຸດທີ່ຕັ້ງຂອງຂົວ, ຊຶ່ງຈະຕັ້ງຢູ່ເຂດບ້ານປາກຕະພານ, ເມືອງລະຄອນເພັງ, ແຂວງສາລະວັນ ຢູ່ທາງທິດຕາເວັນຕົກຂອງເທສະບານແຂວງ, ມີໄລຍະຫ່າງຈາກເທສະບານແຂວງປະມານ 145 ກິໂລແມັດ ແລະຫ່າງຈາກ ທາງເລກ 13 ໃຕ້ (ບ້ານພວງສະຫວັນ) ປະມານ 13 ກິໂລແມັດ, ສ່ວນລັກສະນະຂອງຂົວເປັນຂົວກົ່ງ 3 ຊ່ວງກາງນ້ຳ 80+150+ 80 ແລະສອງສົ້ນແມ່ນອອກແບບເປັນປະເພດຂົວຍື່ນສົ້ນສົມດູນ (Balance Cantilever), ລວງຍາວທັງໝົດຂອງຂົວແມ່ນ 1,641 ແມັດ.

ສຳລັບຮູບແບບສັນຍາລັກໜ້າອາຄານດ່ານຈາກການຄົ້ນຄວ້າໂດຍການປະສານສົມທົບກັບອຳນາດການປົກຄອງແຂວງສາລະວັນ ແມ່ນໄດ້ຕົກລົງເປັນເອກະພາບກັນເຮັດອ່າງນ້ຳພຸແລ້ວເລືອກເອົາສັນຍາລັກເປັນໂຕຊ້າງ 3 ໂຕນັ່ງຄູ້ເຂົ່າປິ່ນໜ້າໃສ່ກັນເປັນວົງມົນແລ້ວພົ່ນນ້ຳໃສ່ຂັນຕັ້ງຢູ່ທາງກາງອ່າງ, ປະຕູເມືອງເປັນຮູບແຄນຄູ່, ສ່ວນມູນຄ່າຂອງການກໍ່ສ້າງບໍ່ທັນສາມາດກຳນົດໄດ້, ເນື່ອງຈາກ ຍັງຢູ່ໃນຂັ້ນຕອນການອອກແບບ ແລະການເລືອກຮູບແບບຄາດວ່າ ຈະໄດ້ມູນຄ່າເບື້ອງຕົ້ນຫຼັງຈາກຜ່ານຮ່າງບົດລາຍງານຕົກລົງເປັນເອກະພາບກັນ ທາງດ້ານຮູບແບບທັງໝົດ.

(​ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll