ກຽມພົບງານວາງສະແດງລົດ ນານາຊາດວຽງຈັນ ມໍເຕີເອັກໂປຣ 2019 ໃນທ້າຍເດືອນນີ້

10:47 2019/09/11

​ໃນ​ວັນ​ທີ 9 ກັນຍາ 2019 ທີ່​ນະຄອນຫລວງ​ວຽງ​ຈັນ ​ໄດ້​ມີ​ພິທີ​ຖະ​ແຫລ​ງຂ່າວ​ ເປີດ​ງານ​ວາງສະ​ແດງ​ລົດ ນານາ​ຊາດ​ວຽງ​ຈັນ ມໍເຕີ​ເອັກ​ໂປຣ 2019 ຄັ້ງ​ທີ 4 (Vientiane International Motor Expo 2019) ​ໃນ​ລະຫວ່າງ​ວັນ​ທີ 28 ກັນຍາ ຫາ 6 ຕຸລາ 2019 ທີ່​ສູນ​ການ​ຄ້າ​ລາວ-​ໄອ​ເຕັກ(ຕຶກ​ເກົ່າ​); ງານ​ດັ່ງກ່າວ ພາຍ​ໃຕ້​ຫົວ​ຂໍ້ “ຖືກ, ປະຢັດ ແລະ ທັນສະໄໝ” ​ໂດຍ​ການ​ຮ່ວມ​ຖະ​ແຫລ​ງຂອງ​ທ່ານ ​ໄຊ​ສົມ​ເພັດ ນໍລະ​ສິງ ຕາງໜ້າ​ກົມ​ສົ່ງ​ເສີມ​ການ​ຄ້າ ກະຊວງ​ອຸດສາຫະກຳ ​ແລະ ການ​ຄ້າ, ທ່ານ ພອນ​ຈັນ ​ເພັງ​ສຸວັນ ຜູ້ອຳ​ນວຍ​ການ ບໍລິສັດ ພີ​ໄຊ​ໂຍ ​ເອັນ​ເຕີ​ເທັນ​ເມັນ ​ແອນ​ອໍ​ກາຍ​ເຊີ ຈຳ​ກັດ ​ຜູ້​ດຽວ, ມີ​ຜູ້​ຕາງໜ້າ​ຈາກ​ທະນາຄານ​ ມາຣູຮານ​ເຈ​ແປນ​ລາວ, ບໍລິສັດ​ລາວ​ເວີນ​ມະຫານ​ຊົນ ​ແລະ ບໍລິສັດ​ທິບ​ພະຍະ​ປະກັນ​ໄພ​ຈຳກັດ ພ້ອມ​ດ້ວຍ​ບັນດາ​ສື່​ມວນ​ຊົນ​ເຂົ້າ​ຮ່ວມ.

ກຽມພົບງານວາງສະແດງລົດ ນານາຊາດວຽງຈັນ ມໍເຕີເອັກໂປຣ 2019 ໃນທ້າຍເດືອນນີ້
​ພິທີ​ຖະ​ແຫລ​ງຂ່າວ​ ເປີດ​ງານ​ວາງສະ​ແດງ​ລົດ ນານາ​ຊາດ​ວຽງ​ຈັນ ມໍເຕີ​ເອັກ​ໂປຣ 2019 ຄັ້ງ​ທີ 4 (Vientiane International Motor Expo 2019).(ພາບ:ຂປລ)

​ໃນ​ໂອກາດ​ດັ່ງກ່າວ, ທ່ານ ພອນ​ຈັນ ​ເພັງ​ສຸວັນ ​ໃຫ້​ຮູ້​ວ່າ: ການຈັດ​ງານ​ວາງສະ​ແດງ​ລົດ ນານາ​ຊາດ​ວຽງ​ຈັນ ໃນ​ຄັ້ງ​ນີ້ ​ເພື່ອ​ເປັນ​ການ​ຕອບ​ໂຈດ ​ໃຫ້​ກັບ​ບັນດາ​ບໍລິສັດ​ຫ້າງ​ຮ້ານ ທີ່​ຈຳໜ່າຍ​ລົດ ​ແລະ ຜະລິດ​ຕະພັນ​ຕົບ​ແຕ່ງ​ລົດ ລວມ​ໄປ​ເຖິງ​ຄວາມ​ຮຽກຮ້ອງ​ຕ້ອງການ ຂອງ​ບັນດາ​ລູກ​ຄ້າ​ຜູ້​ຊົ​ມ​ໃຊ້ ​ແລະ ຍັງ​ເປັນ​ການ​ຕໍ່​ຍອດ​ໃຫ້​ກັບ​ວົງ​ການ​ລົດ​ໃນ​ປະ​ເທດ​ລາວ​ຕື່ມ​ອີກ. ​ງານ​ໃນ​ຄັ້ງ​ນີ້ ຄາດ​ວ່າ​ຈະ​ມີ​ຜູ້​ເຂົ້າ​ຮ່ວມ​ຊົມ​ງານ​ຫລາຍ​ກວ່າ 4 ​ແສນ​ຄົນ ​ແລະ ມີ​ການ​ນຳ​ເອົາ​ລົດຈາກ 13 ຄ້າຍ, 20 ຍີ່​ຫໍ້​ມາ​ຮ່ວມ​ວາງສະ​ແດງ; ພາຍ​ໃນ​ງານ ຍັງ​ມີ​ກິດຈະ​ກຳ​ຢ່າງ​ຫລາກ​ຫລາຍ ເປັນຕົ້ນແມ່ນການສະແດງສິລະປະດົນດີ ຈາກສິລະປິນທັງພາຍໃນ ແລະ ຕ່າງປະເທດ ​ພ້ອມທັງມີ​ການ​ລຸ້ນຮັບ​ ເອົາ​ຂອງ​ລາງວັນ​ຕ່າງໆ.

ພິ​ເສດ​ໃນ​ງານ​ຄັ້ງນີ້, ຜູ້​ເຂົ້າຮ່ວມ​ຍັງ​ຈະ​ໄດ້​ພົບ​ກັບ​ນະ​ວັດຕະ​ກຳ​ໃໝ່ ຄືລົດ​ຕົ້ນ​ແບ​ບເປັນລົດໄຟຟ້າ ໃນການປະຢັດພະລັງງານ ເປັນມິດກັບສິ່ງແວດລ້ອມ ມາວາງສະແດງ ແລະ ວາງຈຳໜ່າຍ, ສາ ມາດນຳໃຊ້ໄດ້ໂຕຈິງ ພ້ອມໃຫ້ທົດລອງຂັບຟຣີ.

(ແຫຼ່ງ​ຂໍ້​ມູນ​: ສົມຫວັງ ລະຫັດພາບ/ຂ​ປ​ລ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll