ການສ້າງຕັ້ງສາຍພົວພັນການທູດ ລະຫວ່າງ ສປປ ລາວ ແລະ ຊັງມາຣີໂນ

00:54 2019/05/13

ສາທາລະນະລັດ ຊັງມາຣີໂນ ເປັນປະເທດທີ 141 ທີ່ ສປປ ລາວ ມີສາຍພົວພັນການທູດ ຈາກຈຳນວນປະເທດສະມາຊິກ ອົງການສະຫະປະຊາຊາດທັງໝົດ 193 ປະເທດ ໃນທົ່ວໂລກ.

ການສ້າງຕັ້ງສາຍພົວພັນການທູດ ລະຫວ່າງ ສປປ ລາວ ແລະ ຊັງມາຣີໂນ
ທ່ານ ສະເຫລີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ແລະ  ທ່ານ ນິໂກລາ ເຣັນຊີ ລັດຖະມົນຕີ ກະຊວງການຕ່າງປະເທດ ແລະ ການເມືອງ ແຫ່ງ ສາທາລະນະລັດ ຊັງມາຣີໂນ.

ລາວ-ສາທາລະນະລັດ ຊັງມາຣີໂນ ໄດ້ລົງນາມຖະແຫລງການຮ່ວມ ວ່າດ້ວຍ ການສ້າງຕັ້ງສາຍພົວພັນການທູດ ລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ສາທະລະນະລັດ ຊັງມາຣີໂນ ໃນວັນທີ 28 ກັນຍາ 2018 ທີ່ ສໍານັກງານໃຫຍ່ ອົງການສະຫະປະຊາຊາດ ນິວຢອກ, ສະ ຫະລັດອາເມລິກາ. ການລົງນາມຖະແຫລງການຮ່ວມຄັ້ງນີ້, ຕາງໜ້າໃຫ້ລັດຖະບານແຫ່ງ ສປປ ລາວ ໂດຍ ທ່ານ ສະເຫລີມໄຊ ກົມມະສິດ ລັດຖະມົນຕີ ກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ຕາງໜ້າໃຫ້ລັດຖະບານ ສາທາລະນະລັດ ຊັງມາຣີໂນ ແມ່ນ ທ່ານ ນິໂກລາ ເຣັນຊີ ລັດຖະມົນຕີ ກະຊວງການຕ່າງປະເທດ ແລະ ການເມືອງ ແຫ່ງ ສາທາລະນະລັດ ຊັງມາຣີໂນ. ການລົງນາມສ້າງຕັ້ງ ສາຍພົວພັນການທູດໃນຄັ້ງນີ້, ເປັນບາດລ້ຽວສໍາຄັນ ທັງເປັນການປະກອບ ສ່ວນເຂົ້າໃນການເສີມຂະຫຍາຍ ສາຍພົວພັນມິດຕະພາບ ແລະ ການພົວພັນຮ່ວມມື ລະຫວ່າງ ສປປ ລາວ ແລະ ສາທາລະນະລັດ ຊັງມາຣີໂນ ໃນອະນາຄົດ.

ພາຍຫລັງສຳເລັດ ຂັ້ນຕອນພາຍໃນທາງດ້ານກົດໝາຍ ຂອງທັງສອງປະເທດແລ້ວ ຈຶ່ງໄດ້ຕົກລົງເຫັນດີຖືເອົາວັນທີ 17 ທັນວາ 2018 ເປັນວັນສ້າງຕັ້ງສາຍພົວພັນການທູດ ລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ສາທາລະນະລັດ ຊັງມາຣີໂນ. ສາທາລະນະລັດ ຊັງມາຣີໂນ ເປັນປະເທດທີ 141 ທີ່ ສປປ ລາວ ມີສາຍພົວພັນການທູດ ຈາກຈຳນວນປະເທດສະມາຊິກ ອົງການສະຫະປະຊາຊາດທັງໝົດ 193 ປະເທດ ໃນທົ່ວໂລກ.

ປະເທດຊັງມາຣີໂນ ເຂົ້າເປັນສະມາຊິກຂອງອົງການ ສປຊ ໃນວັນທີ 02 ມີນາ 1992 ແລະ ເປັນປະເທດນ້ອຍອັນດັບທີສາມ ໃນທະວີບເອີຣົບ, ບໍ່ມີຊາຍແດນຕິດກັບທະເລ, ໂດຍອ້ອມຮອບດ້ວຍປະ ເທດອີຕາລີ, ມີເນື້ອທີ່ທັງໝົດ 61,2 ກິໂລຕາແມັດ ມີປະຊາກອນ 33,779 ຄົນ, ໃນນັ້ນ 97% ນັບຖືສາສະໜາກາໂຕລິກ, ພາສາທາງການ ພາສາອີຕາລີ, ນະຄອນຫລວງ ຊັງມາຣີໂນ, ໄດ້ຮັບເອກະລາດ ຈາກຈັກກະພັດໂຣມັນ ໃນວັນທີ 03 ກັນຍາ ຄສ 301, ບໍ່ໄດ້ເປັນສະມາຊິກສະຫະພາບເອີຣົບ ແຕ່ນຳໃຊ້ສະກຸນເງິນເອີໂຣ. ອົງການຫລັກຂອງປະເທດ ປະກອບດ້ວຍ ອົງການນິຕິບັນຍັດ, ອົງການບໍລິຫານ ແລະ ອົງການຕຸລາການ. ລະບອບການເມືອງປະກອບດ້ວຍ 02 ພັກໃຫຍ່ ຄື: ພັກຊາມມາຣີນີສ ຄຣິດສຕຽນ ປະຊາທິປະໄຕ (Sammarinese Christian Democratic Party) ແລະ ພັກ ປະຊາທິປະໄຕ ສັງຄົມນິຍົມ (Party of Socialists and Democrats). ປະເທດຊັງມາຣີໂນ ເປັນປະເທດທີ່ມີເສດຖະກິດ ໃນລະດັບທີ່ໝັ້ນທ່ຽງ, ລາຍໄດ້ສະເລ່ຍ 59.900  ໂດລາສະຫະລັດ ຕໍ່ຄົນ(2017), ມີອັດຕາການ ວ່າງານຕໍ່າທີ່ສຸດໃນເອີຣົບ, ບໍ່ມີໜີ້ສິນ ແລະ ຂະແໜງເສດຖະກິດທີ່ສຳຄັນແມ່ນ ການບໍລິຫານດ້ານການເງິນ ແລະ ທະນາຄານ, ອຸດສະຫະກຳ ແລະ ທ່ອງທ່ຽວ, ມີສາຍພົວພັນການທູດ ກັບ 95 ປະເທດ.

(ແຫຼ່ງ​ຂໍ້​ມູນ​: ຂ​ປ​ລ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll